عشق في بلاد حروبها لا تنتهى 2 (طرابلس ياغارقة في الدم)

البارت 16

_
_
#عشق_في_بلاد_حروبها_لا_تنتهي
#طرابلس_ياغارقة_في_الدم
البارت 16
.
.
في الحلقة السابقة
مشت سهي ومشت آيات لدارهم ، فتحت دولابها وطلعت تليفونها لفتحاته واول مانفتح جتها رسالة وقبل ماتفتحها خشت سهي وهيا تسكر في الباب وتشبح لآيات لقعمزت علي السرير وقالت:خيرك شن فيه
آيات:قولي انتي قبل شن فيه
بتسمت سهي وقربت قعمزت جنب آيات لستغربت ابتسامت اختها:أشرف امبكري قال لامي انه عمر كلمه عليك
فتحت آيات عيونها علي وسعهم وخطمت علي مبسمها شبه ابتسامه مصدومه:شن قال
سهي:قال عمر يبي آيات وبجيب امه بعد عرس اخته باش يخطبوك ليه معقوله ماقالكش
ضحكت آيات وهيا تشد في خدودها بداها الزوز وبعدها شدت تليفونها وهيا تفتح فيه وتشبح لرسالة لوصلتلها من عمر لكان مكتوب فيها(اليوم نبي نشوف خطيبتي ماخصنيش في حد ورد بالك تفكري كان جيتيني بنقول عليك حاجه لانه عارفك انتي شن وبنت واخت من واهم شي خطيبت من 💛)
ضحكت آيات لوقفت وهيا تنقز وتعيط بفرح لين سهي قعدت تضحك وهيا مش فاهمه شي.....

قراءة ممتعة
#البارت_السادس_عشر

اتكه رعد بظهره علي كرسي السيارة وشبح لرائد ليبتسم ويشبحله...
رعد:الله يلعن 17 فبراير لخلاتك تجي لتاجوراء وتشبح هنور
ضيق رائد عيونه:الله يربحه هداكا اليوم تي اني زدت حبيته منها غر هيا هيا ننزلو
حط رعد يده علي جبهته وخلا رائد يضحك وينزل وهوا يتصل بنور....
نور:الو
رائد:شن وصلتو
نور بتسمت:اي
رائد:اسمعي نبي نهدرز معاك وجه لوجه ره
نور:هدا ماناقص تبي خالتي تقرضني
رائد:لالا ماديرلك شي اني نكلمها
نور:عينك من بعيد ره من توا قتلك
رائد:باهي باهي غر هيا
نور:باهي غر نشوف رنيم ونتصل بيك
رائد:تمام
سكرت نور من رائد و شبحت لرنيم لتطلع في تليفونها لشرين من شنطتها وتقرب منها:خالتي بتمشي ادير تحليل في المستوصف قتلي نلقاكم في محل ###
نور:باهي تعالي نمشو بسرعة باش نمشو المحل
هزت رنيم راسها وهيا ترد علي رعد:الو
رعد:هيا وينك
رنيم:ماتقوليش في نفس الزنقه المفضوحة هديكا
رعد:وربي غادي نبي جميع لقائتنا غادي اني
رنيم:ونبي مش بكيفك تعالي جنب اوبع شواوع وخليك انت وخوك في طويق هديكا وحني هني وتم موضوع
رعد:اخرطي هي تعالي اراجي فيك
رنيم:لااا
رعد:قسما عظما ماتجي لما نجي نقلبها فوق راسك قدام خالتك ونحشمك ياقرجه
عيطت رنيم وسكرت عليه التليفون وهيا تتلفت لنور لسئلت:خيركم
رنيم:قدامي من غير ولا حوف
.
.
__
درس محمد سيارته في ساحة المقر ونزل وهوا يطلع في تليفونه لشرين من جيبه واول ماشاف اسمها نفخ ببتسامة ، رد وهوا يحط في التليفون علي ودنه وبخطفه شبح لمراية الباب لترجع وتبت عيونه عليها وهوا يركز علي الصقر لجاي جيهته وباين عليه متعصب ، نزل محمد التليفون لوطه وخلا رنا تنادي ، وقبل ماصقر يشده من تيشرته من التالي محمد قدم خطوه وتلفت لصقر لرفع قبضة يده وبيضربه بس محمد شد قبضة يده ولفه بالعكس وكيف بلفله يده ورا ضهره سبقه الصقر ودفه وعيط:اني حمااار اه حماااار صار
ورجع يبي يضرب محمد لقعد يمنع في كل ضربه وحركة عنف من الصقر ليه ببتسامة لين الصقر وقف بفشل انه يقدر يضربه وهوا يضرب في عجلة السيارة برجله ويشبح لمحمد:ال........ من تحساب روحك انت اه من مكبرلك راسك عليا وانت ماليكش يومين معانا ورافعلي خشمك في السماء اني هني لكبير اني وبس ومافيش من اكبر مني اني سيدك وانت عبد عندي
وخبط الصقر بيده علي الكونفني السيارة وهوا يشبح لمحمد بتعصيب وعيونه قريب يطلعو من الغل..
رفع محمد حاجبه وسكت شوي وبعدها قال:نا سيدي ربي وعبد لربي لا انت ولا غيرك يقدر يولي كبير علي نا كبير روحي والكبير الله يافندي
الصقر انطفي من كلام محمد الواتق لزاد قرب من الصقر وكمل:يانعن بوها الخدمه معاك وعدي قول لدازه وراي يجيب لكي مكان السفاو
لف محمد وركب سيارته و ولعها وعيونه في الصقر اللي قعد يشبحله لين طلع من المقر ، مسح علي وجهه بكل غله وهوا يتلفت لسيارة لمدرسه وراه وضرب يديه عليها بكل قوة من التعصيب........
.
.
.
__
سرعت رنيم خطواتها وقصت الطريق الرئيسي وهيا تشد في يد نور لتشبح لسماء :لمطر قوة
رفعت رنيم يدها لشاده فيها تليفونها لشرين ، وفتحت الخط وهيا تخش تحت مظلات واحد من المحلات وتشبح لنور لتمسح في وجها:اسمعي اني بنشري اميه باهي
رنيم هزت راسها ورجعت شبحت قدامها لجيه التانية من الطريق الرئيسي وقبل ماتتكلم شبحاته وهوا شاد التليفون ورافع راسه يدور فيها بعيونه ويتكلم:تي وينك
رنيم:حول من لمطو
ضيق رعد عيونه وقعد يشبح قدامه:تشبحي فيا
بتسمت رنيم:اي اني قدامك
نفخ رعد وهوا يحول في طقيته ويشفشف في شعره وهوا يقدم يبي يقص الطريق:انم و....
وقبل مايكمل كلمته شافها وقف في مكانه وقعد يشبحلها كيف شاده تليفونها وتشبحله وهيا مبتسمه وعيونها زي لون لبحر وصافيات زي صفي السماء ، ضحك من غير مايحس ب روحه ولا يحس بيد رائد لتشح فيه وهوا يصيح عليه:تي تحرك ياراجل مطر قوية
ماعدلش رعد علي رائد ولا علي كلامه وهوا يشبحلها وبس...
نفخ رائد وهوا يستغفر:استغفرالله اقعد يا..... اني ماشي
مشي رائد وخلا رعد لسمع صوت رنيم لناداته:رعد
رعد:هااا
رنيم:حول من لمطو تو تنبل
رعد:محلاك
ضحكت رنيم:وحتي انت محلاك وانت مويض محصل بوده من لمطو
رعد:ههههه تعالي اهربي معاي باش تعانيني لما نمرض
رنيم:لا مانبيش اني هههه
رعد تحرك وقص الطريق الرئيسي لبينهم وقال:ومن خدي رايك انتي اني بنخطفك ياكرجه من الاخير ره
بتسمت رنيم لتوترة وهيا تشبح فيه قص الطريق وجي وقف قدامها بضبط ، ضحكت وهيا تشبحله كيف رفع حاجبه ونزل التليفون:اهلين بنور العين
ضحكت رنيم:اهلين
رعد ضيق عيونه:دريا طلعتي
رنيم ضيقت عيونها زيه:لا اني مش دويا انت الطويل هلبا
ضحك رعد وهوا يمسح علي جبهته ومحولش عيونه منها لين رنيم توترت وهيا تشبح لوطه...
رعد:رنين
رفعت رنيم راسها وقالت وهيا تفنص:رنيممم
رعد:هههه زي بعضه
رنيم:اوووف منك خيوك هاا
رعد:اقعدي اشبحيلي
غمطت رنيم عيونها بضحكه وبتوتر وهيا بتموت من الخجل وزادت توترت وهيا تفتح في عيونها اول ماشرين تليفونها ، رفعت تليفونها وشبحت خالتها هيا المتصل:حي خالتي اكيد ادوو علينا وين نور ياوبي
واول ماشبحت لرعد لقاته قعد يشبحلها رجعت ضحكت:اني لازم نمشي توا
وتلفتت وهيا بتمشي بس شد رعد يدها وقال:ستني
تلفتت رنيم طول وهيا تشبح ليده لشاد بيها ايدها وقلبها حاساته بيطلع من قفصها الصدري ، زمطت ريقها وهيا ترفع في راسها وتشبحله:نعم
بتسم رعد وهوا يتحسس بيده علي يدها:شي خلاص بري توا
رفعت رنيم حواجبها وهيا تشبح ليده لقعد شاد بيها ايدها ورجعت شبحتله كيف رفع حاجبه ببتسامه تابته علي مبسمه ، تحمحمت وحولت يدها من يده بشوية وضمتها لصدرها وبتسمت بتوتر وخجل واضح عليها..
رعد:مع السلامة
هزت رنيم راسها:مع السلامة
تلفتت رنيم وهيا حاسه بنظراته لقعده اتبع فيها ، بتسمت من كل قلبها وهيا تاخد في نفس وتحاول تركز شوي وتتصل بنور لوقفت قدام باب المحل وفتحت شنطتها وهيا ادور في التليفون لشرين وشاده جاكتها في يدها وشكارة لمية في يد لشاده بيها الشنطه وكانت حايسه وتمتم بعصبيه وهيا غاطسه ادور في التليفون واول مانزلت خطوه لدرجة المحل جي واحد خش فيها بكل قوته لين شنطتها و شكارة لمية طاحو وهيا قريب طاحت التالي بس حست بيد لتفت علي خصرها بالقوة ، رفعت نور يداها وشدت في تشرته وهيا ترفع في عيونها لجو في عيونه ...
ضحك رائد طول وهوا يرفع في يده التانية وشد بيها يدها لشاده بيها تيشرته وبعد وهوا يحول في يده التانيه من علي خصرها وقال:احلي موعد في العالم كله
ضحكت نور بخجل ولخبطه:اني اس..فه هوا ماش..فتكش
رائد غمزلها:واني مش اسف شن رايك نعاودوها الخبطه
زادت ضحكت نور لحطت يدها علي وجها لين خلت رائد يزمط ريقه من حلاوتها ونزل وهوا قعد شاد يدها بيده وقام بيده التانية شنطتها وشكارة لميه ورجع وقف وعطاهولها:ماعاش توقفي فم البيبان مرة تانية
خدت نور منه الشنطه والشكارة وهيا تبي تفك يدها منه بس زاد رائد ضغط عليها ومنعها تاخدها لين نور ضيقت عيونها وهيا حاسه بخجل وتوترة:حول عيب الناس
رائد بتسم وطلق يدها وهوا يمسح علي شعره ورجع شبحلها كيف طلعت تليفونها وردت علي رنيم:ايوا
رنيم:تي وينك
نور زمطت ريقها ولكلام هرب من كتر توترها من نظرات رائد لنتبه علي توترها وقال:هههه خلاص ادوي علي راحتك تو نتلفت للجيها التانية
ضحكت نور:اي تلفت
تلفت رائد بضحكه ونور ردت علي رنيم لتصيح:تي باهي اهو جايه للمحل
رنيم:توااا توااا
سكرت نور وهيا تتحمحم:رنيم تستني فيا باي توا
شبحلها رائد ورفع حواجبه:مزال خليك
نور:مانقدرش خالتي تو تركز علي غيابي
هز رائد راسه وبتسم:فرحت هلبااا بشوفتك
بتسمت نور وطبست راسها وهيا تتلفت تمشي وبكل خطوة تبعد فيها عليه كانت تتلفتله وتشبحله كيف مركز فيها وماحولش عيونه منها بكل لين ختفت علي انظارة .......
__
.
.
في الليل كانت مريم في دارها ومسكرة الدار ومتمداده علي سريرها وفاتحه عيونها وسارحة في السقف من غير ولا فكرة تلود في راسها ومش حاسه غير ب ألم في قلبها بضيق في صدرها ومش عارفه من شن ولا علاش حاسه بالضيق هداا..
فاقت من سرحانها علي صوت تليفونها لشرين ، تلفتت للكمدينو لجنبها وخداته وهيا تشبح في "روحي يتصل بك" تنهدت ببتسامة وردت:الو
الصقر:ستاحشتك هلبااااا هلباااا هلبااا
زادت بتسامة مريم:برغم زعلانه منك هلبا بس ستاحشتك اكتر من هلبااا
ضحك الصقر:ههه عارفتيني مرات نخرط ومانعرفش شن نقول ياعيوني
مريم:زعلت من كلامك هلبا ونجرحت
الصقر:ماعاش من يزعلك ياعيوني في وقتها كنت ملخبط وعندي مشاكل اسف حبي
مريم:نحبك
الصقر:نموت فيك
بعد الصقر التليفون وهوا يشوف في آسامة لخش عليه انتظار ، ورجع رد علي مريم:عيوني شوي ونعاودلك غر يتصلو من الخدمه
مريم نفخت:اووووف تمام برا
الصقر:خلاص خلاص سكرو تو نتصل بيهم بعدين المهم انتي
مريم:واو المهم اني
الصقر:عندك شك
مريم رفعت كتافها:مانعرفش
الصقر:شن ماتعرفيش هدي انتي انبر ون في حياتي ياعيوني ره خيرك مرخصه روحك عندي
مريم:لا ابدا مش هكي بس لو تحبني حق ره سمعت كلامي وسيبت الخدمه هدي ودورت خدمه احسن منها
الصقر:وخيرها خدمتي هدي تعيشنا وتعيش صغارنا
مريم:لا ماتعيشناش انا مانبيش نعيش في خوف انه تصيرلك حاجه
الصقر:لالا مايصيرلي شي ماتخفيش
مريم:أحمد انت قتلي بنسيبها وله
الصقر:مش عارف
مريم:أحمد ماتعصبنيش ره ياخدمتك يا اني حني الزوز لا وانت اختار
الصقر:وااااك مكتر نقانك اكيد بنختارك انتي ومقايلك قبل هكي انتي الأهم ف سكري علي الموضوع ورتاحي
تنهدت مريم براحة:نحبك اني يااحمد
الصقر:واني اكتر.....
__
.
.
قربت سهي من ودن آيات وقالت:شكله عمورة مقايل لمرام من امبكري وهيا تشبحلك وقايمه القدر بيك
بتسمت آيات وشبحت لسهي:بنموت من الحشمه
سهي:ههههه ياي ، حي حي مرام جايه اس هههه
تلفتت آيات لمرام لجت طبست عليها و وشوشتلها في ودنها:تعالي معاي
بعدت آيات وشبحتلها وهيا اضيق في عيونها:علاش
شدت مرام يدها وشحتها:غر تعالي والبسي عبايتك
وشبحت مرام لسهي وقالت:بنخطفها منك شوي
سهي أشرت بيداها بضحكه:خودي هلبا هههه
ضحكت مرام وهيا تشح في آيات لوقفت ولبست عبايتها ووشاحها ومشت ورا مرام وهيا مش فاهمه شي ، مشو لورا الحوش ووقفت مرام بيها علي باب الدروج لركب لحوش عمر ..
ضيقت آيات عيونها وكيف جايه بتتكلم بس نسمطت وهيا تشبح في عمر لنازل من الدروج وهوا يشبحلها ببتسامه ، شبحت آيات لمرام لضحكت:ماخصنيش اني هوا لقالي جيبيها
وشبحت لعمر وقالت:عندك خمس دقايق وراجعتلكم هههه
ضحك عمر وهوا يشبح لمرام لمشت وخلتهم ، ورجع شبح لآيات لمحولتش عيونها منه وهيا مصدومه لين خلاته يضحك وهوا يزيد يقرب منها ويحرك في يده قدام وجها:بس بس وين مشيتي
نتبهت آيات علي روحها ونزلت عيونها وهيا توخر خطوه وتساوي في وشاحها بتوتر ، رد عمر وقرب الخطوة لبعدتها وهوا يتجراء ويقرب يده من دقنها ويرفعلها  في راسها:متحشمه
رفعت آيات يدها وشدت بيها ايده لشاد بيها دقنها وهزت  راسها ليه:لا بس ه.وا قصد.ي
شد عمر يدها وبتسم:محلاك
بتسمت آيات وهيا متحشمه تحط عيونها في عيونه:شكرا
عمر:غر اشبحيلي هههه
آيات:خلاااص نتحشم
عمر زاد قرب:من شن تتحشمي بتولي خطيبتي وبعدها مرتي تعودي تشبحيلي هياا
غمطت آيات عيونها:يااربي خلاااص
ضحك عمر عليها وسكت وهوا يشبحلها كيف قعدت تمسح علي وجها بيدها لترعش من التوتر ، رفع يده التانية وشد يداها الزوز بيديه وطبس وخلا طوله من طولها:اني شن درت باش تقولي خلاص قعده ماريتيش من شوقي وكلامي ليك شي
قعدت آيات تشبحله ببتسامه كيف قريب منها وهوا يبتسم ويشبح لكل أنش لوجها بحب وبشوق كبير ..
ضحك عمر وقال:نحبك ياآيات نحبك حب مش ح تتوقعي كبرة لين تخشي لقلبي
غمطت ايات عيونها بالقوة وضحكت بخجل لين خلت عمر يميل في راسه ويقرب يبوس فيهاا من خدها بالقوة لين أيات فتحت عيونها بصدمه وهيا تشبحله كيف بعد وشبحلها بضحكه علي صدمتها من حركته.........
.
.
.
.
.
دنيا غدارة تبكيك بدموع الفرح ليوم وتبكيك دم لسنين 💔
.
.
#يتبع_للبارت_لبعده
________________________________
بداء كتــابة الرواية في تاريخ 2019 / أكتــ10ــوبر / 3
تم انهاء كتــابة الروايه في تاريخ 2020 / فبـــ2ـــراير / 3