محمد. رحنه اخذنه جنازت ناصر وكملنه كل الإجراءات وشيعناه ورجعنه نصبنه الفاتحه أني رجعت لبيتي ابدل واغسل وارجع ورايه وكفه طويله بس احس حيلي مهدود بعده مو جبير وموته مفاجئه النه كلنه رجعت ولكيتهم بالبيت كلهم يبجون ومتأثرين لان ناصر جان يحب بناتي كلش.
ساره. رجع أبويه وكمل واتفق وي امي بس هي وخواتي يروحون أني ما اروح لان الفاتحه مال النسوان أبيت غضب وميردون اشوف غضب او اي احد من طرفهم مراعاة لمشاعري عبالهم أني بعدني ساره الهبله 😊 راحت امي وخواتي وبقيت بس ما تحملت خابرت أبويه وكتله اريد اروح احضر ما عارض وافق لان رغبتي معناته متأكده من قراري
ساره. بدلت وجهزت روحي اجه اخويه اخذني رحت لكيتهم الكل مخبوص وملتمه ناس هواي ما اعرفهم أغلبهم دخلت سلمت على الكل بس ام غضب حضنتني وبجت كالت عزيزة ناصر واني هم بجيت لان احب عمي هواي وراه كعدت بصف امي خلص العزاء سلمت على خوات غضب وراه بدت الناس القريبه يروحون والبيت بده تخف الناس بي بس احنه كمنه نساعد البنات بالمطبخ وهنا بده التسائل يا ساره😳ليش هيج ضعفانه شبيج يمعوده اكلهم دراسه وما انتبه لاكلي
يا ليش تلبسين نظارات من وره الدراسه ضعف نظري ياااا خطيه هاي الاسئله من بنات عمي وخوات غضب واني اجاوب بكل برود بس احس اكو بداخلهم تعليقات
اخت غضب الصغيره حيل متعجرفه و شايفه روحه نظراته اليه شماته حسيت بيه بس ما اهتميت اله
هديل. اكول ساره ضعفانه كلش
ساره. اي والله ادرس وصعبه الدراسه
هديل. هههه وبس مو غير شي
ساره. NO مو غير شي
هديل. هاااا أتمنى
ساره. لتتمنين قلبي
هديل. زين ونظرج شبي
ساره. هواي اركز تعب
هديل. يعني مو من البجي
ساره. ماطولني بت محمد ما ابجي اطمني قلبي
هديل. اي والنعم
ساره. هديل شنو تريدين تلمحين احجي خلي اسمع واجاوبج
هديل. لا والله ما كو شي
هديل. اكلج نور والله ما تهنه غضب بعقده مسكين وفاة بابا خربت فرحة
ساره. سمعته ادري تريد تسمعني سويت نفسي مو يمي
هديل. ساره فاتج عقد غضب يخبل صار وعروسته تخبل يمه فديت اخويه ومرته
ساره. اي مبروك الله يتمم
هديل. مشكوره يوم إلي نفرح بيج
ساره. بعد وكت خلي اكمل دراسه والله كريم
هديل. إن شاء الله بس خلي نشوف شراح تفيدج الدراسه
ساره. تفيد قلبي بعدين اكلج شلون تفيد
عفته وكمت ضجت من كلامه كله تنغز وتقصد اضوجني ولا كأنما ابوه الميت محتاره بيه
ساره. بدت الدنيا تظلم والكأبه بدت اسيطر على الجو وأم غضب تون على عمي وكلنه مقهورين ونبجي عليه
وراه مر الوقت واجه أبويه وكعد وي بنات عمي وكلهم أني بمكان ابوكم وكام يبجون
محمد. طلبت من ولد اخويه غضب ميصير كدامي ولا يوكف ويانه ما اريد اشوفه ب الفاتحه وهو سمع وما راواني وجهه لان بعدني مناسي شسوه
ساره. رجعنه لبيتنه وكبل نمت من التعب كعدت ثاني يوم من الصبح أقره لان فترة مراجعه وعندي جدول مال دراسه وكل كتاب محددتله وقت وما اريد انشغل وراه كعدو اهلي وكملنه الريوك وحضرنه روحنه اروح أني اخذت كتبي ويايه أقره هناك ورحنه وهم نفس الشي بجي ولطم وقهر أني ترخصت صعدت فوك بغرفة ابن عمي أقره
جنت ادرس ومطمنه ابن عمي يم الرياجيل ميدخل
مازن. أني الي احب سهى قبل وفاة والدي ازوجت بعد ما أيست من سهى
جنت بره يم الرياجيل بس فكري جوه اريد اشوف سهى واعرف سبب رفضه بس لو شدكول أحبه
دخلت للبيت صعدت لغرفتي تفاجئة بنيه لابسه اسود وكاعده تقره سلمت دارت وجهه اخ هاي ساره
ساره. صدمني وجنت مندمجه أقره سلمت عليه وأخذت من خاطره
مازن. لج حيل متغيره صايره شضعفج شكو منو الي يستاهل هيج يصير بيج
ساره. الدراسه تستاهل
مازن. يمعوده صحتج اهم
ساره. يله هانت
مازن. بس كبرانه ساره ومتغيره انتي وشنو هل المناظر
ساره. اي طبعاً منو كال صغيره عمري ١٩ سنه
مازن. العمر كله اخذي راحتج بت عمي المكان الج واني ضيف
ساره. تسلم راح اطلع اخذ راحتك
مازن. لا وين كملي أني هيج صعدت ونازل بسرعه
ساره. رجعت أقره لحد ما صاحولي للغده نزلت وشفت ناس ما اعرفهم وياهو الي اشوفه ادكلي انتي بت محمد واكله اي ياااا أني فلانه بت فلان أقارب ابوج هله بيج خاله غير دمج ينطي لمحمد ويبوسوني وطبعاََ مو بس اني حتى خواتي نفسي منعرف احد لان ابويه ما خالنه نختلط بيهم وأغلبهم من غير محافظات
أنت تقرأ
الحب لا يعرف القيود
Romanceقصة واقعيه بالهجهه العراقيه تتحدث عن فتاة تعاملت بعفويه ومن دون أي قيود مع المجتمع فوجدت نفسها مرفوضه فقيدت ذاته بذاتها لترضي نفسها قبل الأخرين.
