بعد 3 ساعات وصلو للسبيطار ودخلوه ورتح ياسين ريڨلو كواغطو ودفهم وبقاو يستناو يزيد يشوفو الطبيب
ياسين: انا نعيطلهم نخبرهم بلي وصلنا
معاذ: اوكي
خرج ياسين برا عيط لامو ومعاذ بقى واقف ويستنا في الطبيب يجي بعدها تفكر منار جبد تيليفونو من الفاست حوس على نيميروها جا يعيط سمع وحدة تعيطلو والصوت هذا يعرفو مليح هز راسو بقى يشوف معاها ماتبدلتش بزاف على اخر مرة شافها بقى يشوف حتان جات قدامو
....: عرفتك من بعيد ماتبدلتش
معاذ: ممم حتى نتي ماتبدلتيش رانيا
رانيا: معناها مزلت متفكرني
معاذ: ايه وعلاه ننساك
رانيا: علاه راك هنا راك مريض
معاذ: ما بيا والو
رانيا: اذا انت اللي مريض راني هنا *وتبسمتلو 😃*
معاذ رجعلها التبسيمة 😃: انتي اللي داويني
رانيا: اكيد هاو انا الطبيبة
معاذ: معناها تخرجتي
رانيا: ايه وعندي 3 شهور ملي بديت الخدمة هنا
معاذ شاف مع تيليفونو كان يفيبري لقاها منار كوبا عليها وكمل هدرتو مع رانيا
معاذ: مع اني متأخر بصح مبروك عليك
رانيا: يبارك فيك بصح ماقتليش علاه راك هنا
معاذ: خالي مريض وجبناه هنا
رانيا: ااا سما خالك هو اللي وصل
دخل ياسين وشاف معاذ واقف مع وحدة عرفها يا طبيبة يا فرملية
معاذ: يعني نتي لي رح تقلبي خالي
رانيا: ايه انا طبيبة قلب نشوفو ونرجع
كي وصل ياسين كانت راحت ومعاذ تنهد 😩
ياسين: جا الطبيب ؟
معاذ: ممم طبيبة ودخلت تقلبو وترجع
ياسين: شبيك معاذ خليتك مليح
معاذ: لا والو ممكن تعب من الطريق برك
ياسين: اوكي
معاذ بقى واقف يستنى فيها تخرج حط يدو على رقبتوو ويحكي مع نفسو: اخر وحدة توقعت نشوفها بعد عامين ظهرت من جديد
يشوف فيها خارجة من عند خالو
رانيا: انت ابنو
ياسين: ايه
رانيا: انا الدكتورة رانيا وباباك حالتو الان مستقرة ورح نوقع ع العملية يديرها غدوة صباح وماتخافش العملية درناها من قبل وحالتو المستقرة رح تساعدنا ربي يشفيه *ومشات*
أنت تقرأ
معاذ ومنار °° باللهجة الجزائرية °°
Paranormalكرونيك جديدة باللهجة الجزائرية الابطال : منار ومعاذ
