عشق في بلاد حروبها لا تنتهى 2 (طرابلس ياغارقة في الدم)

البارت14

_
_
#عشق_في_بلاد_حروبها_لا_تنتهي
#طرابلس_ياغارقة_في_الدم
البارت 14
.
.
في الحلقة السابقة
تلفت محمد وقعمز تحت انظار رعد لقعد يشبحله شوي وبعدها رجع تلفت قدامه وقال:رنين
رنيم:مية موة نقولك اسمي رنيم مش رنين
رعد:اللي هو غير اسمعي
رنيم تنهدت:نعم
رعد زادت ابتسامته:شن جوك انتي ومرت بوك
رنيم:زي ازفت علاش
رعد:ههههه ميه ميه معناها تعطيك للي يجي عادي
رنيم:حتي لسوداني تعطيني ووبي هي المهم تتفكا منا اني وأختي
رعد:بجديات تدوي قصدك نوعها مرت البو الحرفه
رنيم:اي ووبي هي بجديات تكرهنا اني واختي لكن مش بدوجة مدايوة لتبيه لكن متعبتنا هلبااااا
رعد بتسم:تو ناخدك اني وريحك
بتسمت رنيم ونفخت:اووووف ياوبي بديت تخوط هاا
رعد:ههههههههه...

قراءة ممتعة
#البارت_الرابع_عشر

ألم قلبي بنج إحساسي للكمات الحياة ..
.
.
فات اسبوع هادي جدا وصااخب جدا جدا...
سبوع اطورت فيه علاقات والمحبة وزادت فيه ألم وعداب وهدت انفوس ناس وولعة حقد في قلوب ناس...
.
.
علاقت رعد ورنيم زادت بدي كل مايفتح عيونه لازم يكلمها ومايرقدش الا علي صوتها برغم من علاقتهم الغريبه ومشاكلهم المستمرة وعدم توافقهم في أرائهم الا انه تعلقو ببعض زي رائد ونور اللي اطورت علاقتهم برغم المده لقصيرة لعرفو فيها بعض كانو عكس رعد ورنيم علاقتهم هاديه وحلوة ومتفاهمين هلبا وحتي تفكيرهم قريب من بعض....
.
اما عمر وآيات ف كانو غير كانو في خطوة حلوة في خطوة جديده ومنتظرة منهم هما الزوز ، كانت الفرحة مش سايعة آيات اللي قريب اطير بكلامه وبمعاملته واسلوبه معاها بينلها انه بجد يبيها ويحبها وناويها بالحلال شعوره الصادق بحبها وصللها بالوافي...
.
اما محمد اللي طول السبوع يحاول يتفادة في اتصالات رنا واصرارها انهم يتعرفو ويتكلمو خلاه يستسلم ويرد علي مكالماتها بكلمتين ويتسبل بحاجه ويستأدن ويسكر منها ، برغم رنا كانت حاسه بتهربه الا انها اصرت تخليه يعرفها وممكن حست انه في أمل انه يصير شي بينهم لانه من اول ماشافاته ماعاش تحول لا من عقلها ولا من قلبها........
.
.
.
في بدايت اسبوع جديد وفي صبح يوم الاحد في العاصمة طرابلس ، وفي نص شهر فبراير البارد وقطرات المطر لتهب علي لمدينه المليانه بصخب ناسها ، في يوم جديد وصبح مبهج لبعضهم ويوم اسود يحمل تحولات كارتيه لبعضهم 💔
.
.
فتح آسامة باب حوشهم وهوا يمسح علي خشمه لحمر والبادي يبان عليه اتر الشم والادمان من اتر الجفاف والقشور وعيونه الطايحه ولتحتهم سواد ...
سكر الباب وهوا يسمع في صوت بوه لي في المظبخ:آسامة
خش آسامة للمظبخ:صباح الخير
شبحله عبدالله:هي تعالا وتيت لفطور وجبت خبزة قعده سخوونه
آسامة مسح علي عيونه بأرهاق وهوا ينزل بيده وحك رقبته العارقه:لالا ماخاطريش ينعس فيا النوم بنمشي نرقد
ومشي وخلا بوه يتبع فيه بعيونه وتنهد وهوا يقيم في السفرة:ربي يهديك ياولدي ربي يهديك
.
.
خش آسامة لدار وهوا يمسح علي وجهه وحاس جسمه ينمل وبين خشمه وفمه يوزوز ويوجع ، حول تجيبوطيه وتلوح في فراشه وهوا يتلاحق في جيبوطيه ويطلع في تليفونه لفتحه وتصل برقم لطلعة مرة تنين تلاته اربعة وفي خامس مكالمة انفتح الخط وجاه صوت رعد اللي راقد:خير ...... انم الواحد راقد .....
آسامة:نبي حبوب ترمادول قوا ولا هروين ولا اللي عندك نبي حاجه قوية يامافيا
فتح رعد عيونه وهوا يبعد في التليفون من علي ودنه ويشبح في من المتصل ورجع التليفون في ودنه وسكر عيونه ورد:برا روح سلم وليدي ادفع فلوس النميات لخديتهم بعدين تو نزيد نعطيك يا......
وسكر في وجهه الخط وخلاه يتوتر ويهيج وهوا يحدف في التليفون جنبه بالقوة وهوا تكمش في بعضه بألم من جسمه ......
.
.
.
.
بتسم رعد وهوا يشبحلها من فوق لا لوطه وهيا لابسه الفيلو الابيض وفي احلا طله ليها قرب منها وشد يدها لباسها وقال بفرحه:واخيرا
ضحكت رنيم ونزلت عيونها اللي زي لون لبحر بخجل وخلاته يتأمل فيها وهوا يزيد يقرب ورفع يده ورفعلها راسها ونصدم وهوا يوخر من علاها لما شافها تبكي ودموعها ينزلو دم وقالت من بين شهقاتها:علاش دوت فيا هكي
هز رعد راسه وكان يبي يشدها من يداها بس بعدت رنيم وصيحت:علاااش يارعد علااااش
خدي رعد نفس وهوا يبي يقرب من رنيم لطاحت مغمي عليها ، هرع رعد طول وهوا ينزللها ويشد فيها ويهز ويعيط بأسمها بس اول ماركز ع فيلوها لقاه كله ملطخ بالدم وكانت مضروبه برصاصه في قلبها ، حس رعد بغصه في قلبه وكأنه الرصاصه لي في قلب رنيم خشت في قلبه هوا ، تلفت علي صوت وراه:هدا لدرته فينا هدا لوكلتهونا وخليته يقتلنا
فتح رعد عيونه علي وسعهم وهوا يسيب في رنيم المتلوحه علي الارض ويوقف ويتلفت للناس اللي تقرب منه وكانو منضرهم امبهدل وكلهم يتكلمو في نفس الوقت ويتهمو فيه بموتهم لين حط يديه علي ودانه وهوا يعيط بصوت عالي ...............
.
انخلع رعد لفتح عيونه بالقوة وهوا ينوض يقعمز من عز نومه ويتنفس باالقوة وكأنه كان يجري من مسافه بعيده ، مسح علي وجهه وهوا يرجع في شعره التالي وتكه راسعه علي ركبة رجله ويحاول ينظم نفسه ويهدي ويحول من راسه منظر رنيم لشافه في الحلم ، او لا هدا مش حلم هدا كبوس....
تلفت وهوا يدور في تليفونه في فراشه واول مالقاه خش طول اتصل برنيم .....
.
.
.
حطت رنيم صفرة لفطور قدام بوها (عبدالمجيد) وشدت خوها مهند في غمرها:بابا عادي اليوم نمشو لحوش جدي ستاحشنا حناي وخالتي هلبا
وقبل ماعبدالمجيد يتكلم قصت عليه أسماء لجت قعمزت جنبه:لالا غدوة تو يرفعكم اليوم جايين ناس يشوفوك
فتحت رنيم عيونها وقالت طول:شني
عبدالمجيد:ناس من خيرك ماقلتيش من قبل
أسماء:واللهي امس كيف اتصلت بيا لمراة ونسيت نقولك عادي
عبدالمجيد:ربي يقدم لفيه الخير
ضيقت رنيم عيونها:شن وبي يقدم لفيه الخو هدي من قلكم اني نبي اصلا
رفعت أسماء حاجبها:شوف شوف البنت كيف تعالي في صوتها امالا شن تحسابي بتقعدي ديما هم علي قلبنا
وشبحت أسماء لعبدالمجيد وكملت:مدام الناس باهيه وكويسه ونعرفهم والولد مشاءالله عليه علاش لا صح وله ياعبدالمجيد
شبحت رنيم لبوها لبدي يفطر وهيا تراجي فيه يدير ردت فعل علي لكلام لتقول فيه اسماء بس هز راسه وقال:اي يجو ونشوفوهم وعلاش لا
حطت رنيم مهند لوطه وهيا تشبح لبوها لمرفعش عيونه فيها بكل وخشت لدار تجري من غير اي كلمه ودموعها علي خدها ، سكرت الباب الدار وتكت عليه والعبرة خدتها وهيا تحط في يداها علي وجها وتبكي مع صوت تليفونها اللي يشرين ، هدت روحها شوي ومشت قعمزت علي سريرها وخدت تليفونها وردت بصوت مبحوح:الو
رعد:هاا قرجتي صباح الخير
زادو دموع رنيم لاول ماسمعت صوت رعد وقعدت تبكي بالصوت لين خلت رعد اللي متكي في فراشه يفزع وينوض يقعمز:خيرك شن فيك علاش تبكي
رنيم مسحت دموعها وهيا تنظم في نفسها وتحاول تبطل بكي:شي مافيا شي
رعد:تي خيرك النم ادوي شن مافيا شي هدي وانتي روحك قريب تطلع من لبكي
رنيم سكتت شوي لين خلت رعد يصيح:تي انم وينك قولي خيرك
رنيم:توا موت بابا قتلي في ناس بجو يشوفوني
ورجعو دموعها ينزلو وقالت بعبرتها:واللي ...واللي قهوني بابا مادوش اي ودت فعل سكت علي كلام موته من غيو حتي ماياخد وائي ماقاليش حتي بالكدب كاني موافقه ولا لا سكت و وافقها في وايها
وقعدت تبكي وتردد:قهوني واللهي قهوني
قعد رعد ساكت ويسمع فيها وقلبه يزيد في نبضاته كل ماتزيد في بكاها وهوا يمسح علي لحيته وشعره بتوتر وبغل من بوها ومرت بوها الانانيه..
بعد ماحس انها هدت شوي من بكاها تحمحم وقال:اس خلاص اسكتي
رنيم رشفت دموعها وهيا تمسح فيهم بكم تيشرتها:مش قادوه خلاص سكو توا لانه مش حنبطل لين نفش لي في قلبي
رعد:لا ماتسكريش انم
سكتت رنيم وماردتش عليه....
رعد:رنين
رجع صوت بكي رنيم تعلا ممزوج بتنقنيق:ياوبي مش ناقصني اني مية موة نقولك اسمي رنيم رنيممم
بتسم رعد:اللي هوا غر اسمعيني
رنيم:ها شن تبي
رعد قعد ساكت مده وهوا يسمع في صوت تنفسها العالي وشهقات بكاها وبعدها تحمحم وقال بصوت واااطي:بتقعدي ديما جنبي وله
ضيقت رنيم عيونها وهيا تمسح في عيونها من الدموعها وقالت:شني
رعد نفخ:انم تبي نجي نخطبك
رنيم:رعددد ماتغيوش كلامك شن قلت قبل هكي
رعد:ماقلت شي
رنيم:باي نبي نسكو
رعد:انم تعالي ازح
وسكت وهوا يمسح ع جبته وكمل:تعرفي حلمت بيك حلمه اخي بكل
رنيم:كان متت فيها ان شاءالله تتحقك
رعد:تبيني نسبك انتي وله
ضحكت رنيم من بين دموعها:هههه خلاص باه شن حلمت بيا
رعد:اممم اسمعي
رنيم:نعم
رعد:كان قالولك عليا حاجه اخي ماعاش تكلميني
رنيم:من هما
رعد:انم قتلك كان اني جاوبي من غير استعباط
رنيم بتسمت:ههه باهي زي شن بقولو
رعد سكت شوي وقال:متلا تاجر مخدرات
رنيم رفعت حاجبها:تي تبدا وبي باعتك ليا من سابع سماء باش نشوي منك هلبا مخدوات باش نموت
عيط رعد وهوا يرجع ويرقد في فراشه:قولي من الاخير رعد سبني
رنيم ضحكت:هههههههههه
__
.
.
فتح محمد باب سيارته وهوا يرد علي تليفونه:صبح يافتاح
رنا:خيرك ديما ترد في اخر لحظه لين تشيط الريق
ضيق محمد عيونه وسكر باب سيارته وهوا يتلفت وراه ويشبح حولينه ورد:عادا فيا
رنا:ان شاءالله العادا هدي ماتمشيش فيها فيا اني بس
محمد سكر سيارته ومشي علي رجليه وهوا حاس بحركه شخص يتبع فيه وراه ، دار روحه طبيعي ورد علي رنا بضحكه:شني تبي انتي علي صبح ربي
رنا رفعت كتافها:شي والله حناي قتلي نتصل باش نسألك علي الجوازات امتي بنمشو نصورو
محمد:يالاحد يالاتنين ان شاءالله
رنا:انت بترفعنا
محمد بتسم:عليش انتي تبي نشيلكم
رنا:هههه ياريت والله
ضحك محمد ورنا كملت:بترفعنا
محمد تحمحم:لا نا تلقوني غادي قبلكم نرجا فيكن بيش نسهل الامور
رنا:اها جو ابضاي وحركات تمام تمام
محمد:تي شن تقولي هههه
رنا ضحكت:هههه شي شي
محمد:تمام نستأذنك تو
رنا:اممم تمام باي
سكر محمد من غير مايزيد حرف لين خلا رنا تتفجأ وعيطت:واااااك حيط ياربي خالقه حيط اووووف هدا امتي بحس وبيلين العفو ماعنداش احساس ماعنداش مشاعر اوووف....
.
.
.
حط محمد تليفونه في جيبه وسرع خطواته وهوا مركز علي الرجلين ليتبعو فيه قعد يخش في زنقه لزنقه لين خش لزنقه فاضيه سرع خطواته ودرق روحه في زاويه مدخنسه وقعد يشوف علي يمينه بصمت لين شاف واحد جاي يجري ، شحه من يده بحركه سريعة وعكفه باش طح علي بطنه وكتف يديه ورا ضهره لين زياد عيط ، زاد محمد لواله يده وحط ركبته علي ضهره لين زاد زياد من عيااااطه وهوا يسمع في محمد لقال:يانعليا من لحمار لعابي عليك تراقبني اه
زياد قال بوجع وعياط:تي غر حول ايدي تكسرت حوووووول
زاد محمد ولواله يده لين زياد صيح:تي لاااااااا حووووول
محمد:من لدازك
زياد:ماحد باعتني حول ايدي
خدي محمد نفس وفك ايد زياد اللي دخلها تحته وهوا يبي ينوض بس محمد قعمز فوق ضهره بكل رزنه لين زياد طاح وهوا يكح بعيطه:ااااااااه
محمد:سمح ضهرك
وقعد محمد يخبط عليه بيده وياناري زياد بكل خبطه من محمد حاس قلبه بيطلع من صدره رجع عيط بس بترجي هدي المرة:حووووول ياراجل حوول باللهي عليك حول
محمد:باهي هي ياشاطر قولي من لحمار لدازك قبل
زياد:باهي حول
محمد شد شعر زياد بالقوة:قوووول قبل
عيط زياد وهوا يشد في يد محمد لي علي شعره:الصقر لباعتني الصقر
حول محمد يده من شعر زياد وقال بضحكه:وربي فطنت لدازك حمار
زياد صيح:حووول بنموت
وقف محمد وطبس لزياد لقعد منبطح بين رجليه علي بطنه ، ضيق عيونه وهوا يشبح في زياد لقعد يكح وهوا كيف نهض روحة من الارض بينوض رجع قعمز علي ضهره بقوة صحته لين خلا زياد يعيط عيطه دارت صدا في الشارع...
خبطه محمد علي راسه وقال:مره اخرا ماعاش تهز راسك وتسمع كلام حمير
قال زياد بوجع وهوا يفرفش بيديه ويحاول يجبد اكسجين لمشي منه وقال:باه غر ....حو.ل
محمد:خل قولي قبل كلام حمير ولا مش كلام حمير
زياد:كلا...م ح..مير ك.لام حمير غر حول
محمد:امانا شني كلام حمير
ووقف محمد وخبطه برجله علي ضهره وقال بجديه:مش نا لتلعبو معاه وصلها للحمار لدازك
ومشي وخلا زياد لقام روحه وهوا يقعمز بوجع من ضهره وشد يده لحاسها تكسرت ، رفع عيونه وقعد يشبح لمحمد........
__
.
.
مسح فارس علي وجهه وقال:اني مانبيش يمه خليني علي راحتي يرحم ولديك مانبيش نعلي صوتي عليك
ماجده:هيا كلمه وقلتها يافارس ماتزيدنيش علي مابياااا
فارس:يمه افهميني مانبيش نتزوج لا نسافر اني مانبيش كيفي
ماجده خبطت علي الباب وصيحت:تبيني نموت انت تبيني نمووووووت اه تبي الفرخ سراج يقتلك ويقتلني في جرتك
حط فارس يديه علي راسه وتلفت وماجده قربت منه وهيا تغير من لهجة كلامها من الصياح للهدوء والحنيه:سلم ولدي اسمع كلامي كان تبي راحتي ورضاي عليك لايوم الدين تزوج نادين وبرا سافر
شبحلها فارس:تبيني نمشي ونسيبك في الهم بروحك يمه هبلتي انتي
ماجده:اني نبي نرتاح عليك كان تزوجت وتهنيت عليك وسافرت الهم يمشي من عليا ياوليدي واللهي لما يمشي
سكت فارس وقعد يشبحلها وهيا تمسح في دموعها وتشبحله بترجي ....
__
رجاء رفعت حاجبها وهيا تشبح لرنيم لواقفه وهيا حاطه يداها في نصها:تو باللهي هدا وقته اني نفكو كيف بنهجج النمي لجاي وانتي تبيني نسمع عليك النشيد
اتكت نور علي سريرها وهيا تشبح لرنيم:ديري روحك حوله بالك يهجو
رجاء:ولا ديري روحك عرجه اكيد تو يهجو
نور:وكان تبي نرسملك جرح علي جبهتك تو يحسبوك مشوها ويهجو
رنيم ضيقت عيونها:انت تتسهوكو وله
ضحكت نور وتلفتت لرجاء لعيطت:هيا سمعو عليا النشيد بنمشي نتفرج
رنيم حدفت عليها لمخده:اقلبي وجهك من علياااااا
صيحت رجا لطلعت وهيا ترد تحدف في لمخده علي رنيم:لما نوريك ياحمارة لما نحرش امي
وطلعت تجري و خلت نور تضحك وهيا توقف بسرعة:نمشي نلحقها خير متصير مشكله
رنيم:اطلعي حتي انتي اقلبي وجهك
طلعت نور وهيا تدفل علي رنيم لتنفخ وهيا تتلفت للمراية وتشبح لروحها:كانك ياماما عايشه هدا كله مش صايو وه ماحد يقدو يجبونا لا اني لا نور علي حاجه مانبوهاش
تنهدت وهيا تتلفت لتليفونها لشرين ، قعمزت علي السرير وهيا تجبد في تليفونها من علي الكمدينو وردت طول اول ماشافت من المتصل:الو
رعد لبس برنوسه وتكي علي سيارته وهوا يشبح للبحر الهايج ولقطرات المطر لتبشبش وقال:ستاحشتك
بتسمت رنيم:مش وقت تسهويكك
ونفخت وتحولت الابتسامه من مبسمها وقالت:مش عاوفه كيف بنهجج الجيف لجاييني
رعد:ان كيدكم لعظيم طلعي كيدك عليهم تو يهجو
رنيم:شن بندير لكن
رعد:انتي كتري الدوه معاهم بس وكتري من كلمات فيهم حرف الراء تو يهجو ههههههه
ضيقت رنيم عيونها:ووبي ماتتحشم هي الله غالب هكي ندوي اني وهدا عيب من وبي مش مني
رعد قعد يضحك وقال:ياحليلي علي لخدو موقف هههه اني واللهي راضي بيك كرجه عرجه حوله مشوهه علي قلبي زي لعسل ونبيك
ضحكت رنيم ودكرت كلام رجاء و نور امبكري وقالت:رعددد بطل تسهويك
رعد:تسهويك شن انم اني ندوي جديات
رنيم تحشمت وحست من نبرت صوته لتحولت لجديات انه يتكلم بجد قالت وهيا تمسح علي خدودها :رعد بطل
رعد غمط عيونه:ماتخلينيش نسب اصلك تو انم شن بنبطل
رنيم نفخت:مبودك انم كل شي مدخل فيه السبان
بتسم رعد:ماعاش تقولي انم
رنيم:وعلاش انت تقول فيها باهي
رعد:حلال عليا وحرام عليك
رنيم:ياوبي قداش مامستفز ياوبي
رعد:ههه ووبي لتهبلي ياقوجتي هههه
رنيم ضحكت:محلاك لما تناديني قوجتي عجبتني هههه
رعد:وانتي عاجبتيني
رفعت رنيم حواجبها:شني
رعد:شي
رنيم:اممم
رعد:رنين اسمعي اني.....
خشت نور تجري وهيا تصيح:جو جو نوضي البسي بسرعة خير ماتجيك الشمطاء الغبرة
توثرة رنيم لرفعت يدها لنور بمعني اسكتي وقالت وهيا ترد علي رعد:اي كمل
رعد تحمحم:خيرها نور تصيح
نفخت رنيم:الناس جو
اضايق رعد وقال:ماتطلعيلهمش
رنيم:تبي موت بوي تقددني انت
رعد صيح فجأة وهوا حاس بنار في قلبه:انمممم يارنين ديري حاجه وطيريهم
رنيم ستغربت من ردت فعله وقالت:باهي خيوك تعصبت
رعد تنهد:شي شي لما يروحو كلميني طول
وسكر في وجها وخلاها مستغربه من تصرفه وهيا بتموت وتعرف شن كان بقول......
__
حطت آيات الصفرة علي الرخامة وهيا تشبح لرجلها وتسمع في امها لقالتلها:امشي عليها عادي
آيات:صاعب نمشي عادي نحس فيها زي الراقده
سهي:علي خاطر كيف محوله الجبس بس يومين وتتعودي تمشي عادي
آيات:اي ان شاءالله
سهي:هي سلم وخيتي عاونيني في غسل لماعين ليك ماشاءالله هلباااا مرتاحه هي هي شمري كمامك لا فوق
ضحكت آيات:حقيرة ههههه
غسلو سهي وآيات لماعين مع بعض وهما يهدرزو لين كملوهم وضمو المظبخ ودارو قهوي وطلعو لجنان يشربو فيها ...
شبحت سهي لآيات:عرس مرام اخت عمر بعد غدوة يبدا
آيات بتسمت:اي نعرف
سهي:اشيه اشيه عاد كيف الاخبار اول بأول توصل فيك
آيات:ههه امالا شن
ونفخت وهيا تتلفت لسهي:قالي لما تجي نبي نشوفك زعما عادي ولا يقول عليا خفيفه
رفعت سهي كتافها:مانعرفش الحق بس تعرفيني اني مهبوله كان من زيك نمشي هههههه
ضربتها آيات علي كتفها بضحكه:هههه حتي اني في من نسأل
سهي:باه شوفي نقولك علي حل فيه كرامه ، قوليله لا مانبيش واكيد هوا بزيد يكرش فيك وبقولك لا غر تعالي وبلا بلا بلا وهلبا دوة زايده وطبعا ديري الجو عليه انتي باهي المهم في الاخير قوليله تعالا لكن لو قدرت نطلع وعاد انتي اطلعيله ههههههه وديري روحك نسيتيه
آيات:هههه اي ندير روحي نسيته ولما نشوفه نقوله حي انت جيت واللهي نسيتك هههههه مهبووله انتي وحقربي لا مهبوله هههه
سهي:بري ملحي والله فكرة من الاخير
آيات:فكرة مكشوفه تي نوضي بالك ههههه
ضحكت سهي:تي عااادي مشيها والله لما تمشي عليه جربي انتي
__
.
.
في الليل كان رائد فوق الحيط مقعمز علي الكرسي وحاط رجليه علي حاشية الحيط وهوا يتصل ب رعد لرد بعد المكالمه الرابعة:هااا ياحصلة الري هاااا شن تبي
رائد ضحك:وينك
رعد:عندي مشوار مرتي تبي حويجه نجيبها واني مروح حبي
رائد:ههههه اي نبي رصيد
رعد رفع حاجبه:انم امبارح عبيت عشرة رصيد قدام عيوني وين سحقتهم
رائد:سحقتهم في اخت مدامتك
رعد:انهار ال..... عيلة فقريه برا تو نبعتلك
رائد:وربي احسن واحد سكر سكر الرصيد بيفصل توا ابعت نبيه
رعد:بري ياولد ال....
سكر رائد وحط التليفون علي صدره وغمط عيونه وهوا يفكر فيها ، حاس روحه كل مايفكر فيها وكأنه في عالم تاني عالم غير العالم لهوا فيه يمشي لمكان مافيشي غير هوا وهيا ب كلامها وبضحكتها وبقوة شخصيتها ولما تتحشم يبان علي صوتها انها تحشمت خلاته يحس بشعور اول مرة يحس فيه ، ضحك رائد وهوا يمسح علي شعره بيديه...
فتح عيونه مع صوت التليفون لعلن وصول رسالة وشرين بعدها طول ، واول مارفع التليفون من علي صدرة وشبح اسمها "نوارتي" ضحك ورد طول:وحق الله كيف كنت نفكر فيك
بتسمت نور بفرح ممزوج بخجل وقالت وهيا تتحمحم:شكرا
رائد:ههههه شن شكرا هههه تهبلي لما تتحشمي ماعاش تعرفي شن تقولي
نور:اوووف رائد اسكت باهي ياربي شن برد عليك باهي
رائد:هههه ، اممم متلا قولي واللهي حتي اني كنت نفكر فيك
نور سكتت وماعاش عرفت شن ترد بكل لين خلت رائد يضحك:هههه تمام تعالي خلاص نبصر مانبيها منك ياسر اني نفكر فيك
نور:اممم اي ياسر وخلاص ماعاش تحشمني
رائد:هههه باهي اخر مرة معقوله ماتفكريش فيا بكل
نور مسحت ع خدها وبتسمت:لا
رائد:بكل بكل
نور:لا مش بكل بكل
رائد بتسم :شوي بكل
نور:لا شوية هلباا
رائد:ههههههه قوية انتي وتهبلي وتنزرطي زرط تعرفي وله
نور:اي نعرف هههه
وسكتت نور شوي وقالت وهيا تتحمحم:وحتي انت
رائد رفع حاجبه وركز معاها:وحتي اني شن
نور:قصدي هكي زي ماقتلي
رائد:وشن قتلك
نور:انه نهبل وننزرط زرط حتي انت هكي
رائد:اي شن حتي اني
نور نفخت:وااااك قصدي حت انت تهبل هلبا وتنزرط زرط
رائد:هههه خشييييي
نور:اوووف يابارد انت بالعاني ادير هكي وله
رائد ضحك:ههههه ياحليلي اني وخلاااص علي المتحشمات تي اني من الاخير بديت نحبك يافرخه ره
رفعت نور حواجبها وقعدت تضحك معاه وهيا متحشمه هلبااااا منه ......
.
.
.
.
#يتبع_للبارت_لبعده
________________________________
بداء كتــابة الرواية في تاريخ 2019 / أكتــ10ــوبر / 3
تم انهاء كتــابة الروايه في تاريخ 2020 / فبـــ2ـــراير / 3