ريمة: انا ماشي الدار انا حبيبتك عيط سقسي اذا حية ولا ميتة * ودمعو عينيها * بصح انت لي كنت تترعون درت وحدة اخرى وخليتني وطيشتني انا ثاني ضك ندير كيفك نشوف حياتي مع واحد راجل ماشي كيفك
( رايحة تخلى على راسك شح وش دااك تقولي مشي راجل 😨😨😨)
ياسين غاضتو في اللول بصح ( ايه بصح 😨) غير كملت كلامها وقاتلو راجل ماشي كيفك ضربها بظهر كف يدو بكل قوتو خلاها تفقد توازنها (شبطااااخ 😨) زاد حكمها من شعرها : تشوفي حياتك ااه لا عدتي مرا اقبلي بهذا لي جاي يخطب وتشوفي وش ندير فيك
ريمة: انت لي خليتني مشي انا وزيد ماعندك مادير اطلق شعري كي خلاتك جاي ليا انا روح عندها ولا مسحتلك فمك
ياسين: نتي حابة نقتلك ولا 😡 اغلقي فمك
ريمة: مانغلقش اطلقني *ودموعها يهبطو* الوقت لي انت تتمعشق مع الجديدة انا كنت نبكي الليل كامل نبكي وواحد ما حس بيا حرقتلي قلبي وضك جاي تتشطر عليا
ياسين: ما كاينة حتى وحدة في حياتي من غيرك وقتلك اصبري عليا يكمل العام هذا ونهدر للدار عليك راني ولد خالك مراحش نلعب بيك
ريمة: مايهمنيش انا ضك رايحة نتخطب
ياسين: شوفي نقولك كلمة وحدة تكمل الخطبة هاذي سما حفرتي قبرك بيدك وتعرفيني غدوة تقوليلهم بلي بطلتي اوكي 😡
جات ريمة تهدر خلاها ومشا ركب في الطوموبيل وزادت ركبت هيا .. منار جات تهدر حط يدو على فمو بمعنى * اششش ولا كلمة * حبست هكاك وتشوف مع ريمة وجها احمر والدموع على خدها واثار يدو باينة على خدها .. كي قربو يوصلو
ريمة: منار اعطيني الفوندوتان ولانجات اذا عندك
منار: ايه كاينة .. جبدت من الصاك وعطاتلها
ريمة مسحت وجها بالانجات بردت شوي خدودها وزادت دارت الفوندوتان باه غطات الضربات
ياسين يشوف معاها بشڨ عين غاضتو بصح هي لي جابتو لروحها
ريمة: عاودت حكمت شعرها : هكا وجهي عادي
منار: ايه
وصلهم ياسين قدام الدار هبط جبد لمنار الكابة تاعها كي فاتت ريمة عليها قالها ماتنسايش وش قتلك ماردتش عليه وكملت دخلت للدار تبعتها منار .. اما ياسين ركب طول وراح للدار كاره روحو خاطر مد يدو وضربها
ريمة دخلت للدار وفاتت ديراكت لبيتها رمات روحها في فراشها بحوايجها ما بدلتش وغطات روحها وطلقت العنان لدموعها لي قد ما حاولت تحكمهم ماقدرتش
منار دخلت لقات رشيدة
رشيدة: واشبيها ريمة دخلت تجري لبيتها ومقالت والو
منار: عيات برك درنا حتى عيينا ومالقينا والوو
رشيدة: معليش مزالو ليام وتشري .. المهم فوتي بدلي وجيبي ريمة معاك نتعشاو
أنت تقرأ
معاذ ومنار °° باللهجة الجزائرية °°
Paranormalكرونيك جديدة باللهجة الجزائرية الابطال : منار ومعاذ
