قلوب متحجره

بعنوان#قـيـود_وتـقـالـيد الـحـلـقـة (3)

#قـيـود_وتـقـالـيد
الـحـلـقـة (3)
گـتـابـتـي #Koka_Saleh

::::::::::::::::::::::::::::::::::::::::::::::::::::

معتصم شاف للساعة لقاها الساعة 12 عرف ان توا وقت ترويحتهم مالقاعة طلع من دون اصحابه ماايشوفوه وركب في سيارته وهو مقرر يمشي شور حوش خالد(طبعا بحكم ان جار هل آيات وصاحب عبسي فكان عارف كل شيئ عليهم وعلي عماهم ومن ضمن اللي عارفهن حوش جمال) وكان مقرر ايجيب آيات ولو كلفه الشيئ هذا عمره 💔

:::::::::::::::::::::::

وصلت آيات وجمال الحوشهم ونزلت واول ما خشت للحوش
آيات:وين دار النوم
جمال ابتسم:بالشوية كنك مستعجله
آيات شافتله وبصوت حاد:قتلك وين دار النوم
جمال:اللي علي يدك اليمين
آيات من غير ماتحكي ولا كلمة اتجهت شور الدار
جمال:ارجي انساعدك في الفيلو
آيات ماردتش وكملت طريقها وهو يمشي وراها وصلت للدار وخشت وسكرت بالمفتاح
جمال:تي كنك سكرتي
آيات بعصبية:أسمع ياولد الناس بنقولها لك من توا وعلي بينه هكي احلم انكون زوجتك او ايكون بينا شيئ
جمال:كيف كيف شن قصدك
آيات بعصبية:قصدي واضح ردبالك تحلم انكون لكي انا لا نبيك ولا نبي وخذتك وزروني عليك وانت عارف وبكل أنانية خذيتني
جمال:انتي اللي اسمعي وبلا فترشة دوة انتي توا مراتي وعندي حقوق عندك لكن نا حنكون اليوم راجل امعاك وانخليك براحتك لكن بكرا برضاك ولا غصبن عنك بطيعيني
آيات بعصبية:أحلم اني انديرها ولو بتمشي تحكي الهلي امشي احكي واعلي مافي خيلك اركبه
جمال:اكيدة حنحكي الهلك لكن اللي بنحكيه مش في صالحك راه
آيات بعصبية:احكي اللي بتحكي معش تفرق عندي
جمال:بعد انقول العمي واشرف آيات ماخلتني نقربها لان امدرعنها شن دايرة هذك الساعة توا نعرف تفرق عندك ولا لا 😏
آيات فهمت قصده وانصدمت من وقاحته 😕
جمال ضحك:اليوم تريحي وبكرا انتفاهمو ومشى شور الحمام
آيا قمعزت عالسرير وقعدت تبكي 😭

:::::::::::::::::::::::

معتصم وصل عند حوش جمال ودرس السيارة وخذا نفس طويل ونزل وهو مقرر ياقاتل يامقتول
جا عند الباب كان مسكر رقى عالساس وزقب عالحوش وقعد يبرم عالحوش كله لين شاف ضي دار والع جا جيهة الروشن وكان الروشن من برا عليه حمايه حديد والقزاز مسكر بس السرانتي اللي بين القزاز والحماية مفتوح يعني اللي جوا يقعد باين وهنا الحاجة السمحة اللي صارت حق آيات بالفيلو مقمعزة عالسرير وحاطه ايديها علي وجهاا
معتصم قعد ايخبط عالروشن
معتصم:آيات افتحي افتحي حبي
آيات رفعة راسها وانصدمت بعد شافت معتصم وجت للروشن بس ماجتش بسرعة لان الفيلو كان ثقيل وطويل
آيات فتحت الروشن وادموعها كانن سيل علي خدها وفي اللحظة هذي كان الف شعور عندها شعور حب مع شعور حزن مع خوف مع ارياف خالطة عندها وحق ربي😭

آيات تبكي:انت شن جابك هنا
معتصم:جاي عشان هي اطلعي وامشي امعايا
آيات:روح عصومي روح قبل مااتصيرلك حاجة بسببي
معتصم:انا جاي هنا ومش امخليك الغيري وياقاتل يامقتول
آيات:وراسي وكان اتحبني روح
معتصم وادموعه ينزلو:انا عشان انحبك جيت هنا انتي كان اتحبيني هي
آيات تبكي:خلاص معش ينفع قعدت علي ذمته 😭
معتصم:انتي هي وكله شوري ماعليك بس والله مانقدر انعيش بلاك
آيات تبكي:حرام عليك ليش اتزيد اتعذب فيا هكي
معتصم:هي امعايا ومش حنخليك اتعذبي
آيات:مش حيخلوك في حالك مانبيش نقعد سبب في حاجة اتصيرلك
معتصم:ناامسامح واي حاجة اتصيرلي عشانك انتي نبيها
آيات تبكي:حسبي الله فيهم وصلونا هنا روح عصومي عشاني روح نا مش لكي خلاص باعوني
معتصم:هم باعوك ونا شاريك هي حبيبي هي مش حنقدر انخليك الغيري
آيات تبكي:عصومي روح خلاص😭
جمال طلع مالحمام وسمع صوت آيات تحكي ومعش عرف مع من تحكي ويحساب امعاها فون وكان عارف ان روشن الدار مفتوح من جوا طلع مالحوش بشويش وبيطلع من عند روشن الدار عشان ايشوفها تحكي بروحها ولا امعاها فون بس الصدمة كانت لما طلع وشاف معتصم
جمال بعصبية:انت شن جابك هنا ياا---- وهجم عليه
ومعتصم هجم عليه وقعدو يضاربو
وآيات جوا اتعيط وتبكي 😭😭
قعدو جمال ومعتصم يضاربو ويصارعو في هذك الحاجر وآيات تبكي وماحد جايب علم منهم
بعد مضاربه واجد معتصم طيح جمال تحت وقعد يضرب فيه ضربه ضرب لين خلااااص في اللحظة هذي جمال كان بيدافع علي نفسه واستجمع قوته كلها ودف معتصم لين طيحه وبعده من عليه وصبى يجري وخش جوا
آيات من عند الروشن اتعيط:اهرب عدي قبل مايطلعلك
معتصم صبى:مش حنمشي لين تطلعي امعايا
آيات تبكي:انا صعب مش حنقدر انت اهرب وراسي عندك اتعدي
معتصم بعصبية:قتلك مش ماشي لين تمشي امعايا
مع طلعت جمال من جوا وفي يده مسدس
وآيات قعدت اتعيط ورفعت فيلوها وطلعت شورهم
جمال بعصبية:نا ياا---- تهجم علي حوشي وبتضربني
معتصم:اها هجمت علي حوشك يا ----- عشان انت خذيت حاجة مش لك
جمال بعصبية:هذي مرات ينعن ------
معتصم:حبيبتي قبل ماتقعد مراتك يا----
جمال:اشهد علي روحك
آيات طلعت وقعدت اتكر في جمال ماتبيش يضرب معتصم
ومعتصم في اللحظة هذي استغل الفرصة وضرب جمال علي يده لين طاح منه المسدس
وآيات مازال عالقة في جمال تبيه ايسب معتصم
آيات تبكي:اهرب اطلع بسرعة
وجمال قعد ايدف فيها ويضرف فيها بيخششها جوا
معتصم بعصبية:حول يدك من عليها وجمال مستمر في ضربها وهي اتعيط معتصم معش تمالك اعصابه حبيبته قاعدة تنضرب قدامه مسك المسدس اللي تحت وهووووب طلق في جمال طلقه وجمال طاح
آيات اتعيط واتخبط علي وجها:حي شن درت
معتصم مصدوم ماللي داره اول مرة يجرأ الدرجة يطلق رصاص علي ابنادم ويقتله
آيات تبكي:اهرب اهرب
معتصم:هي امعايا
آيات تبكي:صعب نمشي مش حيخلوك في حالك والله وحنديرلك قصة كبيرة وانصعب عليك تهرب بسببي عدي عشاني اهرب قبل مايعرفو اللي صار
معتصم:مش حنخليك يانطلع انا وانتي يايقتلوني هنا قدامك
آيات تبكي:عشاني عدي بسرعة معش فيه وقت خلاص انا معش ينفع نقعد امعاك لو قعدت امعاك حنحكم عليك بالموت حيقتلوك
معتصم مسك يدها:انموت عشانك بس هي امعايا
آيات فكت يدها من يد معتصم:مانقدرش انا مش انانية عشان انخليك اتموت بسببي خلاص يامعتصم عدي
قعدو يسمعو في هرجة الناس في الشارع وايدورو في المكان اللي طلعت منه الطلقة
آيات بخوف:خلاص هي اطلع قبل مايوصلو هنا هي اطلع خلاص معش فيه وقت
معتصم الوقت ايداهم فيه والناس قعدت اتقرب مالحوش
معتصم:هي هذي الفرصة الوحيدة لنا
آيات بعصبية وخوف علي معتصم:خلاااص عدي وصلو
معتصم كان لازم يهرب لان لو امتسك حيتبهدل ومش حيكسب شيئ
معتصم:حنمشي بس حطي في بالك مش مسيبك وحنقعد انحبك وحيجي يوم وتقعدي ليا وسيبها وزقب مالساس وولع سيارته وطلع بسرعة
في اللحظة هذي آيات انهارت طاحت تحت وقعدت اتعيط وتبكي والناس سمعو العياط وعرفو منين جاي واتجهو شور الحوش عتلو الباب بعد قعدو ايدفو فيه بالقوة وخشو كانت صدمة بالنسبة للناس عروس اتعيط وعريس طايح تحت وغارق في دمه في اول يوم الهم
طبعا الناس دغري سعفو جمال للمستشفى اما آيات كانت طايحة واتعيط وتبكي وكانت بالفيلو واحد مالرجالة سلح جاكته حطها عليها وخششوها للحوش وجن الصبايا جاراتها وقعدن امعاها وايحاولن ايهدنها وهي غير تبكي
الكل كان يحسابها تبكي علي راجلها وايصبرو فيها بان حيقعد اكويس لكن الحقيقة آيات كانت تبكي علي معتصم معتصم اللي جا عشانها وماخاف من شيئ معتصم اللي قتل عشانها وقدام عيونها معتصم اللي طلب انها تمشي امعاه وماقدرتش لانها عارفة ان خوتها وضنى عمها مش حيسيبوه وحيقتلوه قدامها كانت مقهورة انها مامشتش امعاه بس عارفة ان قرار زي هذا حيكلفها موت معتصم وهي ماتبيش هكي مستعدة ماتاخذش ويمشي الغيرها بس ماتفقدش مالحياة كلها😭