عشق في بلاد حروبها لا تنتهى 2 (طرابلس ياغارقة في الدم)

البارت 27

_
_
#عشق_في_بلاد_حروبها_لا_تنتهي2
#طرابلس_ياغارقه_في_الدم
البارت 27
.
.
.
في الحلقة السابقة
قعدت تشبحله تاواني وبعدها ردت وهيا تسمع في صاح رعد:انمممم خير امك ماترديش عليا علاااااش تخلي فيا نخرط عليك
نور تحمحمت:اني نور اخت رنيم
رفع رعد حواجبه وانصمت وهوا يتحمحم:اه وينها اختك
نور:امممم شن حالك
رعد:الحمدالله شن حالك انتي
نور:نقولو الحمدالله
رعد:وين رنين
بتسمت نور:رنين عندها مقابله شرعيه
رعد ضيق عيونه:مقابلة شغل؟؟
ضحكت نور:انت ماتشبهش رائد في الشكل بس حتي في الغباء
ضحك رعد:مش توأم
نور:باللهي عليك تجوز أختي باش تقعد ادكرني فيه
رعد بتسم:حاضر غر قوليلي هيا وين بس باش نجي وناخدها
نور:لحك لانه فيه من بياخدها
رعد:كيف
نور:هيا مش في مقابلة شغل هيا في مقابله شرعيه ومرت بابا مصره تعطيها كان تبي أختي تعالا
رعد ضيق عيونه ورقتله:اسمعو فكونا من جو اللعب هدا
نور:اني وضعي مايسمحليش ندير الجو هدا ره
رعد:هيا معاه توا
نور:اي
رعد:ياعن...... ولد..... بري طلعي امها كلبت لكلاب
قعدت نور تضحك عليه وهوا ماعاش بطل لين سكر وخلاها تضحك بدموعها .....

قراءة ممتعة
#البارت_السابع_والعشرون

قلبي يتألم علي زمان ، غدر فيه الأبن بأبيه 💔
.
.
ضيق آسامه عيونه وهوا ينزل من السياره ويشبح في الزحمه علي حوشهم والناس اللي تبكي ، قرب وهوا يسأل:بوي شن فيه
تلفتله واحد من الجران اللي الدموع في عيونه الممزوجه بالإحتقار والحقد وقال:دبحت بوك ياظالم دبحته
دفه آسامه من عليه وقال:تي شن تقول انت بوي وين
عيط عليه جارهم وكان بيهجم عليه بس شدوه الناس وقعد يصيح علي آسامه لتلفت لباب حوشهم وهوا يشبح في الجران يطلعو في بوه الملفوف ببطنيه كلها ملطخه بالدم وسمعه كله مع الجار اللي يعيط عليه:شبحتك بعيوني طالع وحوايجك دم شبحتك بعيوني ياظالم ياعاق هدا جزات لرباك هدا جزاته
خدي آسامه نفس وهوا يدكر في روحه لما وصل للمقر وبدي يصحه من تأتير لحبوب شوي ويركز علي حوايجه اللي مليانه دم ، بدلهم ودوش وهوا مستغرب من وين الدم اللي علي حوايجه بس مافكرش بكل انه دم بوه ، ماتخيلش انه السم لغرق فيه خلاه يقتل بوه ، متخيلش انه بلوت ادمانه تولي كارثه وتحوله لمجرم متوحش من غير مشاعر ...
طاح من طوله وهوا حاس بالدنيا لفت بيه والدموع غبشت علي الرؤيه متعه ، وأخر حاجه شافها كيف حطو بوه في سيارة الاسعاف وصوت دورية الشرطه لوصلت ، وبعدها اغمي عليه وهوا يهمس :بوي .......
.
.
__
.
.
حطت رنيم السفره علي الرخامة المطبخ بالقوه وهيا تنفخ وتفك في وشاحها وتتلفت لنور لجت تجري:رنيم
رنيم ضيقت عيونها:خيوك شن مدايوه
نور رمشت عيونها ببرائه:حطيتك في مصيبه هك كبرها
رنيم صفقت:يافوحتي بيك شن هببتي
نور:اتصل رعد ورديت قتله انك في مقابله شرعيه قعد يخرط ويسب يسب وبعدها سكر في وجهي ههههههههه
فتحت رنيم عيونها:تبصوي
نور ردت بضحكه:والله
رنيم:شن قعد يقول
نور:تي واللهي يحبك هي قعد يقولي قولي لأمها كلبت لكلاب تطلع وبعدها قعد يبل ويعجن ويسب ومافهمت منه حاجه هههههه
رنيم بتسمت وهيا رافعه حواجبها ، وبعدها ضيقت عيونها وقربت من نور وضربتها علي راسها:حيوانه انتي من قالك تودي عليه
نور وقفت ضحك:هوا ماعاش بطل اتصال
وهيا قالتها من هني اتصل رعد من هني ، رجعت ضحكت نور ورفعت التليفون:ها اهو اتصل ههههه
نفخت رنيم وهيا تفك منها في التليفون وطلعت وهيا تقول:ووبي لما نوويك ياقوده
ومشت تجري خشت لدار وسكرت علي روحها وردت عليه:الو
جاها صوته الهادئ:شن كملتي لقائك الرومنسي
بتسمت رنيم:اي
رفع رعد حاجبه:اوووه شكله عجبك
رنيم رفعت حاجبها وبدت تلعب بدوه معاه :يهببببببل تعوف جنتل هلبااا ودوق وأسلوب ياوبي حليلي نا وخلاص
تعدل رعد ف تقعميزته وصيح:ياعن فيتك انتي وياه يا......... .......
رنيم صيحت:ماااااعاش تسبني والله نسكو في وجهك
رعد:وسكري شن تراجي سكري سكري وبري للعيل ال..... لجايك لكن ورب القعبه هي ورب القعبه يارنين مايكتبها تنزفي لغيري كان ماقتلته قبل ماياخدك مانتسمه راجل وبرحمت خوي الغالي لي في قبره لما نبعتهولك جثه
زمطت رنيم ريقها:هي انت شن تقتل ماتقتل هدي ، هوا جاي يشوف فيا بس قعد ماصاو شي خيوك انت
رعد:ومن سمحله يجي يشوفك اه ماحد يشوفك انتي غيري
رنيم عيطت:ونبي
رعد علا صوته اكتر منها:ونبي عزيز هيا كلمه وماعاش تعالي امه صوتك ياكلبة لكلاب كيف تخلي راجل غريب يشوف فيتك انم كيف
تعصبت رنيم وقالت من غير ماتفطن لروحها:وخيوك انت اهو حصنتني وانت غويب عليا علي الاقل هدا جاي قدام الكل يبي يتزوجني مش زيك
رعد هدئ شوي وقال:اني عيل مه وله
ضربت رنيم يدها علي جبهتها بشويه بعتب علي روحها وقالت:لا لا ...
قص رعد عليها وقال:خلاص بري تجوزي الراجل وخليني اني عيل ماننفعش بيك
رنيم:رعد ماتسكوش
سكر رعد التليفون وحدفه قدامه ووقف طلع للبلكونه وهوا حاس بضيق في صدره ، ماسد جرح فراق خوه بتزيد عليه حتي رنيم ...
ولع سبسي وهوا يسمع في صوت تشرين تليفونه لحساسه بهتمامها بس في نفس الوقت حساسه بضيق انه الأهتمام هدا ح يكون لغيره لو وافقت علي اللي جاها ، خبط يده علي حديد الحمايه متع البلكونه وهمس:وربي نقتله ولا ياخدها
وسكت وهوا يفكر في داخله ، وباه حتي كان سيباته بوها بيقبل فيا اكيد لا وهيا مش ح تعارض قرار بوها .
تنهد من وسط قلبه ، ح نفترقو توا ولا بعدين وبنتوجع ، كلام رائد كله صح كلنا مصيرنا زي السفاو وحدانيين ...
غمط عيونه بالقوه وهوا يسمع في صوت تليفونه لمابطلش اتصال ، رجع تنهد ولوح السبسي من يده وخش وهوا ياخد في تليفونه وقعمز رد عليها:هاا
رنيم عيطت:علااااش ماتودش اه علااااش
رعد:شن تبي
رنيم فتحت فمها وصيحت:شن نبي ؟ انت شن تبي اه شن تبي تهبلني
رعد:اني نبيك انتي
هدت رنيم طول وسكتت وهيا تسمع في رعد لكمل بصوت هاااااادئ:انتي ليا اني بس يارنين ليا بروحي
ضحكت رنيم وهيا شاده خدها لمولي أحمر من الخجل وقالت:رعد
رعد:ياعيونه انتي
زادت ضحكت رنيم:متأكد انت رعد
بتسم رعد:اي بس هدا رعد متع رنين
رنيم:وباه رعد هداكا متع مني
رعد:حتي هداكا متعها غر اخشن بشوي
ضحكت رنيم بالصوت عالي لين خلت رعد يضحك معاها وبعدها قال:اسمعي
رنيم:ههههه هاا
رعد:نعم
رنيم:زي بعضه
رعد:ههههه  انتي وحده
رنيم ضيقت عيونها:ها ولا رعد هداكا ها
رعد.تحسبيها ديما عيد امالا
رنيم نفخت:باه خيوك شن تبي
رعد:نبي نتزوجك
تحشمت رنيم وماعاش ردت عليه ورعد كمل:ستنيني شوي بس شهر علي الاقل ألملم كسرتي في خوي وبعدها ماتكوني غير ليا كان تبي
سكتت رنيم وهيا مش عارفه شن ترد لين رعد رجع وقال باأصرار:تي تكلمي انم ولا ماتبيش
رنيم:اوووف منك خليني نتحشم علي واحتي علي الاقل
ضحك رعد:هههههه باه ردي عليا وبعدين تحشمي تبي
رنيم:اي نبي
رعد:خلاص توا تحشمي هههههه
رنيم:تفوه عليك
.
.
__
.
ويـل لــمَّن غاب عنـهُ عقلـهَ سهـواً ، و ويــلات لــمَّن مات فِيـه ضَمِيــرهُ دَهـراً 💔
.
.
فتح عيونه بالقوه وهوا يشهق من أثر سطل لميه لمصقع لتبزع عليه ، وقبل مايستوعب آسامه هوا وين جاه اسوط علي كتاافه ووجهه وصوت ليجلد فيه:تقتل بوك ياعااااق تقتل لرباااااااااك
وزاد ضربه علي وجهه بالسوط لين آسامه فاق علي روحه وهوا يستوعب انه في دارمظلمه  وحولينه تلاته جلادين يضربو فيه وكبدهم دم عليه ، اصلا الكل كبده دم عليه حتي هوا كاره روحه ، كاره روحه انه دار شي هوا مايعلمش بيه مايدكرش فيه دار شي مستحيل يديره ...
خدي نفس كبير وطلعه بصرخه عااااااليه ، ضنو بيها اللي يجلدو فيه من حرار الضرب بس هوا كان مايحس من ضربهم في شي مايحسش لانه في ألم في جرح في قلبه اكبرررررر جرح مألم جرح يبكي الحجر ويخليه يحس ، قعد آسامه يبكي وهوا يصيح ويناااادي بصوت عالي:بوووووووي ياااابوييي لااااااا لاااااا يابويي
خش في هستيريت بكي وعيااااط لين لجلدو فيه وقفو وهما يبعدو عليه والشباب لبره جو يجرو يشبحو فيه.
تلفت واحد من الشباب وأشر بيده باش يطلع الكل وهوا كان بيتلفت ويطلع وراهم بس حس بيد آسامه لجبد السلاح من خصره بسرعه وحطه في راسه وبحركه سريعه وخلال لحظات ماحد استوعب فيها لصار طلق آسامه علي روحه الرصاص في راسه وطاح في أرضه في مكانه ميت في لحظتها وزمانها ، وشريط حياااااااته كله يمر بين عيونه شريط حياته اللي ماكان فيه حد الا بوه وهوا ، حياته لكانت حلوه مع بوه وآمه ، وحتي بعد فراق امه بوه عوضه علي مكانها وماخلاشي يحتاج لشي او يفقد حضن الام اللي كان معوضه هوا مكانها ، الاب اللي كان من المفروض يرفعه فوق راسه في كبره زي مارفعه هوا في صغره ، قتله بديه وحطله ابشع نهايه ممكن تصير لأب في الكون هدا وفي لحياة والدنيا الغداره هدي 💔
.
.
.
أســــف يأبي ، أنـا أسف ياقضــوتي ، أقسم لــك أنِي حينها لــم أكن أنـا ، أقســم لك يــأبتي وأنـا بين يـدي الله أنـي أُحـبُك و أنِي حينها لم أكـن أنا ، أسـف يأبتي ، أســف فقــــد خسرتك وخسرت دنيــاي وأخرتي 💔
.
.
اللهم غفرانك اللهم غفرانك ، اللهم حُسن معيشتنا ، وحَسن من ظروفنا ، وحُسن الخاتمه 💛🤲🏻
#الياقوت
.
.
__
.
.
.
{بــــــَعد مرور خمـ(5)ــس أشهـــــــر}
سلامــاً علي من جعَــــل قلبـيِ مسكــناً لـهَ 💛
.
.
في الليل كان رعد فوق السطح يدخن ومتكي علي الكرسي ويشبح لسماء:رنين
حطت رنيم خوها في سريره وقالت بصوت واطي :عيونها
بتسم رعد:رقد خوك
تسللت رنيم من دار خوها ورجا الراقده وطلعت لجنان:اي واخيوا
رعد:ستاحشتك ياقرجتي
بتسمت رنيم:حتي اني هلباااا
ضحك رعد:حليلي علي لقنينين اني هههه ، اي شن كنتي بتقوليلي امبكري
تنهدت رنيم وهيا تحك في شعرها وحاسه بضيق في صدرها:هوا كنت بنقولك غدوه امممم
رعد:شن فيه غدوه
رنيم نفخت:اوووف غدوه
ورجعت نفخت بالقوه:اووووف يارعد اووووف اصلا تفوه عليا اني وعلي قلبي باهي
رعد:خير امك انتي
رنيم صيحت بتوشويش خوف حد ينوضلها:ماعاش تسبني قتلك اني
رعد :تي انم امتي سبيتك اني توا ، خيرك انتي اليوم نايضات عليك عليا الزفت
رنيم:لأنك واحد حيط حطب ماعندكش قلب ومعاق السان وكل شي الزفت
رفع رعد حواجبه:شني شني
رنيم:لسمعته تمام ومن غير سلام
وسكرت الخط في وجهه وخلاته مسطول ياناري يلود علي روحه ويسب زي المجنون هههههه.
وهيا قعدت تهتري لين سمعت صوت نور لطلعت وهيا مستغربه:خيرك العفو تدوي بروحك
نفخت رنيم وجبدت الكرسي متع الطاولة لكانت في الجنان الخلفي وقعمزت:علاااش ياوبي علاااش مالقيتش حد تخليني نحبه الا هدا واحد مايحسش بكل بكل تعوفي موات نحسه يموت فياااا لين نقول خلااااص يارنيم وتي ووحك بقولك نحبك يارنين بس شي شي وغيو لسانه المعاق المشلول طبعا هدا بووحه
نور:سطووووووب اسطووب اووووف شن بالعه راديو
رنيم:هبلني وحقوبي
نور:باه خيرك متعصبه هكي منه شن دار
رنيم:مايفهمش بكل مسطول الواجل
نور:قلتيله علي موضوع الخطابه لجايين غدوه
رنيم:قلتله النم مش قتله
نور طرمت شفايفها:تبي نقوله
فنصت فيها رنيم:نقتلك بعدين نقتلك
رنيم:باه بتقعدي هكي لا امتي بتراجي هي ، قصدي هوا عادي بس علي الاقل يجي يعطي كلمه لانه أسماء من بعد مارفضتي الناس هدوكم وهيا تكرب عليك وتبي تعطيك
رنيم تنهدت:واااااك واللهي ماعاد عوفت كيف نتصوف لا معاه ولا مع هلأسماء
.
.
.
.
#يتبع_للبارت_لبعده
________________________________
بداء كتــابة الرواية في تاريخ 2019 / أكتــ10ــوبر / 3
تم انهاء كتــابة الروايه في تاريخ 2020 / فبـــ2ـــراير / 3