عشق في بلاد حروبها لا تنتهى 2 (طرابلس ياغارقة في الدم)

البارت 10

_
_
#عشق_في_بلاد_حروبها_لا_تنتهي2
#طرابلس_ياغارقة_في_الدم
الحلقة 10
.
.
في الحلقة السابقة
وقف رعد علي الطريق الرئيسي ورد علي لمعاه علي خط التليفون:ليمه ماترقيش ام..... قتلك فوت امه مره لفاتت خدي مني عشر حبات ومادفعش غير نصهم ولد الكلب لحرايمي
رد صاحبه(ضياء):تي علي ضمانتي ياراجل غير تعالا غدوة لتاجوراء الجو 17 فبراير وحفله اكيد فيه بيع مليح بكل وتو نربحو هلبا
رعد:تمام جاي لكن مانبيش نبيع للحرايمي كلمه وقلتها
ضياء:غر تعالا وبعدين نتفاهمو
رعد:لا نتفاهم لانمي هي تشاو
سكر رعد الخط علي ضياء وتصل بآسامة لرد عليه طول:ايوا
رعد:غدوة في تاجوراء جنب المقبرة نتلاقو خود بضعتك
آسامة:تمام

قراءة ممتعة
#البارت_العاشر

بتسم محمد:هضا واجبي ياميمتي
بتسمت(رنا)وهيا تشد في يد خوها جلال وقالت:بارك الله فيك
محمد:خلوني نكمل عقاب واجبي ونوصلكن وين ماتبو
هزت رنا راسها بمعني لا وكيف جايه بتتكلم شدت حناها (سعيدة) يدها وقصت عليها وقالت:ياريت ياوليدي تكسب فينا حبيبات اجر
ضحك محمد:تفضلو هي
فتح محمد الباب لسعيدة وسعدها تركب وشبح لجلال وقاله:تعالا يابطل قمعز حداي
ضحك جلال ولاد يجري ركب في الكرسي لجنب محمد لركب تحت نظرات رنا اللي تشبحله ومبتسمه ، وطول الطريق وسعيدة ماسكتتش وهيا تهدرز ومحمد يرد عليها بكلمتين وقص ويساير وهوا مركز في نظرات رنا لمتحولوش منه .
رنا:خلاص خلاص وقف وصلنا
وقف محمد علي الجنب وعدل مرايته علي سعيدة لقالت:نعبى عليك ياوليدي ره
محمد:من عويناتي ياميمتي بكرا نتكي عليكن وناخد لوراقي وجوازاتكن
ونزل وهوا يلود علي السيارة ويفتح في الباب وساعد سعيدة هوا ورنا باش تنزل وبعد وهوا يشبح لجلال لواقف وقال:ماعاش ترعش حنك تمام
جلال:هما يخافو بسرعة كان صبرو ره جيتهم
رفعت رنا حاجبها وضرباته علي راسه بشوية:بسرعة عينك
وشبحت لمحمد وقالت ببتسامة:شكرا
سعيدة:خودي رقمه خودي باش غدوة نتصلو بيه كان نسي
محمد:هههه ماننساكش نا بأذن الله
سعيدة:خوده احتياط
فتحت رنا تليفونها ومدتهوله:سجل رقمك
بتسم محمد وخدي التليفون بخجل من انه يرد الحاجه وسجل رقمه ومدهولها ، وقرب من سعيده وباس راسها:معرفه طيبه ياميميتي
سعيدة:ان شاءالله ياوليدي
ركب محمد سيارته ومشي وخلا رنا تفتح في الباب الحوش وخششت حناها لقالت:تبارك الله عليه لوليد اصلا ديما اهل الشرق كريمين وجوادين
قعمزت سعيدة وقعمزت رنا قدامها وهيا تشبح في رقم محمد ببتسامه وبعدها رفعت راسها وشبحت لحناها لكملت:اتصلي بأمك لمعفنه وقوليلها امتي بتجي تشوفينا تقول مش كبدها طياح والله سعدها هي وراجلها
تنهدت رنا:امبكري اتصلت وقالت الجمعة مرات تجي
سعيدة:خزي علي الخلفة وخلاص الله يرحمك ياوليدي الله يرحمك خليتلي عازتك وقهرتك
رنا:شن تقلنا عليك ياحناي
سعيدة:حي عليا كان مش منكم ره هبلت قداش ليا مونسيني ومفرهدين عليا غير هلولد خوك طالع زي بوك الله يرحمه مهبلني
ضحكت رنا ووقفت:نغير حوايجي ونجي نقليلكم دحي
__
عيطت آيات:تي زودي شدي ولدك يحساب رجلي لعبة ولا شن
ضحكت امها سعاد ووقفت سناء وهيا تشد في ولدها رجب وتبوس فيه:اعقل ياشويطين ماعاش تهبل خالتك مريضه
رجب:خيرها مزوقه رجلها باهي
ضحكت سناء وشبحت لآيات لنفخت:فهميه توا
آيات:مديلي تليفوني باللهي عليك
مدتلها سناء التليفون لخداته آيات وهيا تفتح فيه وتشبح في محادثة عمر اللي من امس لما روحت بعتلها رسالة(الحمدالله علي سلامتك)(كيف صار هدا) بس متحشمه لا توا ترد عليه شن بتقوله والله لما قريت رسالتك من الفرحة نضت نرقص نرقص نرقص لين تكسرت هههه
نفخت وهيا تشبح فيه اخر ظهور ليه منذ امس رفعت كتافها وهيا تتشجع وكتبتله(الله يسلمك) (عترت في الدرجات) (الحمدالله جت خفيفه)
بعتت الرسائل وقعدت تركب تقرا في رسائل امس وهيا مبتسمه ، لين سهي لجايبة القهوي قالت وهيا تقعمز:العفو خيرك تبتسمي بروحك
رفعت آيات راسها:شي صاحباتي يتحمدولي علي السلامة
سناء:مالقيتي تتكسري الا توا العفو قبل نبيكم تجوني اضمو معاي الحوش
سهي:الحمدالله لتكسرتي آيات
ضربت سناء سهي بالمخده لين ضحكت آيات:اي والله الحمدالله هدي نعمه من ربي هههه
قالتها وطبست راسها طول لتليفونها لعلن وصول رسالة مسنجر لقعده شاداته في يدها وقعده فاتحه علي محادثة عمر ، نزلت لوطه لأخر رسالة واول ماشافاته هوا باعت رساله فتحت عيونها علي وسعهم (انفجعتي من لقولته هههه لدرجه عترتي)
ضربت آيات جبهتها بيدها بخجل منه.
سهي:تي خيرك
آيات جبدت القيلات وهيا تمد في يدها لسناء لمقعمزة جنبها:شي شي ساعديني نوقف
شدت سناء يدها بشوية وساعدتها توقف:وين ماشيه بنشربو القهوي
آيات:اضايقت من تيشرتي نغيرة ونجيكم هي
سعاد شبحت لسهي:نوضي ساعديها
آيات مشت وقالت:لالا خلاص وصلت
مشت آيات لدارها وهيا تسكر في الباب وترد علي رسالة عمر(لا والله ماهكي)
عمر(هههه نبصر نبصر شن حالك توا)
آيات(الحمدالله خير من امبارح)
عمر(اممم عادي نطلب طلب)
رفعت آيات حاجبها وقعمزة علي السريرها(تفضل)
عمر(ماتفهمينيش غلط لكن)
آيات(اصلا كلمتك هدي خلتني نفهم غلط من توا)
ضحك عمر ومسح علي جبته بتوتر(ههههه ابلاش امالا)
آيات(لالا قول خلاص مش ح نفهم غلط كان هيا حاجه مش غلط ف علاش بنفهم غلط)
وضيقت عيونها وبعتت رسالة تانية(وان شاءالله ماتكونش حاجه غلط)
بتسم عمر علي تهديدها الغير مباشر(عادي نتصل بيك مكالمة مسنجر)
فتحت آيات عيونها وضحكت وهيا ترجع في قصتها ورا ودنها بدلع:واااه عليا واااه كان ماطلبت انت ره اني لطلبت ياحليلي واللهي نحبه ونحب اسلوبه هههه
وردت عليه بخجل وهيا مش عارفه شن اترد بضبط (اممم نعرفش)
عمر(كيف ماتعرفيش) (كان ماتبيش عادي ره)
آيات(لالالا مش هكي)
عمر بتسم بفرح(تمام نتصل معناها)
آيات(تمام)
زمطت آيات ريقها وهيا تحط في التليفون جنبها وتمروح علي روحها بيداها الزوز بخجل تقول بتشوفه هههه ، بس ماهيا الا لحظات الا وتلفتت علي صوت مكالمة المسنجر ، خدت نفس كبيير وطلعاته وشدت تليفونها بيداها اللي يرعشو مش عارفه لو من الخوف او من التوتر ، بس بجد هيا توا قعده تحس بشعورين الخوف والتوتر ، فتحت الخط وحطاته في ودنها من غير ماتتكلم ، واول ماسمعت صوته بتسمت:ايوا
تحمحمت آيات وحاولت اطلع صوتها الهارب:الو
عمر بتسم:ايه شن الجو
آيات:الحمدالله وانت
عمر:جوي التمام التمام بدات في اللحظه هدي
ضحكت آيات بخجل:دوم ان شاءالله
عمر:صوتك حلو
زادت ضحكت آيات:شكرا ههه
عمر:ههه ماتواخدينيش تو بنبدا نخرط من الفرحة هههه
حطت آيات يدها علي عيونها وهيا تضحك وبتموت من الخجل من كلامه ومنه هوا ...
__
مسحت إيلاف علي تيشرت حمزة وهيا ترفع فيه بيداها وتشم في ريحته بالقوة ودموعها مابطلوش من النزول ، حست بيد علي كتفها وصوت مريم:ربي يرحمه
إيلاف:روحي ماتت نصي مات يامريم توأمي مشي وخلاني ياقهرتي فيه موعرها ، موعرها حاسه روحي ننحرق حاسه قلبي يوجع هلبا هلبا يامريم يوجع هلبااا
قربت مريم وحضنتها وهيا اطبطب علي شعرها:ادعيله ترحمي عليه هدا لي يفيده توا ، ادعي ربي يسامحه ويغفرله دنوبه ، توا لا بيفيده ولا برجعه بكاك
بعدت إيلاف من علي مريم وهيا تمسح في دموعها وتحضن في تيشرت حمزة ليها اكتر:ربي يرحمه ربي يرحمه ويسامحه
وقفت مريم وخدت تليفونها وطلعت وهيا تتصل بأحمد(الصقر)
احمد(الصقر):واخيرا اتصلتي ، خيرك ماترديش علي مكالماتي وخيرك امس تبكي ادوي وينك
مريم مسحت دمعة نزلت منها وقالت بصوت فيه العبرة:أحمد
أحمد(الصقر):ها ياعويناتي ها خيرك تبكي قولي خيرك
مريم:ولد خالتي توفي
ودموعها نزلو وصوت بكاها تعلا:مات ياناري صغير بكل
أحمد(الصقر):اشش ياعيوني هدي سنة الحياة كلنا ليها ربي يرحمه
هزت مريم راسها:مش مصدقه حاسه روحي وكأنه في حلم
أحمد(الصقر):كأنه مزودتيها عادي كلنا بنموتو يامريم خلاص بطلي بكي
ضيقت مريم عيونها:كيف مزودتها
أحمد(الصقر):مزودتيها اي حسستيني الميت خوك ماتعفلقينيش توا ولا طايحه تتبكي عليه فيه شي بينك وبينه واني مانعرفش
خدت مريم نفس وغمطت عيونه وهيا تحاول تستوعب في لكلام ليقول فيه وبعدها قالت:انت ماعندكش قلب انت ماتحسش شن كان مش خوي مانبكيش عليه تي ولاد خلاتي كلهم حاسبتهم كانهم خوتي ، واصلا مع من نتكلم  لزيك وليخدم زي خدمتك مانستغربش انهم من غير قلب
وسكرت في وجهه وهيا تبكي بقهر من كلامه...
__
نفخت غالية اللي قامت شعرها فوق وضربت سارة علي يدها:حولي قتلك نحبش حد يمسلي شعري
سارة قلبت عيونها:تفوه حيوانه
غالية:عيب عاش تسبي واللهي نحرش فيك عمي مفتاح رهو ره
طلعتلها سارة السانها وهما يتلفتو لصفاء لجتهم:غااالية زودي نرفعو كسكسي لأمك واحمد ماما مدايراته
وقفت غالية ووقفت وراها سارة وهيا تبي تمشي معاهم بس تلفتتلها غالية وقالت وهيا اضيق في عيونها:تجيش معانا انتي درهتيلي كبدي مه
سارة عيطت:صفاااء كلميها
صفاء:قعمزي هني نمشو ونجو بسرعة بسرعة
نفخت سارة ومشت تجري وهيا تنقرز لامها .
طلعو صفاء وغالية لتلفتت لصفاء:قال احمد خوي بنمشو من هني
صفاء:اي قال لبابا وهما يدورولكم في حوش للإيجار
هزت غالية راسها بتنهيدت زعل
صفاء:ماتزعليش تو نجوكم ديما
خشو للحوش وغالية قعدت تصيح:ماماااا وينك
امنه:تعالو تعالو في الكوجينه
مشو للمظبخ وصفاء حطت الكسكسي علي الطاولة وقالت:شن حالك خالتي
تلفتت امنه وقالت ببتسامه:الحمدالله ياربي يابنيتي شن حالك انتي
واول ماشافت الكسكسي شهقت:العفو علاش متعبين روحكم
صفاء:ماما بعتتهولك بالحوت
أمنه:صحيتو ياحنه
سمعو صوت احمد لخش للحوش:يمه
غالية صيحت:تعاااالا هني
جي أحمد:وين هني قولي في الكوجينه مش هني ههههه
غالية:اهو عرفت من غير مانقولك في الكوجينه
شدلها احمد خشمها لين غالية عيطت:مامااا
حول احمد يده وشبح لصفاء وقال:شن الجو
هزت صفاء راسها بخجل:الحمدالله وانت
احمد:ميه ميه مدامك منورتينا
ضحكت صفاء وخدودها ولو حمر وهيا تشبح لاحمد اللي قرب من الكسكسي:اووو جي في وقته جعان
غالية شدت يد صفاء:ماما اني بنتغدا عند صفاء باهي
امنه:باهي يطيب غدانا تعالو ارفعو منه
صفاء:مافيش داعي ياخالتي
امنه:لالا تعالو تو بيقعد كله بنتغدو الكسكسي وبيقعد هوا
غالية:باهي هي مشينا
وطلعو وخلو امنه تقعمز جنب احمد لبدي ياكل:شن حصلت خوك كلمته
حط احمد الكاشيك وهوا يزمط لي في فمه وقال:لا رقمه مقفل مش عارف خيره
امنه:ان شاءالله خير
كمل احمد غداه هوا وامنه لقامت لماعين تغسل فيهم واحمد طلع برا وهوا يجرب يتصل بمجدي اللي مل احمد وهوا يعطي فيه مقفل ، وقبل مايسكر جرب اخر مرة وشد معاه لين احمد تنهد وهوا يحط فيه في ودنه واول مارد مجدي صيح احمد:خيرك ماتردش الا بشياط الريق قتلك ماعاش تسكرها الشفرة
جاه صوت مجدي:تي كان مسكر شحن هدا وين شحنته ، شن حالكم وحال امي وغالية
احمد:الحمدالله حني بخير المهم بنقولك ماعاش تحاول تجي هني اطلع برا لمصراته ولا لشرق محمد جي هني ويدور عليك
مجدي:اني اصلا في مصراته لكن تشحورت مليت يااحمد ماعاش قادر بنروح ولبيديره غر يديره
احمد عيط:تي خيرك انت تبي تموت تبي تقتل امك كان تولي محمد طول بيقتلك عيونه يبو الدم ومش نوي غير الدم وولا يخدم في الملشيات يعني يقدر يدير اي حاجه
مجدي نفخ وهوا يحط في يده علي راسه:مش عارف عيت ماعاش عرفت وين نهرب اكتر
احمد:ادعي وحني ندعولك وان شاءالله ربي ايسر امورك ويفتحها قدامك ان شاءالله
__
معتز:افتحوووو ياولاد الكلب افتحووو
خبط معتز برجله علي الباب بالقوة وهوا يخبط بيده وقعمز لوطه وحاس بطنه بتتقطع من الوجع وهوا يبي الحمام ومن غير ريحة الشيلا زايده غامه نفسه وحاس روحه بيرجع وصقع زايد ينهش في عضمه ، تكه راسه علي رجليه وهوا يدعي ويقرا في ايات قرءانية ونفس الوقت يستغفر في ربه لانه عارف روحه في حمام وحرام بس ربي عارف النوايه ، شد بطنه بيديه الزوز من الوجع وهوا يحاول يصيح:يااااااهووووو وينكم وينكم ...