[Zawgyi]
"တစ် ! နှစ် ပြီးတော့ သုံး "
ကောင်းကင်က နေဝင်ရီတရော ရောင်စဉ်တွေ အနားသပ် ပိတ်သိမ်းပြီး ကြယ်လေးတွေ အိပ်ယာနိုးစ တဖြတ်ဖြတ်လက်လာချိန်အထိ မြစ်ရေပြင်ငြိမ့်ငြိမ့်ဘေးက မြက်ခင်းစိမ်းပေါ် ပက်လက်လှဲနေမိတာ ဘယ်နှနာရီကြာပြီမှန်းတောင်မသိတော့ဘူး။
ရှောင်ကျန့်က လက်ညိုးတစ်ချောင်းကိုမိုးပေါ်ညွှန်ရင်း နှုတ်ခမ်းပါးလွှာလွှာ ကနေ နံပါတ်လေးတွေကို အစဉ်လိုက် လေသံတိုးတိုးနဲ့ရွတ်နေတယ်။
ဒါဟာ သူ့ရဲ့ စိတ်ကို ဖြေမိဖြေရာနည်းလမ်းဖြစ်မယ်။
မနက်ကအကြောင်းကိုအတွေးထဲ လက်သင့်မခံမိအောင် မှိတ်တုတ်မှိတ်တုတ်ကြယ်တွေကိုသာ စိတ်လိုလက်ရရေတွက်နေမိတယ်။
သူ့ရဲ့ နှုတ်ခမ်းပါးလွှလွှအောက်ဘက်နားက အနက်ရောင်တောက်တောက်ကြယ်လေးဆီ ခပ်တွေတွေ ငေးမောနေသူကိုတော့သတိပြုမိပုံမပေါ်ဘူး။
ကြယ်တွေကြွေတယ်ဆိုတာကိုယုံလား?
ကြယ်တွေကြွေရင် ဘာလို့ဆုတောင်းကြတာလဲ?
ကြယ်တွေက ဆုတောင်းတွေပြည့်ဖို့သက်သက် ကြွေပေးနေကြတာလား?
ကိုယ့်အတွက်တော့..
ကြယ်တွေကြွေရင်ဆုမတောင်းချင်ဘူး
ဆုတောင်းပြည့်အောင် ကြယ်ကိုလည်းမကြွေစေချင်။
ကောင်းကင်ပေါ်မှာ ကြယ်တွေစုံနေရင်ရင်သတ်ရှုမောကြမယ်
ကြယ်ကြွေရင် ဆုတောင်းကြမယ်
ကြွေသွားတဲ့ကြယ်ကိုတော့ ဘယ်ဆီဘယ်ဝယ် မှန်းစ မတမ်းတကြတော့ပြန်ဘူး။
သိပ်ခက်တယ်။
ရှောင်ကျန့်ရဲ့ ပတ်တီးစည်းထားတဲ့လက်တစ်ဖက်က ရင်ဘတ်ပေါ်တင်ထားပြီးတစ်ဖက်က လေထဲမှာမြှောက်ထားတယ်။
တသိမ့်သိမ့်ဖြတ်တိုက်သွားတဲ့လေပြည်တွေက ရှောင်ကျန့်ရဲ့ဆံပင်ပျော့အိအိကို လေယူရာယိမ်းစေတယ်။
မြင်ကွင်းထဲက တွေ့သမျှကြယ်လေးတွေကိုလက်ညိုးထိုးရင်း အတွေးတိမ်ထဲစီးမျောမိတော့ ကြယ်တွေစုံနေတဲ့ကောင်းကင်က အိပ်မက်လိုဝိုးတဝါး။
လေပြည်တစ်ချက်အငြိမ့်..
မြှောက်ထားလက်စ လက်ဖဝါးတွေယှက်နွယ်ခံလိုက်ရပြီး
ကောင်းကင်ကတဖိတ်ဖိတ်လက်နေတဲ့ကြယ်လေးတွေရဲ့မြင်ကွင်းထဲ မျက်နှာအရိပ်တစ်ခုက မှုန်ဝါးဝါးဝင်လာတဲ့အထိ အတွေးတိမ်ထဲ နစ်မြုပ်နေမိတုန်းပဲ။
![ADORE [Completed]](https://img.wattpad.com/cover/197552793-64-k963840.jpg)