ساره. راح انطيكم نبذه عني قصيره بعده ندخل بالأحداث راح تتعرفون عليه أكثر
العمر ١٧ سنه الشكل مواصفات عاديه كأي بنت الطول متوسط القامه بشرتي بيضه جسمي متروس بس مو سمينه وب الأساس أني مو ناعمه عيوني سود ناعسه شعري كيرلي بس ناعم إلى درجه الكل يكلون حلو ولايك عليج بس أني ما أحبه🤭 بصوره عامه شكلي حلو ومابي أي عيب أحنه عائله متكونه من ست نفرات ثلاث بنات وأخ واحد 😔 وامي وابويه أمي مديرة مدرسه متشدده كلش وعصبيه أبويه مكمل معهد بس تارك المهنه ويشتغل تاجر... أني الوسطانيه عندي أختي أكبر(سهى) مني ب ثلاث سنوات وبعده أني وأخويه(أحمد) أصغر مني بسنه وبعده أختي الزغيره(سرى) الي أصغر مني ب اربع سنوات أحنه بصوره عامه عائله هادئه أمي حيل نظاميه وتحب البيت والترتيب وعلمتنه مثله أبويه كل طموحه سعادتنه وأنه يكون النه مستقبل أبويه (محمد) أسمه عنده ثلاث أخوه وأخت وحده وعنده بعد اخوه وخوات من غير أم. أحنه الوحيدين الي كملنه دراسه كلنه. وأبويه الوحيد ب أخوته وضعه المادي زين الباقين مو هلكد بس مو فقره كلهم يشتغلون وما محتاجين أحد لهذا جنه محط أنظارهم وكلهم يحبونه لان مو دائماََ نلتقي كلش قليل أبويه حريص علينه كلش بالذات أحنه البنات وجنه من يجون يمنه ولد عمي نسلم عليهم وننسحب مجان أبويه يقبل اكثر من هيج بس بالمناسبات عرس او شي لا عادي نلتقي وجداََ طبيعي بس ماكو ميانه علاقه يسوده الاحترام والحب الأخوي من جانبنه أحنه اما هم ف الي أتضح بعدين جان لا 😁 عادي تحدث ب أرقى العوائل هههه...
غضب. أني راح تتعرفون عليه أكثر من خلال القصه عمري ٢٧ سنه اسمر اعتبر قصير القامه بس مو قزم 😂يعني مناسب طولي وجهي دائري اسمر وعيوني لونهن نرجسي وجسمي متروس وعندي أكتاف عريضه وأحب الشغل كومه وقتي كله عمل اريد اكون نفسي واستقل بحياتي ما احب أشرك احد بقرراتي ابد ولا اسمع من اي احد رائي هو الي يمشي عليه وبس وبالنسبه للدراسه ما أحبه كملت الابتدائيه وخلص وراه دخلت السوك وبديت أكبر شغلي وصار هذا همي انه اكون لنفسي مستقبل
يتبع....
الكاتبه تماره الغراوي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
