ماريا رجعت قعدت مع ام منار
الام: كانت منين تسمع بالخرجة والدوران تكون هي اللولة وضك منعرف وشبيها ولات متحكيليش كي نسقسيها تقولي والو بصح في عينيها كاين قداه حكاية
ماريا: ماتتقلقيش يا خالتي يامات وترجع كيما كانت
الام: نقولو ان شاء الله
دخلت منار لبيتها جبدت حوايجها لبست ليكات ف الروج وسروال نوار وقفت قدام لمرايا مشطت شعرها وحكماتو كيما موالفة كعكة مرخوفة مع شعيرات مجبودين ملقدام دارت شوي فوندوتان وماسكار وروج وهزت صاكها وجات خارجة مبعد رجعت شافت مع روحها : الله يبارك عليك يا منار وش هاذ الزين كامل ( حوحو 😂😒) هههه بلاك انا هبلت بصح تاع الصح زينة وخسارة فيه
*دخلت عليها ماريا* : وش يا لالة مزلتي ماوجدتيش
منار: لالا حبوبة وجدت هيا
وخرجو في زوج وبالطبع مع توصيات من امها باه تنتبه لروحها وما طولش برا
خرجو منار وماريا حوسو الفيلاج كامل مكانش حانوت تاع قش وصبابط ثم مدخلوش ليه شرات ماريا حوايج ومنار بدلت جو ونحات الغمة لي في قلبها صح منحاتش بصح نقصت وعرفت بلي حياتها ملازمش توقف عن شخص خاين
ماريا: هكذا خير هاي رجعت ضحكتك
منار: كلش يفوت حبيبتي وما تبقى غير الكية
ماريا: اسمعي انا جعت نروحو نتغداو
منار : راح الحال لازم نرجع ضك يرجع بابا لدار مايلقانيش
ماريا: ياك معايا مايقولك والو نتغداو ونروحو
منار: وكون منلقاوش طرونسبور فاه نروحو
ماريا: نلقاو حنونة متخمميش
منار: اوكي هيا منطولوش
وراحو للبيتزيريا كلاو وڨصرو حتى شبعو خلصو وخرجو
ماريا: هاه بدلتي جو تناحتلك الغمة ولا !
منار: لي في القلب في القلب مايتنحاش
ماريا: معليش بلعقل برك
منار: الحاصول فات نهار شباب هيا نروحو ضك طولت وانا برا ضك يجي بابا
ماريا: رانا مروحيين يعني وين رانا رايحيين في رايك
منار: ايه هيا
ركبو فل بيس وستناوه حتان تعمر ومشا وفي الطريق لقاو باراج الدرك حبسو لي يسوق بيهم وطلبو منو الاوراق وقاعد يهدر معاه جدارمي
ماريا: وش رايك نصيدولك راجل منا
منار: واش تشوفي فيا بايرة باش تصيديلي منا 😒
ماريا: لاه وش خصهم زينين كامل واحد مايرجع اللور شوفي هاذاك لي يهدر مع الشوفور كلمة زين قليلة فيه
منار: وين راه
ماريا: شوفي كاين زوج واحد واقف والثاني هاز الوراق هاذاك هو ضك يدور هنا شوفيه
شافت منار لقاتو دار بظهرو
منار: ماشفت والو زيد الجدارمية معروفين بلي يتمسخرو بزاف بلبنات
************
الحلقة 2 لليوم
ورح نزيد نحطلكم حلقة اخرى
نتمنى تتفاعلو
رايكم + فوت + كومنت ❤
377 كلمة 👌
أنت تقرأ
معاذ ومنار °° باللهجة الجزائرية °°
Paranormalكرونيك جديدة باللهجة الجزائرية الابطال : منار ومعاذ
