كمال ما لقى ما يقول مرتو هو عندو حق فيها اكثر منو هو راهو ولد عمها وبس
امين فات على كمال وجبدها من يدو وكركرها بعيد عليه
امين: هيا قولي وش راكي ديري معاه
ماريا: قلقت في الدار خرجت وهو جا معايا
امين: انا وااش
ماريا ساكتة ماردتش زاد عاود قالها
امين: انا وااااش
ماريا: خططيبي
امين: وكي ندابك متعرفيش تعيطي تقولي حابة نخرج ولا خرجني
ماريا: ماقتلكش تسالني ماعندك ما تسال فيا وهذا ••💍 •• ماعندو ما يدير ماتتحكمش فيا بيه كي نعقدو وتولي راجلي صح ثم نشاورك
امين: مايكون غير خاطرك 😏
ماريا: وشني هذي
امين: مبعد تفهمي وضك وين كنتو رايحيين
ماريا: خرجت نحوس قلقت
امين: ايه روحي وعويناتك لاه مذبالين بايتة تبكي على الاطلال ( 😂😂😂😂)
ماريا: تكره
امين: مزال تزيدي تكرهي كي نجيبك عندي 😉😉 روحي ضك اطلعي كون مجيتش خدام ندورك انا ونحيلك القلقة 😉😉
ماريا ماردتش عليه وراحت طلعت في الطوموبيل
كمال رجعولو كواغطو وكمل يسوق وماريا ملي طلعت ماهدرت حتى كلمة داها قعدت في الحديقة المهم تنفست شوي هو مايعرفش لبلايص وهي ماحبت تقولو والو قعدت شوي وتخمم وكمال ماهدرش ماعندو واش يقول هو اللي توخر وخلاها لغيرو مالا يتحمل ما جاه
كمال كان واقف شوي بعيد على ماريا ويخزر فيها وهي قاعدة تخزر بعيد ودموعها على شفارها وتنهيدة ورا ختها 😩😩 وكمال مقدرش يبقى ساكت
كمال قرب منها وطابس عندها حتى جا وجهو مقابل وجها : مرمورة احكيلي وش كاين
ماريا: والو
كمال: ميمي متخبيش عليا
ماريا: ماني مخبية والو
كمال: علاه خطيبك تعامل معاك هكذاك احكيلي لحكاية ماريا تعيشي متخبيش في قلبك واحكيلي
ماريا: واش نحكيلك نقولك ماعجبنيش ومانيش قابلة بيه قول وش حابني نقولك سيفوه عليا قول قول *هبطو دموعها* 😭 نقولك بلي بابا جابو وسيفو عليا ااه نقولك بلي بابا جبرني عليه وانا ماعندي حتى كلمة معاه 😭😭 اااه قول واش نقول
كمال وقف وبقى يشوف معاها
ماريا وقفت : ولا نقولك بلي بابا ما مدنيش ليك ومدني لابن صاحبو زلا نقولك بلي انت اللي مخبي في قلبك حبك ليا وانا كيفك ااه قول
كمال: ماريا مشاعري جيهتك ماعندهم حتى اهمية حاب نعرف انتي وش حابة
ماريا: اللي حاباتو انا مستحيل يصرا *ومسحت دموعها*
كمال *حكملها يدها* : كلمة منك تخليني نوقف قدام عمي والناس كامل قولي بلي انتي ماشي قابلة وانا نوقف معاك
ماريا: هههههه ماتعرفش عمك
كمال: قوليلي نتي تحبيني ولا لالا
ماريا: ايه ايه نحبك واش راح يتبدل والو الحقيقة هي انا رح نكون مرت واحد خلاف
كمال: اششششش متقوليش هكذا * وحط صبعو على فمها يسكت فيها*
ماريا بعدت شوي: هذا هو الواقع مانهربوش منو
كمال: ميمي عندنا فرصة باه نكونو مع بعض
ماريا: مكان حتى فرصة افطن وشوف الواقع *وهزت يدها قدامو شاف الخاتم 💍*
كمال: انا نحاول معليش صدقيني متمني تكوني ليا وانا خليتك من قبل بصح ضك ما نخليكش
ماريا: ما يفيد والو هيا نروحو ضك *ومشات قدامو *
كمال تنهد 😩 بقى يشوق فيها ماشية جيهة الطوموبيل بعدها لحقها ركبو في زوج وديمارا طريق كاملة ساكتين كي وصلو جات تهبط حكمها من يدها
كمال: ماريا رح نهدر مع عمي ونحاول نبطل الخطبة هاذي وتكوني ليا
ماريا اكتفات بتحريك راسها تاع ايه وهبطت
~~~~~~ عند ياسين ~~~~~~
ياسين وصل للدار لقى منار وصفية في الكوزينة
ياسين: وش راكم ديرو
دارو في زوج : ياسين وصلت على السلامة *وسلمو عليه*
منار: شفت بابا
ياسين: ايه قبل ما نجي هنا رحت عندو راهو لباس وما تخافيش عليه راه يرتاح
منار وصفية: ان شاء الله
ياسين: وينها يما
منار: راهي في بيتها ملي جينا وهي ثم
صفية: راهي راقدة
ياسين: اوكي
وناض راح لبيت امو طبطب مسمعش صوت دخل لقاها راقدة وعينيها منفخين عرفها كانت تبكي طابس عندها هزلها يدها وباسها فتحت عينيها
فوزية: ياسين
ياسين: انعم يما نوعدك بابا يرتاح وندير كلش واش نقدر عليه
فوزية: ان شاء الله
STOOOOOOOOOOOOOP
نيوووو بااارت 😍😍✌
واش تتوقعو كمال يقنع عمو ولا لالا ؟
رايكم + فوت + كومنت ❤
حبكوووووووم 😍
أنت تقرأ
معاذ ومنار °° باللهجة الجزائرية °°
Мистикаكرونيك جديدة باللهجة الجزائرية الابطال : منار ومعاذ
