عشق في بلاد حروبها لا تنتهى 2 (طرابلس ياغارقة في الدم)

البارت 1

_
_
#عشق_في_بلاد_حروبها_لا_تنتهي2
تحت عنوان....
#طرابلس_ياغارقة_في_الدم
البارت الاول 1⃣
.
.
حرام عروس وتلتختي بالدم  ...
كفنوك بطرحتك ، وزفوك لقبرك ...
وطو راسك ، و قهرو ناسك ...
ياعروس محر فراقك ، ومصعب حياتك ...💔
(الياقوت)
.
نزلت الطيارة علي أراضي عروس البحر ، في أجواء شتوية باردة ، نزلو الركاب من الطيارة ومن بينهم هوا ، نزل وهوا يشبح حوالينه لناس للمطار لسيارات .
طلع من المطار علي رجليه وقص الطريق الرئيسي لكان فاصل بين مطار معتيقة الدولي و البحر .
وقف قدام لبحر وهوا يتأمل في أللانهاية وماقصش عليه الا صوت تليفونه لشرين ، تنهد وحول شنطة الظهر متعة وحطها لوطه وطلع تليفونه من جيبه ورد قبل ماتتسكر المكالمة:هاا سالم
سالم:تي وينك يامحمد جدي قالب عليك الدنيا هنا ماخلا محور ماعداله
رجع محمد رفع شنطه ولبسها علي كتفه وتلفت:تو نكلمه
سالم نفخ:توا كلمه
شبح محمد تاكسي وقفت منزله شاب قرب من التاكسي بسرعة وطبس علي الروشن وقال لصاحب التاكسي:فاضي
التاكسي:اي خونا تفضل
رفع محمد روحة وقال لسالم:تمام سكر توا
سكر محمد التليفون وشبح لشاب للبس طقيته  ونزل من التاكسي وهوا يتكلم في التليفون ، ركب محمد وهوا يحط في شنطه التالي وجت عينه علي التليفون بيلة قامة وقال:تليفونك
التاكسي:لالا شكله متع الشبوب
خداه صاحب التاكسي من محمد ونزل وهوا يصيح:ياااخوناااااا تليفونك
تلفتله الشاب وهوا يرد علي اللي معاه في التليفون:ستني شوية
نزل التليفون وقرب من صاحب التاكسي وخدي التليفون وقال:منور يابرو
خداه وهوا يرجع في التليفون التاني علي ودنه وقال:اسمع من لاخير يافاتح مرواح مانيش مروح لنمي ولقلب لتقلب غر ينقع ويشرب اميته الحوش واللي فيه
فاتح:تي خير امك انت مانحصلوش كلمتين معاك روح وخلينا نتفاهمو هني
نفخ وهوا يقص في الطريق وقال:ماتعبوش عليا اروح اليوم قعد في تاجوراء حولوني من روسكم اليومين هدو
عيط فاتح:رعددد وربي مانلقاك قدامي قبل المغرب لما نقلبها علي راس ... ياولد ....
سكر رعد التليفون علي فاتح وحطه في جيبه وهوا يلبس في برنوسه علي الطقيه وخش لتاجوراء وهوا يرفع في يده وصيح بضحكه:ملااااعبي تي وينك وينك يابرو هكي تخلينا
زمط الولد ريقه وطاحت طاسة القهوي من يده وتلفت بسرعه يجري طول ، عيط رعد علي الشباب وهوا يلحق يجري عليه:شدو امه ولد ال.....
لحقه رعد وكان مش شايف حد قدامه الا الولد اللي يجري هارب منه واول ما لف لزنقه لخش منها الولد خش في بنت بالقوة لين طاح هوا وياها لوطه ، بعد رعد وهوا يسب ويلعن ووقف من غير مايشبحلها حتي وهوا يعيط:خير امك معميه ال... ربي ماعطاكش عيون النم
قالها وطبس وهوا ياخد في تليفونه لطاح وتلفت خش لزنقه يجري وخلا البنت فاتحه فمها وقعده طايحة علي الارض
جتها بنت ومراة مش كبيرة في العمر هلبا يجرو ، قربت البنت وهيا تشد فيها:رنيم فيك حاجه
وقفت رنيم وهيا اطبس تاخد في تليفونها اطايح وتنفض في عبايتها:واللهي حقيوو شوفتيه شن داو حسبي الله فيه وفوقها يسب
شدت لمراة يدها:خلاص فكينا منه المهم مافيكش شي انتي وله
هزت رنيم راسها:لالا مافيا شي ياخالتي غو ووحو بيا من هني
ضحكت اختها وهيا تحط في يدها علي فمها:كان تشوفي منظرك كيف طحتي هههه
تلفتتلها رنيم وعيونها يقدحو في النار:تسكوي فمك يانور علي مأضن خيولك
سكتت نور طول وهيا تمشي قدامهم ومن غير قصد ناشت الشاب لتلفتلها بتسمت ورفعت يدها:اسفه
هز الشاب راسه:ولا يهمك وخيتي
تلفت الشاب قدامه ورجع شبح لتليفونه وهوا يشبح لرسالة لوصلاته ، ( أحرق لعندك خير ماتلقا روحك في وحده من الشيلات ياعيل )
وقف في مكانه وهوا يمسح علي شعرة ويشبح حولينا ، وحس بفزعة اول ماتليفونه شرين ، قامه طول واول ماشاف من رد:الو نزار وينك
نزار:في الدهماني
تلفت وهوا يوقف في التاكسي لقصله الطريق وركب وهوا يقول:خوي بالله لدهماني
نزار:الو عزو وينك
معتز:شوي ونوصل فيك اني
سكر معتز من نزار وهوا حاس بضيق نفس ، فتح الروشن وقرب راسه منه و يحاول يستنشق لهواء المصقع مع قطرات لمطر لتبشبش وحاس بدماغة ستك .
وصل لدهماني ونزل من التاكسي وهوا يرد علي تليفونه:ايوا
جاه صوتها المتعصب:خيرك ماتردش علاش تخلي فيا مشغولة عليك
تنهد معتز وهوا يشبح لنزار لرفعله يده بمعني هيا تعالا :حبيبتي والله مشغول نكمل خدمتي ونكلمك
نفخت وقالت:اووووف عزو ليا يومين ماكلمتك وانت تتهرب خيرك ماعاش تبيني قولي وريحني
معتز:فرح من غير دراما توا شنو الدوه هدي ، والله مشغول مش اكتر ووعد فليل نكلمك غير توا مشغول هلبا تمام
نفخت فرح وهيا تبعد في تليفونها وتشبح في من خش عليها انتظار وردة:تمام حبي رد بالك علي روحك
معتز:حتي انتي هي سلام
سكرت فرح منه وردت طول:واااك ستااحشتك
ضحكت وقالت:اي هلبا مستاحشتيني باين تي وين اختك الكلبة قوليلها جايتكم بعدين وتي لآيات كراساتها
فرح:هههه تمام تو نقولها حتي خالتي جاية
آيات نزلت التليفون وصيحت:جااااية جاااية
ورجعت التليفون علي ودنها وقالت:وهل في هدا الشي اي شك ههههه كلنا جااايين بأذن الله
فرح:مرحبتين بيكم ههههههه
آيات:هي باي توا سهي تنادي
فرح:تمام نتلاقو بعدين
سكرت آيات من فرح ومشت تجري للمظبخ:تي خيرك تصيحي
سهي:من واااكل من التشيز كيك
آيات عوجت فمها:مصح وجهك شني مدايرتيه زينه امالا امبكري جي رجوبة وعطيته منها عادي
سهي:سناء حتي هيا جت
آيات:لالا اشرف امبكري جابه معاه ورده
خش عليهم أشرف:اوووو نبو
سهي غطة التشيز كيك وحطاته في التلاجه:عينك ستنو لا الليل هدي لعيد ميلادي
رفع أشرف حاجبه:تي هاتي من امتي حني نديرو في الاعياد الميلاد
سهي:قتلك لا
تلفت أشرف لرخامه وجبد الفوطه وحدفها عليها لين عيطت وأيات هربت من المظبخ تضحك.
أشرف:ديري قهوي ياوجه الفقر صاحبي جاييني
ضيقتله سهي عيونها وتلفتت دارت القهوي زيها زي البنت الطيبة ووتتله الصفرة ، وطلعت تنادي علي خوها الصغير:ايهم يااااابهيم وينك
ومن حيت لا تحتسب جاها الشبشب يطير علي راسها وصوت ايهم:من هوا لبهيم يابهيمه
شدت سهي راسها وتلفتتله وكيف بتصيح وتلعلع طلعتلهم آيات من الروشن:نقصو صوتكم عمر هني
سهي:زود ارفعلهم القهوي زود
زاد ايهم ضربها برجله وردتهوله سهي طول ، خشت عطاته صفرت القهوي ومشي رفعها لاشرف وصاحبة عمر لبتسم لأيهم وقال:والله احسن واحد
اشرف:تفضل
خدي عمر طاسة القهوي:صحيت علاش متعبين روحكم
اشرف:هالحاجة لكبيرة تي اشرب ياراجل
ضحك عمر ورشف من القهوي واشرف قال:تي وين أحمد مختفي
حط عمر فنجان القهوي وتحمحم:خونا ادمن علي المقرات والمحاور ماعاش ريناه
اشرف:من قبل وهوا حشيشته المواضيع هدي مابالك توا لما مات عبدالسلام ال#### ولا المطراح ليه عاد هههههه
عمر رفع تليفونه وضحكته زادت:ادكر القط يجيك اينط علي سيرته اكيد عنده مصلحه هههههه
رد عمر علي احمد(الصقر):تي وينك ياشامخ
احمد(الصقر):انت لوينك ماعادش ادور
عمر:وين بندور ورقمك ديما مشغول تقول مصاحب رجل اعمال ازح
ضحك احمد( الصقر):ههههه اسمع اليوم مداير سهرية مع الجماعة قول لاشرف وتعالا لستراحتي
سكت عمر شوي وشبح لاشرف وقال:عازمنا لستراحته
هز اشرف راسه بمعني تمام وعمر قال:تمام نتلاقو يابرو
احمد(الصقر):تم ياطيري
سكر احمد (الصقر) ووقف لاد لواجهت المقر وهوا يقرب لراجل الامن:وين أسامة
رد عليه الشاب:والله ماني عارف توا جابو دفعه جديدة اكيد مع الافندي حامد يشوفو فيهم
ضيق احمد (الصقر) عيونه ومشي خش للمقر وهوا يشبح في دفعة الشباب الجديدة قرب ووقف جنب أسامة والافندي حامد لضربله أحمد التحية.
شبح الافندي حامد لأحمد وقال:تعالا ياصقورة تعالا
قرب احمد (الصقر) وبتسم:مدربين
الافندي حامد:اي
وشبح الافندي حامد لشباب وقال:هدا الآمر متعكم #الصقر
بتسم أحمد(الصقر) وهوا يحس ب أسامة لقرب منه وقاله بتوشويش:ههههه شكله بيتغير اسمك من أحمد لصقر
ضحك احمد وخبط علي ضهر آسامة وغمزلة .
الأفندي حامد تلفت وقال:توزعو في المقر وشوفو المكان
مشي الافندي وقبل مايخش لمكتبه قال:صقورة تعالا نبيك
رفع احمد( الصقر) يده:هي شوي يافندي
خش الافندي حامد لمكتبه واحمد قرب من آسامة:بعدين ماشيين اني وشباب للستراحة
آسامة بتسم:اكيد عارفني فيه بوخة نمشي مافيش فكيني
احمد:عارفك سكار نكار فيه فيه بعدين نتلاقو
مشي احمد ( الصقر) للأفندي ، وآسامة طلع وقف قدام المقر وهوا يحط في السبسي في فمه ويولع فيه ، طلع تليفونه من جيبه لشرين ورد طول:الو بوي
جاه صوت بوه:وينك اليوم ماروحتش
آسامة:واللهي لا خدمة ياحويج وجايبين دفعة جديدة قعدين نشوفو فيها
بوه تنهد:قالي عمك مسعود جيت الصبح خيرك ماخشيتش شفتني
آسامة:كنت مستعجل ومعاي صاحبي بنوصله لحوشهم تحشمت نخش ونسيبه نزلت عطيت لعمي مسعود الجواز ومشيت طول .
تنرفز بوه:اهو صحابك يروحو لحياشهم خيرك ماتروحش حتي انت
آسامة:غدوة اصبح اروح حاضر ياحاج عبدالله غير ماتتكنطاش
عبدالله:نستني فيك اهو ماتروحش
ضحك آسامة :لالا مروح مروح
سكر آسامه من بوه ورفع يده جبد من الدخان وهوا يتلفت ينفخ فيه ، شبح أحمد (الصقر) طالع من المقر وشاد التليفون صيحله:صقورة
رفع احمد( الصقر)  يده بمعني نكمل ونجيك ، رد احمد (الصقر) علي اللي معاه في التليفون وهوا يركب في سيارته:واللهي لا اني مدايره مشغول وراسك ماكنت نكلم في حد
رجعت صيحت وهيا تحاول ماتبكيش:مرة تانيه ماعاش اديرة لا مشغول لا شي والا والله ماك سامع صوتي مرة تانية
نفخ احمد(الصقر) :مريم خلاص هيا اول مرة واخرهم وعد ماعاش نديرة غير اهدي ياعمري
هدت مريم وهيا ترجع في شعرها التالي:دير عملتك وبعدين قولي ياعمري وياروحي وماعاش ندير هكي وله
ضحك احمد(الصقر) :هههه اي
مريم صيحت:شني
احمد(الصقر) :هههه نبصر نبصر ياروحي ماعاش نديرها خلاص ستاحشتك اني
مريم:حتي اني والله
احمد(الصقر) :غدوة عندك جامعة
مريم:اي بس الصبح بكري
احمد(الصقر) :بنجي نشوفك
بتسمت مريم:تمام
نخلعت وهيا تتلفت للباب لنفتح عليها فجأة وخشت عليها اختها تجري وهيا شاده التليفون:ايلاف تبيك
حطت مريم يدها علي قلبها وخدت من اختها التليفون وقالت:خلاص اطلعي وسكري الباب
ضيقت اختها عيونها:في مني اتكلمي والله نقول لماما
فنصت مريم فيها:اطلعي يارانيا اطلعي بالحسنه خيرلك
طلعت رانيا وهيا تقربع في الباب وتصيح:مامااااا
رفعت مريم التليفون وهيا تسمع في صوت احمد (الصقر) ليضحك:تضحك
احمد(الصقر) :قويه اختك ههههه تم ياعمري نخليك توا الشباب يبوني
مريم:تمام دير بالك علي روحك مع السلامة
احمد(الصقر) :حتي انتي ياروحي
سكرت مريم من احمد(الصقر) وسكرت تليفونها وشدت تليفون امها وتصلة ب بنت خالتها إيلاف اللي اول مافتحت الخط عيطت:واااااك ماتعييش غراميات انتي وسي احمد هدا
مريم:ههههه لا مانعياش زيك
قعدت ايلاف ترمش في رموشها:ههههه خليني اني بروحي
مريم:ياي ماتصدقيش روحك يافرخة راهو زيني زيك مش طايحين الا في المردف زي احمد زي سفيان
ايلاف:هههههه حقيرة ياربي
مريم:هههه زيك
ايلاف:اسمعي بعدين مرات نجوكم
مريم:كان حمزة بجي معاكم تفضلو كان هدا ماتجوش
فتحت ايلاف فمها:مصحك
انفتح باب الدار وخش حمزة لصيح:وين سوريتي الزرقة
زادت ضحكت ايلاف:ادكر الحقير يجيك يطير
مريم:ههههه قوليله سوريتك عند مريم برالها
ايلاف شبحت لحمزة لجي قعمز جنبها:قتلك مريم سوريتك عندي تعالا
حمزة ضحك وقرب من ودن ايلاف وصيح:بصحة عليك ماعاش نبيها
دفاته ايلاف وهيا تحك في ودنها لطرشهالها ومريم ضحكة:حيوان ههههه برو اقلبو وجوهكم خالتكم تنادي
ايلاف:باي باي
سكرت ايلاف وشبحت لحمزة:وين ياطير معدي
حمزة:وين يعني بنمشي نلعب كورة غر نوضي نبي سوريتي
نفخت ايلاف وناضة ادورله في سوريته وعطتهاله :روح بكري باش تمشي معانا
نفخ حمزة ولبس طاقيته وطلع:تمام تمام راك تتصلي بيا
ضحكت ايلاف:بنتصل
سكر حمزة الباب وحط السماعات في ودانه وهوا يضحك ويرفع في يده:فااااارس
تلفتله فارس اللي كيف نازل من سيارته ، ضحك وقرب منه:اووو ميسي شن الجو
ضحك حمزة :تمام
فارس:شن ماشي للملعب
حمزة:اي هي تجي معاي
فارس ضحك:هههه لالا مرة تانية عندي خدمة
حمزة:تمام
فارس:خلاص مانعطلكش برا
هز حمزة راسه وسرع رجليه وقعد يهرول ، وفارس تلفت وهوا يفتح في باب سيارته وطبس وهوا يبي ياخد مفاتيح الحوش واول ماطبس سمع صوتها:اهلين
خدي فارس مفاتيحة وطلع من السيارة وسكر الباب وهوا يشبحلها ويبتسم:نادين شن الجو
بتسمت نادين بفرح وقالت:الحمدالله وانت
فارس:الحمدالله
وشبح لصونية لي في يداها:اووو جايبتينا حاجه
نادين ضحكت وخدودها ولو حمرر:اي مدايرتلك كيكه ، قصدي اني مداير كيكه ف جبتلكم منها خود خششها لعمتي
بتسم فارس وخدي منها الصونية:منورة دودة ،خشي
ضيقة نادين عيونها وهزتراسها:لالا ماما تبيني
وتلفتت ومشت وخلاته يخش للحوش وهوا ياكل من الكيكه:يمه
ماجده طلعتله من الكوجينه وهيا تشبح لصونية:من جايب كيكه
زمط فارس لي في فمه ومدلها الصونية:نادين
ماجده خدت منه الصونية:اتصل بخوك خل يروح
فارس نفخ:ونبي يمه فكيني منه هدا تكلمه من هني يجيك من هني
ماجده:من دون الناس من دون الناس ياربي ضنوتي خاااربه
رفع فارس حواجبه:واني شن درتلك توا تجملي
ماجده رفعت يدها:حتي انت زيه
وخشت وهيا تعارك وخلاته يهز في راسه بأسف:لا حولي ولا قوة الا بالله
طلع قدام الحوش وهوا يتصل بخوه:الو
جاه صوته اللي باين عليه دايخ:هااا خوي هاا تفضل
مسح فارس علي وجهه:وينك خيرك قعد ماروحتش
ضحك وقال:هههه ها بابا مازال نلعب مع صحابي
فارس عيط:سكراااان ال..... سكراان ياسفيان تبي تقتل امك انت ياكلب يامسخ ياعن فيتك ياعيل سكرااان
سفيان سكت وهوا يمسح علي وجهه:اممم شني تبي مني خيرك خيرك تهزب فيا اني شني درتلك ههههه خيرك انت
فارس:بري يا..... ورد بالك تروح ياكلب يامسخ لين تصحصح من لعفن هدا
وسكر عليه وخلاه يضحك ويشبح لتليفون:خير امه هدا هههههه
تلفت لصاحبة وفك منه شيشة السكير وقعد يشرب .........
__

شد يديه ورا ضهره ولفه علي الحيط ولصقه فيه لين الولد عيط :اصبر عليا شوي بس والله ماعندي توا يامافيا
زاد رعد لواله يده لين الولد صيح وقال:ماعندكش مصاري ياولد ال.... علاش واخد ال.... مني
تلفت رعد علي ضحكت صاحبه اللي نفخ الدخان وقال:تي اطلقه ياراجل هههه وزيد علي لفلوس فوائد وكان ماجابهم خليه عليا
طلق رعد الولد وهوا يدف فيه وقال:لا فوائد لا فؤاد لا نمي اعطيني حق ال.... وانتلف
الولد:واللهي ماعندي توا
شبح رعد لتليفونه لي في يده وقال:خليقتك فقر هات الهاتف ونتلف
زمط الولد ريقه:لكن
رفع رعد حاجبه وقرب منه خطوتين لين الولد شد نفسه وقال بسرعة:ناخد الممري والشفرة باهي
رعد:خود امهم وهات ال....
خدي الولد شفراته وممريه ومد لرعد التليفون ومشي يجري وخلا رعد يشبح لتليفون وهوا يقلب فيه ويتلفت لصاحبه لقال:تقول ناقصك فلوس توا شاد في العيل هدا
حط رعد التليفون في جيب سرواله من التالي وطلع تليفونه وقال:مانحبش نخلي حقي عند حد ياودي ندسهم للعازة والقهرة
ضحك صاحبة:داهية انت
هز رعد حواجبه ولبس برنوسه وهوا يفتح في تليفونه اللي ستغرب من خلفية الشاشة ومن الرمز اللي عليه ضيق عيونه وقال:بسم الله لعظيم خيره هاتفي
شبحله صاحبة:خيره
قلب رعد التليفون وهوا يشبحله وبعدها ادكر وهوا يضرب في رجله في الحيط:يابنت ال.... ياعن...
صاحبة:تي خير امك وانت حشيشتك تسب
رعد:برا يا... حتي انت
وتلفت مشي وهوا يسب ويلعن في البنت لنخبط فيها امبكري ، لحقه صاحية:تي تعالا ياكلب خيرك
رعد:دبرلي حد ياليمة يفتحلي ال... هدا ....
وهوا قعد ماكملش جملته شرين التليفون فتح رعد الخط طول وهوا يسمع في صوت بنت:الو
رعد:لواا يلويك ان شاءالله وعصاء علي ....... جيبي ام ال...... الهاتف ياكلبت لكلاب
.
.
.
#يتبع_للبارت_لبعده
________________________________
بداء كتــابة الرواية في تاريخ 2019 / أكتــ10ــوبر / 3
تم انهاء كتــابة الروايه في تاريخ 2020 / فبـــ2ـــراير / 3