عشق في بلاد حروبها لا تنتهى 2 (طرابلس ياغارقة في الدم)

البارت 9

_
_
#عشق_في_بلاد_حروبها_لا_تنتهي
#طرابلس_ياغارقة_في_الدم
الحلقة 9
.
.
في الحلقة السابقة
هز محمد راسه وتلفت طلع وسكر الباب وراه بس ادكر حاجه رجع فتح الباب ودخل راسه وقال:ها صقورتي
رفع احمد(الصقر)راسه وشبح لمحمد لغمزله وكمل:فكنا من ابراج المراقبه تمام
وسكر الباب وخلا الصقر يضحك:واللهي لا صدق آسامة مطقوق هدا
وضيق عيونه وقال بضحه:مدكا امه ازح كيف عرف انه نبي نبعت حد يتبعة ...

قراءة ممتعة
#البارت_التاسع

شبح أشرف للممرضه:وباهي قداش تقعد بيه هدا
الممرضه:جو اسبوعين هكي
شبح أشرف لآيات اللي تشبح لرجلها لبعد ضربت السرير تكسرت ياناري ، نفخت وهيا تشبح لأمها:توجع فيا ياماما
سعاد:تو يعطوك مسكن
طلع أشرف تليفونه لشرين وقال:ستنو قالت لي يدير في الجبس يدير لواحد تاني
سعاد:العفو مافيش غيره
أشرف:الله غالب اني قدام لسعاف هني شوي ونجيكم
طلع اشرف ورد علي تليفونه:ايوا عمر
عمر:شن جو يابرو تي وينك مش بتجيني من امبكري اراجي فيك ره
أشرف:فوتها اليوم مايصيرش اختي رجلها تكسرت وقعد في المستشفي اشبح امتي اروح
وقف عمر لكان متكي طول:من اختك
وغمظ عيونه طول وهوا يعدل في كلامه:قصدي تبي نجيك بالك تبي حاجه
أشرف:لالا ماتعبش روحك تو بتجيني من غادي
عمر:تي عادي ياراجل غر قول انت وين وهوا مسافة الطريق وتلقاني عندك
أشرف:في المجد
عمر:تمام اهو جايك
__
.
.
لم أكن أعلم حينها ، انني الظالم المظلوم 💔
.
وقف محمد السيارة لمصفحة ونزل وهوا يأشر لشباب لنزلو:توزعو علي الحوش كله
مشو الشباب وحاوطو الحوش دور الداير ومحمد وقف قدام باب الجنان ووراه زوز شباب وخبط علي الباب بالقوة عدت مرات ، ووقف وهوا يحس بحركت شخص قرب واللي اول مافتح الباب وشبح وجه محمد وخر وهوا يفتح في الباب علي وسعه ويشبح في الشباب اللي واقفين ورا محمد وعلي لباسهم وقال:شن فيه شن جيبك هني
محمد:نبي نفتش الحوش
رد عليه:شن تحساب روحك انت هدي حرمة وقتلك الف مرة مجدي مش هني ومانعرف عليه شي
دف محمد أحمد الداخل وخش وقال:عدي وقلهن يسترو روحهم
وقبل ماأحمد يزيد يتكلم اشر محمد لشباب:خشو
عيط أحمد:باهي تمام ستني نقول لأمي بس
وخش أحمد يجري وهوا يخش للحوش:غااالية غاااااالية
جاته غالية تجري من الدار:نعم
جبدها أحمد من يدها وهوا يسمع في صوت امه(أمنه):خيرك ياولد ومن لطق
ماعدلش أحمد علي امه وخشش غالية لدار لمش فاهمه خيره وفتح واحد من بيبان الدواليب ودخلها فيه وهوا يدرق فيها بالحوايج لمعلقه وقال:رد بالك تطلعي قد مايصير ماتطلعيش من هني بكل باهي
زمطت غالية ريقه ودموعها نزلو وقالت بطفولية:باهي
سكر أحمد عليها وتلفت لامه لعيطت:تي شن فيه
أحمد:الشرقاوي برا ويبي يفتش الحوش
خبطت أمنه علي خدودها وقبل ماتتكلم سمعو صوت الباب اللي انفتح
احمد:ألبسي علي راسك
قالها وطلع يشبح لمحمد لواقف قدام الباب والشباب لمعاه خشو توزعو يفتشو في الحوش
قرب أحمد من محمد وقال:اعتقنا ومشي في حالك انتم قتلتو بونا وخوي ردها في خوك ماعندكم عندنا شي
شبحله محمد واحمد كمل:انتم لبديتو وشتتو شملنا
طبس محمد راسه وقرب من أحمد وقبل مايتكلم سمع صوت واحد من الشباب:مافي حد في الحوش الا مراة كبير في الدار
خبط محمد الباب برجله وشبح لأحمد وشده من ياقة سوريته:وربي كان ماطلعة يااحمد وربي نقلبها عليك وعلي لجابوك ، وليام بينا
ودفه لين احمد طاح لوطه وتلفت محمد طلع وقال بصياح:اطلعووو
__
نقزت نور علي رنيم لعيطت وهيا ادف فيها ونور شدتها من شعرها:انتي بتجيبيلي الجلطه بتجيبي لأمي الجلطه تي كيف تردي عليه بعد ماسمعك وسخ ودانك ياقليلة الكرامه
نتشتها رنيم من يدها لين نور وخرت وهيا تسب فيها ، ورنيم وقفت وهيا تتحسس علي شعرها لجبدتهولها بالقوه وقالت:ياكلبه افهمي قبل شنشبتيلي شعوي
نور:تي كان مافهمت والله انتي لبنشنشبك وبنديرك شيشباني
نفخت رنيم:كنت نكلم في خالتي وفصل وهوا اتصل بعدها ووديت من غيو قصد نحسابه خالتي ، وبعدها والله بنسكو عليه لكن هوا قعد يقولي مش قصدي وسامحيني واسف وحقك عليا والله هي
نور:به ياقليلة الكرامه بعد ماسمعتي هدا راك سمعتيه وسخ ودانه وسكرتي في خليقته
نفخت رنيم:تبي الحق الحق يعني ولا ولد عمه
نور:لا نبي ولد عمه لانه مش مطمنه للحق الصراحة
ضحكت رنيم وجت قعمزت جنبها:لالا خلينا في الحق
وتحمحمت:هوا لا تأسف لا قالي سامحيني لا حقك عليا لا هم يحزنون بس قعد يقولي مش قصدي و مش متعود نتكلم مع بنات وشن ندوي معاهم
وبتسمت رنيم وشبحت لسقف وكملت بعيون فرحانه:هكي وحقوبي حسيته صادق وقعد يقولي انتي ماتنوفزينيش باش نغلطش معاك
وأول ماشبحت لنور تحولت لبتسامه من علي وجها وهيا تشبح فيها كيف معوجه فمها ورافعة حاجبها وحاطه يدها علي خصرها
مدت رنيم شفايفها وقالت:خيوك
نور:انتي لخيرك وقفتي كملي كملي
رنيم:واااااك تندمي فيا انه حكيتلك
نور:اندم في امك لي في قبرها تي اما اول بنت وماتغلطيش ومش عارف شن شكلك صدقتيه يانيه ياسادجه ياتافها يا حمارة ياعبيطه ياغبيه يابصر شن بيقول فمي حي عليا حي حي عليا حي اصغر منك ازح وفاهمه اكتر منك ، نوضي من قدامي نوضي بنشرك شلاتيتي نوووووضي
خدت رنيم لمخده وحطها علي وجه نور ودفتها علي السرير وطلعت وخلتها تحول في المخده من علي وجها وتنقرز ...
__
نزلت آيات رجلها لمجبسه لوطه بشوية وهيا تساوي في تقعميزتها وتشبح لأمها:هي امتي بروحو وين أشرف
سعاد:ركب هوا وعمر فوق ياخدو في الدواء
فتحت آيات عيونها علي وسعهم وقالت:عمر هني
سعاد:اي بارك الله فيه وليدي جي من امبكري ماسيبش خوك بكل
حطت آيات يدها علي وجها بخجل وهيا اتمتم
انفتح عليهم الستار وخش أشرف:هي تقدري توقفي ولا نجيب كروسه
سعاد:لالا جيب كروسه كيف بتمشي
رفعت آيات حواجبها ودكرت عمر وقالت بحشمه:لالا مانبيش لا كروسه لا شي ساعدوني تو نطلع بشوية
أشرف تلفت لعمر وأشرله بيده بمعني تعالا ورجع شبح لأمه وهوا يقرب من آيات وساعدها توقف:عمر بسلم عليك يما
قرب عمر وهوا حاط راسه لوطه:شن حالك ياخالتي
سعاد:الحمدالله ياوليدي بصحه وعافيه شن حال اميمتك وبوك
عمر كان خاطره يشبح لآيات بس متحشم وقال:الحمدالله طيبين
سعاد:بارك الله فيك ياوليدي تعبناك معانا
عمر:عيب عليك ياخالتي حني عيلة
أشرف:بالله ياعمر كان تمشي تجيب السيارة قدام الباب مش خير
عمر:هات
طلع أشرف لمفاتيح ومدهم لعمر اللي مارفعش عيونه في آيات بكل اللي قريب تموت من الحشمه وحاساته انه مستحيل هدا يكون نفسه لكلم فيها امبكري مستحيل
ساعدوها اشرف وسعاد باش تطلع برا واول ماطلعت لقت عمر جايب السيارة وفاتح الباب التالاني وبسهوه منه شبحلها وجت عينه في عينها ، ضيق عمر عيونه وكأنه مضايق او معصب هدا الاحساس لوصل لآيات لركبت في السيارة وهيا تفكر فيه وفي نظرته ...
__
.
.
الدي لا يروق لك اليوم في أحدهم ، سيديبك عشقا غدا في أخر 💛
.
تاني يوم الصبح...
طلع محمد وسكر الشقه وهوا ينزل ويرد علي تليفونه:ها سالم
سالم:نحنا شوي وبنطلعو في الطيارة لاقينا في المطار
محمد:تمام عينك علي روحك وعلي امي وجدي
سالم:ان شاءالله
سكر محمد من سالم وفتح باب العمارة وهوا مركز علي الشاب لطلع قدامه ووقف وهوا يتبع فيه بعيونه كيف حط طاقيته ولبس فوقها برنوسه ومشي يهرول ، ضيق محمد عيونه وحس كأنه شابحه في مكان قبل هكي
رفع محمد كتافه وتلفت ومن غير قصد خش في عزوز كبيرة في العمر لين طاحت ، نزل محمد طول وطبس شد يداها:سامحيني ياامي والله ماحقيتك
شدت لعزوز في يده:الله يسامحك ياولدي كملت عقاب ضهري وكسرته
شد محمد يدها ولف يده التانيه علي كتافها وساعدها تنوض وهيا كملت:اخخخخ ياضهيري اااخخ
ضحك محمد وهوا ينفض في عبايتها:سامحيني ياميمتي ههههه والله ماحقيتك السموحه منكي
وقبل ماتتكلم لعزوز سمعت صوت ينادي وراها:حناااي
واول مارفع محمد عيونه شبح بنت جايه تجري واول ماوصلت فيهم شدت يد لعزوز وشبحتلها بخوف:واااه ياحناي وين مشيتي خوفتيني نحسابه سيارة ضرباتك
ردت حناها عليها:ماتخافيش عليا خافي علي جلال اللي ماعاش لقيته
شهقت البنت وضربت يدها علي فمها:يانهاااري
رفع محمد حواجبه وهوا مش فاهم شن قعد يصير ، تحمحم وقال:أأأأ اكيد قعد هنا
شبحتله البنت:تي هدا عفريت كان راح مانلقاه لين روحي تطلع مني
حناها:غر بري دوري هني ولا هني اني خلاص يابنتي نفسي هرب وضهري كسره هسنكوح
ضحك محمد وماعاش عرف شن قعد يصير بس شبح للبنت وقال:شني لابس خوك بيش نعدي ندور معاكي
البنت:سروال ازرق وسوريه زيتونيه وهوا درية وصغير عمرة 10 سنين
هز محمد راسه:عدي دوري غادي ونا نعدي لشارع الاخر
هزت البنت راسها وشبحت لحناها:اقعدي هني ياحناي بالله مش ناقص تريحي حتي انتي قطعتوني
تلفت محمد وفتح سيارته وفتح الباب التالاني ورجع تلفت شبح للعزوزة:تعالي ياامي قمعزي في السيارة اريح لكي
حناها:برا اراها البيبان كلها مفتوحة في وجهك ومرتاح زي مابتريحني مكاسيري تبنجو من لوقوف
ساعدها محمد تقعمز وهوا يبتسم علي كلامها وسكر الباب وهوا يشبح للبنت لمشت ادور في الشارع لقاللها عليه وهوا مشي يدور في الشارع التاني ...
.
.
وقف رعد علي الطريق الرئيسي ورد علي لمعاه علي خط التليفون:ليمه ماترقيش ام..... قتلك فوت امه مره لفاتت خدي مني عشر حبات ومادفعش غير نصهم ولد الكلب لحرايمي
رد صاحبه(ضياء):تي علي ضمانتي ياراجل غير تعالا غدوة لتاجوراء الجو 17 فبراير وحفله اكيد فيه بيع مليح بكل وتو نربحو هلبا
رعد:تمام جاي لكن مانبيش نبيع للحرايمي كلمه وقلتها
ضياء:غر تعالا وبعدين نتفاهمو
رعد:لا نتفاهم لانمي هي تشاو
سكر رعد الخط علي ضياء وتصل بآسامة لرد عليه طول:ايوا
رعد:غدوة في تاجوراء جنب المقبرة نتلاقو خود بضعتك
آسامة:تمام
__
.
.
.
#يتبع_للبارت_لبعده
____________________________________
بداء كتــابة الرواية في تاريخ 2019 / أكتــ10ــوبر / 3
تم انهاء كتــابة الروايه في تاريخ 2020 / فبـــ2ـــراير / 3
.