الحب لا يعرف القيود

البارت الخامس والعشرون

ساره. من شفت رسالته الي أعتذر بيه من أتصاله بيه عرفت أنه أركان من عرف بيه مخطوبه قبله بعد تغيرت نيته أتجاهي وهذا امر طبيعي يمكن وتقبلت أعتذاره
بس اللعب من يصير خشن شويه يقسي ويا أركان لعبك صار خشن بيك خير واخذ ثكل أنت أظاهر عبالك ساره بسيطه وبسرعه تتقشمر لا ياروحي الي كدامك شابعه لكمات أسمه الغدر والخيانه وبدون سبب بسسسيطه ومنا وجاي أعلنت الحرب عليك

أركان. دزيت الرساله ورحت أخذت هديه مثل مكالت ساره ضبط وتعبت ب أختياره وقدمته لسامر
سامر. عاش ذوقك شمدريك جنت محتاجه بس هي الي نقص
أركان. نيتي صافيه لعد
اله نيت ساره الصافيه وتعرف شنو الي ضروري للعرسان
ساره. سديت التليفون وانقهرت قهره أحس بطني بيه جمر والدم الي يجري بعروكي حسيته تيزاب اذا لمسه شخص يذوبه من شدة الغيض أركان أني ساره هيج أصدني وبدون متسمع مني أخ وجم أخ هو اني بلا حظ ليش ما أوثق بهل النظريه
طبعاً محد من اهلي حس بيه حتى لسهى ما كلت أستقبلت الموضوع بكبرياء مو صرت خبره بعد لازم أتقبل الي صار بحيل صدر وتمشي حياتي
بس من جان يجي الليل أوف رفيق أحزاني جنت أشكي نجواي إلى الذي خلقني بكل صدق
ابجي من كل قلبي وبحركه وأعاتب نفسي على الي سويته ليش وثقت بي ليش اوووف أستاهل حيل

أركان. متت حركه وقهر أني الي جنت اخاف عليه من نسمة الهوى شبيه هيج قسيت وياه معقوله القلب بطل يدك لحروف اسمه معقوله العقل عاف التفكير بيه لو الي ديصير حلم ولازم أصحه منه قبل لا أغرك
سامر. هلو قلبي
أركان. منور العريس
سامر. بقه عريس وأنت كاشخ كل هل الكشخه شلابس يمعود هو
قاط اسود وقميص أبيض ورباط أحمر اللبس عادي بس كول مجامله
سامر. لا والله كاعد عليك يخبل
أركان. حبيبي كلمن يرى الناس بعين طبعه. أنت دشوفني هيج لان جوهرك ذهب
سامر. يوم إلي ازفك لساره بيدي
أركان. 😉بس كون تلحك علينه
سامر. ليش راح اطيرون
أركان. لا
عوف السالفه اليوم يومك لتشغل روحك بيه
سامر. افرغلك وداعتك
أركان. 😂😂😂دزوج وخلي تبدي الطلبات
سامر حفاظات سامر حليب سامر خلص الجاي وسامر وسامر
سامر. مثل العسل على قلبي اي غير مريتي وتأمر
أركان. عمي أنياله عليك هاي مدلله امه داعيتله
سامر. 😂😂😂
أركان. الله يوفقك ومنك المال ومنه العيال ونشوفك أحلى أبو ان شاء الله بس شد حيلك
سامر. يعني شلون شسوي🤔
أركان. شكد فقير انت خالي
سامر. دعلمني
أركان. انت مدرسه تعلم متتعلم
سامر. دخلي اجرب اليوم واني اعلمك من تزوج هههه
أركان. وبدت مراسيم الغده
واني ما عفته لسامر ويا واساعد إخوته وخلصنه وراه بدينه نحضر السياره ونتهياء للزفه طبعاً الاجواء حلوه وصدك تمنيت زواجي بس رب العالمين اله غير رأي
زفينه سامر وهوسنه اله
زفوني ما اريد العشاء😂😂😂😂
سامر. خرب بالحظ خو ماكو شي
أركان. هههه نشاقه وياك حبيبي
اليوم يومك يا بطل وتكسر الجربايه 😂😂
سامر. اي هذا الشغل المعدل هههه
أركان. عمامه هواي والشارع يسدونه
وخلصت المراسيم وكل واحد رجع لبيته رجعت وبديت افكر واحلم واخطط شسوي بزواجي بس ابد تفكيري عن ساره ما اريد اتعلق بيه هواي