اذا حابة تروحي وحدك غير انسايها واذا مجاش ليك اليوم روحي غدوة نورمال
منار: اواه غير يجي منيش قادرة نزيد نستنى منا لغدوة باش تحكيلي لازم ليوم نجيب الرسمي
فوزية: سعدي سعدي بيك رايحة توليلي هنا جدارمي
منار: واشمن جدارمي
فوزية: روحي نشفي شعرك قبل ما تمرضي هنا ربي يهديك
منار: راني رايحة
في طريقها للبيت سمعت الباب يصوني كانت مكملة لبيتها وهي حاطة في بالها امها لي تفتح الباب حتى سمعتها من الكوزينة
فوزية: منار افتحي الباب من ثم
فتحت منار الباب : ياسيييين 😮😍 بقات تشوف معاه شحال توحشاتو 4 اشهر مجاش
ياسين: واش ماتوحشتينيش ولا
منار حركت رايها بمعنى ايه توحشتك وطارت عندو بتعنيقة وسلمت عليه
منار: طوات علينا الغيبة المرة هاذي راك بخير
ياسين: الحمدلله وانتي
منار: الحمدلله ادخل
دخل وهي غلقت الباب ... فوزية خرجت من الكوزينة تشوف شكون جا لقاتو وليدها جا عندو كثرمن 15 يوم ماهدرش معاها
ياسين: توحشتك يا يما لعزيزة توحشتك *وعنقها وسلم على راسها*
فوزية: حتى انا يا كبيدتي (😂😂✌) حتى انا
ودخلو للصالون يقعدو .. منار كملت شيحت شعرها وهبطت عند يماها للكوزينة
منار: ماما واش راكي ديري
فوزية: راني هنا درت شطيطحة جاج يحبها ياسين
منار: اممم حتان يجي وليدك باش نعودو نشوفو الطياب لمليح
فوزية: شمري على يديك وطيبي وش تحبي ما تستناينيش نطيبلك
منار: اممم ماما عمتي ماعيطتلكش
فوزية : لا ماعيطتش
منار: كيفاه نروح انا ضك راهي تلسبعة وهذاك مجاش
فوزية: نورمال خلي غدوة وروحي
منار خبطت رجلها في الارض كيما الذراري الصغار : مأأأه نروح ليوم 😭😭😭
جا ياسين توالهم حط يدو على راسها فرفشلها شعرها : واشبيها منورة مزلتي في طبايعك ماكبرتيش 😂😂
منار شافت معاه غير اخطيني
ياسين: شكون قلقك وش حابة انا نجيبلك 😂😂😂 ( سما انا ماشي بنادم خويا مايقوليش هكذا 😒🔪)
منار: حابة نروح عند عمتي
ياسين: هذا مكان مور لعشا نديك نسهرو عندهم ونجيو
أنت تقرأ
معاذ ومنار °° باللهجة الجزائرية °°
Paranormálníكرونيك جديدة باللهجة الجزائرية الابطال : منار ومعاذ
