الحب لا يعرف القيود

البارت الثاني عشر

ساره. رجعت من الجامعه وسولفت لسهى عن أستاذ خالد
سهى. شوفي ساره ترى الاساتذه هم يخوفون مو اشوفي جبير عبالج يعني نبي وما عده عيون زايغه لا عيني هم ينعجبون ويحبون وهواي اكو يزوجون طالباتهم فديري بالج وممكن يبدي يأذيه ويرسبه اذا طلبه للزواج ورفضت انتبهي كلش
ساره. عزه 😱 شيحبون يمعوده لتخوفيني ترى رجال جبير ومبين عليه يعاملني مثل بته
سهى. لو مثل بته جان ما ميزج بالمعامله عن بقية الطالبات
ساره. هاااا اي هم صح
سهى. أنتبهي لتصرفاتج ويا
ساره. إن شاء الله وبقيت أفكر بكلام سهى ياربي ذوله شبيهم الرياجيل معقوله كلهم نفس الترتيب يعني رجال شكبره ومزوج يفكر يخرب بيته علمود طفله طبعاً طفله أني اعتبر يمه يوه منو يكول هيج هو يفكر هم ما اظلمه

خالد. طبعاً اول مره يصادفني هيج عقل لطالبه وكلش أنعجبت بطريقة تفكيره وذكائه وأدبه بالنقاش وبديت أسوي المحاضره عباره عن مناقشه حتى أطلع كل قدراته التعبيريه والاستنتاجيه

ساره. بدت تمشي الايام حاله من بعضه بس طبعاََ كل يوم أكتشف شي جديد بحياتي الجامعيه وكل يوم يزيد حرصي على نفسي لان مجتمع مختلط واني ما اريد أوثق ب اي ولد لو شميكون مراح يحرك شي بيه وطبعاََ صداقتي أقتصرت على صبا فقط

صبا. اكلج ساره باجر بنات القسم مسويات عزومه بس بنات حتى نتعارف أكثر وبدون أي قيود اي ولد ميحضر
ساره. واو خوش فكره أشارك
صبا. خوش لعد راح أسجل اسمي وأسمج
ساره. تمام
صبا. رحت سجلت وأتفقت شنو علينه لان كل وحده كلفوه أجيب شي للسفره
صبا. ساره عليج برياني
ساره. خوش وراح أجيب ويا دجاج
صبا. بعد كيفج
ساره. رجعت للبيت نمت وكعدت وبديت أحضر الاكل لليل خلصت كل شي
خابرت صبا اريد اشوف شنو الوضع
صبا. أني هم كملت
ساره. خوش اروح أني ميته تعب
صبا. باي لتتأخرين علينه باجر طلعي من وقت للخط
ساره. تدرين شكد اكره السايق أموت منه لان هواي ماخذ ميانه بدون مقدمات
صبا. يمعودة هو هيج طبعه
ساره. كليله ساره متحب هيج شي
صبا. وج أني هم مضايقه منه بس شسوي
ساره. صبا كلش فضولي ويدخل ب ابسط الشغلات وميحس من منجاوبه او البسه يظل يباوع ب المرايه ينتظر جواب اتخبل منه
صبا. وانتي ما مقصره منطيته الأذن الطرشه وخالته يكمز وحده
ساره. يطبه مرض ومنا أني شكد يعجبني هيج رجال عوع
....
صبا. الو صباحو
ساره. صباح الورد يله طالعه ورحت والطريق كله نسولف بس بهمس والسايق كل شويه سائلنه ومنجاوبه خبله لحد ما وصلنه يبو منه
وراه دخلنه محاضره وحده بس وراه نزلنه للعزيمه
صبا. راح اروح قبلج
ساره. يله صبا أخذي غراضي وياج وروحي وره البنات هسه أجي بس أشتري مي من الكافتيريا
صبا. يله
ساره. رحت بسرعه أشتريت ورجعت لكيتهم محضرين السفره وكاعدين كعدت يم صبا مسويتلي مكان
اكلج صبا ذني شو هواي ولا شايفتهن أني
صبا. طبعاً وين اشوفيهن وانتي بالقسم متكعدين
ساره. جنت بس تخلص المحاضره انزل للحديقه ما ابقى بالقاعه ابد فما اعرف اله جم وحده
طبعاً بدت الكعده وبدو يحجون وناس تسئل ناس وراه كلولي أنتي بصراحه عندج غرور كتلهم أني 😳تفاجئت وبديت أسئلهم شلون كالو من خلال تصرفاتج لا عفيه لتحكمون هيج عاشروني بعدين حكمو وراه بديت اندمج ونهاية الكعده كالو انتي شكلج يوحي انه مغروره بس تحجين تنحبين كتلهم اي عفيه رفعو معنوياتي (لا يتكبر اله الصغير).