ساره. نمت بدون ما أحس من التعب والقهر كعدت الصبح اهلي نايمين تمنيت الي صار مجرد حلم بس هو جان حقيقه مره انه انخذل من اقرب الناس اريد اكوم من الفراش احس جسمي مكسر كأنما جنت بحرب ظليت بالفراش واني اذكر شلون جنت اخطط وبس اريد اكمل دراسه وجنت فرحانه ابن عمي وووو كمت كوه نزلت وتريكت مالي نفس بس لازم اتمالك اعصابي وابين قويه لان جنت اشوف ابويه ميت قهر وهم ما ردته يلوم امي لان هي هم انخدعت بي كملت سبحت وطلعت اول يوم ب العطله مال نص السنه كمت طلعت كعدت ب الحديقه اباوع السماء والأشجار وصوت العصافير كلت ما معقوله الله خلاني بهيج موقف اله بيه فد حكمه وراد ينقذني منه لان اني تعاملت ويا ابرائه ابد ما شاف مني شي غيره واحد يتمسك بيه لان شريفه وبريئه ابن عمي وما جرئت احجي ويا المهم قررت خلص لازم اعيد ترتيب نفسي واكمل الطريق إلى بديت بي بس بداخلي كسره متنجبر بسرعه يرادله زمن واني هواي رقيقه بسرعه ابجي امي كامت متعيفني وحدي من وحدي تجي وتحجي ويايه عباله افكر بغضب متدري هي هو مات كل شي بداخلي من شفته يخابر بالعزاء بس عزة نفسي عليه هو يرفضني وبسبب يجرح( امي متريده)
المهم وره اسبوع كاعده ب الحديقه ومن وحدي وبدون وعي دموعي نزلت وبحركه وما اشوف غير أمي فوك راسي وبدت تسئلني كتله مضغوط عليه وره ثواني اجتي كالت كومي بدلي راح نطلع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
رحت بدلت على السريع جنت محتاجه هاي الطلعه ونزلت لكيت امي وابويه ينتظروني كتلهم لعد وخواتي كالت معليج بس الج الطلعه وطلعنه وابويه فرنه بمكان ريفي كله زرع وأشجار وجنت فاتحه جامة السياره واستنشق الهواء النقي بعده رحنه مكان تسوق وابويه كلي اخذي شنو بنفسج وأخذت ملابس وهو دفع وراه رحنه لمطعم تعشينه ورجعنه تغيرت نفسيتي حيل وره اسبوع ضبط يوم الخميس جان انعزمنه عرس ابن صديقة امي وجان اخر يوم ب العطله هم تحضرنه أني وخواتي ورتبنه روحنه حتى اروح بس احس اكو شي غريب او ضامي اهلي عليه ومدا اكدر اعرف شنو ظليت اسئل ماكو اخر شي دنسوي شعرنه سئلت اختي سهى ولحيت عليه شكو كالت اليوم مشية غضب وهنا جانت الصدمه معناته جان حدسي بمكانه لان لو صدك امه متقبل شبسرعه خطب خلال اسبوعين ومشه وكمل كل شي ضجت حيل لان جنت أتمنى ازوج قبله واثبتله انه انت متعنيلي شي بس جان هو مرتب لكل شي وبس يريد يخلص مني حتى ينفذ مخططه المهم كملنه ونزلنه جانو ينتظرونه امي وابويه حتى اروح ورحنه وتونسنه وكل العرس افكر شلون استغفلني واستغل ثقتي بي واحترامي لوعده وخان كل شي وكمل العرس كل شي ما افتهمت ورجعنه للبيت...
