ماريا: ايه بصح كامل كيف كيف سواء كان جدارمي ولا لالا وهاهو سي وليد زعما لي يحبك وماهوش جدارمي وخانك مع وحدة
منار: افففف كل دورة تجبديلي عليه الرجال كامل خداعين وغدارين علابالي بيها هاذي
~~~~~~
الجدارمي: اوراق سليمة ضك نفتشو الكار والركاب
الشيفور: والركاب علاه
الجدارمي: هاذي خدمتنا
الشيفور: بصح مخلطة فيها رجال ونسا
الجدارمي: قلنا نفتشو يعني نفتشو
*فات وسمع طفلة تهدر بلي كامل خداعين وغدارين مشافش معاها وكمل مشا* فتحلو الشيفور لامان فتشو ودارلو براسو باش يطلع للكار
طلع الشيفور ومعاه الجدارمي والبقية بقاو برا
الشيفور: اسمحولي رايحين يفتشوكم
الجدارمي: السلام عليكم معاكم الشاف معاذ معانا امر بتفتيش ڨاع المركبات والركاب
راجل 👳: علاه تفتشونا ؟
الشاف معاذ: هاذي خدمتنا الرجال يهبطو والنسا والاولاد يتفتشو داخل الكار
الراجل 👳: وصلتو للنسا تفتشوهم
معاذ: رايحين نفتشو واش معاهم وبعد باه يهبطو الرجال .. وقال لزوج جدارمية يطلعو باه يفتشو النسا
ماريا *تهدر مع منار*: انت هذا من نيتو يفتشنا
منار: يفتش ياك ما هازة والو
ماريا: نسيتي وش شرينا 😶😮
منار: ايه شرينا مخدرات *وضحكتلها ضحكة صفراء 😂*
ماريا: *جبدت صاشي * اني نهدر على هاذي
منار: هاتيه نحطها هنا مايشوفهاش
ماريا: هو يقول نفتش الكار وهي تقولي مايشوفهاش
منار: افف هاتي برك * ونحاتهالها حطتها توالها* منخليهش يشوفها عيب
ماريا: تعرفي موالفة نشوفهم من بعيد وليوم يفتشونا راني خايفة
منار: خايفة وكنتي تخيري بيناتهم اللي زين راهم قربو ليك خيري ضك عن قرب 😂😂
ماريا: اني سيريو منيش نضحك
معاذ سمع منار وش هدرت .. كي وصل ليهم باش يفتشهم
ماريا: ياااا يخلع 😱 قال للجادارمي خلي انا نفتش هاذو وشبيه جاي لينا مغشش
منار: ماشي هاذا لي كنتي تقولي عليه زين هاو جاك الزين حكلي بيان 👌
وصل معاذ عندهم: هاتي وش عندك
مدلتو ماريا صاشي تاعها فيه حوايج وصباط جدد شافهم ورجعملها .. زاد شاف مع صاكها فتشو ورجعهولها زاد شاف مع منار قالها : مدام هاتي صاكك
منار: منيش مدام مدموزال
معاذ: ميهمش هاتي .. مدتهولو مالقى فيه والو فارغ * يهدر في قلبو ( علاه تعيي في روحها وهازاتو)* رجعهولها وشاف صاشي توالها قالها هاتيه
منار: مكان حتى صاشي
معاذ: الصاشي لي كانت ثم
منار: هاذي متشوفهاش فيها حوايج خاصين
معاذ خزر فيها تاع علاه قالها هاتي ونحاهولها فتحو وشاف وش فيه يقلى فيها * ملابس داخلية تاع نسا*
منار: بردت ضك كي جبدتها * قرصتها ماريا تاع اسكتي*
معاذ متبدلوش ملامحو ما ضحكش كي شافهم ومخباهمش ومارجعهمش بالعس جبدهم وفرغهم كامل مبعد رجعهم
منار: مفهمتش كيفاش تفتشو حوايج تاع نسا 😒
ماردلهاش ونزل وعاودو ركبو في بلايصهم وديمارات الكار
ماريا: تعرفي قريب بلت تحتي من الخلعة منعرف لاه مغشش هكذا .. عندي ولدت عمتي جدارمي
منار: كون يكون كيما هاذا مشنف
ماريا: لا تعرفيه منهدرش معاه خلاص منعرفوش كل ما نروح عند عمتي مانلقاهش في الدار ... بصح زين
منار: شكون ؟؟
ماريا: لي فتشنا هو لي كنت نقولك عليه زين
منار: مشي كنتي خايفة منو
ماريا: ههه خايفة ونكحل
منار: وصلنا اهبطي ليوم نهاري طولت
ماريا هبطت ومنار سلكت الشيفور وهبطت
منار: هاكي الصاشي تاعك بهدلتي بينا لي فل كار كامل شافو وش شريتي
ماريا: ياخي كامل عندهم ملابس داخلية مشي غير حنا
منار: فمك واصل لوذنيك و فالصح والو كي جا يفتش حشمتي بيهم وضك تشركي في فمك
ماريا: ايه نحشم راه راجل
منار: نتي شفتيه راجل وانا شفتو مرا 😒 علابالي راجل
ماريا: المهم مرسي حنونة كي رحتي معايا ومخليتينش وحدي
منار: بلا مزيا مبعد نتلاقاو نروح ضك بلاك نلقى بابا رجع باي
ماريا: باي
*********
حلقة جديدة فنفس اليوم 😂
هاذي شوي طويلة
واعطوني رااايكم باليز
فوت + كومنت ❤
557 كلمة 👌
أنت تقرأ
معاذ ومنار °° باللهجة الجزائرية °°
Paranormalكرونيك جديدة باللهجة الجزائرية الابطال : منار ومعاذ
