قلوب متحجره

بعنوان~ #زواج_تحت_الخطر ! ~4

~زواج تحت الخطر ~

الحلقة الاخيرة
بقلم كاتبة رواية المستشفي
#Aya 🔮
.
.
خشت ايات الدارها ولقت تلفونها يرن ، بحتت فالاسم و انصدمت !

كان اللي يرن جمال !

ايات قعدت حايرة ترد ولا ماتردش ، صكرت باب الدار وردت في اخر لحظة

جمال >> الو

ايات جت تبي ترد

جمال >> مانبيكش تهزبي فكيني من قلة القيمة وطولة اللسان ! جاي نبي نسألك حاجه وحده

ايات>> نعم ؟

جمال >> الفاتحه بعد شويه والعصر قريب يآذن
موافقه تقعدي مراتي وتنسي معتصم من عقلك ومن بالك ؟

ايات>> جمال انت متأكد انك انسان صافي ؟
متأكد انه ما عندكش خلل في عقلك

جمال >> بتحكي كويس ولا وديني نخشلك جوا

ايات>> استغفر الله العلي العظيم
ليش ما سألتنيش السؤال هضا لما جيت و حجرتني وخربت عليا حياتي ودمرتها ؟؟

جمال >> والله عاد هضا وين صحلي ؟

ايات>> ولا كنت تحسابني نحبك ولقيت اني العكس !

جمال >> لا انتي شكلك ناقصة تربايه
انا فاضي لي ران ونسأل فيك
معناها مبروك فاتحتنا من توا

ايات مسكت دموعها >> نبي نقولك حاجه وحده
انا لو راضية عالشي هضا بس عشان هلي وجدي وانت عارف كويس مش هاين عليا نحط راس بابا فالارض قدام الرجاله ! غير هكي ولله ما هامني واحد ولا هامني لا انت ولا هامني بوك!
لكن نعرف معتصم غير انه كان خاطبني انا نحبه ونبيه
لو انت مش مجرب الحب ! ف مش ح تعرف معني الكلام اللي نقولك فيه
واه الله يبارك فيك

صكرت ايات من جمال و انهاااااارت تبكي !

//
علي لسان معتصم

كنت عارف ان اليوم فاتحتها علي ولد عمها !
طبعا مافيش شي يندس ومهما حاول جدي وعمي يدسو عليا بس الشمايتيه واجد وجو قالولي

كان علاء صاحبي عندي يحاول انه ياخذني من الحوش ويطلعني يحسابني مش زارق عليه

خذيت دخاني وصبيت قدام الحوش ، كنت نفكر ونفكر وندعي الربي تصير اي معجزة وتنتهي قصة الفاتحة قبل ما تبدا !
قلبي معش طاوعني فطنت انه كلهم جوا وماحدش لحقني برا ومفتاح سيارتي كان معايا ولعت السيارة ومشيت

كنت نعرف حوش جمال ، درست قدامه وقفلت تلفوني وقعدت نراجي فيه ينزل
شوي ونزل كان لابس وشكله ماشي شور عيت جده عشان الفاتحه حواشينهم قريبات من بعضهم وكان ماشي كعابي! معش حقيت شي قدامي طلعت سلاحي وحطيته لاوره ونزلت

معتصم >> جمال
جمال التفت عليه >> انت ب اي عين جايني في حوشي ؟
معتصم >> اول شي انا قاعد فشارع مش في حوشكم ثاني شي عندي كلام نحكيه معاك !