ياسين بعد ما وصلهم مشى بالطوموبيل وبقى يدور برا مبعد حبس وبقى يخمم كيفاه قدر يمد يدو على ريمة يحبها ويخاف عليها وميحبهاش تبكي بصح اليوم ضربها وبكاها وهو 3 شهور ماحوسش وماسقساش عليها وكي جا ضربها ومقدرش يبررلها علاش محبش يحكي معاها وعلاه خير البعد وعلى قد ما كواها فراقو هو ثاني تعذب .. بعدها تنهد تنهيدة كبيرة جبدها من قلبو تعبر على الوجع لي حاملو في قلبو كان يستنى غير وكنا يجي باش يروح يشوفها وكي جا ظهرت راح تتزوج كيما قالت هي رح تشوف حياتها مع واحد خلاف غير تفكر كلامها زاد تغشش هز تيليفونو كان رح يكتبلها ميساج مبعد تراجع ورجع التيليفون فل الجيب وديمارا رجع للدار لقى امو تستنى فيه
فوزية: وين كنت
ياسين: كنت ندور وعيان ومنيش حتى قادر نوقف تصبحي بخير
(والشطيطحة نوكلها انا 😒😒🔪)
فوزية كي لقاتو هكذاك محبتش تهدر معاه بصح حاسة بلي بنها فيه حاجة واحساس الام عمرو يخيب : وانت بخير
دخل ياسين لبيتو رمى التيليفون والمفتاح وطيش روحو على فراشو يحوس ينسى واش صرا معاه كامل وينوض يلقى كلش كيما خلاه وريمة ليه وتستناه وغمض عينيه وراح في سابع نومة بهاذ التخمام
~•~•~•~•~•~•~•~•~•~
اليوم نهار جديد هو نهار حاسم بين قلبين يحبو بعض يا يكملو يا تدمر حياتهم .. المهم مانسبقش الاحداث
فتحت ريمة عينيها على وحد السطر فس راسها مكاش كيفو تقول دڨدڨوه وعينيها وارمين لي يشوفها يعرف بلي باتت تبكي بقات تشوف مع السقف يديها وجسمها كامل تحسهم ثقال ماقدرتش حتى تتحرك من بلاصتها .. منار فاطنة بقات تشوف معاها مبعد ناضت وهي دايرة قرار بلي تحل المشكل تاع ريمة وماتبقاش تتعذب هكذا هي صح خبات عليها بصح تبقى بنت عمتها وترباو مع بعض راحت غسلت وجها وراحت للكوزينة لقات عمتها ومعاذ يفطرو
منار: صباح الخير
رشيدة: صباح النور رقدتي مليح ؟
معاذ: ماشي غير رقدت راهي خمرت
منار شافت معاه وشنفت
رشيدة: ما تصايريهش يابنتي واقعدي تفطري
معاذ: واش قلت انا لبارح
منار ماردتش وعليه ودارت روحها ما سمعتش : ااا عمتي نروح ليوم لدارنا نجيب حاجة نسيتها مانطولش ونجي
معاذ: نتي تضلي ترولي في الطرق احكمي الدار لبارح جيتي وليوم رايحة وتزيدي جي
رشيدة: معاذ وشبيك قالت جيب حاجة وجي
شاف مع امو وناض
رشيدة: ما تصايريهش هو هكذا ماحبش لخروج بزاف
منار: انا اصلا ما حاسبتوش سقسيتك انتي مش هو
رشيدة: ايه روحي
أنت تقرأ
معاذ ومنار °° باللهجة الجزائرية °°
Paranormalكرونيك جديدة باللهجة الجزائرية الابطال : منار ومعاذ
