الحب لا يعرف القيود

البارت الثالث والعشرون

ساره. رجعت للبيت واني مشاعري مخربطه بين الفرح والحيره اهلي يقبلون لو راح يرفضون واني شلون بيه وعدته انه موافقه بي ياربي سهله عليه بس بداخلي شعور غريب أني صدك أحب أركان لان هاي المشاعر حتى وي غضب ما حسيته

أركان. طلعت من الجامعه متوجه للدوام واني فكري كله مشغول بيه صارت هي المسؤول عن احساسي أحزن اذا مسه حزن وافرح اذا فرحت اووف منج ساره انتي شلون لعبتي ب احوالي وخربتي كياني جنت حالف ما احب وكلما أصفن يجي أبالي منظره من تحجي ويايه ولا تغيرت نفسه ثلاث سنوات هي هي ساره لا واكبت التطور ولا غيرت مبادئه حيل يعجبني هيج شي بس يا أركان الي جاي راح يكون أصعب تحضر لأمك 😏شتريد اسوي خلي اسوي اني عندي المهم ساره اليه

ساره. ما حجيت شي لأي أحد نمت من كعدت لكيت سهى راجعه من الدوام اكلج سهى
سهى. كولي شبيج ترى امبين عندج سالفه
ساره. اليوم أركان اجه للجامعه ودزلي بنيه وحجه ويايه
سهى. اااااي
ساره. وطلب مني يخطبني هسه والزواج وره الرابع لان يكول والدي مريض وما اكدر هسه شدكولين اكلهم لاهلي
سهى. شوفي اهلي راح يعترضون وبالذات أبويه مستحيل يعيد الخطاء مال غضب وراح يرفضه لو بي كل ميزات الدنيا
ساره. بيئس كامل لعد شلون
سهى. اوكفي خلي أسد الباب
شوفي كليله تعال اخطبني السنه الجايه وكبل عقدو وكملو بقيت الإجراءات
ساره. وشنو الضمان ما انخطب
سهى. لا مو انتي راح توعدي تنتظري
ساره. شنو
سهى. مثل ما سمعتي اذا تحبي لازم اضحين علموده هو ضحه الج وانتظر اجه دورج
ساره. واذا أنخطبت شكلهم لاهلي
سهى. بكل بساطه ترفضين
ساره. اذا لحو عليه
سهى. ترفضين واني اساعدج
ساره. خايفه
سهى. لتخافين مو كل يوم يجيج واحد يحبج اتوكلي على الله
ساره. يعني ارجعله خبر أكله انتظرك
سهى. اي ومن يتقدملج أني اخليهم يوافقون
ساره. شلون امي رافضه الموضوع
سهى. معليج نفذي وخلص
وكسري كل القيود الي تحيط بيج لان محد راح يفيدج والحب عمره مجان حرام بس كون ميتعده الحدود وهو ماطول رايدج بالحلال خلص وحتى إذا طلب منج يتواصل وياج هم عادي بس طبعاََ مو دك سوالف بس بين فتره وفتره وافقي
ساره. عزه اخاف شيتواصل
سهى. لتخسري هذا يحبج كسبي بحدود رب العالمين ورضاته
ساره. خوش ياربي ساعدني
طبعاً من موضوع غضب كمت أوثق ب أراء سهى لان احسه متقوده مشاعره عقله هو الي يقوده وبنفس الوقت تمتلك قلب نقي حيل
سهى. طبعاً اني احل مشاكل ساره اغلبه ومشاكلي كله اتغلب عليه اني بالجامعه هواي تقدمولي جنت احكم عقلي واقرر بالذات طالب ويايه بالقاعه لح هواي عليه وعرض نفس عرض أركان ورفضته لان مجان عندي ميول اله بس ساره لا احسه عده ميول وراغبه لأركان
ف جنت اغلب مشاكلي احله اله مشكلت هذا الموظف الي ويايه ما كدرت احله وظل يترقب كل تصرفاتي ويوم عن يوم يزيد إعجابه بيه ويزيد تعلقه ويقدملي تنازلات بس في سبيل اقبل بي مره يكلي اترك زوجتي لك يا مجنون عن أي عبث انت تتكلم ومره يكلي حتى أطفالي اتركم لأجل عينج كل ظنك أني هيج اهدم بيتك واني مصره على موقفي اخر محاولاتي الفاشله فاجئني مره وكلي أني معجب بيج وأحبج ظليت مصدومه لا اخذ ولا أنطي بسرعه تركت المكان الي هو بي وبدت رحلت شقائي مع ضميري الي يأنبني طول الوقت حتى بديت ألوم نفسي على مظهري الخارجي خاف لافت نظره وبديت ادقق بنفسي هواي لحد ما جزعت وهو ولا مل وبالذات من اعترف بمشاعره كدامي يوه تهت بعالم ثاني لان اول مره شخص يكلي احبج بس الغلط انه مو اني الي استحق تنكالي هل الكلمه من عنده زوجته أحق وبنفس الوقت جنت أحسه ديتعده على حقوق غيره لان اني مو حقه واني ملك شخص غيره لان استحاله تلتقي طرقنه أني ويا