فات اسبوع على ابطالنا ومختار خرج من السبيطار جابو ياسين وراح للخدمة
منار ومعاذ عادو كل يوم يهدرو مع بعض ومنار تعلقت بيه حست بلي هو الراجل اللي تتكل وتتسند عليه في الدنيا هذي بعد وقفتو معاهم كي مرض باباها
اما ماريا وامين من نهار خرجو مع بعض ورجعها للدار ما زاد حوس عليها
ناضت منار الصباح عاونت امها في الخدمة تاع الدار وبعدها فطرو مع بعض
منار: ماما قلقت في الدار حابة نخرج
فوزية: عيطي لماريا واخرجو تحوسو كيف كيف
منار: ماريا مانعين عليها لخروج
فوزية: يااا علاه وش دارت
منار: حابين يزوجوها وهي ماشي قابلة حبسوها في الدار ماتخرجش
فوزية: اممم بلاك من مصلحتها
منار: هي متحبوش
فوزية: مدام والديها شافو فيه الصلاح مالا هو مناسب ليها
منار: ممكن
فوزية: روحي مالا عند عمتك رشيدة وما طوليش
منار: اوكي نروح نبدل ونجي
فوزية: وما طوليش
منار راحت بدلت لبست سروال وبودي وشعرها طلقاتو وزادت مونطو من الفوق شافت روحها فل المري وتهدر مع روحها
منار: كون يلحق عليا معاذ يديرلي قصة على شعري ونولي في حكاية اخرى بصح هو خدام اليوم نحكمو خير
وحكمت شعرها وهزت صاكها وراحت لبيت باباها كان راقد محبتش تنوضو وراحت عند امها خبرتها بلي خارجة وراحت
منار: اووو البرد
مشات ركبت في البيس وصلها هبطت و كملت تمشي لدار عمتها حتى سمعت صوت وراها
وليد: منار منار
منار شافت معاه : اا وليد
وليد: هذي غيبة لباس
منار: الحمد لله
وليد: باباك رتاح شوي
منار: الحمد لله يعيشك
وليد: منار مزال قلبك ما حنش عليا و نرجعو لبعضانا
منار: انا وياك حكايتنا خلاصت انت شفت حياتك و انا نشوف حياتي سلام
و مشات و هو سبقها وحكمها من يدها
وليد: منار ماتنسايش وش عڨبنا مع بعض وماشي على غلطة تضيعي واش عشنا مع بعض
منار: ااا واش عشنا نهار خطبت هذيك علاه ما خممتش فيا وفي اللي عشناه مع بعض
وليد: يا منار غلطت وطلبت منك السماح
منار: وانا سامحتك بصح انا وياك خلاص
وليد: واش واحد خلاف دخل حياتك
أنت تقرأ
معاذ ومنار °° باللهجة الجزائرية °°
Paranormalكرونيك جديدة باللهجة الجزائرية الابطال : منار ومعاذ
