دخل معاذ للدار وراح ديراكت للكوزينة لقى امو ثما راح عندها وهي غير شافتو وقفت وحضناتو وسلمت عليها وهو باسلها يدها وزاد باسها من جبهتها وقالها
معاذ: توحشتك بزااف يا يما
رشيدة: قداه وانت هنا وماجيتش تشوفني وتقولي توحشتك منين جا الوحش هذا ااه 😑
معاذ: الله غالب عليا يا يما الخدمة محكوم بيها
العمة: واش شفت يماك نسيت بلي حنا كاينين ( بديت نكره هاذ العبد شكون كيفي 😡😑)
معاذ: نتوما البركة هههه *وسلم عليها*
رشيدة: تتغدا نحطلك ؟
معاذ: لا شبعان وزيد رانا في وقت لعشا ضك نريح شوي نبدل حوايجي ونجي
رشيدة: سلم قبل على عمتك ومرت خالك راهم ف الصالون مبعد روح ريح على روحك
معاذ: اكيد يما
جا خارج تقابل مع منار في الباب .. شاف معاها هبطت راسها حاشمة من الهدرة لي قالتهالو وزيد كي فتشها وشاف وش هازة ..
معاذ: هااو ظهرتي بنت خالي المازوزية 😉
منار: ايه *ومشافتش معاه*
معاذ: فجأة طاحت عليك لعقالة *وراح*
منار بقات تشوف معاه حتان جات ريمة
ريمة: ادخلي لاه حابسة في الباب
منار: اا والو *ودخلت*
منار وريمة كملو خدمتهم في الكوزينة وعاونو رشيدة قي توجاد العشا
ريمة: وشبيك ساكتة مشي عوايدك
منار: ااا والو
صونا تيليفونها شافتو لقاتها ماريا هزت عليها قاتلها مشغولة ربع ساعة ونعاودلك وكوبات
ريمة: *حركت راسها بمعنى شكون*
منار: صحبتي
ريمة: هذيك الصامطة 😒
منار: ايه
ريمة: من عند ربي منحملهاش مفهمتش كيفاش صحبتك
منار: صدقيني شعور متبادل بيناتكم
ريمة: واش
منار: والو .. انا كملت نروح نهدر معاها
وراحت لبيت ريمة .. دخلت وقعدت على السرير تايهة تخمم في كل واش قاتلها ريمة حتى فيقها للتيليفون كي كان يصوني لقاتها ماريا تبسمت وقالت: ديما متبعتني وهزت عليها
منار: واش ميمي لباس!
ماريا: الحمدلله وانتي
منار: تنهدت مبعد قاتلهت الحمدلله
ماريا: باينة من صوتك كاين حاجة
منار: ممم وليد خطب
ماريا: واااش *قالتها بصوت عالي ومتفاجأ*
أنت تقرأ
معاذ ومنار °° باللهجة الجزائرية °°
Paranormaleكرونيك جديدة باللهجة الجزائرية الابطال : منار ومعاذ
