ابراهيم: نحطو قدام الامر الواقع هذا هو الحل
بشير: لا صاحبي ما تسيفهمش على بعض ونوليو معاهم في حل واربط وبنتي تولي في المشاكل
ابراهيم: حنا نجيو والقرار يرجع ليهم هكذا نعرفوهم على بعضاهم ونشوفو
بشير: ان شاء الله
ابراهيم: ان شاءاد الله انا نرجع للدار نتلاقاو في ساعة الخير
بشير: ان شاء الله
وناضو في زوج كل واحد لدارو
امين ( صاحب معاذ تشفاولو ) خلص الخدمة ورجع للدار كانت الساعة 5 هكذاك راح ديراكت لبيتو ترمى على فراشو خاطر كان ميت بالعيا *دخلت عندو يماه*
الام: واشبيك جيت طول لبيتك وماجيتش عندي مشي عوايدك
امين: تعبان يا يما ميت
الام: نخليك مالا وكي ترتاح ارواح نحكيو عندي ليك خبر
امين: احكي واش حابة تقولي
الام: ياخي قلت تعبان خلي حتان تريح
امين: راني نسمع فيك
الام: لقينالك عروسة
امين: اوو مزلتو مع هاذ الموضوع ياك خطبتو لنبيل اتلهاو بيه واخطوني
الام: انا حابة نتهنى عليك كيفاه خوك الصغير يتزوج وانت قاعد
امين: انا منيش حاب نتزوح والموضوع هذا اغلقيه عليا
ورجع تكا على فراشو وغمض عينيه زعما راقد .. وامو فهماتو بلي ماشي حاب يهدر خرجت وخلاتو هي راحت وامين ناض جبد حوايجو باه يبدل
امين: لي قتلكم عليها بقيتو طولو ومارحتوش حتان تزوجت وضك كل مرة جايبينلي سلعة جديدة تخممو فيا بالعكس .. لبس سيرفات وملبسش تريكو وقعد على فراشو يلعب بالتيليفون في يدو مبعد عيط لمعاذ
امين: وي اسمع ما تقولي والو شوي ونتلاقاو في القهوة تاع العادة
معاذ: شبيك هذا وين كنت معاك مامپا ساعة
امين: انا قتلك كي نوصل ونحكيو *وكوبا* ناض لبس تريكو وزاد فاست تاع سيرفات وخرج ماهدر مع حتى واحد وراح يمشي وصل للقهوة دوموندا قهوة شوي ووصل معاذ قعد معاه
معاذ: شبيك وش صرالك هذا وين كنت معاك
امين: خلي برك رحت للدار نريح زادو كملو عليا
معاذ: وشبيك واش قالولك في الدار
امين: زادو شافولي وحدة وقالولي اخطبها
معاذ: شكون هاذي
امين: منعرفهاش اصلا ما خليتش لعجوز تكمل هدرتها
معاذ: يا صاحبي عندهم الحق حابينك تستقر عندهم حق راك كبير
امين: جبتك عندي تقعد معايا ماشي تزيد عليا
معاذ: اوكي راني معاك قولي وش راح دير
امين: معلاباليش قلقان وانت علابالك بالحكاية كنت حاط عيني على بنت خالي وهوما بقاو يطولو حتان لقيتها زوجت
معاذ: كون هي عينها فيك كون ستناتك
امين: واش تستنى وانا ماهدرتش معاها خلاص
معاذ: معليش كلشي بالمكتوب هي شافت حياتها وانت ثاني شوف حياتك
امين: اللي نشوفها ما تعجبنيش حكيت مع لبنات ووحدة ما عجبتني ولي يشوفوهالي ماتدخلش خاطري وهوما قلقوني
معاذ: معليش زيد شوف هاذي بلاك تعجبك وماتدريش المكتوب وين
امين : ماعرف تالفة يا صاحبي
STOOOOOOOOOOOP
اول نيو بارت لليوم
نحيت طريقة نجمع زوج بارتات في بارت واحد رايحة نحط كل بارت وحدو بلا ما نجمع زوج لشتا يجي قصير هكذا باش ما نعودش نطول 😊✌
رايكم + فوت + كومنت ❤
أنت تقرأ
معاذ ومنار °° باللهجة الجزائرية °°
Paranormalكرونيك جديدة باللهجة الجزائرية الابطال : منار ومعاذ
