الحب لا يعرف القيود

البارت السابع والعشرون

أركان. طبعاً عشت ايام كله قلق وخوف من دخلت عالمي ساره لحد ما خطبته وادور زاد الخوف والقلق اكثر ولا شفت الراحه افكر هواي بيه وبوضعي وامي مراحت ومنو يكول راح يتقبلون الموضوع وان تقبلو الموضوع شنو الي راح يصير لان امي ما عرفت تصرف بسبب الغرور الي صايبه هسه عبالهم متريده وهي بالحقيقه مغروره تخاف يرفضون فمتريد يكلون رفضنه ام أركان كرامته متسمحله بس سمحتله كرامته تروح اخته تخطب وهي متحضر بس لك شي ثمن ولازم الإنسان يتحمل ثمن أخطاء غيره هذا هو الحكم البشري
بس تقدمت لخطبة ساره طلعت اشتري ذهب اله اني وخالتي وخواتي ويايه جنت محدد مبلغ اشتري بي ذهب والباقي التجهيزات الي اكمل بيه النواقص خواتي هن أختارو الذهب على ذوقهم ومن رجعت دزيت صورة الذهب لساره بس حسيته ما فرحت او ما تفاجئت بالعاده البنيه تفرح من يشتروله شي امر طبيعي بس ساره عادي دزتلي عاشت ايدك ماقصرت

ام ساره. ها محمد شبيك شيكلون على الولد وجهك تغيرت ملامحه
محمد. الكل يمدحون بي وب أخلاقه وأدبه ويكلون هادئ كلش وما اله صوت بالمنطقه ولا من نوع يتواجد بالمنطقه او حرك من الشغل للبيت وللدوام هاي حياته بس امه الكل يكلون متتعاشر وتخوف وعصبيه ومزاجيه ومغروره وحتى عده مشاكل وياهم بالبيت هواي فما اتوقع هيج نمط يناسب بتج هاي وينه وين هل المواضيع عايشه هنا مرتاحه

ام ساره. شوف محمد أني امه اعرفه كلش زين واعرف طبعه صح بيه كل هل السلبيات بس مقابيل هذا انه هي كلش شريفه وربت بناته وابنه على الشرف وعلمتهم أصول الحياة ف اذا جانت مغروره وعصبيه كل إنسان بي سيئات وايجابيات
ولاتنسى انه الولد صار ٣ سنوات يخطبه وهسه احنه دخلنه بالرابعه يعني يحبه ومتمسك بيه وهيج واحد يحب ويوفي ويظل يخطب معناته راح يحافظ عليه من أمه ومن غيره وهم يبقى الموضوع يمك

محمد. شوفي اني من ناحية الولد مطمن بس امه متتوقعين شلون قالقتني واني اعرف بناتج مو حمل هل المشاكل كله
ام ساره. لعد شلون يتعلمون غير يجربون خلي اجرب وماطول هي موافقه اكيد راح تتحمل ترى شوف هي رفضت قبل جم شهر ابن المشرفه لان مجانت مرتاحه هسه هي ب موافقته
محمد. مو سابقاََ غضب هم وافقت عليه
ام ساره. غضب أني قنتعته وخليت خالته تقنعه وبعدين هسه كبرت وعقله كبر وكامت تميز الصح من الخطاء
وأركان وين وغضب وين أركان ولد مثقف مرتب يشتغل على نفسه هم دراسه وهم عمل ولو ذني مو مقياس للبشر بس شميكون يعتبر أركان من نفس مستوى تفكيره ومكمل جامعه وهي طموحه واحد مكمل وأركان هواي لح بخطوبته يعني يحبه صدك وخطبه وهو ميعرف هي منو وشنو وظل يتردد عليه

محمد. أني مراح ارجع خبر اللهم هسه راح اسئل بعد
ساره. من جنت اسمع كلام اهلي اضوج حيل لان ما اريد اخسر هيج شخص بسبب امه ومن جان يسئلني شنو الاخبار ابد ما اكله

أركان. حياتي
ساره. نعم استاذ أركان
أركان. عيفي استاذ رحمه للماتولج
ساره. 🤩🤩اممم
ما اعرف اكول بدون استاذ
أركان. لا كولي وهسه أركان بدون اي مقدمه
ساره. والله ما اكدر
أركان. ادكولين لو اروح وبعد منتراسل ابد
ساره. أركان
أركان. اويلي اموت عليج روحي انتي ها يروح أركان وأهله وعشيرته كله
ساره. 😂😂😂شدعوه ضم فد شي
أركان. ما اضم اكول حبيبي
شو ما علقتي على الذهب
ساره. اي حلو بس ليش استعجلت واشتريته
أركان. ما استعجلت
عجبج
ساره. اي
أركان. اكيد
ساره. اي طبعاً بس هو منو اختاره
أركان. خواتي
ساره. اها تمام عاشت ايدكم
أركان. تلبسي بالعافيه
ساره. اشكرك
يله عيني اترخص أني
أركان. على راحتج يرويحتي انتي
ساره. كمت ما احب أطول ويا ب المحادثه لان ابويه ديهبط معنوياتي وما اعرف مصيري شنو ويا مجهول لحد الان
وبالنسبه للذهب جان موديله حيل قديم كلش ومبين ذوق وحده متعرف او اول مره تشتري بس ما كدرت احجي لان عندي ذهب أبويه هواي جان يشتريلنه فميهمني شنو يجيب عادي اصلاََ ولا اتوقع اهلي راح يعترضون ابد اخر همهم هل السوالف
ومن اشتره الذهب احس زاد حملي لان اذا اهلي رفضو أركان شراح يصير بي وهو بده يخطط للمستقبل ويجهز وكل شي يكلي ان شاء الله راح احضره لزواجنه اذاََ هو ناوي بس اهلي بعدهم ما مقررين شنو يردون عليه
محمد. رحت ثاني يوم لمكان عمل أركان أني اسئل عنه بنفسي وهناك الكل مدح بي وأهم شي الكل يكلون أمين حيل معروف ب أمانته وصدقه بالتعامل بس هم انعاد نفس الذم امه وصفاته ومنو يكول تكدر بنيه تعيش وياه 😇😇😇 بس هو لاذهب خالص كبع وانطي بس امه متنجرع
كمت افكر وي روحي زين بتي تكدر تعيش وياه لو لا وهو شخصيته شلونه قويه لو ضعيفه لان هنا يتعمد على الرجال إذا قوي راح يحمي المره واذا ضعيف لا والله يضيعه وي اهله وتنسحك
رجعت للبيت واني دايخ
ام ساره. ها الله يساعدك
محمد. تعالي كعدي اريد احجي وياج
ام ساره. اي كول
محمد. الكل يمدحون بي بس امه
ام ساره. شوف محمد انت شنو رائيك بالولد معلينه ب امه
محمد. خوش ولد ولو اسمعين شلون يمدحو تستحيفين هاي امه
ام ساره. لعد خلص ارمي الكره بملعب ساره وهي تقرر افضل حل
محمد. شلون يعني
ام ساره. اسئله اله وكله شنو سمعت بالضبط وخليه هي تقرر انه لو توافق او ترفضه لان ساره من حقه تعرف ولاتنسى ساره هذا الموضوع صار حساس بالنسبه اله وتمرضت من وره دكت ابن اخوك خليه هي تقرر ولدكله انتي تتحملين مسؤولية قرارج لا ادعمه وانطيه القوه والثقه الكامله وكله أني مراح اعيفج ووياج شنو ميكون قرارج حتى تطمن اكثر