بشير: عندها عامين لحكاية هاذي فاتت انسايها وانساي وش سمعتي ونتي راه عندك راجل ماتنسايش فهمتي *وخرج*
ماريا شافت مع امها : اذا كمال هدر مع بابا عليا علاش مدني لهذا
زبيدة: كلشي بالمكتوب وامين هو مكتوبك
ماريا: بصح حابة نكمل حياتي مع كمال مشي مع واحد مانعرفوش
زبيدة: باباك كون يسمه الهدرة هاذي تخلى عليك وعليا مالا اقفلي فمك
ماريا شافت مع امها وراحت لبيتها ترمات على سريرها وتبكي 😭😭😭 حتى حست بالتيليفون يڥيبري توالها هزت ومشافتش شكون
ماريا: 😭 وي 😭 *وتسمح في دموعها*
امين: الو الو ماريا لاه راكي تبكي كاش ما بيك
ماريا: بيا انت 😭😭😭 فرقتني عليه منسامحكش 😭
امين وجعو قلبو عليها كي راهي تبكي ومن جيهة اخرى جرحاتو بالكلام كي قاتلو في وجهو فرقتني عليه كوبا عليها وهي حطت وجها على المخدة وتبكي بسبتهم
امين كوبا وبقى مدة يخمم هو ثاني تفارقت عليه حبيبتو ويعرف معنى الفراق ومحبش يخليها جرب وش جرب هو .. وقف بصح انا قبلت مناه عندها هي حبيبها باه يتفارقو وشبيا دموعها اثرو فيا .. هز الفاست والتيليفون والمفتاح وخرج امو تهدر معاه وهو مش سامع بيها ديمارا رايح عند ماريا لازم يشوفها ماهوش عارف علاه بصح لازخ يشوفها ويكون معاها ويمسحلها دموعها معليش هاذ الدموع بسبتو حبس قريب من دارهم عيطلها ما هزتش عليه عاود عيط هزت
ماريا: وي 😭
امين: اخرجي نحتاجك
ماريا: وين نخرج في الليل
امين: 5 دقايق نلقاك قدام الباب والبسي فاست راه البرد *وكوبا*
ماريا: شبيه هذا ثاني
مسحت دموعها وخرجت بالتخبية باه مايشوفوهاش وصلت قدام الباب ضربتها نسمة باردة خلاتها تحس برجفة وبقات تشوف وينو مكاش
امين حبس طوموبيلتو بعيد على دارهم شوي غير شاف بابهم تفتح وخرجت ماريا لابسة بيجامة وشعرها مطلوق ومخربط غير وقفت في الباب دورت يديها على جسمها عرفها بردت خاطر مالبستش الفاست كيما قالها هبط ومشا عندها
امين: نتي راسك خشين على هابطة هكذا قتلك البسي فاست
ماريا: وانت علاه مخرجني في الوقت هذا
امين: لاه كنتي تبكي
ماريا: مايهمكش
امين قرب وحط يدو على خدها ومسحلها جيهة عينيها : منحملش دموعك ماتبكيش
ماريا بعدت منو شوي : صراتلك كي هذاك اللي يقتل الميت ويمشي في جنازتو انا منسمحلكش فرقتني عليه
أنت تقرأ
معاذ ومنار °° باللهجة الجزائرية °°
Paranormalكرونيك جديدة باللهجة الجزائرية الابطال : منار ومعاذ
