#حجرني_الزمن
حلقة ( 2 )
للكاتب /محمد مالك
سالم..عمهم: كيف يا بوي بتخلي جمال يا خدها ؟؟!
جبريل: ايه ومحدش حيعترض
ايات..دموع ينزلو من عيونها شوية وطاحت ع طولها
فتحت عيوني بشوية بشوية ونشوف كلهم ملتمين عليا وع راسي عمتي هناء حاطه صنه ع خشمي
اشرف: لما نحرقلك قلبك يا جمال عهد عليا ليوم الدين
جمال..ابتسم : دير الي تقدر عليه
جبريل: هيا يا غبي انتا وهوا ان شاء الله تتعاركو ولا نسمع صار شئ بينكم
ايات ناضت ورجعت لوعيها
حمد: شن يوجع فيك يا بنتي
سالمة: ووه عليا بتموت البنت
صالحة ام جمال تشوف لي ولدها وساكته
حمد: ردي عليا نرفعك المستشفي ؟
ايات..ايدها ع راسها يوجع فيها: لا مستشفي شن
حمد: به شن يوجع فيك يا بنتي قوليلي
ايات..دموع ينزلو من عيونها : قلبي يا بابا قلبي يوجع فيا
حمد..حط ايده ع راسه : لا حول ولا قوة الا بالله عليا العظيم
جبريل: سامحيني يا بنتي بس في حاجات منقدروش نغيروها الفاتحة اسبوع الجاي والعرس بعد الفاتحة بيومين حطو في حسابكم
ايات..تبكي
نيروز بنت عمتها ..خدتها بالحضن : اص معاش تبكي ايات حرام الي اديري فيه لي روحك والله
ايات: قلبي محروق يا نيروز محروق
نيروز وبنت عمها دخلوها داخل يرضو فيها
جبريل: وين بنتك يا منصور خيرها مجتش
منصور: عندها امتحانات يا بوي تقراء
جبريل: ربي يوفقها ان شاء الله
اشرف..وقف : خليك راجل وقول مش مداير تقاليدكم الغبية
حمد : سكر فمك كيف تكلمني هكي لا نخربلك وجهك توا
اشرف: لما تندمو كلكم واحد واحد حتا انتا يا جبريل نوريكم عاداتكم وتقاليدكم كيف اني
اشرف طلع ولحقه عبد السلام
حمد: سامحني يا بوي
جبريل: خليه معاه حق تقاليد غبية لكن شرط علينا نلتزمو بيها وغصب ع الكل ومتضغظش عليه يا حمد
صالحه خشت لي دار البنات
ايات تبكي وبنات عمها وعمتها هناء وامها يهدو فيها
صالحه: بالله عليك سامحيني يا بنتي اني مش راضية ع الي داره ولدي جمال
سالمه: عارفين يا صالحه ما باليد حيلة
أنت تقرأ
قلوب متحجره
Narrativa generaleالموسم الثانى للروايه المشتركه احبابنا وجمهورنا عندنا ليكم عرض حلو ع الصفحة .. واللى هوا روايه تجمع بين عدة كتاب ..فكرتها ان تكون المقدمه مشتركه وكل كاتب بيكتب فى نفس الموضوع اربع حلقات ليه هوا بس ..اسماءالابطال والشخصيات موحدة ... بالتاكيد كلنا...
