عشق في بلاد حروبها لا تنتهى 2 (طرابلس ياغارقة في الدم)

البارت 13

_
_
#عشق_في_بلاد_حروبها_لا_تنتهي
#طرابلس_ياغارقة_في_الدم
الحلقة 13
.
.
في الحلقة السابقة
نور حست روحها فجأة تحشمت وتلبكت:ايوه
بتسم رائد طول:اهلين بنور العين
نور:تحشم
ضحك رائد:بسم الله قعدين في البداية هههه اسف ياودي شن الجو ها
نور بتسمت مع ضحكته وقالت وهيا تتحمحم ودير في روحها رزينه:الحمدالله ها شن تبيني قالولي تفضل شن تبي
رائد توتر وقعد يقول:ااااا هوا شن ااااا يعني
وبعدها تنهد:وترتيني ازح ههههه شن شن نبي نبي نكلمك نبيك حبيبتي عادي
رفعت نور حواجبها:شني
رائد:واللهي انتي خشيتي تسطربي خليتيها بشويه بشويه خيرلك
نور:انت ماتتحشمش وماعندكش لا اسلوب ولا منطق شن نولي حبيبتك هدي وانت ماليكش خمس ساعات تعرفني
رائد:خيرك بشوية ماقلت شي اني ره قصدي انك عجبتيني هلبا ونبي نبدا معاك علاقة
نور:كانك تحسبني من النوع الخفيف واللي تمشي علي العمياني راك غالط وخيي وجو علاقة ورتباط مش جوي
رائد:حشاك والله ماكان قصدي هكي ورب العزه كل لقلتيه ماخطر في بالي يابنت الناس خيرك انتي تفهمي بالمقلوي ، اني نبي نتعرف عليك
نور:واني مانبيش ومنبيش نجرب لا علاقة لا سو
رائد:ومن قالك اني نبي نجرب اني نبي بجديات ومن الاول نبيها علاقة دايما
نور:ايااه علينا دوة متكررة لكم بنت قلتها قبلي
رائد:لحنان وفتحيه وسلمي وسلوي واحلام ورنده وريحان
ومقصش عليه الا لما نور شهقت لين خلاته يضحك ويتكلم بسرعة:ههههه وربي نبصر عليك ههههه
نور:بجديات هدو كلهم كلمتهم
رائد:تحسبيني ماعندي شغلا لا عملة امالا هههه
نور بتسمت:عادي يطلع منكم اكبر من هكي ياودي
رائد:ههه حرام عليك شن اسم الكريم
نور بتسمت وقالت:نور
بتسم رائد وقعدو يحكو ويهدرزو ونور رتاحت ورتخت معاه في لكلام...

قراءة ممتعة
#البارت_التالت_عشر

سكرت رنا الستار علي حناها وردت:الو جلال
جلال:شني صار وشن حال حناي
رنا طلعت من جيهة الاسعافات ووقفت برا:الحمدالله توا لقو ضغطها راقي هلبااا عطوها حبة ودارولها تخطيط
جلال:باهي شن بتروحو
رنا:لا قال الدكتور الاحسن تقعد اليوم سكر علي روحك وحاول مع عمي ومنذر
جلال:تي مايردوش بكل
رنا:باهي تو نشوفهم اني راك تفتح لحد الا لعمي باهي
جلال:باهي
سكرت رنا وهيا تتنهد واول ماتلفتت شافت محمد واقف يتكلم في التليفون .
محمد:تمام ياأمي تو نكلمه ماترعشيش روحك
رقية:وحتي انت وينك جدك من بدري وهوا مكشخ ويعارك
محمد:نا قعد عند صاحبي اليوم ماتنشغليش علي
رقية:باهي سلم ولدي عينك علي روحك
سكر محمد وهوا متعصب وشاد علي سنونه وكيف بيتصل ب سالم سمع صوت وراه:عفوا
تلفتلها محمد طول وهوا رافع حواجبه ، تحمحمت رنا وقالت:شكرا تعبناك لو مستعجل روح انت
محمد نزل عيونه وهز راسه:لالا قعد هنا لين نظمنو علي الحاجه
رنا:بارك الله فيك
محمد:فيك بارك الله هضا واجبي
بتسم محمد مجاملة وتلفت بيمشي بس رجعت رنا وقالت بسرعة:تبي نشربو قهوي في كفي المستشفي غير مانبيش نمشي بروحي
رجع محمد تلفتلها وهدي المرة شبحلها شبحه غريبة لين رنا تلخبطت وقالت:لو ماتبيش عادي
محمد:الصراحة مانبيش لكن تبي نجيب لكي حاجه منها عادي
ضحكت رنا بحشمه وقالت:تخيلتكش بتردني هههه بس عادي وشكرا مانبي شي
ضيق محمد عيونه:عدي جنب حنك اكيد ناضت
تلفتت رنا ومشت خطوتين ووقفها صوت محمد لرجع وقال:حقا عليش متصله بيا
كملت رنا طريقها وماردتش علي محمد لقعد يشبحلها لين خشت ، فات موضوعها وتصل بسالم لرد:ايوه
محمد:وربي كان ماتروح ياكلب لكلاب تو لما نجيك بسبتت سروالي لين تقول اخ
سالم:تي كنك نا قعد في العمارة
محمد ضيق عيونه:وين في العمارة امي من بدري وهي تسأل عنك
سالم:مقعمز مع شباب فوق السطح وكنت مداير تليفوني صامت تو نتصل بيها امي
محمد:باهي ماتتعطلش
__
.
.
يتمزق فؤادنا علي حال بلادنا....💔
#تاني_يوم
كان معتز متكمش في بعضه من الصقع وهوا يتقفقف مع بعضه ويرعش ، واول ماسمع صوت الباب انفتح رفع راسه وهوا يشبح في شاب ملتم قال:هي اوقف
معتز:وين
طبس الشاب وشد يد معتز وجبده:اوقف ومشي وفمك ساكت ياكلب
وقف معتز ومن التعب والاراق من قلت النوم وقلت الماكله مش قادر يتكلم ويرد ولا يمشي بسرعة وهوا يتوجع من يد الشاب ليكر فيه بكل وحشيه وعدم احساس وهوا يحطله في الكلبشات في يديه وغطاله وجهه بالكامل بقماشه سوده.
.
.
ضيق عبدالباسط عيونه:باهي كم بيقعد عندكم قولونا حكمتوه ولا نديروله محامي ولا كيف
وقف الضابط:قضيته معقده مش معروف لا حد توا
نزار وقف وهوا يشبح لضابط بغل:تي كيف مش معروف قضيته تافها حسستونا كأنه قاتل ولا خاطف حد
الضابط رفع حاجبه:اعرف شن تدوي خير ماتلقي روحك معاه توا ، اطلعو هي مش فاضي بيكم اني
شد نزار علي قبضت يده وكيف جاي بيتكلم بس قرب عبدالرحمن وعبدالباسط منه وشدوه.
عبدالباسط:باهي عادي نجيبوله حوايج و ماكله توصله
الضابط:اي جيب وسلمهم للأمانات غدوة ولا بعد غدوة تعالا اسأل عليه في اما قاطع رفعوه وتقدرو تجيبوله.
__
.
.
بتسمت آيات اللي شافت رسالة عمر لي في المسنجر (تي امتي بتبرا رجلك يابنت)
آيات (اسبوع ونحول الجبس علاش)
قلبت آيات التليفون اول مانفتح الباب وخش رجب ولد أختها:توتة ماما قتلك تعالي افطري
هزت آيات راسها وهيا ترجع تقلب في تليفون اول ماسمعت صوت تشرين مكالمة المسنجر واول ماشفاته هوا ضحكت وهيا تشبح لرجب وقالت:باهي قلهم تو تجي وسكر الباب وراك
طلع رجب وسكر الباب وراه وخلا آيات لخدت نفس وهيا تساوي في تقعميزتها وردت:الو
جاها صوت عمر لقال بتسهويك:من اولها هكي ياآيات تي هيا ابري
ضحكت آيات:الله غالب وجهك فقر عليا
عمر:ههههه لالالا ماتوقعتهاش منك تقوليها في وجهي
آيات:ههه نبصر واللهي نبصر
عمر:تبصري ولا ماتبصريش خلاص عليك علقت فيك
تحشمت آيات لماعاش عرفت شن ترد وهيا تسمع في صوت عمر لكمل:اول ماتحولي الجبس بنكلم أشرف عليك خلاص ماعاش فيها
بتسمت أيات وهيا تحط في يدها علي فمها بفرحة ...
__
.
.
رفع فارس حواجبه بصدمه ومانطقش ب ولا حرف وهوا يشبح لأمه لقالت والدمعة في عينها:ربي يرزقك ببنت لحلال لخير منها ماتقهرش روحك ياولدي كان خير ليك ره ماسيباتكش في حاجه انت مالكش ذنب فيها
زمط فارس ريقه وهوا حاس بنفسه هرب وبنخسة وجع في قلبه وقال بعد مدة قصيرة من الصمت:علي خاطر سفيان وله
ماجده مسحت دموعها وقالت بقهر ممزوج في صوتها:خالتك قالت ماعندهم عليك شي لكن بعد لصار بنتهم ماعاش امنه معاك وسيورهم عيلة الولد بياخدو تارهم خايفين تقعد بنتهم أرملة يفولولك بالموت ياولدي
وقربت وهيا تشد في يده:وكلامهم حق قلبي مش مظمني من يالا الولد سراج عيونه معبية حقد عليك
شبح فارس لأمه وفي عيونه لمحت دموع وجع وقهر وخيبة أمل كبييرة وقال:لكاتبه ربي بصير يمه لكاتبه ربي بصير ...
__
.
.
شبح الصقر لساعة اليد وقال:شوي ويوصل نبيك تحفظ شكله زين وتبعة واول ماتعرف وين يسكن اقعد راقب المكان وتأكد انه السيفاو يسكن غادي حق
هز زياد راسه:حاضر يافندي
رفع الصقر حاجبه:سيدي مش فندي
سكت زياد شوي وبعدها هز راسه وقال:حاضر سيدي
طقطق الباب وخش آسامة ووراه محمد لقال:السلام عليكم
الصقر:وعليكم السلام ورحمة الله وباركتة وزارتنا البركة اهلين اهلين بالشرقاوي العبقري
قعمز آسامة وهوا يبتسم علي تسهويك الصقر لقعد يشبح لمحمد لبتسم وهوا يرفع يده طبطب علي صدرة:الله يبارك فيك علي المدح السمح وربي ماحد فاطن بقيمتي كيفك
رفع الصقر حاجبه:ديما جوابك علي راس لسانك
محمد شبح لزياد لواقف ويشبحله ورجع شبح لصقر وهوا يجبد في الكرسي وقال:شني نقمعز ياصقورة
فهم عليه الصقر لضحك وقال:قمعز قمعز
قعمز محمد ورجع شبح لزياد وقال:من الطيب
آشر أسامة لزياد براسه بمعني اطلع وقال الصقر:هدا جاي يبي سلفة ما سلفة
قعد محمد مركز في زياد لين طلع وماتلفتش الا لما كمل الصقر:اي وشن صار في السيفاو
تلفت محمد وقال:شني صار
آسامة:تي مش قلت تعرف مكانه هيا غير نتحركو
محمد:كنكم مستعجلين مش تبن السيفاو وخوته تمام اعطوني شهر
وسكت شوي وشبح لصقر:كلا تلات اسبيع كدا وتحقوه هو وخوته عندكم
رفع آسامة كتافه وشبح لصقر لتكه بضهرة علي الكرسي وهوا يشبح لمحمد لطلع تليفونه لشرين من جيبه ، واول ماشاف من وقف وقال:نستأدن منكم ياطيبين
وبتسم لصقر لمبادلاش الابتسامه وطلع وهوا يضيق في عيونه ويشبح لرقمها ، طلع برا المقر ورد في اخر لحظه:ايوا
جاه صوتها بعد دقايق:مساء الخير
محمد ستعبط وقال:مني معايا
رفعت رنا حاجبها:اني رنا قصدي لمبارح جيت ساعدتنا
محمد:هاا اي تفضلي تبي حاجه
حست رنا روحها بتموت من برودة اعصابه وتصرفاته وقالت:لا غير نبي نشكرك بس مالقيتكش وقلت اكيد روحت ف حبيت نتصل ونشكرك
محمد:قتلك من قبل هضا واجبي
رنا:حناي من لما ستاقضت بروحها وهيا تسأل عليك تعالا اليوم وشرفنا علي الاقل حناي تشوفك وتشكرك
محمد:ان شاءالله في الأيامات الجاية
رنا:لالالا عيب عليك تعالا اليوم حناي تو تفرح بيك
محمد ضحك:كنك مصرة علي جيتي
بتسمت رنا:هكي نبيك تشرفنا وتنور حوشنا
محمد:ههههه ان شاءالله تو انوركم لكن قولي لحد خالك عمك كان عندكن بيش يستقبلني
رنا سكتت شوي وبعدها قالت:ان شاءالله نستنو فيك اليوم
__
فتح رائد باب شقتهم وهوا شاد تليفونه ويشبح لرقمها ويبتسم وهوا يدكر امبارح لما طلب رقمها قعدت تتلعتم وهيا تقوله:ستني شوي بس
وطت التليفون لوطه ومن توترها نست ومادرتش كتم وقالت لرنيم لمقعمزه جنبها وهيا تهز في رجلها بغيط وقالتلها بتوشويش:رنيم قالي اعطيني رقمك
شبحتلها رنيم وفنصت فيها:لا وقمك لا
ضيقتلها نور عيونها:وشن معنى انتي عطيتي لخوه رقمك
رنيم خدت نفس وهيا ماتبيش تصيح:انتي تعوفي كويس كيف خدي وقمي
نور رفعت كتافها:زي بعضه بنعطيه
قربت رنيم منها وكانت بتفك منها التليفون بس نور بعدت يدها لشاده بيها التليفون وقالت:والله نفضحك قدام خالتي وحناي اليوم ومن غير فضيحتك في الحوش ح تكون بكلاكل
شدت رنيم علي قبضات يديها وعيطت وخبطت رجليها علي الارض وطلعت وقربعت الباب وراها لين نور نخلعت ، رفعت كتافها بعدم اهتمام وردت علي رائد ليضحك:خيرك تضحك
رائد:ههههه لا شي المهم شن صار في الرقم
نور:تو نبعتهولك في رسالة
رائد:توا لانه رعد بدي يولع شوي ويهجم عليا هههه
نور بتسمت:ههه شكله غريب زي اسمه
رائد:بضبط
.
.
صيح سالم:نا قعد هنا في الشارع
عبدالسلام:جيب خبزة لما تجي
سالم:باهي
سكر سالم باب الشقه ونزل بسرعة واول ماوصل في الدور الخامس اللي هوا تحت الدور لي فيه شقة محمد انخبط في رائد اللي لاهي في تليفونه ، وخر سالم وهوا يرفع في يديه:سامحني خويا
رائد تلفتله وبتسم:اوووو سالم شجو
سالم:هههه واللهي تمام شن جوك انت
رائد:اهو نضت بسيف بعد سهرية امبارح
سالم:هههه حتي نا والله خلونا نعاودوها قبل ماروح
رائد:اكيد ، شن نازل
سالم:اي بندير برمه في الشارع
رائد:هي حتي اني نازل
نزلو سالم ورائد مع بعض وهما يهدرزو ويضحكو ، وعلي باب العمارة تلاقو ب محمد لكيف خاش واول ماشاف سالم مع رائد بتسم:السلااام عليكم شبيبااا
تلفت رائد ببتسامة:هلا والله عقيييد
ضحك محمد وهوا يشبح لسالم لقال:تعرفو بعض
رائد:والله اول مرة نشوفه هههه
سالم:ههه هدا خويا محمد
وتلفت سالم لمحمد وكمل:وهدا خو لواخد منه الشقه رائد
رفع محمد حواجبه:خو السيفاو
رائد مد يده:ايوه
محمد مد يده وسلم علي رائد لقال:تشرفنا عقييد
محمد:هههه لا عاد نبو تهدريزه بيش نتشرفو
رائد رفع يديه:ياعيني اختصاصي يامعلم اليوم فليل فيه سهريه تانيه فوق السطح هههه تبي تشرفنا تعالا
محمد:ههههه هوا مش من مقامي السطح فاطن عقيد وكدا لكن مشي حالك ههه علي عيونك
رائد:ههههه تمام عقيد
__
.
.
مسحت ماجده وجها بداها الزوز وهيا تشبح لحنان ام نادين:والله ياوخيتي وجعني وليدي ماضنيتها بتجيني من وخيتي لدعتني لدعتني اني وولدي هي وبنتها
حنان:هي الخاسرة ماعاش تفكري فيها والله نسبتكم ذهب وهما مايستاهلو الذهب ، انسيهم تو وفكري في فارس سفريه من هني لين الوضع يهداء علي الاقل الفرخ سراج مش ح يسيبه في حاله
هزت ماجده راسها وسكتت وهيا تمسح في دميعاتها المقهورات علي عملت ولدها وعلي حظ ولدها التاني وعلي الحالة لوصلولها ، رفعت راسها علي صوت نادين لكبهت من باب المظبخ:مجوده نجيبلك عصير ليم لذيذ من تحت يدياتي
بتسمت ماجده من بين دموعها وقالت:جيبي
ضحكت نادين وخشت المظبخ وسيبت ماجده تفكر للحظه وبعدها شبحت لحنان:حنان
حنان:نعم
ماجده:نطلبك طلب ماتردينيش
حنان:تفضلي يا وخيتي ربي مايحشمني معاك...
__
.
.
فات الوقت وجت لعشية وكانت رنا شاده تليفونها وتراجي في اتصال محمد.
سعيده:خليتيني نقول لعمك ولا لمنذر عيب الراجل جاي ومافيش راجل في الحوش يستقبله
رنا:حناي ماتعفلقينيش تعرفيهم عمي وولده تو بيبدو يتمقعرو ويقولو علاش جاي
سعيده:اني نسكتهم غير كان خليتي نتصل بواحد منهم
خش جلال يجري وهوا يصيح:محمد برا
بتسمت رنا ووقف وهيا تشبح لجلال لكمل:وجايب معاه امه
انطفت ابتسامت رنا لضيقت عيونها وهيا تشبح لحناها لوقفت:بري وتي العصير غير نستقبلهم
تنهدت رنا ورجعت الابتسامه علي وجها وخشت للمظبخ وخلت حناها تطلع وستقبلت محمد ورقيه ودخلتهم للمربوعة.
سعيدة:لا ياودي حني حوشنا مفتوح ديما ره لا تتحشمي لا شي مانتعاملوش بالمواعيد لا بزمار
ضحكت رقيه:هههه سلمك ياخيه
محمد:كيف حالك تو ياميمتي
سعيدة:الحمدالله ياوليدي الفضل لربي تم ليك
بتسمت رقيه بفخر بمحمد وهيا تشبحله ورجعت شبحت لسعيدة لكملت:ربي يحفظهولك قليلين لزيه ربي يحفظه ويسعده
رقيه:سلمك
طبس محمد راسه ببتسامه وهوا يمسح علي شعره واول مارفع راسه شبح رنا لخشت عليهم وهيا جايبه العصير وقعد مركز فيها لدقايق، قمحيه وباين شعرها كتيف لانه نصه باين من الوشاح وطويلة وجسمها حلو وعيونها كبار وعسليات وعندها غمزة ، نزل عيونه اول ماسمع صوت امه لخدت العصير من رنا:سلمك يابنتي عليش متعبين رواحكن
سعيدة:مادرنا شي حني
قربت رنا من محمد وقدمتله العصير رفع يده وكان بياخد الطاسه بس فجاة فقت رنا توازنها وهتزت الصفرة لين طاحت الطاسه علي محمد لوقف طول وخلا رنا تبعد وهيا تحط في يدها علي فمها
سعيده:ياعطك كسرة يابنيتي
رقيه:بعيد الشر عنها ماعليشي يصير الغلط
محمد:لالا عادي ماصار شي
رنا:اسف مش قصدي تفضل انادي علي خوي يدلك علي الحمام
تردد محمد بس اول مازادت سعيدة اصرت خش مع رنا بس وقف قدام دار المعيشه وقال:وين خوك
تلفتتله رنا وقالت:والله مانعرف شكله برا وتليفونه مسيبه في الحوش
وسكتت شوي واشرت بيدها علي الحمام:تفضل هدا الحمام
خش محمد ورنا ضحكت علي حركتها الخبيثه وخشت لدار طول جبتله فوطه واول ماطلعت شفاته طالع وهوا يمسح في تيشرته المبلول ، قربت منه ومدتله الفوطه:تفضل سامحني ماكانش قصدي
خدي محمد منها الفوطه وقعد يجفف في تشرته تحت انظار رنا اللي ماتحشمتش ومشت خشت لا قعدت واقفه وتشبحله .
حط محمد الفوطه علي الكمادينو ورفع عيونه في رنا لقالت ببتسامه:تبي نجيبلك لستشوار تجففه صقع مه
محمد رفع حاجبه:اقتلي القتيل وتعالي في جنازته لا شكرا
وتخطاها وكان بيمشي بس وقفته رنا:اني ماكنش قصدي ماتفهمش غلط
وقف محمد لحظه من غير مايتلفتلها وكمل طريقه وخلاها تضرب في الارض برجلها:حيط حيط مايفهمش واااك مبرد اعصابه اوووف
__
.
.
في الليل ...
كانت آيات مقعمزة في الدار وهيا شاده عصية وتنش في الدبان:واااااك واااك ياربي الضي هارب وصقع وفوقها دبان بارد هش يابارد هش
خشت سهي عليها وهيا تنفخ:مش عارف امتي بجي هضي لحرف
آيات:اني مانبيه غر يمشي من عليا هدبان البارد
سهي:اي ريتيه البارد حتي هو زي وزير الكهرباء
نفخت آيات وسكتت شوي وهيا تشبح لسهي لفتحت الدولاب وتفتش:وين تيشرتي الصوف الاخضر
آيات تلفتت لتليفونها اللي علن وصول رسالة من المسنجر ضحكت وهيا تفتح فيه وتشبح في رسالة من عمر(فاتحة)
تلفتتلها سهي:آيات نكلم....
بس اول مانتبهت عليها شاده التليفون ومبتسمه قلبت عيونها وقالت:عاد عمورة فتح كيف عاد ننسو حتي بونا وأمنا
ضحكت آيات وهيا تشبحلها:مصحك غر اطلعي تو مش وقتك
سكرت سهي دولابها وطلعت وهيا تقربع في الباب علي قوته لين آيات دفلت عليها وهيا تشبح في رسالة عمر(شن اديري)
آيات(اهو مكسده والضي هارب وانت)
عمر(عيب عليك تكلمي فيا وتقولي مكسده)
آيات بتسمت(هههه لالا كنت مكسده قصدي)
عمر(اممم معناها اني نطيرلك في لكساد)
آيات(ههه ممكن)
عمر(ههه شن ممكن)
آيات(نعرفش نعرفش)
عمر(ههههه محلاها لتحشمت)
ضحكت آيات وهيا بدت تسمع في دقات قلبها لتسارعو(اممم شن برد اني تو هههه)
عمر(هههه نقولك حاجه ماتفهمينيش غلط)
آيات(لو هيا مش غلط علاش بنفهمك غلط)
ضحك عمر(هههههه نفس كلمتك هديكا المرة)(ههه خيره عقلك ديما ماشي بعيد)
آيات(لا والله بس من الطبيعي لما تقول تفهمينيش غلط بدور حاجات غريبة في راسي)
قعدت آيات دقايق تراجي في الرد بس عمر شاف الرسالة وماردش، نفخت وهيا تقلب في شفايفها:خيره شاف الرسالة وماردش زعما ضايقته اوووف منك ياآيات
قالت كلمتها من هني وجتها مكالمة مسنجر منه من هني ، بتسمت طول وهيا تتحمحم وترد:الو
عمر:اممم اتصلت باش تسمعي لكلام هدا بصوتي
ضيقت آيات عيونها:كلام شن
عمر:اني نحبك يابنت الناس ونبيك حلالي وليا ولكلام هدا مش من توا لالا من زمان ره لكن هدا وين قدرت نوصل فيك
فتحت آيات عيونها علي وسعهم وهيا تاخد في نفس كبير وحاسه روحها وكانه من بزع عليها امية مصقعه...
__
.
.
سالم:ارقا لسطح
محمد:تمام
سكر محمد من سالم وهوا حاس بحركة مش طبيعية وراه ، شبح من لمراية وراه وبمراية الباب وهوا يضيق في عيونه ويركز.
فتح باب سيارته ونزل وهوا يسكر فيها وركب .
.
.
وخر رعد كرسيه ووقف:شوي ونجيكم
بعد رعد من جنب السيفاو وخوته وسالم وهوا يركز علي رائد لواخد تركينه بعيده عليهم ويهدرز في التليفون ، تلفت قدامه وشبح لوطه لشارع لقعد زحمه بالناس ورد ببتسامة:بنكتبها في التاريخ هدي متصله بيا واخيرا هان عليك رصيدك
رنيم:اسمع قول لمخويك يسكو ياسو ياسو شن هدا ليهم ساعة يفتفتو بنموووت اني وه شن قعدين يدوو من ساعة
ضيق رعد عيونه وقال:شن تخرطي
رنيم:نخوط علي خوك وأختي
ضحك رعد:ههههه مالك ومالهم انتي خلي الناس تتعرف وانتي مش مهنيه روحك لا مهنيه غيرك
رنيم:كيف نخليهم هدي اختي وه وبعدين قعده صغيوة علي العلاقات وجوكم لملبز
رعد:حني جونا ملبز ياوجه القرده
رنيم شهقت:اني وجه قوده ياوجه لحماو
رعد:وحق الله المعز كان ماتعرفي كيف تدوي لما نلقب امها فوق راسك ياقردة لقروده
رنيم عيطت بتنقنيق:انت ماتتحشمش شن معني انت تقولي قوده واني لا اه خيوك خيوك انت والله...
قطع رعد عليها وهوا يصيح:تي اسكتي اسكتي غيري ام السيرة وانتي حشيشتك النكد والايامات الغبر
نفخت رنيم:اوووف منك اوووف
بتسم رعد وتلفت علي صوت رائد:عقيييييد هلا والله حي الله ههههه نورت الشباب ياعقيييد
ضيق رعد عيونه وقعد يشبح لرائد لمشي سلم علي محمد اللي لف يد رائد ورا ضهرة لين عيط بضحكه وقال:يانعليا من الشباب فرقة حالك
ضحك رائد وصيح:تي حول ياراجل واااه عليا ايدي تكسرتي زودوو
ضحك محمد وسيبله يده وهوا يلف في يده علي رقبته وقرب سلم علي السيفاو والشباب ، جبد محمد الكرسي وتلفت لرعد لجت عينه في عينه ، بتسم محمد ورفع يده كتحيه ، هز رعد راسه ورفعله يده ، تلفت محمد وقعمز تحت انظار رعد لقعد يشبحله شوي وبعدها رجع تلفت قدامه وقال:رنين
رنيم:مية موة نقولك اسمي رنيم مش رنين
رعد:اللي هو غير اسمعي
رنيم تنهدت:نعم
رعد زادت ابتسامته:شن جوك انتي ومرت بوك
رنيم:زي ازفت علاش
رعد:ههههه ميه ميه معناها تعطيك للي يجي عادي
رنيم:حتي لسوداني تعطيني ووبي هي المهم تتفكا منا اني وأختي
رعد:بجديات تدوي قصدك نوعها مرت البو الحرفه
رنيم:اي ووبي هي بجديات تكرهنا اني واختي لكن مش بدوجة مدايوة لتبيه لكن متعبتنا هلبااااا
رعد بتسم:تو ناخدك اني وريحك
بتسمت رنيم ونفخت:اووووف ياوبي بديت تخوط هاا
رعد:ههههههههه...
.
.
.
.
#يتبع_للبارت_لبعده
________________________________
بداء كتــابة الرواية في تاريخ 2019 / أكتــ10ــوبر / 3
تم انهاء كتــابة الروايه في تاريخ 2020 / فبـــ2ـــراير / 3