عشق في بلاد حروبها لا تنتهى 2 (طرابلس ياغارقة في الدم)

المقدمة

_
_
#عشق_في_بلاد_حروبها_لا_تنتهي2
تعود وللمرة التانية بعنوان.....
#طرابلس_ياغارقة_في_الدم
#جميع_الاحداث_حقيقية_واقعية
.
.
#المقدمة
اغنية الرابر الدي روحه صعدة للقاء ربها #مراد_ليو
#ياعروسة
عارفك تبكي دم ، وكان تدوي تشكي ، #توا_ماتسوي ، قبل كنتي عشقي ، اسمك مهمش زي الطير من غير ريش ، #ولدك_باع_روحه_وجسمه_باش_يعيش ، حاجه اخي ، لما بلادك ماتسواش ، بعت روحك ليها وباعاتك ببلاش ، #قصة_حياتك_واقع_مر_نحكي_فيها ، ماداما حياتك البراني يمشي فيها ، #ولادك_لدوخة_انتي_لطيحتيهم ، من همك داخو ، #لما_خنتي_قتلتيهم ، ماعندك شي حتي احساسك مش عندك ، تي وين دموعك البراني يقتل ولدك ، إلبست خمرك وهما لحريرك لبسو ، #ولادك_لوقفو_معاك_هانوهم_ونحبسو ، طريقك صاعبة ماعاش عرفنه امنين نقصو ، #ياطرابلس زارطه وحبوبك انفقصو ، بعتي ولادك يلي وقفو معاك في الشده ، #كل_يوم_بخيمه_مستحيل_ترمي_العده ، دمك ارخيص عند البراني #ياعروسة ، ### مات لكن خلا فيك اطحوسه ، #ياطرابلس قدرك كلاه السوس ودود ، #حياتك_تتقارن_بحياة_العانود ، صدقتي كلام مسحوه في يوم وليلة ، #ياعروس بحرنا ولا  #ياطرابلس قوليله ، #مايحبك_حد ، مافيش حد وقف في جنبك ، وكدبت عليك لما اني قتلك نحبك ، شن يعني اسمك قدام أسامي الحرية ، #عروس_لبحر_وانتي_ماعندكش_امية ، شن يسوه اسمك قدام القوة المجتمعة ، #ربع_يومك_ضيء_وباقي_ضيك_شمعة ، مكسح راسك مكسح لقمة عيشك ، معروفه بجوك مش معروفه بجيشك ، ماعاش عندك قدر البراني خش تارك ، #تي_حرام_الرصاصة_يلي_سكن_طلوع_صغارك ، تي صحة ليك ....... لبكيتينه ، #لا_ضيء_لا_ميه_قريب_تدوي_وتلزينا ، #سقناك_بالدم _وانتي_سقيتينا_بالمرة ، #وحني_لهدفنه_وقولنا_تعيش_طرابلس_حرة ،لما بكيتي حني ولادك لمسحنا دموعك ، وكنا الواقي لما الرصاص حف طلوعك ، ولادك #ياعروسه البرانيه تمرمط فينا ، #حتي_الدهويرة_لزم_نمشو_بوراقينا ، نحاسك كلانه ، #وحني_من_همك_كلينا ، #ماتبيناش_تي_علاش_جبتينا ، كتبنا اسمك علي الحيوط في وقت الفرحه ، البراني جيشك وحني لبستينا الطرحة ، نسمع في صوتك لما تقولي اني مظلوه ، #انتي_ضحية_حرب_وخنبة_لحكومه ، #خطفولك_ولدك_مافيش_حد_تكلم_بان ، #الصحافة_نقلبت_لما_خطفولك.......... ، #اني_بنتك #ياعروسه حطيتك في عيوني ، #اني_علي_أرضك_الحرة_خطفوني_غتصبوني ، #اني_شيباني كبير مخرج كل ولادك ، #من_يومي_فيك وانتي_في اسواء_حالاتك ، #اني_ام_الثوار يالي جبت #إرجالك ، #قبل_نزغرطلك_وتوا_نبكي_علي_حالك ،
#علاش_ياليبيا_بعتي_طرابلس_بخسارة ، #هربتي_عليها_الضيء_مش_كانت_النوارة ، طلعوك مادرتي شي وكارامتنا انهانة ، #ماعاش_نحبوك_مادام_حبيبتنا_ماتت
.
.
ياطرابلس ياحفرة الدم ، غابت عليك الدبارة.....
.
.
#خمس_قصص_حقيقية_وواقعية
.
.
في ظلام الليل وهدوء الناس وفي عز وجيج الوحوش والمجرمين ، وبين واحد من شوارع المناطق النائية لي في طرابلس اللي بعد وين و وين تلقا حوش او استراحة
كان فيه صوت نفس عالي واتنهدات ودموع يتسابقو مع رجليها اللي تجري بخوف ورعب ، ومرة مرة تتلفت يمين مرة يسار ومراة تتلفت وراها وماوقفتش جري وبكي لا عند شافت سيارة ، طلع صوتها التاعب وقالت من بين بكاها:ساعدوني ساااعدوني بااللهي عليكم
قربت من السيارة لمصفحة والعالية وهيا مابطلتش تناجي من بين دموعها ، واول ماوقفت السيارة وقفت وهيا تشبح بصدمة للنزلو من السيارة
خدت نفس كبير وكيف بتتلفت بتهرب بس قرب منها واحد منهم بسرعة وشدها من شعرها وخبط راسها علي السيارة بالقوة لين فقدة وعيها وطاحت لوطه مغمي عليها ............ #حقيقي1
.
.
.
.
قعمز علي الكرسي وهوا يشد في قلبه وقال بتعصيب وبصوت هارب تاعب:الله لا تربحك قلبي والساني داعيين عليك لا يوم الدين الله لا تسامحك وبرا اطلع من هني اطلع واني متبري منك لا يوم الدين لا ولدي ولا نعرفك
ورفع راسه بتعب وبدموع غلبة نفسه شبحه وهوا يشد في راسه بين يديه وهوا يخبط فيه علي الحيط عدت مرات وبعدها وخر وهوا يضرب في راسه بيديه ويعيط:اسكت اسكت اسكتتتت
رد عليه الشيباني وعيط هدي المرة لين قعد يكح:اطلع من هني اطلع وماك راي مني مليم اخضر اطلع
تلفتله بعيون حمرر  طايحات مش واااعيات واللي ركزو علي الموس المحطوط علي الطاولة ، خداه وتلفت وهوا يعيط:ياعن.... ياولد....
وقرب بسرعة من الشيباني لي مش قادر يتكلم من الكح  ، شد راسه بالقوة التالي لين اطربق بالقوة مع صوت عياط الشيباني ومن غير وعي وتحت تأتير المخدر حط الموس علي رقبته ودبحة من الحد لا الحد من غير اي تردد او شفاعة او من غير قلب ينبض ويحس .......... #حقيقي2
.
.
.
.
غمظت عيونها وهيا تستنشق في الهواء ودموعها ينزلو وكأنهم يتسابقو مع دقات قلبها السريعة.
فتحت عيونها وقربت من حماية البلكونه وشدة فيها وهيا تشبح للمسافة العالية وتهز القلب وترعش الركبين من علوها ، زمطت ريقها وجبدت الكرسي وهيا تركب عليه باش يساعدها وتركب علي حاشية الحماية
ركبت وهيا تحاول ماتفقدش توازنها ودقات قلبها من كتر سرعتهم لين قريب يوقف وصوت بكاها بدي يعلا وهيا ترجع في شعرها التالي غمطت عيونها بالقوة وهيا تبكي و تعيط بصوت العاااالي وكأنها تقول يااااطرابلس اشهدي ياااابلادي اشهدي شن دارو فيا ولادك اشهدي وشوفي شن طلعو تريسك .
وينك يارسوال الله وينك شوف أمتك ، لوصيتهم فينا وخانو وصيتك وصيتهم فينا ومادار قيمه لوصيتك 💔
وخدت نفس كبيييير وكتماته وكتمت معاه بكاها ونفسها ومن غير ماتفتح عيونها فتحت يداها ورخت روحها وهيا تستسلم للموت............. #حقيقي3
.
.
.
.
مع الساعة 8 الصبح والاجواء لمغيمه والطريق لنازل عليها الندي تقول لمطر صابه عليها ومع صوت امواج لبحر والهدوء السادي علي المدينه ، فاتت سيارة بسرعة 120 ، واللي فيها ضرب الدومان بيده لسوق بيها بالقوة وبتعصيب وحدف التليفون بيده التانيه علي الكرسي لجنبه وفتح الروشن وهوا يحاول يهداء.
ضيق عيونه وهوا يشبح من مراية السيارة علي السيارات العالية والمصفحة وراه ، وبلمح البصر سبقاته سيارتين ووقفو قدامه بمسافه بعيده وجو سيارتين وحده علي يمينه والتانيه علي يساره وزوز وراه وحاوطوه من جميع الاتجاهات ، خفف من سرعته وقلبه بدي يدق بسرعة ، واول ماوقف سيارته نزلو مجموعة مسلاحة ملتمين .
فتح الباب ونزل بستسلام وهوا رافع يديه فوق:ان شاءالله خير ان شاءالله خير
قرب عليه واحد منهم ووراه مجموعة:للاسف مش خير
و خبطه بقفا السلاح لين رجع التالي وهوا شاد خشمه وبحركه سريعة شدوله يديه ولفوه علي السيارة وحطو لكليبشات علي يديه وغطوله وجهه وجبدوه من سوريته وحطوه في وحده من السيارات وهوا مش شايف شي ولا عارف شن صاير ولا واعي ب شي غير بالسلاح اللي محطوط علي صدره وهوا يردد في داخله جمله ماقدرش يفكر الا فيها : اشهد ان لا اله الا الله واشهد ان محمد الرسول الله.........#حقيقي4
.
.
.
.
في واحد من احياء العمارات في المدينه وعلي الساعة 4:30 الفجر ، وفي نقطه محددة بين شوارع هدا الحي ملاه صوت الرصاص وعياااط الناس المدانيين ، قلب الطاولة لتشرتعة منها البودرة والحبوب الكوكاين والهروين والتريمادول والحشيش علي الارض وهوا يسحب في سلاحة ويأشر بيده لشاب لمدرق ب باب العمارة ، لهز راسه وشبح لجيها التاني واشر لشباب لطلعو يجرو ويطلقو في الرصاص ويحدفو في البودرة اللي غبشت الرؤية علي البوليس اللي وقف اطلاق النار ب صيحة من الضابظ:وقفوووووو ضرب
واول ماوقفو البوليس ضرب طلع من ورا الطاولة جري وهوا ياشر علي الشاب اللي قدام العمارة بمعني كلمني بالتليفون وقعد يجري بين زناقي الحي من شارع لا زنقه لين وصل لسيارة لتستني فيه في بداية الطريق الرئسي ، ركب وهوا يلبس في برنوسه وقال:امشي بسرعة............#واااقعي5
.
.
.
.
جزاء جديد يحمل خمس قصص جديده اربع حقيقية ووحده واقعية ، خمس قصص تدور أحداتها في عروس البحر في العاصمة طرابلس ، نلتقي في البارت الاول 💛
#طرابلس_ياغارقة_في_الدم
.
.
____________________________________
بداء كتــابة الرواية في تاريخ 2019 / أكتــ10ــوبر / 3
تم انهاء كتــابة الروايه في تاريخ 2020 / فبـــ2ـــراير / 3
إسم الاغنيــة / ياعروسة ، للمغني الراب الراحل مراد ليو