الفصل السادس
أدم/ حبيبتي وعشق عمري كم أنت غاليةعلي كم سيشتاق قلبي اليك وأنت في حالتك هذه ليتني معك طوال اليوم ..........
خرجت من بيتها وكلي ألم أشتاقها وقلبي محطم بسببها ستتركني أنا أعلم ذللك ستخرج من حياتي فرح لا تقول كلمة إلا وتنفذها بعد أن خططت منذ شهر لتكون بجانبي في الشركة لم أكن أحتاج الي طاهية وخصوصا هي ولكن هذا مجالها علمت أنها تبحث عن عمل مناسب وقد عرض عليها برامج ولقاءات في التليفزيون ولكن صغيرتي تخشي الجمهور ولا تريد الظهور أمام عدسات الكاميرا مع أني أتخيلها الان أمامي بشعرها الغجري المتطاير تركب علي حصان بري أبيض يخطو بثقل علي أرض خضراء يداعب النسيم شعرها وعليه تللك القبعة الكبيرة وترتدي ذللك الفستان الابيض بوردات من لون البينك
أه نسيت أني مهندس ديكور وعملي هو الألوان أه يافرح كم أتمني أن تجلسي أمامي الأن لارسمك اشتقت الي لوحاتي واشتقت أكثر الي وجودك علي إحداها
السائق/علي فين يابشمهندس
أدم/بتقول ايه
السائق/حضرتك هنروح الفيلا ولا الشركة
أدم / الفيلا بس قبلها اطلع علي المرسم
وصلت الي المكان الذي مارست فيه هوايتي سيظن من يدخله أني مجنون ولكني لن اسمح لأحد الا اياها بالدخول الي عالمي وعالمها
أضأت المصباح فإذا برفيقة دربي أمامه تللك الصور الرقيقة لفتاة تلهو بالكرة
وتتلك الرقيقة تدور كالفراشة في شارع ممتليء بالصغار
وتللك قبعة التخرج عندما ألقت بها عاليا لتعلق علي طرف الشجرة أعلاها
وتللك اليد الرقيقة التي تمسح علي رأس طفل في الشارع ونظرة الطفل اليها أتذكر تللك الصورة جيدا حتي أني رسمتها في هذا اليوم كانت يدي ترسم ملامحها بشغف سأرسمك يوما يافرح هنا في مرسمي وسننعم بكل لحظات الحياة معا
وصلت الي الفيلا وطلبت جدتي لأتحدث معها في مكتبي
أدم/تعالي ياستي عاوز أتكلم معاك في موضوع مهم
جدتي/قول ياأدم ياحبيبي الموضوع ده خاص بفرح مش كده
أدم /وعرفتي منين
جدتي/فهمتها وهي طايرة ما هوحبيبي لما يخطب وميسهرش يبقي فيه حاجة
ولما الضحكة تفارق وشه يوم الخطوبة يبقي فيه حاجة
ولما تقفل السكة في وشي لما اتصلت عليك وفرح تعبانة يبقي فيه حاجات وحاجات
أدم/ دا انت مركزة معايا بقي ياستي وواخدة باللك ومعلش والله ما قفلت السكة عن قصد بس اتخضيت عليها وقلقت جامد وأنا كنت لسه سايبها كويسة
جدتي/طبعا ياحبيبي هو أنا هتوه عنك وعن عينيك دا أنا اللي مربياك برضه ياأدم وأفهمك من كلمة مش نظرة
وهو فيه حد يجيب واحدة عشان تطبخ ليه الغدا بس ومتعملش حاجة تانية ويبقي فيه مساعدين ليها وتحت أمرها والله البنت عسل
أدم/مش كده ياستي حلوة قوي وطيبة متعلمة أه صحيح طبخ بس دي عملت ماجستير ووبتحضر دكتوراة كمان وفيه حاجة كده هبقي اقوللك عليها بعدين
جدتي/بس هتعمل ايه في المحروسة
أدم /سبحان الله ياستي عمرك ما اتكلمتي عليها غير وأحس انك مش طايقاها
جدتي/شوف ياأدم أنا فاهمة ياحبيبي انك عاوز تحافظ علي اخواتك عشان هما صغيرين ويمكن ما عرفوش أبوهم زي ما عرفوك وعارفة انهم بيموتوا فيك كفايا لما بتيجي بيقعدوا بس جمبك وبيتخانقوا تشيل مين الأول ولما بتخرج بيقعدوا يتفقوا هيستقبلوك ازاي
وفاهمة ان العيال صغيرين وانت عاوز أمهم تفضل جمبهم بس اللي مش قادرة أستوعبه ان ملكك ده وفلوسك اللي عملتهم بشقاك وتعبك ومجهودك وسهرك والبيت ده اللي اشتريتوا وجددت فيه لحد مارجع زي الاول وأحسن مش قادرة أفكر ان امهم تفكر ان ده من حق ولادها أو اخواتك وانت أبوك مكنش حيلته حاجة لأ وضغطت عليك كمان في حكاية خطوبة بنت أخوها أو حطت البنت في طريقك وانت وافقت انك تخطبها
أدم/انت مكبرة المواضيع قوي ياستي وأنا معملتش حاجة غصب عني كل الحكاية اني كنت شايف هدير بنت مناسبة وكنت فاكر ان قلبها كان هيبقي علي اخواتي عشان هما ولاد عمتها مش هتضايق لو اتجوزنا هنا وفضلنا مع الاولاد بس هي بقالها فترة كلامها متغير
وقال القصر بيخوف وبقت مش بترضي تيجي هنا وعاوزة بيت لوحدها وأنا لو ايه عمري ما هتجوز واحدة تقولي عيش بعيد عن أخواتك
دا غير ان حياتها بقت دلع في دلع وأنا مش فاضي ولا قادر أستوعب عمايلها دي دا غير خروجاتها الكتير والناس اللي ابتدت تعرفهم
أنا عارف اني اتسرعت لما فكرت في الموضوع من ناحية أخواتي
بس أعمل ايه دول لسه صغيرين وملهمش حد وفرح لما شفتها وابتديت اتعلق بيها في الأول كنت بقول ذكريات طفولة بس كل يوم حبها بقي يكبر في قلبي لحد ما عرفت ان اللي جوايا ليها ده مش حب دا حاجة أكبر يمكن ارتباط سري يمكن غرام يمكن كل حاجة حلوة يمكن الزوجة اللي فعلا نفسي اقضي عمري معاها
جدتي/فرح بنت كويسة وأكيد هتحب أخواتك دي لو واحدة تانية كانت فاقت من الصدمة نزلت فيهم ضرب العيال صعبين وشقاوتهم تجنن بصراحة بس دول عيال وأمهم أصعب بس أنا بتحملها عشانك انت
أدم/معلش استحمليهم بكرة يكبروا ويعقلوا
جدتي/أدم انت بتعمل عشانهم أكتر من اللي أبوهم فكر يعملو عشانك من حقك يا ابني انك تلاقي الست اللي تخفف عنك مش تضغط عليك
وتقويك مش تضعفك وماتشغللك وتكلفك فوق طاقتك وانت لسه في أول المشوار وبعدين الضغط اللي عندك ده عاوز هدوء ياأدم توكل علي الله ياابني أنا دايما كنت بدعي ان ربنا يرزقك ببنت الحلال اللي تريح باللك ولسه بدعي حتي بعد ما خطبت
أدم/أنا قلت اتكلم معاك قبل ما أخد اأي خطوة مع اني مش عارف فرح ممكن تكون بتفكر فيا ازاي دلوقتي بعد اللي حصل وخصوصا بعد كسر ايديها ده بس أنا لازم ما أسيبها أو أتخلي عنها هي هتوافق تبقي مراتي مش كده؟
جدتي/ان شاء الله ياابني مع اني مش متخيلة مرات ابوك هتسيب الموضوع ده يعدي بسهولة وهتستغل أخواتك وانت عارف كده كويس
أدم/مش عارف ياستي بس خلاص مش هتفرق أنا مش هسيب فرح لأي سبب بس هي توافق وكل حاجة ان شاء الله هتتحل
**************************
علي الجانب الأخر من الغرفة كانت هناك تسمع كل ما قد قيل فتللك المرأة تكره أن يغلق باب علي ابن زوجها وجدته وتحرص علي اغلاق الباب علي اولادها حتي تستطيع أن تسمع ولا يفاجئها أحد منهم استمعت واستوعبت وقررت أن تستخدم أسلحتها وبجدارة لتحطيم فرح
وكيف ستقبل بزوجة لأدم تأخذ كل أملاكه وتستولي علي ذللك القصر التي فرحت كثيرا عندما طلب منها ادم بعد وفاة والده بأن يتركوا تللك الشقة المستأجرة ويذهبوا ليقيموا معه ومع جدته واعدا اياها أنه سيتكفل بكل مصاريفهم
استغلت طيبته في البداية وقالت أنها لا تريد منه شيء وبانها ستعمل من أجل لاولادها وأنها لن تتخلي عنهم ولكن عندما رأت ما يعيش فيه أدم لم تتردد خاصة بعد المصاريف التي صرفها علي والده قبل أن يموت أغراها المال وطمعت في النعيم بدون وجه حق وبدون مراعاة لشاب أقام ثروته ومستقبله علي ذراعيه
في غرفتها
أخرتها ايه طباخة حتي لو معاها دكتوراة ولا انت هتطلع فقري زي أبوك ضحك عليا وعملي البحر طحينة وعندي فلوس وأملاك أهو موت أمك بحسرتها وسابني وأنا في عز شبابي بأربع عيال
وانت ما شاء الله عليك كنت بتشتغل وتدرس وعملت شركات وأملاك أنا عارفة ومتأكدة انك مش هتفرط في اخواتك بس أنا ايه اللي يضمني اذا كانت ست فرح هانم دي مش هتكوش علي كل حاجة وتجيبللك عيل واتنين وساعتها تقول اخواتي كفايا عليكم اني ربيتكم ويطلعوا من المولد بل حمص
ولا تخلي اخواتك معاك وتقولي اتفضلي انت بره انا مش عاوزك تعيشي معانا وتيجي الست فرح تبقي صاحبة البيت ده كله بعد ما عملت كل جزء فيه بايدي أه بفلوسك ومجهودك بس برضه عملته بيت يتسكن فيه وترتاح فيه
ده مش هيكون ابدا وأنا هعرف شغلي مع البت هدير دي قال مش عاوزة تعيش في القصرهي تطول بنت ام الخلول دي
الغبية اللي مبتفهمش هتضيع أدم من ايديها وتسيبه لست فرح دا بعدها لو سيبتهولها ولا قربت بس من البيت ده وتمسك تليفونها /بت ياهدير سنتك سودة يابنت عايدة والله ان ما جيتي دلوقتي لأأكون جايباك من شعرك انت وأمك ومعرفاكم قيمتكم كويس وتغلق السماعة
هدير/شفتي ياماما عمتي بتقول ايه أنا مش عارفة هعيش معاها ازاي في بيت واحد
عايدة/اصبري بس ياهدير عمتك عصبية ولسانها طويل بس بتحبك يابت وعاوزة مصلحتك تلاقي فيه مشكله ولا حاجة وعاوز ة تتفاهم معاك ما هو خطيبك ده برضه جد كده ومش بتاع هزار ولا فرفشة ومن ساعة ما حكيتيلي علي اخر مقابلة منكم وأنا مش مطمنة روحي يابنتي واقصري الشر واتفاهمي معاها بالراحة
هدير/ عشان خاطرك انت بس ياماما لما أشوف أخرتها ايه هو أدم ميتعوضش طبعا بس انت قولتيها جد كده وملوش في الهزار والضحك
عايدة/بس معاه فلوس وهو ده اللي احنا عاوزينه
شوفي ابوك وجوز عمتك خدونا من بيت أهالينا واحنا متدلعين وكل طلباتنا مجابة ومرمطونا عيشيللك يومين يابنتي حب ايه وضحك ايه ما هو ده اللي جبنا لورا
أدم/يتناول تليفونه بعد رحيل جدته ويتصل عليها
ازيك يافرح عاملة ايه د لوقتي
فرح/الحمد لله كانت اول مرة أسمع فيها صوته في التليفون كانت أول مرة أسمع همس صوته لماذا أنت أنت في حياتي لماذا لا أستطيع أن اقول لك أخرج منها ؟
فرح/لو سمحت يابشمهندس أنا كويسة وياريت ما تتصل عليا تاني أنا بعت لحضرتك فلوس الجاكت وماهر هيوصلهم لحضرتك وما تشغل نفسك بيا وشكرا علي كل اللي عملته معايا وأنا مش زعلانة منك ولا من أخواتك بس من فضللك يابشمهندس ما تتصل عليا تاني
مع السلامة
وأغلقت السماعة ولكني شعرت أني أغلقت علي قلبي أو ألقيت عليه ثقلا من حديد منصهر لم أشعر الا وأنفاسي تضيق لا ماذا اقول أو ماذا فعلت كيف طاوعك قلبك يافرح كيف تنهين عشق في قلبك لم تكوني تعلمي بوجوده الا أمس كيف حكمت علي قلبك بالموت ؟
لماذا يتصارع عقللك وقلبك الان شغلت نفسك طوال سنوات مراهقتك بحلم وأنهينت الحلم بيدك كيف ستتركي مديرك الوسيم كيف ستتركي حلمك هذا عذاب للك يافرح الي أخر العمر....
ناديت علي كريمة الخادمة حضرت وأمسكت يدي سمعت همساتها ولكني لم أدرك ماذا تقول وللمرة الثانية تنام عيوني بقسوة ويحترق قلبي بين ضلوعي .......
يتبع
