معاذ: شبيك شفتيه البارح هو سمانة ويرجع
منار: هذا بابا نشوفو وقت ما نحب وماتمنعونيش عليه فهمت اصلا انا نحكي معاك وانت مش حاس بيا
معلذ غمض عينيه بدات تلاشي بهدرتها
منار دموعها هبطو تحكي معاه وتشهق من البكية : معاذ تعيش نحب نشوغو قبل انت تحبني هيا اثبتلي وديني نشوفو
معاذ: اششش وكتاش قلت
منار: علاه مالا حاب نتزوجو وتبعني وين نروح
معاذ شاف مع تيليفونو لقى ياسين يعيط : اسمعي وجدي روحك نجي عندك ونروحو كيف كيف
منار: ياس اوكي
منار وعمتها وريمة دخلو للدار لقاو عمتها وصلت ومعاها امير
العمة: علاش يا فوزية ماعيطتوليش كيما صرات كونمشي رشيدة عيطت مانسمعش بلي مريض
رشيدة: خلي المرا ربي عالم بحالتها في بلاصة ما تلوميها ادعيلو يرتاح
العمة شافت معاها وسلمو عليها
فوزية: ماقصدتش مانقولكش بصح ماعرفت واش ندير هو لبارح كان لباس بيه ومرض
العمة: واش قال الطبيب و وينا سبيطار نروح نشوفو
رشيدة: داوه لدزاير راح يدير عملية على قلبو الطبيب قال ملازمش نستناو اكثر
العمة شافت مع فوزية: انتوم اللي قلقتوه واش درتيلو نعرفك ونعرف كلامك اكيد رح طيحيه بقلبو
امير: يما شبيك واش دخل خالتي فوزية في مرض خالي
العمة: اسكت انت اكيد هي اللي....
منار وقفت قداها : شبيك عمتي واش دارتلك ماما حتى تحكي معاها هكذا
فوزية: منار اسكتي
منار: ماسمعتيهاش واش قالت يعني اجنا نقدرو نضرو بابا
وتغرغرو عينيها بالدموع وشافت مع عمتها
منار: هو عينينا اللي نشوفو بيها هو سندنا في الدنيا هاذي في رايك نقدرو نضروه راح للخخدمة ماولاش تعرفي شحال توجعنا بمرضو وسيرتو ماما وماشش كي سكتتلك معناها عاجبنا مرضو
العمة: شفتي تربيتك يا فوزية
رشيدة حضمنت منار : كلنا نعرفو تحبي بابا وتخافو عليه وعمتك اكيد ماقصدتش الهدرة اللي قالت
منار شدت في رشيدة : خايفة عليه بزاف
رشيدة: نعرف
وخزرت في ختها تاع اسكتي خيرلك
رشيدة: ماتبكش يا بنتي ازمة وتفوت روحي ريحي شوي وريمة روحي معاها
فوزية باش ماتزيدش بالهدرة مع سلفتها راحت للكوزينة لحقتها صفية وبقاو رشيدة واختها امير في الصالون
أنت تقرأ
معاذ ومنار °° باللهجة الجزائرية °°
خارق للطبيعةكرونيك جديدة باللهجة الجزائرية الابطال : منار ومعاذ
