معاذ جبد منار جيهتو ويهدن فيها : اششش قتلك ما يصرالو والو
وهي دموعها ويدان ما حبوش يحبسو
سفيان راح لمرتو ويهدر معاها وهي ماهيش تسمع فيه تشوف غير مع باباها حتان جبدها عندو دورها ليه باه فطنت وولات تبكي
سفيان: اششش ما يصرالو والو اتفائلو ما تفقدوش الامل
معاذ: خالتي انا نروح نشوف الطبيب ونعيط لريمة نقولها جيب ماما ونجي
فوزية: ايه نسيت ماعيطتلهاش يا وليدي
معاذ جبد تيليفونو وعيط لريمة وخبرها بلي خالهم مريض وراه في السبيطار وبلي ملازمش تفجع امها وجيبها .. وراح عند نفس الفرملية لي كانت في الاستقبال
معاذ: مدام
الفرملية: مادموزال وي
معاذ: 😏 وينو الطبيب تاع القلب
الفرملية: ااا دكتور عصام راه مع المرضى يتبع في حالتهم تحتاجو ؟
معاذ: وي على جال حالة مختار
الفرملية: ااا حالتو خطيرة مالا ضك يجي الطبيب واهدر معاه
معاذ: اوكي *ومشا حتى سمعها تهدر*
الفرملية: غير يجي نقولو بلي حوست عليه
معاذ: اوكي
وراح وصل جيهة منار لقى وليد يهدر معاها
وليد: ماتبكيش منار ادعيلو يرتاح هو محتاج دعواتك وتكوني قوية واوقفي مع امك واختك
منار شافت فيه مسحت دموعها وقاتلو : ايه ميرسي
وليد: ماتشكرينيش وتحتاجي اي حاجة راني هنا راكي تعرفي معزتك عندي وتعرفي بلي ن...
معاذ: ريمة ويما جايين
وشاف مع وليد اللي غير شافو مكملش كلامو
وليد: اذا حتجتو حاجة راني هنا
معاذ: انا راني معاهم نكفي ونوفي
فوزية: يعطيك الصحة يا وليدي في الوقت الحالي رانا غير نستناو ما بان والو
منار قاعدة وساكتة وتشوف مع باباها من الزجاج
وصلت ريمة ورشيدة للسبيطار
ريمة: يما اصبري نعيط لمعاذ معلاباليش وين راهو
رشيدة: يا يما على خويا راح يروح الكتف اللي نتكى عليه رايح يا ربي وانا شكون بيا من غيرو هو اللي نتكى عليه ونشكيلو يا ربي يا ربي
ريمة: وي معاذ رانا دخلنا للسبيطار ويما حالتها حالة مللي سمعت ارواح انت عندنا ماقدرتلهاش وحدي
معاذ كوبا عليها وهبط عندهم
معاذ: يما راه مليح ماتبكيش يا يما
أنت تقرأ
معاذ ومنار °° باللهجة الجزائرية °°
Paranormalكرونيك جديدة باللهجة الجزائرية الابطال : منار ومعاذ
