حبسو طاكسي داهم للسبيطار دخلو سقساو وجهوهم للاستعجالات لقاو واحد من اللي يخدموا معاه ثم
منار: عمي وش صرا لبابا
العم: يابنتي انا ومانيش عارف كيفاه حتان صراتلو هكذا كنا قاعدين في المكتب وفجأة عاد مايقدرش يتنفس وفقد وعيو وجبناه هنا لضك ماخرجش الطبيب من عندو
منار: ياربي ومايصرالو والو
فوزية مالقات تصبر روحها ولا بنتها
شوي وخرج الطبيب
الطبيب: انتم عائلتو
فوزية: ايه انا مرتو
الطبيب: وصلتوه في الدقيقة اللخرة الخطر على حياتو مزال ولازملو عملية على القلب في اقرب وقت
فوزية: هيه هيه ديرلو عملية
الطبيب: العملية مانقدروش نديروها هنا لعدم توفر الامكانيات اديوه لكلينيك خاصة ولا طلعوه للعاصمة في الوقت الحالي لازملو راحة والعملية لازم في اقرب وقت حنا درنا اللي نقدرو عليه
منار حضنت امها : يا ماما بابا راح يضيع من بين يدينا وخنا نشوفو 😭😭😭
بقاو يشوفو معاه وهو راقد من بعيد ماخلاوهمش يدخلو عندو خاطر مانعين الزيارة حتان يفطن ويقدرو يعرفو حالتو
فوزية: عيطي لخوك وختك خليهم يجيو
منار: ايه
بعدت شوي وعيطت لياسين ماهزش عرفاتو خدام بعثتلو ميساج باه يعاودلها وعيطت لراجل ختها قاتلو جيب صفية للسبيطار وهو ما فهم منها غير سبيطار باسكو كانت تهدر وتبكي وبعدها مافاقت غير على صوت معاذ اللي عيطتلو حست روحها محتاجتو وهو اللي رح يوقف معاها
معاذ: وي عيطتيلي توحشتيني منورة
منار: معاذ 😭😭😭 بابا
معاذ: شبيك تبكي وش صرا
منار: بابا مريض راه في السبيطار في حالة
معاذ: اني جاي عندك
منار: بابا رح يروح ويخليني 😭😭😭
معاذ: حبيبي ماتبكيش راني جاي
منار كوبات عليه وبكات قدام السبيطار حتان شبعت وبعدها استقوات على روحها وراحت عند امها اللي مزالت واقفة وتشوف مع راجلها
معاذ بعد ما هدر مع منار وقالها جاي كان في الخدمة ويلبس في حوايجو باه يخدم برا كوبا عليها وجا خارج
امين: شبيك صاحبي وين رايح
معاذ: وينو الشاف
امين: باين في المكتب وين راح يروح
معاذ خرج وماردلوش راح عند الشاف دقدق في المكتب ودخل
معاذ: شاف عندي ظرف طارئ ممكن تعطيني يوم مانخدمش
أنت تقرأ
معاذ ومنار °° باللهجة الجزائرية °°
Мистикаكرونيك جديدة باللهجة الجزائرية الابطال : منار ومعاذ
