قلوب متحجره

بعنوان~ #زواج_تحت_الخطر ! ~1

~ #زواج_تحت_الخطر ! ~

~الحلقة الاولى~
بقلم كاتبة رواية المستشفي
#Aya 🔮
.
.
.
عندما نحب ترتبط مشاعرنا بالخوف،
نخاف الفقد، نخاف الفُراق ونخاف
النصِيب أكثر 🖤🖇 ^
.
.
كانت ايات متوترة وخايفة بكل و يحوسو كلهم لوطا في حوش جدها عشان فاتحتها اليوم | كانت تحكي هي وهناء عمتها

سمعت صوت بوها اينادي علي امها
اطلعت تجري تبي اتشوفه

ايات >> شن فيه يا بابا ماما ف المطبخ
باتها >> نبيها تجيبلي الكتيب من فوق بنعدو للجامع توا خلاص اتفقنا وبنقرو الفاتحه
ايات >>اوكي تو ندز ليلى"اختها" تجيبه
باتها >> تمام انا سابقهم دزيه مع واحد من عيال عمك

خشت ايات تجري وقلبها يدق و مش مصدقة خلاص كل شي قعد حقيقي و اليوم فاتحتها

ايات>> ليلى يا ليلي
ليلي >> نعم
ايات>> والنبي تجيبي الكتيب من فوق
ليلى >> وين محطوط باهي
ايات>> اسألي ماما بنركب نلبس بعد العصر بيجن البنات
ليلى>> اوكي

ركبت ليلى وركبت وراها ايات خشت الدارها
كانت دايره حفلة بسيطة للعيله و لصحباتها بس عشان فاتحتها ، لبست وكملت

ونزلت لوطا لقت بنات عمها وصبايا عمامها جايين
وموتين طاولة الفاتحه ، قعمزت حذاهن وبحتت فالساعة كانت ٣ ونص شويه والعصر ياذن و الفاتحه تنقرا
هناء >> فرحانه اليوم عاد
ايات>> اسكتي متوترة توتر انتي عارفة
نادية "بنت عمها ">> كان ما خذاها معتصم را نبتت في رسها نخله
ايات>> نقي عاد انتي الاخرى
نادية>> لا مش ناقين 🙄😂

مع خشت مروة صاحبتها تزغرت

مروة>> نعلييييي واخيرا تم فرح الزلم ووصلنا المرحلة الفاتحه بدون كبسات ولا طرايح

ايات>> لا ماهو لو بتقعدي هكي انتي و نادية اليوم ح يخش اشرف يهبكني وسطكن تحملن هالدقايق تنقرا الفاتحه وفضحن بيا 😭😂

مروة>> لا خلاص سكتنا مش ناقصين 😂

سرحت شويه وقعدت نذكر في علاقتنا وكيف نحن واصلين هنا كان فيا شعور غريب بين الفرح والتوتر
انا ومعتصم علاقتنا كانت علاقة حب كبيرة

مش اي اثنين حبو بعضهم وخلاص اسمه حب !
لاء فيه مواقف فيه ظروف فيه حاجات يثبتن
معتصم كان راجل معايا بكل معنى الكلمة مافيش موقف كنت فيه خايفه ولا محبطة الا وكان هوا معايا وفي ظهري! كان سند ليا قبل ما يكون حبيبي

قلبي كان يدق لحظة وانا نذكر و عيونها عالتلفون تراجي في رسالة من المعتصم يقوللها انتي مراتي
.
.
.
في الجامع عند الرجالة

الشيخ فالجامع ومعاه عم المعتصم و بات ايات
وعمامه كلهم وعيال عمامها وعماتها وخوتها كلهم فالجامع و الناس يلي فجامع صلو العصر وقعدو حاضرين