خرجو مختار وحطوه في غرفة اخرى وهوما كامل دايرين بيه
منار كانت حذاه وحاكمتو من يدو وتبوس فيه
مختار: هاني لباس يا بنتي ماتخافيش
منار: بابا خفت عليك عندي غير انت
معاذ: الحمد لله على سلامتك خالي خوفتنا عليك
مختار: الله يسلمك وليدي
بقاو كامل معاه حتى وصل الوقت وخلص وقت الزيارة وخرجوا
منار: انا مانخليش بابا وحدو شكون بيه حتى يروح معانا ونروح
فوزية: يا بنتي ممنوع هيا وخلي باباك يرتاح شوي
معاذ: هيا ولعشية انا نزيد نجيبك تشوفيه
منار: يعني ولا
معاذ: موالف نكذب انا
منار: انا قلت رح تتعلم
معاذ خزر فيها
منار خلاص تمسخرت معاك برك لعشية دبر راسك جيبني
معاذ: ايه نجيبك هيا نوضي
منار سلمت على باباها : ربي يشافيك بابا عزيزي
مختار: ان شاء الله واتهلاي في امك ماتعبيهاش حتان نرجع
منار: نحطها في عينيا
خرجوا كامل وبقات فوزية معاه
فوزية: خوفتني عليك حسيت قلبي راح يحبس كي سمعت خفت نخسرك ماعرفتش واش ندير ولبنات ماعرفت نصبرهم ولا نصبر روحي
مختار: فوزية كوني قوية اوقفي مع لبنات ماتخليهمش وكان صراتلي حاجة راهم امانة عندك
فوزية: اششش بعيد الشر عليك مازالت منار ان شاء الله نفرحوا بيها *وطابست سلمت عليه من جبهتو* انت اللي تسندت عليه مزال سندي في الدنيا هذي
خرجت فوزية وقلبها يتعصر على راجلها
وصلو للدار فوزية دخلت لبيتها ومنار وصفية وراجلها قعدوا في الصالون
سفيان: اما نروح وكاش ما تحتاجو ولا يصرا عيطيلي وآدم راني نخليه مع يما اليوم
صفية: ايه هكذا خير مانيش قادرة على صداعو
وصلت راجلها للباب ورجعت عند منار
صفية: ما تخمميش يبرا بابا ويرجع للدار
منار: كلمة خايفة قليلة اني ميتة بالخوف عليه
صفية: ما يصرالو والو ويبرا ان شاء الله
منار: هيا نمدلك حاجة تلبسيها
وناضو بدلو وقاعدين ماقدرو يديرو والو تخمامهم يديرو والو تخمامهم كامل في باباهم .. اما فوزية دخلت لبيتها وطلقت العنان لدموعها اللي ماحبسوش خلاص
أنت تقرأ
معاذ ومنار °° باللهجة الجزائرية °°
Paranormalكرونيك جديدة باللهجة الجزائرية الابطال : منار ومعاذ
