الفصل الثالث عشر
أدم بعد تناول العشاء /بعد اذنك ياعمي انا عازم فرح بره النهاردة هوصل الجماعة البيت وهرجع أخدها ونخرج شوية
عم فرح/وماله ياابني
ادم/مش هتأخر عليك يافرح
فرح/وبابتسامة رقيقة ماشي مع السلامة يا أدم
أوصل أدم جدته وزوجة أبيه الي الفيلا وعاد ليأخذ فرح الي ذللك المكان الذي أوصي ليجهز لأستقبال صغيرته وزوجته وعشق عمره الأبدي
بسمة/هتروحوا فين يافرح
فرح/مش عارفة والله يابسمة توقعي من أدم كل حاجة غريبة وجديدة ممكن ياخدني الشركة ويفرجني علي أحدث ألوان الديكورات ولا يوديني موقع عمل من بتوعه أنا شغلاه معايا بقالي كام يوم أكيد هيعوض بقي
وتضحك الفتاتان
هقول ليه لما أشوفه قال موقع عمل يا بنتي خلي عندك أمل ممكن يوم الصبحية اللي يعمل كده تعالي لما أقوللك حاجة سر لحسن بابا ويوسف يسمعوا
محمود جوزي يوم الصبحية كان هيخليني أغسل هدومه كلها علي ايدي
فرح/ايه هو انت مش عندك غسالة ويوم الصبحية
بسمة/عندي اتنين بس مش كده جابلي الهدوم وحطها علي السرير قبل ما اقوم من النوم وكتبلي ورقة الهدوم دي تتغسل يدوي
أخدتهم وكنت متضايقة بصراحة وهزعق قلت علي ايه ولسه هشيلهم قالي رايحة فين قلتله هغسل الهدوم يدوي
قالي انت بتهزري أنا هبعتهم مكوي
وساعتها قعد يضحك ويقولي هو أنا مجنون أخليكي تغسلي هدومي يوم الصبحية و يدوي كمان ولاني ما بينت اني متضايقة وقعدت أأقول وماله ياحبيبي كنت هتعلم فيك بصراحة من يومها والغسيل أجمل وقت عندي لأنه بيفتكر كل مرة قد ايه أنا كنت مستعدة أعمل ليه كل حاجة حتي لو في يوم زي ده وساعات بيساعدني
انما أدم شكله مش كده بصراحة وباين انه بيحبك يافرح ربنا يسعدكم ياحبيبتي
عم فرح/ايه يابنات مشبعتوش كلام مع بعض
بسمة/اعمل ايه بقي يابابا فرح عسل وأنا حبيتها قوي
عم فرح/طيب يافرح أحنا هنمشي بقي عشان نلحق نوصل ويوسف موجود في مصر لو عوزتي اي حاجة اوعي تترددي
يوسف/اسمحيلي يافرح اني أبقي اتصل اطمن عليك
فرح/طبعا يادكتور ربنا يخليكم ليا وحضرتك ياعمي مستعجل ليه خليك انت وبسمة معايا شوية
عم فرح/معلش بقي يابنتي عندي شغل ومقدرش أاسيبه امتر من كده بس اكيد هجيللك ومش هسيبك تاني
فرح/وكل مرة تيجي بسمة هتيجي معاك
عم فرح/ان شاء الله احنا هنستني أدم لما ييجي ونمشي ربنا يوفقكم شكله طيب ويستاهل كل خير والحاجة فاطمة برضه واخدة بالها منك
الحاجة فاطمة /دي في عنيا طبعا فرح زي بنتي والاتنين ما يتخيروش عن بعض
يطرق أدم الباب وتفتح فرح وتفاجأ بذللك البوكيه الجميل ويعطيها أدم حقيبة هدايا لجني ابنة بسمة التي تشكره عليها كثيرا
بسمة/تعبت نفسك ليه يابشمهندس شكرا ليك وان شاء الله نفرح بيككم قريب
أدم/ولا تعب ولاحاجة ربنا يخليها ويارب فرح بس ايديها تخف وكل حاجة جاهزة ان شاء الله
وينظر اليها جاهزة
عم فرح/هي جاهزة واحنا هنستأذن بقي ونمشي وان شاء الله نشوفكم علي خير وأنا يومين كده وهجيللك يافرح
أدم/نورتنا يافندم وانا سعيد اني اتعرفت عليكم
يوسف /واحنا أسعد خلي باللك من عروستنا وأنا موجود لو احتجتوا أي حاجة
أدم/في باله يارب ما نحتاج منك غير كل خير ربنا يستروغامت عينه بالدموع وسرعان ماتدارك الموقف وودع عائلة فرح
كان واقفا يتطلع اليها ولم يستطع أن ينزل عينه عنها
ملاكي وأميرة عشقي الأبدي
أهواك وحبي للك سرمدي
يسطره مداد من الماس وبريق من لمعان النجوم الأذلي
فيا ملكة علي عرشي أحببتها الي أخر العمر الوردي
دعيني في حبك اليوم أميرا علي عرشك المرمري
لأشتاقك وأحبك وأهديكي كل كلمات الهوي
وكل اساطير الغرام
فأنا في حبك
العاشق الأبدي
الحاجة فاطمة/طيب يلا بقي عشان متتأخروش وخلي باللك من عروستك ياأدم وشيلها في عنيك ياابني ربنا يهنيكم
ادم/في عنيا بس ياحاجة في عنيا وقلبي كمان يلا ياقمر
ويركبا معا السيارة
فرح/هنروح فين
أدم/مكان أجرته من عشر سنين ولما ربنارزقني اشتريته
فرح/اممممممممممممم بيت يعني
أدم/هو بيت ليا أنا وانت وبس هوريهوللك وبعدين هنسهر في مكان تاني
فرح/أدم
أدم/نعم ياروح أدم
فرح/هو في ايه اكتر من كلمة بحبك ممكن أأقولها ليك
أدم/يمسك يدها ويرفعها الي فمه فيه كتير يافرح بس لأني مش عاوز منك غير كده وبس تحبيني وتفضلي جنبي ومتسيبنيش ولا لحظة يبقي لازم تقوليها ليا علطول يا اغلي حاجة عندي وأجمل أميرة في قلبي
وعلي فكرة انت هتشتغلي معايا كمان في الشركة ومش هسيبك تبعدي عني ولا لحظة
فرح/تاني هحطللك شطة في الاكل
أدم/لأ حبيبك عنده ضغط ومش حمل الشطة
فرح/معلش ياأدم ما عرفتش غير من ماهر بعد ما حطيت ومكنش قصدي يومها والله بس الحقيقة لما زعقتلي في الاسانسير قررت اني أزودها شوية أنا أسفة وتدمع عيناها
أدم/وبعدين أنا مش قصدي أوعي تعيطي ويقف بالسيارة ويلتفت اليها لما انت مش قد الشطة بتحطيها ليه ويضحك
خلاص مش زعلان ما هو لولا الشطة مكنتش خليتك جيتي البيت عندي وعرفتيني ويقترب منها أكثر ليتذكر أنهم في الطريق فيتراجع ويستمر في القيادة ويصلا الي وجهتهم المطلوبة
يفتح ادم بابا المرسم ويدخل ليمسك يد فرح ويدخلها الي عالمه كم كان يشتاق لتللك اللحظة طوال عمره أن تتحول صورته الي واقع يسير في المكان من حوله
أخذها مارأت ركزت في الصور لتدرك الوجه الحقيقي لنفسها كما رآها أدم سنوات عمرها وطفولتها تتجسد أمامها من جديد في اروع اللوحات وبعد ان أرسل أمس من يرتب المرسم بعد اخر يوم كان فيه هنا وحطم ما به من أشياء تاركا تللك الصور الجميلة لمحبوبته وصغيرته
فرح/أدم معقول دي أنا مش كده الفستان ده واللعبة أدم أنا أول لما شوفت الصور قلت مين دي بس الشارع ودكان عم محمد وبابا وهو بيسلم عليا
ادم مش عارفة بصراحة وتجري عليه ليحتضنها برقة بالغة فقد كانت دموعها خير دليل علي تللك المشاعر الرائعة التي انتابته يوم رسمها وتذكرها لتللك السعادة أجمل وأثمن لديه من كل لحظات الحياة التي سيكون معها
تركها لتنظر الي الصور وجلس كما كان يحلم دائما ليراها تتجول في مرسمه بتللك الخصلات الحريرية المتطايرة ترفع نفسها لتلمس لوحة عالية معلقة علي الحائط وتنزل لتدقق النظر في تللك الرسمة الصغيرة وتجري لتللك الصورة البعيدة وهي تضحك علي الموقف الذي رسمت به وتبكي عندما تتلمس صورة والدها الجميلة لتلتفت في جنون أذهب عقله كم يضغط علي أعصابه في تللك اللحظات كثيرا لمن ستتركيني ياصغيرتي
عشت عمري أتمني أن تأتي تللك اللحظة كم رسمت أمالا وأمال كم حطمت لوحات لمجرد أنها في نظري ليست مثالية لا تتركيني يافرح
قالها بصوت عال لتلفت اليه وتجلس أمامه لتمسح دموعه المتساقطة أنا عمري ما هسيبك يا أدم ليه بتعيط انا جنبك وأخيرا وتضحك وبعدين افرض بقي أني ما كنتش بحبك ولا حبيت حد غيرك كنت هتعمل ايه في الصور دي
أدم/كنت هوريهم لأولادي وأولادك يافرح كنت هفضل محتفظ بيهم دول ذكرياتي وأحلامي الجميلة واللي عمر ما هتخلي عنهم أبدا وهيفضلوا قدامي طول ماأنا عايش
ترفع فرح يدها لتمسح دموعه برقة وهي تقول ومحدش هيقدر يحرمك من حاجة انت بتحبها ياحبيبي وانت تستاهل كل حاجة جميلة تفضل جنبك وليك ياعمري بس ليه الدموع بقي عشان خاطري ياأدم انا بحبك ومش عاوزه أشوف دموعك تاني
ثم تقوم وتدور في الغرفة وتتطاير تللك الخصلات مرة ثانية أمامه ليحبس أنفاسه قليلا ويتذكركيف تخيلها في يوم من الأيام كما اليوم وكم كانت فرحته كبيرة
ولم تمنعها الام ذراعها من الدوران وهي تنادي أدم يلا بقي قوم ارسمني ثم تجلس وتضع قدما علي الاخري وتقول بس متبينش ايدي المكسورة ولا أقوللك بينها اول مرة هترسمني واحنا متجوزين وأهم حاجة تبين الخاتم
ثم تقوم وتجلس بجانبه عارف أول مرة شوفت الخاتم ده وانا رايحة عندكم الفيلا وشوفتك خارج من باب القصر عارف خيالي خدني لفين
أدم/لفين ياحبيبتي
فرح/للغرب الأمريكي وزمن الامراء والأميرات والحصان الأسمر وأنا لبسه فستان أوف وايت شيفون طويييييييييييييل وعلي رأسي طاقية كبيرة وفيها ورد أصفر وراكبة قدامك علي الحصان وماشيين في امان الله بنحب في بعض
أدم/بنحب في بعض ازاي يعني وريني كده ويجذبها الي ذراعيه بهزار
فرح/وهي تسحب نفسها لأ ده في الخيال مش في الواقع
أدم/وبضحكة أثارت قلبها ماشي يافرح بتبعدي عني وبعدين
فرح/ وبعدين يقوم يطلع علينا اللصوص وانت تنزل من علي الحصان وتحاربهم بسيفك
ادم /وياتري مين انتصر في خيالك الجميل ده
فرح/انت طبعا ياحبيبي مديري الوسيم في ثانية بقي أميري الوسيم وبطلي الهمام اللي قضي علي اللصوص بضربة سيف واحدة يلا بقي قوم وتشده من يده قوم ارسمني عشان خاطري
أدم/يبتسم ليقول لا مش هرسمك دلوقتي أنا الصورة اللي في خيالي يافرح مينفعش تترسم وانت ايدك مكسورة ومينفعش أصلا أرسمك دلوقتي انت جننتيني بصراحة
والحقيقة خيالي اللي بدأ يروح في أماكن خطر عليك ياصغيرتي يلا بينا هنروح مكان تاني
فرح/ماشي بس الصور دي هعلقها كلها في القصر مش احنا هنعيش فيه لما نتجوز
أدم/أكيد طبعا ثم تنظر الي الصور مجددا
أدم/يلا يافرح
فرح/أدم هو انت ملكش صور هنا
ادم/لأ ليه
فرح /كنت عاوزة صورة ليك ياأدم
أدم /فين تليفونك
فرح/ليه
أدم/هاتيه بس
تعطيه تليفونها فيفتحه ويضمها اليه ويلتقط لهما ولأول مرة اول صورة لهما معا
فرح/الله حلو قوي
أدم/انت احلي ياحبيبتي تمام كده
فرح/وهي تجعل الصورة الشاشة الرئيسية ياه ياأدم أنا حاسة إني في حلم وهصحي منه
ادم/لا ياحبيبتي ده مش حلم ده حقيقة وواقع مش خيال ويغلق المرسم بعد أن نظرت اليه فرح نظرة أخيرة وركبا السيارة
فرح/ غرامي في عنيك احلام
وهواك من غير كلام
علمني أجمل معاني
وداني لعالم تاني
وانا قلبي معاك ياحبيبي
بيقول احلي كلام
كانت فرحتي اكبر من أن توصف ولكن ماذا يحدث لي تللك الغمامة علي رأسي تجعل جفوني تتثاقل لا لن أدع الألم يتمكن مني اليوم أخرجت زجاجة الماء وشربت لأشعر بالانتعاش قليلا ثم أخرجت بعض المناديل وفتحت نافذة السيارة ليداعب الهواء وجهي فأشعر ببعض الراحة وأرتخي في الكرسي لأسمع أدم يقول وصلنا كان المكان مركب علي النيل تضيء تللك المصابيح الملونة سطحه ويبدو أنه لنا فقط ليمسك أدم بيدي وأنا أخرج من السيارة واذا بشخص في انتظارنا ويقترب ليسلم علي أدم ويحتضنه
أدم/عقبال ما نتعبللك في يوم فرحك ياعامر
عامر/ولا تعب ولا حاجة ياعريس يلا عقبال الفرح
عامر/ألف مبروك ياعروسة
أدم/ وهو يقدم صديقه وده كمان شاهد عل حبي السري البشمهندس عامر صديقي وصاحبي العزيز
فرح/أهلا يابشمهندس
عامر/ازيك يافرح ألف مبروك كتب الكتاب وعقبال الفرح ان شاء الله
المركب جاهز والعشا كمان يلا اركبوا
أدم/شكرا ياعامر أشوفك بكرة بقي
عامر /ان شاء الله مع السلامة
أدم/يساعد فرح في الصعود الي المركب وتبدأ في الابحار في رحلة نيلية معطرة برائحة الأشجار العليلة والورود الجميلة وتللك النجوم المتلألئة في سماء القاهرة في ليلة داعب النسيم فيها وجه العاشقان وعلي أضواء الشموع اكتملت وجبة طعام راقية خاصة بهما ولهما فقط
كانت هناك تللك الكلمات التي داعبت الاذان كلمات العشق والغرام
أشكوك للسماء أشكوك للسماء كيف استطعتِ ، كيف ، أن تختصري جميع ما في الكون من نساء
عبثا ما أكتب سيدتي إحساسي أكبر من لغتي وشعوري نحوك يتخطى صوتي ..
يتخطى حنجرتي عبثا ما أكتب ..
ما دامت كلماتي .. أوسع من شفتي
أكرهها كل كتاباتي
مشكلتي أنكِ مشكلتي
لأن حبي لك فوق مستوى الكلام قررت أن أسكت .. . . والسلام
تركت تللك النسمات حروف اللغة حرة لترسم اجمل لوحة لحب جميل اسطوري وصمت الكلام فما الداعي فدنياهم الان أكبر من أن تستوعبها حروف اللغة فالبحر يرسم نسماته أمواجا ليلكية علي أضواء مركب ليلي في نهر من أنهار العشق لكل شعراء العالم
يتبع
