منار ماقالت والو و ناضت فالسكات
رشيدة : رشيدة بلعقل عليها خلعتها
منار: عادي راهو عيان من الصباح مرتحش *وتخزر فيه*
معاذ فهم كلامها تبسم قعدوا مع بعض شوي و بعدها
معاذ: يما نروحو ذرك و غدوا نجيبكم هيا ريمة
فوزية: اقعدوا انتم ثاني باتو و نكونو ملمومين و زيد باين فيك عيان من الطريق
معاذ: لا خالتي نروحو خير
منار قربت من ريمة : اسمعي باتي معايا هذيك هي نقرعجو على امير قالي نحكيلك على حبيبتي و كون تشوفي وش كاتب عليها فالفيس
ريمة: وريني نشوف انا معنديش الفايس تاعو
منار: ههههه انا جبتو هيا تباتي تشوفي و تسمعي لحكاية و كون متباتيش طفرت فيك هيا نتي و شطارتك
معاذ سمع وش قالت منار لريمة بحكم كان قريب منهم
ريمة : ايه ماما عندها لحق نباتو و غدوا نروحو
معاذ: نتوما باتو و انا نروح
منار ضحكت😂: ياس رمروم ليوم نباتو مع بعض
فوزية: نتا راسك يابس مروح فهاذ الوقت
معذ: متشي بعيدة بزااف اي شي يصرا عيطولي نجي
وصل للباب لقا تيليفونو يصوني لقاه ياسين يعيط هز
معاذ: لباس؟
ياسين : لباس لباس وصلت
معاذ : اييه راني عندكم
ياسين: تقدروا تباتو عندنا متخليش لبنات و امي وحدهم ماشي موالفين و يخافو
معاذ: انا مروح للدار و..
ياسين: معاذ بات عندنا هكذا نبقا مطمن عليهم خير
معاذ: اووك
ياسين : اووك و قول ليما متتقلقش كلش راهو مليح
معاذ: اووك بااي *وكوبا*
معاذ : راني نبات هنا و قالكم ياسين متتقلقوش او كلش مليح
العمة: الحمد لله
معاذ رجع لبلاصتو و منار تبسمت لامير هيا احكيلي
امير : وش نحكيلك هبلتي
منار: انت قلت تحكيلي
امير: بصح مش قدامهم
منار: مالا هيا نروحو للكوزينة و نحكيو
سمعها معاذ يحكي مع روحو: ناوية تهبلني هاذي بصح اصبري
معاذ: خالتي كاينة حاجة ناكلها جعت
فوزية: يااا نسيت وليدي هيا نحطلك تتعشا فالكوزينة
أنت تقرأ
معاذ ومنار °° باللهجة الجزائرية °°
Paranormalكرونيك جديدة باللهجة الجزائرية الابطال : منار ومعاذ
