اسمعي نتي خلاص انا قررت ننساه
ماريا: *ضربتها بالبودي لي كان في يدها* خامجة خلعتيني
منار: * نحات البودي من وجها* خلاص ننساه هو عايش حياتو ومهني ويتمتع بيها وانا نضل ندمع عليه هنا يروح يزمر على روحو زيد الف واحد يتمناني
ماريا: 😂 المنظر هاذا يا حبيبتي واحد نا يشوف فيك
منار: *رجعتلها الضربة بالبودي* هذا وين نظت من الرقاد ضك نغسل ونلبس وشوفيني كيفاه نجي
ماريا: هيا نوضي نشوفك وزيد انا جيت عندك باه نروحو نشريو حوايج
منار: ممم حسبتك جاية تونسيني كي خلاني *ودمعو عينيها* 😢
ماريا: *قعدت توالها* نتي وشبيك هو الخاسر لي خلاك فوتيه وشوفي حياتك يجي نهار ويندم عليك
منار: كي ننساه مكالله يولي 😡
ماريا: هيا نوضي البسي ونصيدولك واحد ليوم
منار: هه وش تصيدي انا منديرش لمان فيهم لي يجي لبابا نقبل بيه طول بلا ما نشوفو
ماريا: على جال واحد مايسواش تدفني روحك بالحياة مع واحد متعرفيهش
منار: مالا علاه تقولي هكذا علابالك حبيتو من قلبي منشوف في حتى واحد غيرو .. كي نكون خارجة يقولي متخرجيش منخرجش وفي اللخر يبدلني بوحدة ماتسواش
ماريا: باسكو بقرة شحال من مرة نقولك واحد يحبك مايديرلكش هكذا يابنتي راح حاسبك وليتي كي لعجايز تضلي تخممي .. ازهاي عيشي حياتك مش غير هو راجل
منار: بصح غير هو حبيبي
ماريا : يخي قلتي تنسايه
منار: هيه ننساه
ماريا: هيا مالا نوضي باه نروحو نشريو لحوايج
منار: *ناضت* دقيقة نكون واجدة
ماريا: نشوفوك .. انا نروح نريح مع يماك حتان توجدي *وخرجت*
منار كانت خارجة وراها باه تغسل مبعد رجعت شافت روحها فل مرايا وتحكي مع روحها : ماريا عندها الحق ني وليت كيف لعجايز بصح نوعدك تندم عليا ويجي نهار توليلي فيه نادم ومنشوفش فيك *وخرجت*
منار راحت للدوش غسلت وجازت على الصالون : صباح الخير يما *وسلمت على صحبتها*
الام: ساعة ونتي معاها هاذا وين تسلمو
ماريا: وش تحبي خالتي بنتك بسيف باه ناضت محبتش
منار: اسكتي عليا لي يسمع يقول حبيتيني وانتي جيتي على مصلحتك .. المهم يما تخليني نروح معاها تشري حوايج
الام: ايه روحي ومطوليش باباك راه يجي بكري اليوم تعرفيه كي طولي كيفاه يولي يدير
منار: اوكي منطولش اصلا منيش حابة نخرج
ماريا: صااار هكذا خليني نروح وحدي ومتزيديش تعيطيلي *وناضت ماشية*
*حبستها منار* : شحال من مرمورة عندي غير وحدة وعلى جالها نقطر البحور 😂
ماريا: ماقتلكش هاجري قتلك اخرجي معايا برك
منار: نخرج نخرج مع حبوبتي نروح نلبس ونجي
*راحت*
***********************
اول حلقة من كرونيك جديدة نتمنى تتفاعلو
اكيد مشي انا لي كتبتها حبيت نشاركها معاكم نتمنى تعجبكم
رايكم + تعليق
398 كلمة
الملتقى في الحلقة القادمة
أنت تقرأ
معاذ ومنار °° باللهجة الجزائرية °°
Paranormalكرونيك جديدة باللهجة الجزائرية الابطال : منار ومعاذ
