قلوب متحجره

بعنوان#للنصيب_كلمه_آخيره 2

#للنصيب_كلمه_اخيره
🎀الحلقه التانيه
🎀هُناك يوَم يمَر على الإنسان , كأنهُ سَنة
وأخَر يمَر عَليه كأنهُ سَاعة
كلاهمَا يوم ولكن : بمَشاعَر مُختلفة🎀
..........
الحاج حمد بعلو حسه.....تي شن تقول
منصور وقف بجنب ولده.....اللي سمعته يا خوي
وقف خال ايات الكبير ناصر مستغرب من وقفت جمال وكلمته اللي قالها وصدمة وخوف حمد الواضح منه
ناصر بستغراب يكلم في الحاج حمد ....شن الكلام هذا يا راجل
الحاج حمد تجاهل ناصر
(في خاطره مش وقتك تو)
وتلفت لجمال....جمال انت متزوج وصاحب 3بنات شنو الهبال هذا يا راجل
جمال....والشرع حلل ب4وانا مقتدر
اشرف بستهزاء....انت في عمر بوها
جمال.....راجل ما يعيبه شي وانت تعرفني وشن هما 17ولا18لعام
منصور ... ولدي مقتدر وسيد التريس والعرب الموجوده كلها تشهد
ناصر ولع ... تي شن لينا علاقه بولدك ياحاج تي ياجماعه توا وقت وقفتكم الشيخ مستعجل
منصور يشوفله من راس خاشمه...ولدي حجر علي بنت عمه
( الكل سكت هنا واغلب عرب طرابلس مايعرفوشي سبر التحجير في اللي جديد عليهم )
علي خال ايات الصغير بحسن نيه....كويس وشن المشكله نخلوها الفرحه فرحتين والشيخ بدل فاتحه يقرا فاتحتين
قال اشرف بصوت عالي نصدموله الطرابلسيه لان اهل الشرق فاهمين الوضع
اشرف .....حتكون فاتحة ولدعمنا المصون جمال علي كرمتنا المصون اختنا ايات وفاتحتي علي بنت عمي منصور #جنات لاني حجرت عليها
( يعجبي صراحه هالاشرف )
جمال حاول يدرق صدمته لان شريكه عاطي الكلمه لشريكه في اخته وعرف ان اشرف يتحدى فيه بيها
جمال ...جنات معطيه لمصطفى وانت تعرفه شريكي
اشرف بسخريه واضحه ...وايات بوي عاطي فيها كلمه واللي موجودن يستنوا في فاتحتها( كف مصوقر)
وقفوا الضيوف اللي جاين من طرابلس حسوه لعبه فروخ وتقليل قدر وقيمه في حقهم وهنا وقف الخالها ناصر
ناصر ....شن تقول انت ياولد البنت عطينها للمعتصم وجي من شهر لبوك وبوك عطي كلمه للناس
#للتدكير...
( اللي شجع حمد علي الموافقه علي معتصم رغم ان من طرابلس هو ان عيلته كلها بخواله وعمامه ناس معرفين وليهم وزن في لبلاد)
حمد وصوته يهتز من الموقف اللي نحط فيه .....جمال استهدى بالله والبنات ياما منهم وتلفت لولده وقاله
حمد.... و انت شن تخرف كيف تحجر علي بنت عطين فيها كلمه
جمال يشوف لاشرف...قول لولدك هو مش قدي
اشرف بعند .....كلنا تريس وكلمتنا ما تنزلش
حمد لاآشرف بحده ....اسكت منعاجلوش الغلط بالغلط
منصور والع .... بنتي لا يا اشرف
حمد حس بشويا امل : وبنتي لا يامنصور
جمال بعند .....اقرى ياشيخ فاتحتي علي ايات بنت عمي
اشرف بعناد اكبر ....وفاتحتي علي جنات بنت عمي
عم معتصم شعبان راجل كبير ومحترم وقاضي ليه معروف في طرابلس وشعبان فاهم شن التحجير لكن...
شعبان بصوت.هادي ....ياحمد انت جبتنا من طرابلس باش تهينا في حوشك ولا شني
( الكل تلفت يسمع لانه موقف بايخ نحطو فيه الطرفين وحشمه)
حمد: (لا رد)
شعبان ....يوم جاك جلال وخوي طارق عطيتهم كلمتك وعلي حسب علمنا الخوت كانوا شهود عليها
طارق وكيل نيابه ويعرف يراوغ فتشجع وقال
طارق ...شكله ياحمد معندكش كلمه مع ناسك
حمد يشوف لخوه.....( لا رد)
جلال موجه كلامه لمنصور ....يوم جت نخطب انت بعضمة لسانك قلت علي بركه الله لما حمد عرض بنته ليكم خوته قبل ما يعطيهانا
منصور ببرود ....مخديتش رائي ولدي وقتها
جمال بثقه ....وانا أولى بيها من الغريب فمبالك عرب غير عربنا
(هنا كانت اهانه لعرب طرابلس وجمال زادت وقاحته )
اشرف بصوت عالي ...تو انت راجل عاقل تتكلم وانت تعرف ان التحجير غلط
جمال يستفز فيه ...والله العادات تقول اني اولى بيها من البراني
طارق ...والبراني خطبها قبلكم واعطيتوه
محمد ....استهدو بالله ياجماعة الخير
علي والع ...حد يفهمنا اللي قاعد يصير ياجماعه الخير
عبد الكريم راجل عمتهم مبروكه وقف وحاول يشرح الموقف للموجودين من اهل طرابلس
عبد الكريم وقف ...التحجير هو عاده معروفه عندنا وتقليد مازلنا نتمسكوا بيه وهيا كلمه تنقال لو لد العم يبي بنت عمه وبيتزوجها
طارق بحزم وصوت جهور ... بس الاسلام يقول لاتخطب على خبطبت اخيك.
عمهم محمد ... بس عندنا في العرف الولد أولى بي بنت عمه من الغريب
شعبان وهو يستهزء ....اي به لكن الدين أولى من العرف واقوى ولاشنو
منصور بحده وصوت عالي ...تو انت جاي تعلمنا في دينا ولا شنو
خال الدكتور سالم خال المعتصم ..لا جاين باش تهينوا ونمشوا لانه واضح تعرفوه الدين كويس
محمد وقف ...معاد الله انتم الاصل
طارق بعنجهيا ...بآمارت البنت اللي عطين فيها الكلمه من مده عزمتونا باش تقروا فتحتها علي ولد عمها
ناصر بحده ...وبنت عمه ماتفكرش يخطبها غير ليوم ولا شنو تكلم ياحمد ماتسكتش وتوقف موقف المغلوب علي امره
جمال وعينه علي اشرف ولكلام موجه للموجودين ...لا وانت الصادق ماحلوت في عيني غير توا
حمد ..لكن بوك وامك شايفينها وانت عمرك ماقلت بتتزوج وانا بريت دمتي وقبل مانعطي فيها لكلمه قلت لخوتي من منكم يبيها لولده وتلفت لمنصور وقاله بترجي ...
:وجيت يامنصور وقتلك بننعطي بنتي بعضمة لسانك وربي شاهد بينا قتلي ربي يهنها علاش ياخوي تو بتكسر كلمتي بين ناس
منصور بعجرفه ....ولدي منقدرش انزله كلمه وهو يبيها وتم الموضوع ولا تبي تطلع علي عرفنا ياحمد
ناصر والع وتقدم من منصور يهدد وهو يرفه في صبعه ليه
ناصر ...لا متمش الموضوع ماتنسوش احني خوالها ولينا رائي ويحق لنا فيها بكلمه
محمد تقدم لناصر باش يوقف بينه وبين منصور
محمد: واحني عمامها وكلمتنا الاولى
طارق بثقه ...وبوها حي وكلمته الاخيره
جمال بجبروت ...مع الاعراف مافيش كلام
ويردها عليه ناصر بقوة وصوته هز القعدة كلها
ناصر..... وبعد الاسلام مافيش شريعه وتم الكلام
منصور بصوت عالي... البنت بعد تحجير ولد عمها لو بوها وخوتها عارضوا هما يعرفوا كيف بيكثر لكلام علي اختهم
الشيخ بصوت خايف ...انا نستآدنكم ولما تتفقو علي العريس كلموني وربي يهديكم
( الشيخ عارف عرف التحجير غلط وانه خطبه علي خطبه لايجوز وحاول يدخل لكن مقدرش)
وراي فاتحه تانيه نستآدنكم السلام عليكم ورحمه الله
وقف باقي الجمع وهما يتفرجوا عللي صاير
جمال بصوت عالي وبتهديد واضح وصريح : مافيش مشي قبل ما تقراء فاتحتي علي ايات
اشرف بتحدي واضح : وفاتحتي علي جنات
ناصر بهزوا :لا والله ممتاز ونعم الاصول والضيافه ياحمد وتلفت لا اشرف وقال وانت ياولد كيف تمشي مع الاعراف وتنسى كلا الدين والسنه
خاله علي : لو ولد عمك بيفسد علي اختك بعقليه العرف والعادات اكسب انت دينك وخلي نيتك بيضه زي بوك اللي عرفناه وعشنه معه عمر وماتظلمش بنت عمك
منصور والع :تقصد نيتا سوده تهين فينا في حياشنا
شعبان يتكلم بحكمه: وانتم ماهنتوناش في حياشكم
طبعا المعزومين كلهم مصدومين ومش عاجبهم هالشي واللي يقول كان انا في مكانهم ندير وندير واللي يقول هبال زايد
وهالعدات منسنيه لكن ميحقش لحد يتكلم )
خال معتصم سالم بهزواء :ماشالله اهل جود وكرم والنعم والله
تقدم عبد الكريم وهو يهدد : احترم نفسك و....
مكملش كلامه الا وسمع عيطت اشرف
اشرف :بوووووووي
عبسي اللي كان واقف مصدوم :بوووووووي
حمد من الرعشه معاش قدر يوقف طاح من طوله
وفي هالوقت اللي صاير يسمعوا النسوين صوت الرجاله يعلا ويعلا ...
سالمه :ان شالله خير خيرها اصواتهم
مبروكه : يستر الله صوت التريس عالي وووواه عليا
ايات ايدها علي قلبها ......
هناء :يااارب ان شالله خير
خش ولد كريم وعمره 12لعام يصيح ويقول :جمال حجر ايات جمال حجر ايات
سالمه :ووووووه عليا وووه
خش عبد الكريم يصيح :جيبوا اسبيريتوا بسرعه
سالمه :ووواه خيره حمد
محمدمرتبك :طاح معاش تحمل اللي صار
سليمه :شن اللي صار ياولد تكلم
ميلاد :جمال حجر علي ايات
ايات طاحت علي ركبيها
صلاح خو جمال : واشرف حجر بيحجر علي جنات اختي
جنات بصوت مؤالم....لاااااااااااا
مؤيد....وترجع بعد ماخواله قالوله ان الاسلام قال يخطب احدكم على خطبت اخيه
سالمه بخوف وتبكي.....خوتي وين وحمد
مبروكه.....خيره خوي ياكريم
كريم.....اللي صار مش شويا والله حشمه قدام التريس جاين من طرابلس
حناهم.....تي علاش جمال هكي دار
اشرف يتهزا.....زهت في عينه ليوم
ناصر ينادي.....سالمه ياسالمه
سالمه طلعت لخوها تجري لقاته هو وخوها علي
ناصر....شن هالمهزله فهمني ناس اللي جاين معاي شن بنقوللهم لعب فروخ هو قوللي ان راجلك معنداش كلام عليكم وانا نروح
علي....تي كيف هكي معقوله ناس جاين من طرابلس وتعطو الكلمه قبل جيتهم ولما نوصولولكم وتصغرونا قدامهم
سالمه تبكي....ياوخي والله معارفه حاجه وين حمد يفهمني
اشرف....بوي بخير يام
شافله ناصر....وانت تتحدي في ولدهم وتنصر فيه عل غلط
اشرف مغلول :ماتنهمدمش حياة اختي واخته تفرح بخطيبها
علي....تمشي تقضي علي حياتك تي بوك يشوف ويسمع كان خاطره بينفد بنته بأي طريقه لكن انت مستقبلك قدامك
اشرف بغل : يعني ايات يستنا فيها ماشالله مستقبل
ناصر ضرب ايديه الزوز في بعض وقال
ناصر.....لاحول ولا قوه الا بالله العلي العظيم تي شن العيله هدي
علي خشت جمال سمعه....عيلتنا معروفه وانشد عنها
ناصر يتهزاء....وعلاش ننشد وانا ريت بعيني
سالمه....ليه ياولدي تعفس في بنت عمك وترعش عمك ليه
جمال شاف لحنه ...... لارد وطلع
اشرف......
سالمه بخوف... وين حمد ياحليلي
ناصر.....انا بنروح مع الناس اللي ضربت علي صدري وجيت معاهم وزعميتا انا خال البنت والخال والد لكن نهنت في حوشك ياسالمه...
سالمه تبوس في ايد خوها......تربح ياوخي
ناصر...... ربي يستر عليك انتي وبناتك
اشرف وجعه موقف خاله مع ناس....وين بترفعهم.!!!
خاله علي....تو نآجرو فندق وغضوه مروحين
طلع محمد لما شاف اهل سالمه ومعتصم يستعدوا بيروحوا
محمد بصوت عالي....وين العزم
ناصر....لصين بندهورا تمشي معانا
شعبان بسخريه واضحه....اصبر بالك بيعزمنا علي فتحه ولد خوه علي البنت اللي جاين بنقروا فتحتها
طارق....ياشنك قصه وخلاص تو شن الواحد بيقول
محمد.....قولوا لا اله الا الله
الكل....محمد رسول الله
محمد :علينا حق وكبير وجيتكم علي الراس من فوق واللي تبوه احني فيه
ناصر :مش معقوله كلمه راجل عطاها لينا ولما نجوه يردنا وانتم كلكم عندكم علم لكن من فيكم اللي يتجرئ ويقول احني صح وانتم غلط
خالد بيتقدم شده كريم
حمد....سامحوني ياجماعة الخير لكن....
قاطعه ناصر.....معاش في بينا كلام وقول لسالمه تنسى ان ليها خوت
عبسي يدمع.....خالي
علي.....بوكم لو عنده كلمه ماكنا وصلنا لهكي
ناصر....هيا سلامتكم
تكلم بو معتصم بصوب بارد وعالي: غير اصبرو اقل شي خلي نشهدو علي فاتحة البنت اللي كنا جايين علي خاطرها لولد عمها ( كلهم متحشمين وساكتين وتمت الفاتحه
وروحوا خوت سالمه واهل المعتصم وهما ناقمين علي حمد وناسه و مش طايب علي خاطرهم رغم محاولات صارت هلبا بين الناس اللي حاضرين من اهل الشرق واللي حاولوا بكل الوسائل يكونوا محظر خير ويصلحوا الحال لكن اهل معتصم حسوا انهم آنهانوا ومستغربين كيف في عقليات مازال تؤمن بالتحجير
ورجعوا مكسورين الخاطر وفي طريق مروحتهم
جلال بثقه....متدعوا علي حد الخيره في ما اختارها الله
محدش عبره ولا رد عليه وطلعو
............
هناء خدت ايات من ايدها بسرعه لما لقتها مصدومه وتشوف في الفراغ وترعش خدتها وركبتها لدارها لا تفضحهم بين ناس وخاصه ان عزوزتها الجديده ام جمال كانت من ضمن الموجودين وحمواتها ..
لكن وهيا بتركب بيها سمعوا عبسي يقول
عبسي مهموم......يام ايات تسمت لاجمال وفاتحها تمت وانقرت
بتعيط ايات تحط هناء ايدها في فمها وتحضتها وتركبت بيها فوق بسرعه وايات تمشي شبه ميته
آيات...قتلك ياعمتي قتلك ان قلبي مقبوض قتلك حلمتي ماطيحش الوطاء
هناء بهدوء ....تو اسمعني وركزي معاي بعقلك مش بقلبك عل الكلام اللي بنقوله
آيات تبكي...جمال بيده دمرني وانا اللي بنيت احلامي مع معتصم
هناء بحزم......اسكتي خلاص قدر الله وما شاء فعل تو لما فاتحتك نقرت بديتي في حكم المتزوجه معاش ينفع القيل والقال وخيره وماخيراش..اسمعي تو ماتنسي كل اللي كان بينك وبين معتصم شن بنتي معاه وهيا علاقتكم كلها علي بعضها8شهور
آيات....ياعميمه آ....
قاطعتها هناء.....اسكتي خلاص معاش في معتصم في جمال جمال ولد عمك وزوجك
وهني ضربت ايات خدودها وشدتها هناء وهيا تقوله بحزم
هناء.....معاش ينفع العياط والصيح خلاص انتي متزوجه جمال وهدا واقع لزم ترضي بيه وتتآلقمي معه برضاك او بي دونها اسمعي النصيب مامنا مهرب والمكتوب علي الجبين لزم تشوفه العين وانتي مكتوبلك جمال من اول مانولدتي
آيات بين دموعها ....كيف ياعمتي كيف هدا ظلم والله ظلم وحرام والله
هناء....كلنا نعرفوه ظلم وحرام لكن اعرفنا ياعميمه
ايات بآلم.....ياعميمه انا ،،،انا انا،،، ونزلت تخبط علي وجها وتبكي بصوت عالي سمعوها خوتها لكن.....
عبسي لاشرف من وراء باب اختهم
عبسي..... تي كيف هكي اختنا تنظلم واحني منقدروش نديروا شي
اشرف بحزن وغصه......انت تعرف العادات شن تبي نطمرمطوا عقاب الوقت ولا بوك اللي عمره كله يبني في سمعته في لحظه يضيع
وقفت عليهم امهم......علاش علاش معارضتوش ووقفتوا وراء ظهرها علاش
اشرف سكت وطلع.....
عبسي دمعته في عيونه
....الله غالب يام وبسرعه طلع يجري
وقفت سالمه قدام باب بنتها وسمعتها تقول
....
ايات....ياعميمه متزوج وبنخش علي ضره !!
هناء....مش انتي اول ولا أخر وحده
ايات....اكبر مني ياعميمه !!
هناء....الراجل عمره مايكبر تطيحي انتي الصغيره قبله
ايات بين دموعها....مانعرفاش ولاعمري ريته !!
هناء بثقه....تو تتعرفي عليه وتعرفيه
آيات بين شهقتها....دمروني ياعميمي دمروني
هناء....الله غالب علي خاطر بوك تحملي
آيات ....بوي بسلبيته دمر حياتي
هناء بحزم.....وانتي ترضي لبوك ينهان وسط ناسه ويقولوا عليها خان تقاليد وعادات قبيلته علي خاطر ناس برانيه
آيات....اهو رضي يحطني في النار بيده
هناء.....نار ولد عمك ولاء لعار اللي بيلحق بوك ياعميمه انتي صغيره وتتحملي لكن بوك سمعه بنها عمره كله وسيط وصله بعد جهد ترضي انتي تكوني سبب فيه
نزلت آيات علي ركبين عمته وهما علي سرير وبكت وهناء طبطب عليها لين استسلمت للنوم ولاحلام حلوه بعد زواجها اللي صار امر الواقع
............
سندس زوجت جمال معندهاش علم باللي صار طبعا
سندس حلوه ويتيمة الام عاشت مع مرت بوها وشافت المر لين جت خطبتها صالحه ب معرفه من جارتها تندها من جمال 3بنات اعمارهم عامين ...6سنين..8،سنوات
روحت صالحه وبناتها يرعشوا وفرحانين لان ايات محبوبه في العيله بطيبتها وطبعها وجمالها اللي في بيوضتها وعيونها العسلي الفاتح وشعرها اللي لركبتها يوصل وخايفين من سندس مرت جمال واللي عمرها ماوجعتهم
صلاح....ياودي يستر الله وجعني عمي حمد
منصور فرحان....والله من يومي نبي ايات لجمال لكن هو جابنلنا وسكت.....
سندس مصدومه وتلكلك .....شن من اللي !! جمال شن!!!قصدي انا شني
صالحه ساكته متحشمه.....
جنات وناديه وجعتهم سندس
منصور واطى راسه ومعاش عرف شن يقول لان جمال وصاهم محد يتكلم هو يقوللها
صلاح.... انا ركب تاعب تصبحوا
سندس مستغربه وبتكدب ودانه.....وين جمال
خش جمال وشفلها متع الحقيني
شافتلهم وخايفه من اللي سمعته وبتسمعه ركبت وحاسه بقلبها ناقزها......
سكرت الحوش وخش لقاته في الصاله شاورلها تقعمز
جمال بصوت هادي.....الحرام ولا لحلال افضل؟؟
سندس خايفه وحست....لحلال خير لكن واعر ياجمال
جمال....تبتي نخونك ياسندس
سندس دمعوا عيونها.....في شن قصرت معاك
جمال قرب منها وحضنها.....سامحيني يا آم بناتي
حولت من عليه وشافتله وبين دموعها قتله
سندس بستغراب.....ام بناتي يعني مش حبيتك ولا زوجتك
جمال جبدها ليه ....انت زوجتي وام بناتي
سندس بآلم....ومن حبيبتك !!
جمال.....آيات بنت عمي
نغصت سندس ورزنت .....وبعدين
جمال ....حجرتها وقريت فتحتها ليوم
سندس سيده عاقله وحياتها مع مرت بوها علمتها كيف تتآلقم مع الاسوء وفكرت مع نفسها لو بدير الهبال بتخسر لان لو روحت مرت بوها مش حتقبل بيها وبناتها بالقوه ح ياخدهم جمال ومعندهاش حد تتكى عليه بعد ربها وهيا انسانه مؤمنه بقضاء الله فسلمت احكامها ليه وبكت سندس ماسدها بين آحضان جمال وهو ساكت وجعته لان معترف انها عمرها ما وجعاته وبصدق كانت قايمته لكن
#للقلب_الكلمه_الاخيره
العرف فازل علي كلمة الرجاله في خالد وايات .....!!!
وبناء على حديث* الرسول صلى الله عليه وسلم* انسحب اشرف من تهجير بنت عمه وخاف يظلمها وينظلم ......
شن بيكون مصير آيات ...!!!
اللي تزوجت علي ضر ومن راجل اكبر منها في العمر وعنده 3بنات
وزعما زواج التحجير يكون ناجح؟؟؟
#استنوني واحداث ان شالله تعجبكم
#الكاتبه_ابتسام_علي