كوبات وراحت عند امها للكوزينة تعاونها
معاذ وصل للسبيطار عيط لياسين قالو بلي بداو العملية راح عندو
معاذ: شحال عندهم ملي بداو
ياسين: قريب ساعة
معاذ: داروها بكري
ياسين: الطبيبة قالت ملازمش نضيعو وقت مش في صالحنا
معاذ: قلتلهم في الدار بلي رح يدير العملية
ياسين: ماعيطتش هوما مخلوعين ونزيدهم كي يخلص ونقولهم
معاذ: هكذا خير
وبقاو يستناو فاتت ساعة خرجت رانيا ومعاها طبيب اخر
الطبيب: الحمد لله على سلامتو العملية كانت ناجحة
ياسين: نقدرو نشوفوه
الطبيب: مزال مايفطنش من المخدر ضك ينقلوه للغرفة وشوفوه
ياسين: ميرسي
الطبيب: واجبنا
ياسين تنهد : اووف كنت خايف عليه الحمد لله
رانيا: معاذ نقدرو نحكيو
معاذ: مش وقتو
رانيا: معليش *وراحت*
ياسين: تعرفها
معاذ: وي
الوقت هذا خرجو مختار من غرفة العمليات وكان غايب عن الوعي رجعوه للغرفة اللي كان فيها وراحو عندو ياسين ومعاذ لقاوه مزال مافطنش
ياسين: نعيطلهم ضك خير
معاذ: ايه
خرج ياسين يهدر مع امو وقالها بلي فاتت العملية على خير وكل مليح مزال يفطن برك
في الوقت اللي راح فيه ياسين دخلت رانيا
رانيا: مزال باه يفطن
معاذ شاف معاها برك ومارجعلهاش
رانيا: نص ساعة هكذاك ويفطن معاذ خلينا نهدرو مع بعض
معاذ: مكانش فاه نهدرو كلش خلاص بيناتنا عندو عامين
رانيا: ممكن نرجعو وننساو اللي فات رانا في زوج ماتزوجناش
معاذ: اللي تكسر مستحيل يتصلح دكتورة
في الوقت هذا دخل ياسين كي شافتو مزادتش هدرت وراحت
ياسين: شبيها هاذي
معاذ: حكاية فارغة
فاتت نص ساعة وهوما قاعدين يستناو فيه يفتح عينيه شوي وبدا يحرك في صباعو ويحاول يفتح عينيه حتى فتحهم قربو منو ياسين ومعاذ وبعدها راح معاذ عيط للطبيب وياسين بقى معاه
ياسين: بابا راك تسمع فيا
مختار: مممم
دخلمعاذ والطبيب وراح باش يكشف عليه
أنت تقرأ
معاذ ومنار °° باللهجة الجزائرية °°
Paranormalكرونيك جديدة باللهجة الجزائرية الابطال : منار ومعاذ
