عشق في بلاد حروبها لا تنتهى 2 (طرابلس ياغارقة في الدم)

البارت 21

_
_
#عشق_في_بلاد_حروبها_لا_تنتهي
#طرابلس_ياغارقة_في_الدم
البارت 21
.
.
في الحلقة السابقة
قرب محمد وقعمز قدام رائد علي ركابه وقال:مش نا لقتلهن علي مكانكم ، واساسا نا ماكنش عندي خبر بالعملية هدي
رائد:مايهمنيش نبي نموت اني وبس نبي نموت لانه لو طلعت من هني بعد هدا كله ح نولي زيهم
محمد:انت مش كيفهم
هز رائد راسه:لا اصلي منهم حياتي حياتهم التفاحة الصالحة عمرها ماقعدت صالحة بين التفاح الخامر كان ماحد خداها من بينهم واني هكي اقتلوني دمرو خوتي بيا ورتحوني من لحياة لاني فيها
محمد شد وجهه رائد بين يديه وقال:نا نشيلك من بينهن وربي مانخليك بينهم ولاني مخليك هنا
رائد:لكن اني فرصتكم الوحيده باش اطيحو بخوتي وبوي
محمد بعد يده علي وجه رائد وطلع كلينكس من جيبه ومسح الدم لنازل من خشم رائد وقال:باتك وخوتك جايهن يوم يايدمرو فيه يايفطنو علي روحهم
وبتسم وكمل:لكن انت تستحق تعيش بعيد عنهن وتعيش الحياة لأنت تبيها
رائد:ياريتك جيتني قبل مانحصل هني
محمد:كل شي في وقته حلو............

قراءة ممتعة
#البارت_الواحد_والعشرون

يَآلُلُيَتٌ نْستٌطًيَع آنْ نْصٍآرع آلُمۆتٌ قَبْلُ آنْ يَأخـڏ آمۆآتٌنْآ ۆيَگسر بْۆعۆدِنْآ معہم 🥀💔
.
.
.
ضيق معتز عيونه وهوا يشبح لورقة التعهد لقدامه ، وبعدها رفع عيونه لضابط لقال:هي وقع زي صحابك
رفع معتز الورقه وعلق علي بند من بنود التعهد وكان فيه بمعني انه كل لوراق والمستندات والملفات لكانت عندهم مزوره والكلام والوتائق والادله كلها مجرد فبركه منهم ومفيهاش اي صحه وكل لتدعو انهم مجرمين وخانبين ولمدايرين غسيل امول بريئين وماعندهمش اي علاقة بما دكر في هدي الاوراق لمزوره ، انفعل معتز وهوا يحدف في ورقة التعهد علي الطاوله ويخبط بيده عليها :شن الخرط هدا انتم تعرفو كويس كل لمدكور في الوراق لعندنا حق وكله صاير
وقف الضابط وهوا يأشر لشباب لملتمين لوراء معتز ، واول ماأشرلهم قربو من معتز وشدوه لين تفجاة وهوا يصيح:تي حولو ياكلاااب حولو
الضابط:ارفعوه والد....... وربوه خلي الورق لعنده ينفعه......
جي معتز بين عيونه لعداب لشافه وصيح برهبه:لالالالا حولوووووو حولوووو
وقفهم الضابط:خلاص سيبوه
سيبو الشباب معتز لدفهم من عليه وهوا يشبح لضابط لرجع وقال ببتسامه:عندك خيارين ياتوقع ياالويل تم الويل تم الويل ، ننصحك توقع ودرق وجهك من المكان هدا وتقعمز وتهني روحك من الدوة هدي لانك مش قدها
مسح معتز علي وجهه وهوا حاير ،  يصر علي موقفه يصر ويقعد في هدا المكان لكان يقعد فيه شوي تانيه روحه ح تطلع وح يموت ابشع موته تحت يديهم ...
خدي نفس وهوا يقرب من الطاوله وخدي البيرو ووقع علي التعهد وهوا مش قادر يتحمل خلاص انه يقعد في هدا المكان يبي يطلع وحتي لو كانت مبدئه وخدمته هيا التمن ........
.
.
.
__
بتسم عمر لدرس سيارته قدام حوشهم وهوا يرد عليها:اوووو تطورات صايره بدينا نتصلو وحركات ههه
بتسمت آيات بخجل:ههههه نسكر ره
عمر:هههه لالا تي وين تسكري ماصدقت اني ياحبي
آيات:اي شن جوك ياقمر
عمر:فل فل وبدات بعد اتصالك
آيات:ياحليلي عليك
عمر:هههه بطلي دلع يابنت ره اني علي سبله
ضحكت آيات:تمام خلاص هاا سكتنا هههه
عمر:هههه اي شن اديري
آيات:شي مقعمزة ونفكر فيك ومستاحشاتك
ضيق عمر عيونه:متاكده انتي آيات
آيات:ههههه اي اوووف عااد نسكر ره
عمر:هههه لالالا اني ماصدقت تولي هكي خليك خليك وخليك ماشه علي النمط هدا هههه
آيات ضحكت وهيا متحشمه من عمر لكمل:وعلي العموم حتي اني مستااااااحشك هلبا ياحبي اااخخخ امتي بجي هتلات
آيات:ههههه حسستني عرسنا التلات
عمر:وربي كان تبي اليوم نقرا الفاتحه
آيات:مانقولش لا ره
عمر قعد يضحك:حبيبتي ياقلبي شكلك مريضه هههههه وله
آيات قعدت تضحك وهيا تنقنق:هههه لا بس نحبك اني ونبي نطلع كل لي في قلبي خايفه تصير حاجه واني مش مقايلتلك لي في قلبي
عمر:هههه وحتي اني نحبك ونموت فيك ان شاءالله ربي يبعد علينا الشر ههههه وهي طلعي طلعي لي في قلبك هي نبي نسمع
حطت آيات يدها علي وجها وهيا متحشمه منه ، وقعدت تهدرز عليه شوي وسكرت وهيا تطلع من الدار علي صوت سهي لتنادي:آياااااااات زودي حطي معاي لعشي
مشتلها آيات للمظبخ وحضنتها من التالي لين سهي ستغربت وهيا تضحك:ههههه شن اديري في بروفات عليا ولا كيف
زادت آيات حضنتها وهيا تضحك:ههههه حقيره لا بس هكي نحبك اختي
بعدتها سهي وهيا تتلفتلها بضحكه:بسم الله شن صاير في الدنيا ههههه
ضيقت آيات عيونها:والله ماينفع معاك حب لا طياح سعد حولي حولي
ضحكت سهي وجبدتها حضنتها:هههه تعالي تعالي نيتي وخيتي مقنينها الزعلانه
ضحكت آيات وهيا تحضن فيها وتشبح في اشرف وأيهم لخشو وهما يتسهوكو ...
اشرف:تي وقت تغميركم تو تي حطو لعشي جعاان
ايهم:حتي اني هياااااا حطو
بعدت آيات من سهي وقربت من أشرف:تعالا وخي حتي انت احضني تعالا تعالا
وكيف بتقرب عليه كشخ عليها:تي بري غدي خير مانكلك بدل لعشي
قلبت آيات شواربها وشبحت لأيهم لضيقلها عيونها:ماتفكريش فيها بكل وربي تيرو يوصلك لقبر حني وجدي
ضيقت آيات عيونها وصيحت فيهم:والله ماتتحشمو هي لما نموت وقتها اقعدو تحسرو علي الموقف هدا كويس راكم تنسوه
ايهم:وقتها يصير خير
تلفتت آيات بغيط وهيا توتي في الصفر وتمتم:كان رجوبتي هني ره حضني وسكتكم كلكم ، غدوة من صبح ربي بنتصل بسناء بنقولها تجي وقعدو انتم
قعدت آيات اتمتم وماعاش بطلت وهما قعدو يضحكو ويتسهوكو عليها......
.
.
__
.
.
خش آسامة للحوش زي الاعصار ومشي طول خش لدار بوه وهوا يفتح في دولابه ويدور في باقي لفلوس لخدي منهم المرة لفاتت ، كان يقلب في الدولاب وهوا يرعش مع بعضه ويسب ويلعن ، وفي الاخير يأس وهوا يخبط في الدولاب بيده بعصبيه ، واول ماتلفت بيطلع شبح بوه لكان واقف قدام باب الدار ويشبحله بهدوء وقال بخيبث امل امبينه من عيونه لمدمعة:تخنب فيا ياولدي
زمط آسامة ريقه ومسح شعره بيديه الزوز وقال:تو اردهملك اني ماخنبتهمش اعطيني منهم نبي فلوس طروري يابوي اعطيني
عبدالله:لشن تبيهم
آسامة:نبيهم اعطيني توا توا هياا
عبدالله:قتلك لشن تبيهم
صيح آسامة:ال..... اعطيني النم قتلك
زاد عبدالله صيح حتي هوا وقال:نعطيك عرقي وجهدي باش تمشي تاخد بيهم السم الهاري لمخليك مهزله اه هكي ياآسامة هكي تكافي تربيتي وتعبي فيك اخرتي اني نشد ولدي يخنب فيا نشد ولدي يخنب فيا باش يشري لحبوب والسم الهاري
سكت آسامة وهوا يشبح حولينه ومش قادر يرفع عيونه في عيون بوه وقال:اعطيني باهي توا بس وبعدين ماعاش نطلب منك بكل
عبدالله:لاني عطيك توا لا بعدين فيق علي روحك وسيب السريب هدا راهو ماينفعكش يافرخ ماضيعش روحك وضيعني معاك
آسامة:من الاخير ماكش عطيني
عبدالله صيح:اني فاش ندوي وانت فاش تفكر فيق علي روحك فيق
خبط آسامة الدولاب برجله وقرب من بوه لواقف قدام الباب ودفه بالقوة ومن غير رحمه علي الجنب بالقوة وطلع وخلاه يشد في الباب باش مايطيحش ودمعة القهر والوجع نزلة من عينه ، قعد يسند عبدالله في روحه علي الحيط لين وصل للمندار وقعمز عليه وهوا يسمع في تقربيع تسكيرت باب الحوش لخلو دموعه يزيود ينزلو دموع القهر والألم والخيبه قعدين ينهشو في عقله وفي قلبه ، حاس روحه كل تضحياته مشو علي الفاضي كل احلامه انه يشوف ولده في مكان كويس في خدمه كويسه ويفتخر بيه احلامه انه يجوزه ويشوف صغارة قبل مايموت ، كان يلقط قرش علي القرش باش يديرله عرس كبير عرس يتكلمو عليه كل العيلة والجيران والناس كلها ، وتو نفس لفلوس قعدين يمشو لدمارة مش لعرسه 💔
.
.
__
.
.
حط محمد التليفون قدام الصقر اللي قعد يشبح في الصور وقال:ابعتهم لسفاو وقوله ال 24 ساعة لعطيتهملي خود زيهم وكان ماجيتش انت وكلابك قبل مايتمو ح يجيه راس خوه مغلف
وخبط علي الطاولة وطلع وخلا محمد يشبح لتليفون لتشلع شاشته بصورة رائد اللي خلاه يرقد علي الارض ويصورة ، سرح محمد في صورة رائد ومافيقاش الا لما طلع اسم رؤوف علي شاشة تليفونه ، تحمحم محمد وخدي التليفون وهوا يطلع من مكتب الصقر وطلع برا ورد علي رؤوف:ها رفيق
رؤوف:ها شن الجو محمد
محمد:الحمدالله كيف لخبار عندك
سكت رؤوف وهوا ياخد في نفس وبعدها قال:زفت
محمد:ان شاءالله خير
رؤوف:بنت خالتي من امس الصبح ماعاش نندرو عليها وين حتي فتحنا محضر ماستفدنا شي قلبنا ام الجامعة عليها لكن شي شي
محمد ضيق عيونه:باه عديتو المستشفيات
رؤوف:ماخلينا مستشفي فيك ياطرابلس مافيش ليها اي أثر قلت نتصل بيك بالك عندك معارف ولا حاجه تساعدنا
محمد:في اين قسم فتحت المحضر
رؤوف:هدا متع ####
محمد:تمام تابع المكان ل نا فيه عطيني اسمها بالكامل
رؤوف:مريم محسن ال####.....
.
.
__
.
.
لا أعترض علي قضاء وقدر الله لي ، ولا أعترض علي ماكتب لي نهايتي ، حتي لو كانت علي يدي 💔
.
.
تاني يوم الصبح .....
نفخت آيات:سهي ياقرده عطيني نلبسها اليوم بس انتي ديما تلبسي فيها
سهي:لا تلبزيها بالبيرو قماشها مايتحملش
تلفتت آيات لأمها لتوتيلهم في لفطور وقالت بتنقنيق:ماما قوليلها
سعاد:تي اعطيهالها خيره هيا تخلي فيك تلبسي في حوايجيها
نفخت سهي وحدفت المالية علي وجه آيات لضحكت ولبستها وهيا تقرب تتغمر فيها:خيتي سلم وخيتي
سهي دفتها:حولي خربتيلي وشاحي
بعدت آيات وتلفتت لامها وحضنتها:ماتتستاهلي حد يعبرك تفوه ، تعالي تعالي ماما غر نتغمرك
سعاد ضحكت :شن جايك علي الحضن والبوس يابنت
باستها آيات علي خدها ورجعت حضنتها:انودع شكلي حي عليا
دفتها سعاد وضربتها علي راسها:اعدو بالله من الشطان الرجيم بري من قدامي وانتي حشيشتك النكد
ضحكت ايات وتلفتت لبوها لخش عليهم في المظبخ:هيا نرفعك اني وخلاص عمك سالم باله واسع ره
آيات:لالا حشمه عطيت كلمه لنهله اهو بنطلع نستناه قدام الباب وتو نتصل بيها نشوفها
سعاد:باه خودي نصك كوليه
خدت آيات نصها ولبست شنطتها وطلعت من المظبخ بس وقفت وهيا تتلفت تولي للمظبخ وقالت:بابا
تلفتلها نور الدين:تبي فلوس اكيد
ضحكت آيات:ههههه حرام عليك
وقربت باساته من خده وحضانته وبعدت:هي باي
ضحك نور الدين من حركتها وهوا يمدلها في خمسه جني:خودي هاك
آيات هزة راسها:والله ماصارت ياحويج اني حضنتك هكي وخلاص ره مانبي شي ههههه لكن كانك مصر هات مانبيش اردك
نور الدين:مفلحك ههههه
خدت آيات منه لفلوس ومشت وهيا تضحك ، طلعت قدام بابهم وحطت شنطتها لوطه وطلعت تليفونها تتصل بنهله وهيا تنفخ وتعاود...
انفتح الخط وجاها صوت نهلة وهيا تحس بحد وراها وقبل ماتتلفت حطلها مخدر علي فمها ، قعدت آيات تعافر فيه وتبي تبعده وتعيط باش يسمعوها ، بس للاسف كان اقوي منها ، ارتخت من المخدر وهيا تهفت في حركاتها وقبل ماتغمظ عيونها لفتها ليه وشبحت وجهه ، الوجه اللي ح يكون اخر وجه تشوفه......
.
.
.
__
.
.
بتسم معتز وقرب حضن سفيان لضبطه وهوا يطبطب علي ضهره وبعد وقال:ان شاءالله ماعاد تشوفه المكان هدا
معتز:وبأذن الله رجلك ورا رجلي ياصاحبي
سفيان ضحك بقهر:اني شكلي مطول
شد معتز كتف سفيان وقال:تفائل خير ، زي مايقولو ويامظلوم معاك الله
هز سفيان راسه:اطلع جري ياراجل كاني من زيك نمنع حتي التوديع مانودع حد ههههه
ضحك معتز ورجع اضبطه وتلفت لشباب وهوا يرفع في يده:ربي يفك اسركم
ردو عليه الشباب وهوا تلفت وطلع من الزنزانه وتلفت لشاب لحطله لكليبشات في يده وشده من يده ، قعد يمشي معتز ويدكر ، من اول يوم خش للمكان هدا ، يدكر كل الم وعذاب وجرح تعرضله وكل إهانه وسب وشتم توجهت ليه
وماقدرش يرد عليها ، لسوء المعاملة وللقصص الناس المأسويه اللي تهون عليك مصيبتك ، في هشهور لقعدهم هني حس روحه كبر ونضج هلباااا ، وتعلم هلبا حاجات تعلم الحكمه ، وتفكير مية مرة قبل مايدير اي حاجه ، تعلم الصبر والتحمل ، تعلم يعيش في جميع الضروف ، واهم شي تعلم الرجولية وقوي شخصيته ....
.
.
الضابط:معتز بشير ال####
هز معتز راسه ، شبح الضابط لشاب لورا معتز واشرله بيده:فك يديه وسلموله اماناته
حول الشاب لكليبشات من يدين معتز لقعد يتحسس في يديه ومشي ورا الشاب لسلمله تليفوناته ومحفظت فلوسه....
ضيق معتز عيونه وقال:والسيارة
الشاب:هدي مش عندنا لين تمشي للقسم لنشديت فيه وتعطيهم هويتك باش يطلعوهالك
هز معتز راسه والشاب كمل:تقدر تمشي توا
حط معتز محفظه في جيبه ودار شنطة الظهر علي كتفه وطلع واول ماطلع من باب مقر الحبس وشم هواء ربي غمظ عيونه وبتسم وهوا يردد:الحمدالله ياربي الحمدالله
وفتح عيونه ببتسامة فرح وهوا حاس كانه انولد من اول وجديد .......
#الداخل_مفقود_والخارج_مولود
.
الحبس يخرج دفعتين فقط ، دفعة رجالة ، ودفعة مجرمين ، والكاسب فيهم اللي يتحمل ويطلع راجل 💛
.
.
__
.
.
لازلت عذراء عفيفة السرير ، فكل ماحدث كان جرم والله يشهد 👆💔
.
.
فتحت آيات عيونها بشوية وهيا تشبح في شخص فوقها برؤية مشوشة ، رجعت غمظت عيونها وفتحتهم بالقوة وهدي المرة شبحاته وعرفاته من ، شبحاته وهوا يحول في تشرته ويفك في سبتت سرواله وعلي فمه ابتسامت نصر ..
خدت آيات نفس كبييير وخدت معاه جهدها وهيا تحاول تنهض روحها وتتكلم بصوت عالي:ان..ت شن ادير ح..ول حوووول
قرب منها وهوا يشدلها في يداها فوق راسها وقرب من رقبتها:اشششش ياحلوة خليك ساكته دقيقتين ونكملو
قعدت آيات تتململ تحته وهيا تصيح من بين دموعها لبدو ينزلو:حول من عليااااااا حوووووووللل اااااااااااااه بعددددد ياانااااااااااس ياااااااااااااربي يااااااااااااااربي
جبد التجيلي متعها وهوا يحاول يسكرلها فمها بفمه المقرف بس كانت تبعد في وجها وتعيط علي طول حسها وهيا تفقد في املها من الناس من البشر كلهم وقعدت تناجي في ربي:يااااااربي يااااااااااااااربي
حاولت آيات تبعده وهيا تناجي وتعيط وهيا تخبش فيه وتبعد فيه من عليها بس كان اقوه منها ومامبطلتش تعافر فيه وتبعد فيه بدموع القهر بدموع الالم ، وهيا تناجي في ربي ومابطلتش صياح الا لما خدي عدريتها ، صيحت بأعلي صوتها وهيا ترتخي تحته بوجع قلبها ووجع جسمها:لااااااااااااااااااااااااااااا
.
.
.
#يتبع_للبارت_لبعده
القصه حقيقية 💔
________________________________
بداء كتــابة الرواية في تاريخ 2019 / أكتــ10ــوبر / 3
تم انهاء كتــابة الروايه في تاريخ 2020 / فبـــ2ـــراير / 3