رشيدة: وش راك دير هنا
معاذ: جيت نشرب برك ... ورجع للصالون
رشيدة: هيا نحطو لعشا ومبعد توانسو مع بعضاكم
وكملو حطو لعشا على طابلة كبيرة .. كانو زوج الرجال وحدهم والنسا وحدهم .. تعشاو خلصو .. ريمة ومنار غسلو لماعن ونقاو الكوزينة وحطولهم تحلية لي وجدوها منار وريمة من قبل وراحو قعدو معاهم في الصالون وين كانو ملمومين كامل والقصرة والضحك
منار قاعدة معاهم بصح مش سامعة بيهم تكونيكتي وفي عالم خلاف ومعلابالهاش بلي كاين عينين يراقبو فيها ومراقبين كل حركة ديرها ... و شكون غيرو اكيد معاذ
ريمة: سسس رجعي هنا وضحكينا معاك
منار: والو راني نحكي مع ماريا برك
ريمة: نهار كامل وانتي تحكي معاها مكرهتيش
المهم فاتت سهرة شابة كيما يقولو وروحو عمات ريمة وبقات غير منار ويماها يستناو في باباهم يجي ليهم لي خلاهم يسهرو وخرج
منار: يما عيطي لبابا يجي لينا نروحو
شافت معاها امها مستغربة : مشي قلتي تباتي هنا وش بدلك
ريمة: هيه هيه باتي عندنا
منار: لا عيانة حابة نروح مرة اخرى نجي
ريمة: على اساس هنا نخليك تباتي واقفة وفي داركم ترقدي 😒 ياخي كيف كيف
منار شافت معاها تاع خلي برك وريمة فهمتها وما اصرتش عليها
رشيدة ناضت من بلاصتها وراحت قعدت حذا معاذ
رشيدة: هاه وش رايك في بنات عمك
معاذ: وشبيهم
رشيدة: ماعجباتك حتى وحدة ؟
معاذ: لاه ليا خليهم بعاد راهم ملاح
رشيدة: حابة نفرح فيك ونزوجك وحابة نجيبلك وحدة من لافامي نكونو نعرفوها ونعرفو تربيتها وهي لي تتهلا فيك وتهنيك
معاذ: وعجبوك غير بنات عمي مكانش وحدة بخلاف
رشيدة: شكون بخلاف يا وليدي خير وحدة منهم تكون فحلة وقارية وراكزة
خدامة وتعاونك على الدنيا
معاذ: انا مرتي حابها تكون قاعدة في الدار ومشي قارية وانا لي نعتلها الطريق لي تمشي عليه
رشيدة: انت المهم تعكسلي في الهدرة مابيك والو
معاذ: لالا يما بصح وحدة من بنات عمي ما عجبتني صح قاريين بصح وحدة ما دخلت خاطري الله غالب
رشيدة: انت مش حاب تتزوج مابيك والو شفتو كيفاش يدير
ام منار: بلاك حاب كاش وحدة متسيفيش عليه من لافامي
رشيدة: ما حاب لا من لافامي لا من خلافو
معاذ: بنات عمي صح معجبونيش شوفيلي وحدة خلاف *وشاف في منار* ولا نقولك خالتي شوفيلي وحدة من جيهتك
أنت تقرأ
معاذ ومنار °° باللهجة الجزائرية °°
Paranormalكرونيك جديدة باللهجة الجزائرية الابطال : منار ومعاذ
