ياسين ومعاذ بعد ما طمنو على مختار راجعين للدار
ياسين: تعرف كذّبت الا فاتو 3 ايام هاذو
معاذ: كلش يفوت وراهو لباس عليه
ياسين: اني نخمم كيفاه كي نروح نخلي ماما ومنار وحدهم
معاذ: خسارة عليك راني هنا واي حاجة يطلبوها نجيبهالهم
ياسين: ميرسي ربي يخليك صاحبي
معاذ: ما بيناتناش
ياسين: غدوة نبكر للخدمة ومنعرف اذا يزيدو يعطوني يامات ولا لالا
معاذ: جرب وشوف مام انا عندي يومين مخدمتش
ياسين: اسمحلنا تعبناك معانا
معاذ: هذا واجبي
ياسين: ماحكيتليش البارح ياك ما صرا والو
معاذ: والو كلش مليح
ياسين: انا نغمض عيني شوي لبارح ليل كامل مارقدتش
معاذ: اصبر معايا شوي مزال نص ساعة ونوصلو
ياسين: صاحبي انا نفتح وعينيا يتغلقو
معاذ: مابقاش بزاف
ياسين: اني مرقدتش .. قولي هذيك الطبيبة كيفاه تعرفها
معاذ: حكاية قديمة وخلاصت
ياسين: عندها ما خلاصتش
معاذ: هذاك شغلها مايهمنيش فيها
ياسين: خلاص ماقلناش
في الدار كانت منار وامها وصفية وآدم وعماتها وريمة .. دخلو ياسين ومعاذ لدار ناضو كامل يسقسيو على مختار قالهم بلي راهو بخير يزيد يومين ويخرج من السبيطار دخلو قعدو في اصالون وآدم حاكم البكية وواقف حذا منار ومايل ليها
منار: آدم شبيك
آدم: خاتو هذا اللي عيط عليث وضلبث (عيط عليك وضربك)
شافو معاه كامل
منار: لالا هدر معايا برك ا ضربنيش قتلك ما تخافش منو راهو خالو
معاذ: خصني غير البز انا
ياسين يشوف مع ريمة وهي مدورة وجها ماهيش حابة تشوف فيه
ياسين: انا تسمحولي رايح نرقد عيان
رشيدة: ايه يا وليدي طريق بعيدة
ناض دخل لبيتو تكا على سريرو وراح في سابع نومة
معاذ: يما هيا نروحو
فوزية: خليكم رانا قاعدين نزيدو شوي ولعشية هاذي يرحمها ربي
رشيدة: ايه يا وليدي رانا قاعدين
فوزية: اذا عيان وحاب ترقد روح منين ياسين وريح
معاذ: لالا موالف بالسهرة
وشاف مع منار .. ڥيبرا تيليفونو لقاه امين هز عليه وناض للبالكون يهدر معاه
أنت تقرأ
معاذ ومنار °° باللهجة الجزائرية °°
Paranormalكرونيك جديدة باللهجة الجزائرية الابطال : منار ومعاذ
