الفصل الأخير
فرح/مرت ايام وأدم لا يترك فرصة ويعوضني عما فات او عن أيام ربما اعتقدت أنها لن تأتي سعادة وصلت بي الي حد الجنون أشعر معها أن عقلي سيطير
لمسات حانية
نظرات مملوءة بالشغف
حب لا يمكن تصوره
ابنة غالية أحبها وحبه لها كما الأحلام
اخوة يحبونه ويحبوني ولا سبيل لديهم لارضاء زوجي الا بالصغيرة الغالية
عرفوا كيف يصلون الي قلب زوجي من خلالها لم أكن أجد الوقت لأحملها فهي اما مع الاولاد او مع الفتيات كم كانت ساعات غالية وادم وسطهم وتللك الكيكات والبسكويتات تصنع لأجلهم اخترنا يو م نكون فيه معا أنا وهو وباقي الايام للصغار الي أن اتي ذللك اليوم الذي غير أيامنا لفترة طويلة شعرت فيها أن أدم قد عاد ليكون شخصا أخر
تساءلت بيني وبين نفسي من يكون ؟
أهو الزوج أم الاب
أهو الأخ أم الصديق
أهو مديري الوسيم ام العاشق
أهو الفنان ذو الانامل الذهبية أم
شخص عماه الغضب ويفكر في الانتقام
نعم أخافتني الكلمة الان هو لم ينسي ولن ينسي سيظل يتذكر ذللك الحقير وما فعله معي
أدم/فرح حبيبتي أنا عارف ان اللي هقوله هيضايقك بس لازم أسافر أمريكا
فرح/وقد دمعت عيناها أدم ليه ياحبيبي احنا مش اتفقنا ان اي سفرية للشركة هيبقي فيه حد ينوب عنك
أدم/بس انت عارفة اني ما أقدر أتأخر علي ديفيد وهو قاصدني في شغل مهم ولازم أسافر
فرح/ارتميت بين يديه وأنا أبكي لا تسافر حبيبي أو انتظر حتي تكون فرح بخير وأتي معك
أدم/مش هتأخر دول يومين بس وحياتي يافرح ماتزعلي وان شاء الله هتبقي اخر مرة أسافر فيها لوحدي
فرح/لم أدري كيف أمنعه ولا ادري ما طبيعة علاقته بديفيد وهو قد أخبرني ذات مرة أنه شخص طيب وفقط
سافر ادم وذهبت معه الي المطار لولا دور البرد الذي أصاب صغيرتي كنت ذهبت معه الي امريكا
استمر العمل في الشركة كنت اذهب انا وفرح نعم كنا ثنائي رائع تللك الفتاة تمتللك حس والدها الفني
كم كانت رقيقة وهي جالسة علي الارض تلعب بالألوان ابدعت صغيرتي
وفي خلال ايام كنا قد ملئنا المكتب بتللك الخربشات الملونة سيفاجا حبيبي ابنته حولت مكتبه الي معرض فني مضحك سارتبه عندما يعود
كان يحادثنا بالساعات ربما لو كنا معه ما تحدثنا بتللك الطريقة ولكن في أحيان كثيرة أشعر أن عقله ليس معي ولن أقول قلبه فقلبه أصبح لي
يكلمني ثم يغلق التليفون ليعاود الاتصال بي
حبيبي اشتقت اليك
ديفيد/كله جاهز ياأدم والحقير موجود وكل فلوسك اتحولت لحسابك
أدم/عملت ايه ياديفيد
ديفيد تفاصيل كتير قوي ياأدم أنا قمت بيها بالنيابة عنك عارف أن قلبك الطيب وانك مش عاوز تعمل حاجة بس انتقامك لنفسك ولمراتك مش هيخليك تعيش مرتاح غير لما تنفذ ده
وأنا ياسيدي قمت بلعبة صغيرة كده عارف ان الناس الشرفا اللي زيك مش هيعملوها وبيسموها احتيال بس هنا بقي بنسميها الحق يرجع لأصحابه
كل الحكاية صفقة وهمية لصالح توكيل مهم صاحبه رجل اعمال مصري اللي هو انت
وطبعا صاحبك أو اللي كان صاحبك مصدق العائد المادي والوهمي اللي كان هيحصل عليه
وطبعا بما انه واحد طماع اختار أقصر الطرق لتكوين ثروة وهي الاحتيال والنصب وانا بس وريته الطريق ووقع الحقير
وبلاش تفاصيل اكتر من كده بس هو موجود
والبنت اللي هي اخته احنا نزلناها مصر بتهديد بسيط بالفضيحة لصور اتاخدت ليها بدون علمها وأكيد هتخاف وخصوصا ان أخوها اداها علقة محترمة قبل ما تنزل مش عارف هو يمشيها في الطريق ده ويسيبها ويرجع يعاقبها
بس احنا ملناش دعوة باللي حصل كل اللي عملته اننا كنا في المكان الصح
أدم/لا ياديفيد ده لا وبرغم ان اللي بتقوله ده بيشفي غليلي بس ما كنت أتخيل انه يوصل للدرجة دي
ديفيد/بالنسبة للي اسمه عامر كله كان علي ايدي
بس البنت هي اللي كده واختيارتها كده انت ماتعرف الناس ياأدم وخصوصا هنا في أمريكا والعرب بصفة خاصة لما بييجوا هنا بينبهروا بكل حاجة وقليل جدا اللي بيحافظ علي العادات والتقاليد وقلة قليلة اللي بتحتفظ بدينها
انت طيب قوي ياأدم علي فكرة ولسه ما اتغيرت بس عامر وبرغم انه كان زميل لينا في الجامعة بس طبعه الأناني والمادي غلب عليه
انت قدرت تنجح وتكون نفسك من لا شيء
وهو ما قدر حتي غير انه يكون تابع ويمكن ده كان طريق للانتقام هو اختار كل حاجة انت اختارتها
بس انت تعبت فيها وهو كان عاوزها علي الجاهز
كان ممكن يقف علي رجله ويسيبك بس هو استغل انشغاللك مع مرض زوجتك وضرب من غير ما يرحم
أدم/بس أنا عاوز أقابله
ديفيد /مبلاش ياأدم
الاشكال دي بلاش تتعامل معاها
أدم/في باب لسه مفتوح ياديفيد ولازم يتقفل
****************************************
عامر/انت
أدم/امال فاكر ايه ياصاحبي ولا أقوللك ياحرامي ولا أقوللك اني أمنتك علي مراتي وهي حامل ومريضة
وانت طبعك الحقير خلاك تفكر انك ممكن تاخد حاجة مش بتاعتك
عامر/وايه اللي عرفك اني ماأخدتهاش
ليفاجأه أدم بتللك اللكمة وأتبعها سيل من اللكمات
ليقول أنا طبعا مش متأكد غير من حاجة واحدة وهي مراتي بس ألاعيبك بعد اللي عملته تخليني أتصور كل حاجة
ومش عاوز أعرف انت عملت ايه وخليت فرح تقول الكلام ده ازاي
بس عاوز أقوللك ان فلوسي ورجعت وتقريبا مش هتقدر ترجع مصر طول عمرك واللي عمل فيك هنا لسه موجود
والقضايا اللي عليك هنا وفي مصر هتخليك عمرك كله في السجن
وان قدرت تعدي من اللي هنا فأكيد مش هتقدر تعدي من اللي في مصر وانت الي بديت ياعامر
عامر/أدم استني أنا
أدم/ولا كلمة خلاص
لينصرف تاركا عامر في صراع ربما يكون ليتغلب علي نفسه أو لتتغلب نفسه عليه لم يعد يهم
ربما هي حادثة مرت علي أدم أو مشكلة أخري وربما تأتي مشاكل كثيرة ولكن المهم ألا يخسر من يحبونه ويتمنون له السعادة
*************************************
فرح/علمت من زوجة والد أدم أن هدير عادت وأنها تعتزل الجميع واهلها يقولون أنها تعاني من ازمة نفسية كما علمت منها أنهم لا يعرفون طريق عامر وأوصتني الا أخبر ادم لأنه قد حذرها من أن يتم ذكر هؤلاء الاثنان في المنزل
وهنا طار عقلي أدم وعامر في أمريكا لأحاول الاتصال بأدم ولا يجمع الخط
مر يومان كنت لا أغادر الفيلا أنتظر اتصال زوجي ومديري الوسيم وعندما اشتد بي القلق قررت أن أنتظره في المرسم مر يومان أخران كان يوسف ونيفين
نعم فقد اتفقا علي الخطوبة والزواج وقد وجد فيها يوسف من تعوضه عن تجربة مرت بها أما نيفين فقد كانت رافضة في البداية مبدأ الزواج ولكن لقاء واحد فقط مع ابن عمي جعلها تغير رأيها وخصوصا أنها قد تعرفت ببسمة وعمي أيام فرحي وقد وجدت فيهم الطيبة والاحترام
ومروة وخالد أيضا كانوا يأتون لزيارتي ومعهم ادم الذي كان لا يفارق الصغيرة وتللك المرة عندما كانت تحاول الوقوف أمسك يدها وقال لها سأعلمك كل شيء أيتها الصغيرة
ذللك الطفل الوسيم يقلد مديري وربما يكون هناك في المستقبل أدم وفرح أخران ليضحك خالد ويقول دا لو أبوها وافق
الله يكون في عونك يا ابني من دلوقتي ويحاول الاتصال باأدم
وتركوني في تللك الليلة
كنت نائمة وكريمة في الاسفل لأسمعها ترحب بأحدهم لأجري علي السلم وأراه مديري الوسيم كم اشتقت اليه
أدم/فرح فرح انت كويسة فوقي ياحبيبتي هاتي مية ياكريمة وخدي فرح تحت
فرح/ادم انت كويس
أدم/كويس ياحبيبتي ايه يافرح قلقتيني هو ده الاستقبال اللي تستقبليني بيه يغمي عليك أول ما تشوفيني
فرح/تقوم وترتمي بين يديه وتقول كنت هموت من القلق ويمكن بس دوخة بس حمدا لله علي السلامة
وتروي حبا بقبلة قد اشتاق اليها ليبيتا ليلتهم ولأول مرة منذ شهور يرتاح ادم وينام ملء جفونه
فرح/حبيبي.أنا عارفة انك كنت في أمريكا بس مش غريبة انك
أول لما تسافر هدير ترجع وتكون تعبانة
أدم/وانت عرفتي منين يافرح
فرح/معلش ياادم هي طلبت مني ما أقوللك بس هما برضه ولاد أخوها
أدم/يعني صعبانين عليها ومش صعبان عليها اللي عملوه فيا
فرح/بالعكس ياحبيبي الست ما قالت حاجة وانت عارف كويس انها زعلانة عليك ياأدم هي بس عرفت وخلاص
اذا قاطعت ولاد أخوها فهي برضه عمتهم وأكيد هتعرف أخبارهم بس الحقيقة هي من يومها وهي مش عارفة تعمل معانا ايه ولا ايه
وخصوصا مع فرح يمكن ساعدت الواحد في حاجات أنا مكنتش اعرفها
وحكاية الحقير قريبها ده واللي عمله راحت لحالها بس هي بتقول انه مختفي ومش عارفين طريقه
ادم/خلاص يافرح بلاش السيرة دي ما هو مش يتهمك ويخليني أسمع صوتك وانت بتقولي الكلام ده وأفكر فيه لحظة
فرح/تسمع صوتي قصدك ايه ياأدم
أدم/خلاص يافرح مش وقته
فرح/لأ وقته تسمع صوتي وكلام ايه اللي كنت بقوله
أدم/يعني الحقير ده سمعني تسجيل ليك وانت بتكلميه أو بتقوليله حبيبي وانك مش هتقدر تكملي معاه وكلام كده ليه السيرة دي يافرح
فرح/يعني هو أنا عمري ما قلتله الكلام ده طبعا يمكن حاجة زي تغيير الاصوات أو تلفيقها بس استني قصدك الرسالة اللي قريتها ليه
أاااااااااااااااااااه الحقير تصدق انسان حقير بجد
ادم/ماأنا قلت كده بس رسالة ايه وقريتي ايه
فرح/الحقير ده في يوم جالي وكنت تعبانة قوي وكريمة جابت لينا عصير وبعدين العصير بتاعه وقع علي قميصه
كريمة قالت هتاخد القميص وتنضفه هي تحت ممكن تسالها
أدم/عيب يافرح أنا بسمع بس عشان أريحك بس دي كانت غلطة مني اني أصدق الحقير ده
المهم ياحبيبي هو قال انه عنده اجتماع مهم ومش هيلحق يستني لما القميص ينضف او يروح البيت يغير هدومه قمت أنا قلتله هجيبللك قميص من بتوع أدم وبس ونزلت تحت ومعرفش هو مشي امتي
بعدها بيوم اتصل عليا وقال لي انه نسي ورقة مهمة أو رسالة وانه لازم يعرف اللي فيها لأنه مش هيقدر ييجي وقالي انها رسالة من البنت اللي بيحبها وهو كان قايلي لما سافرت انه يعرف بنت وان فيه حاجات بتمنعه انه يعلن ده دلوقتي
الحقيقة دورت ولقيت الرسالة وفتحتها عشان أقوله اللي فيها كنت مترددة في الاول لأنها كانت انها متجوزة وانها هتكمل عشان حملها مع جوزها وحاجات كده
واكيد هو أخد الكلام ده وسجله ووصلهوللك انه مني
وتقوم من السرير
أدم/رايحة فين
فرح/استني بس وتبحث في بعض الاوراق وبعد فترة تجدها .. اهي الرسالة
وتمد يدها لادم الذي يفتحها ويقرا الكلمات التي عليها ليقول
ياه دا الحقير خطط وببراعة انه يخليني أصدق انك فعلا اللي ....انت اللي بتكلمي مهندس بقي وخبرة في التكنولوجيا والاتصالات الحقير
استغفر الله العظيم يارب
منه لله أهو أخد جزاؤه وان شاء الله مش هنشوفه تاني
قصدي يعني أهو بعد وراح في ستين داهية والمحامين هيعرفوا ياخدوا حقنا منه لو رجع
ويقطع الرسالة ويقذف بها في سلة المهملات لتقترب منه فرح وتقول بدلع ليس بعده الا الحب
يعني حبيبي كان هيفضل فاكر اني فكرت في حد غيره
ليسكتها بقبلة ويقول سامحي تفكيري المريض في لحظة
فرح/وبعدين
أدم/وبعدين الموضوع انتهي وخلينا في اللي احنا كنا فيه كنا في ايه بقي ياقمر ....ويتركها ويغلق الباب جيدا ليعود اليها والحب في عينه عاشقا وزوجا وربما كانت تللك المرة المليون التي يلتقون فيها في سنوات كثيرة
كانا يقتنصان الفرص ليكونا معا لتكبر فرح الصغيرة وتلاحظ أمها اهتمامها بالالوان ليبقي المرسم بيتا لها ولأبيها يقضون فيه معظم اوقاتهم ليخصص لها مرسما خاصا بها ربما تكبر لتصبح فنانة عظيمة
فرح أيضا أنهت رسالة الدكتوراة ربما بعد سنوات بعيدة واستمرت في العمل مع أدم
ولم تتخلي عن شغفها وعشقها للطعام والوصفات الجديدة لتؤلف ذللك الكتاب الذي حقق مبيعات واسعة وأصبح هدية مع كل تصميم تقوم به للشركة
كما أنها أهدت منه نسخة الي تللك السيدة في فرنسا التي ذهبوا اليها في شهر عسلهم الاول ليذهبا في زيارة أخري للمكان الذي جمع لهم فيها الحب أجزاؤه وصار مكانهم الثاني المفضل
وفي تللك المرة الاخيرة عادت فرح وهي تحمل في داخلها ثمرة عشقها الثاني
وفي ذللك اليوم في المرسم يمسك فرشاته ويتغزل بمعشوقته علي لوحة أكثر ما فيه حب وأروع ما فيها الغزل الصريح وأجمل ما كانته أنه أمسك يدها وجعلها تخط معه أجمل كلمات العشق علي لوحته ليصير الجسد جسدا واحدا
والروح أسمي وأعلي من كل كلمات الشعر والحب
ويبقي الامل ليعود كل حبيب لحبيبه
يبقي الحب لتعود الروح للجسد
يبقي الاحترام ليعود الزوج لزوجته
والابن لاحضان أسرته
وماذا ان ضللنا الطريق مرة ووقعنا مرة وقمنا مرة
سيبقي في القلب ولو ذكري حب قد مضي وحب قد يأتي
لا العشق عشق الجسد وانما هو عشق الروح
وليست الروح روح زوج أو حبيب
فربما أعشق رائحة الورود وتظل هي عشقي للأبد
ويبقي أن نعرف من يكون؟,,,,,,ومن نكون؟........
لنرسم معا خطا ثابتة في الحياة حوارها أن الشر موجود والخير موجود
ولنا حق الاختيار
ويبقي فقط الأمل.........
تمت 🌸🌸
