عشق في بلاد حروبها لا تنتهى 2 (طرابلس ياغارقة في الدم)

البارت 28

_
_
#عشق_في_بلاد_حروبها_لا_تنتهي
#طرابلس_ياغارقه_في_الدم
البارت 28 وماقبل الأخير
.
.
.
في الحلقة السابقة
نور:قلتيله علي موضوع الخطابه لجايين غدوه
رنيم:قلتله النم مش قتله
نور طرمت شفايفها:تبي نقوله
فنصت فيها رنيم:نقتلك بعدين نقتلك
رنيم:باه بتقعدي هكي لا امتي بتراجي هي ، قصدي هوا عادي بس علي الاقل يجي يعطي كلمه لانه أسماء من بعد مارفضتي الناس هدوكم وهيا تكرب عليك وتبي تعطيك
رنيم تنهدت:واااااك واللهي ماعاد عوفت كيف نتصوف لا معاه ولا مع هلأسماء

قراءة ممتعة
#البارت_التامن_والعشرون

هاللي يجيني شهقه في حلمي ديماااا ، ودي معاه نحكي ليله 💛✨
.
.
صباح يوم جديد في العاصمه يحمل الفرح لناااااس عانت هلباااااا فرحه لناس وشوق لناس تتمني تشوف شخص غلطا معاها في يوم من غير نية سوء...
قعمز السفاو جنب امه اللي تصيح:ياحنين انزلي خوك وخالتك يراجو لوطه استعجلي
طلعت حنين تجري وهيا تشاورلهم:هي نزلت
وسكرت الباب وخلت السفاو يتلفت لأمه وقال:وانتي ماكش ماشيه
احلام:ان شاءالله في الجايه قلبي يبرا علي ضناي ونمشي نفرح لوخيك لكن توا قلبي ماطاوعني نمشي وولدي ماسكر سنه في قبره
السفاو:بااللهي يام ماتكسري فرحت رعد ماصدقنا هون علي المشاكل وعدوانيته بعد موتت رائد
احلام:لالا قتله بنمشي لكن في الجايه ماكسرت بخاطره وهوا فاهمني كسرتي وكسرته واحد
تنهد السفاو وسكت وهوا يحاول يتكلم ويقول لمقعمز علي خاطره جنب امه ليه ساعه ، ومن تلبكه وثوتره لين نتبهت عليه امه لضيقت عيونها وقالت:طلعها ورتاح وانت ليك ساعه مقعمز جنبي تلكلك فيها يمين يسار مش قادر تدوي
ضحك السفاو:حسيتي صار
احلام:ههههه وليدي ونعرفك قول ها وعيوني ليك
بتسم السفاو وقرب باس راسها وتحمحم وقال:هوا احمم نبيكم تشوفولي بنت
نطت احلام طول بضحكه:واااخيرا اقتنعت والله نجيبهالك بنت لبنته اهو بنت عمك صالح زي لغزاااله ديما نقول كان السفاو يقول باهي بس طول نخطبهاله خلاص تو نكلم اميمت....
قص عليها السفاو:غر اسمعيني يام غر اسمعي بس وانتي نضتي ادربكي بروحك
ضيقت امه عيونها وهدت شوي والسفاو كمل:لا نبي بنت عمي صالح لصلوحه ، هوا اني حاط عيني علي بنت
احلام رفعت حاجبها:مشاءالله وين كانت البنت هدي من قبل وبنت من ومن تكون ومن وين
السفاو:وااااااااا ياااام خيرنا عاااد اللي هيا هي ، تو نرفعكم وتعرفو عليهم انتم
احلام تنهدت:ان شاءالله خير مش عارف اني كل واحد جايبلي بنت من جيها حرمتوني ندورلكم بروحي
شبحلها السفاو علي الجنب برفعت حاجبه:ماتبيش بلاش
احلام:لالالالا ان شاءالله اللي هي تبيها خلاص ماصدقنا حني تو نقول لخالتك و وحده من خواتك يمشو يشوفوها
السفاو وقف وباس راسها وهوا يتلفت ببتسامت شوووق وتمني انه يصير ليبيه ويقدر يوصللها وماترفضاش
.
.
__
.
.
.
ضحكت فرح وقالت:وااااك تحشمت لما بابا قالي موافقه واني زي لبهيمه هزيت راسي طول ههههههه
معتز بتسم:كنت حاط يدي علي قلبي ضنيت يرفضوني علي خاطر حبستي
فرح:انت مش مداير حاجه غلط
معتز:واهم حاجه نيتي جيتك راجل ونويتك حلالي وتمنيتك هلبا وربي جزاني بحسن نيتي
فرح سكتت شوي وبعدها قالت:بس قبلها لعبت بيا
معتز:مايهمش
رفعت فرح حواجبها:شن قصدك مايهمش انت جرحتني وقهرتني مش يوم ويومين ره قعدت شهور تكدب عليا
معتز تنهد:وااااااك اهي بتنكد ها
فرح:امالا شن تبيني ندير نصفقلك
معتز:حمارانتي قصدي مايهمش لانه جبتيني لطريق خليتي من لعبتي تنقلب علي راسي ومن لعبه وليتي حياتي كلها ياغبيه
بتسمت فرح:صح اي
معتز:ههههه محلاها الغبيه
.
.
__
.
تلفتت نور لرنيم وقالت:حسهم جو
تلفتت رنيم لتليفونها لشرين ولما شافت رقمه من الغل سكرت الخط في وجهه:كلب حقيو
نور رفعت حواجبها:رعد
صيحت رنيم:ماعاش تنطقي اسمه قدامي
نخلعت نور منها وهزت راسها طول:باه خلاص سكتت
قعد رعد يتصل ورنيم تسكر عليه ونور اول ماتبي تتكلم تشبحلها رنيم تسكت طول .
خشت عليهم رجاء وهيا تخشش في سفرة العصير وقالت:اطلعي ماما تنادي عليك
رجعت رنيم شعرها التالي وقبل ماتمشي وصلتلها رساله ، خدت تليفونها وفتحتها واول مافتحتها وقرت لفيها فتحت فمها بصدمه وهيا تقرا(انم وربي لما انتفك ياقرده ، غر اطلعي توا لخالتي واختي بعدين تو نتفاهم معاك ياكلبه)
ضحكت رنيم زي الهبله وشبحت لنور اللي مدتلها صفرة القهوي وهيا مستغربه من ملامح وجه رنيم لتغيرو من حزن لفرح:خيرك
رنيم كيف جايه بتتكلم بس رجاء عيطت:قتلك ماما ستعجلي
خدت رنيم نفس وطلعاته وخدت صفرة القهوي من نور وقالتلها:حلوه وله
نور هزت راسها ببلاها:اي حلوه
تلفتت رنيم وطلعت وخلت نورمستغربه كيف تغيرت وولت فرحانه .
.
.
__
.
.
في الليل .....
كانت رنيم ونور مقعمزات في الجنان وساكتين وكل وحده تفكر لبعيد .
تنهدت رنيم ببتسامه وهيا تدكر في رسالة رعد لماعاش اتصل منها وهيا تحشمت انه تتصل بيه ، نفخت وتلفتت لنور وقبل ماتتكلم شبحت الدموع علي خدودها ، ضيقت رنيم عيونها طول وقربت بكرساها من نور:خيوك تبكي
مسحت نور دموعها:ستاحشته
رنيم قربت وحضنتها:الله يوحمه نعوف صاعب نسيانه
نور:مستحيل نسيانه مش صاعب ياأختي مكانه زي مكانت امي ازوز كسروني بفراقهم
بعدت رنيم عليها شوي وشدت وجها بداها الزوز:ماعاش تبكي خلاص انتي هكي تعذبي فيه وه ادعيله هوا وامي ادعي ربي يجمعنا بيهم في الجنه
هزت نور راسها:ان شاءالله
وبعدت من علي رنيم وهيا تمسح في دموعها وكملت:نكدتها عليك اسفه
رنيم:طيح سعدك ماعاش تقولي هكي
نور بتسمت:مرت بابا عجبوها خالت واخت رعد هلبا
رنيم شبحتلها علي الجنب:ياحنه تبي تتفكه مني اكيد بيعجبوها
ضحكت نور:اي والله امبكري نسمع فيها تقنع في بابا وتشكر فيهم قدامه
رنيم ضيقت عيونها وقالت بخوف:ياخوفي يعوف انهم متع مخدوات ووفرحتي تتفوكس
نور زادت ضحكت وبعدها سكتت وهيا تشبح لرنيم لتنهدت:علي اساس حني عيله انظيفه ههههه
رنيم:امس بابا قالي عمي سليمان كلمه
نور:الله
هزت رنيم واسها بمعني اي ونور قالت بفضول:وشن يبو
رنيم:قال جدي مويض ويبينا نمشوله
نور ضيقت عيونها:وبابا مستحيل يمشي هوا ماصدق تفكي من جرمهم ووحشيتهم وفكنا منهم
رنيم:حسيته كأنه أثو فيه كلام عمي ماتعوفيهمش هادو كانت ماما تقولي عندهم السان يلين الحجو مابالك مايلينوش قلب بابا الهش
نور:نخاف منهم اني عمامي وولادهم صح ماعمري شفتهم وطلعنا منهم متعاركين من لما كنا اصغار بس دكراياتي معهم اخي كله عرك وندكر في جدي واعر وعمامي واعرين وديما يعيطو واسلوبهم اخي مابالك ولادهم توا ونساوينهم
هزت رنيم راسها:ماعلينا وبي يكفينا شوهم والله شو هالاسماء جنه علي شوهم
نور:ان شاءالله اني كان بابا بيمشي وبيرفعكم اني بنقعد عند حوش جدي مش ماشيه
رنيم:حتي اني مستحيل نمشي
قطع كلام رنيم صوت تليفونها لتلفتتله طول
نور بتسمت وهيا توقف:خودي راحتك ياحنه ههههه اني بنخش ناكل جعت
هزت رنيم راسها ورت علي رعد:الو
رعد:ها قرجتي
رنيم بتسمت:شن حالك مجنوني
رعد رفع حاجبه:اني مجنون ياهبله
ضحكت رنيم ورعد كمل:تعرفي غر زابطه كيف تغيريلي في جوي وتهدي فيا كان هدا ره قطعتك علي اسلوبك متع امس ياكلبه
رنيم زادت ضحكتها:ههههه كنت متعصبه منك هلبااااوانت تقول ميت في واسك حماو ماتفهمش فيا بكل
رعد:تي انم تكلمي زين
رنيم:تمام تمام ها خلاص هههههه
رعد ضحك علي ضحكتها وقال:محلاك وربي ياحبي
رنيم ضحكت وقالت من غير ماتركز علي روحها:ياوبي انت لتهبل نحبك اني هلبااااااااا ياقلبي انت
رعد رفع حواجبه وردهالها طول بضحكه:تي ورب الكون لنموت في حبك ياحلالي
حطت رنيم يدها علي فمها ووقفت طول وهيا مصدومه من لقالته ومن رده عليها ، قعدت ساكته وتلعن في روحها وهوا قعد يضحك وفهم انه تحشمت:ياحبي وينك تي انم ياقرجه وينك هههههه تحشمتي ههههه مرتي انتي ماتتحشميش مني
.
.
.
#يتبع_للبارت_ماقبل_الاخير
________________________________
بداء كتــابة الرواية في تاريخ 2019 / أكتــ10ــوبر / 3
تم انهاء كتــابة الروايه في تاريخ 2020 / فبـــ2ـــراير / 3