الحب لا يعرف القيود

البارت الواحد والثلاثون

أركان. طبعاً خابرني احمد اخو ساره واتفقنه نطلع بس ما عرفت سبب الطلعه شنو بس ما رفضت وافقت
أحمد. امرلك بعد ساعه
أركان. ب انتظارك حبيبي
ابو أركان. شيريد منك
أركان. علمي علمك يابه
احمد. يله حبيبي وينك
أركان. طبعاً سبحت وبدلت
لحد ما وصل جنت مكمل وطلعت اله
السلام عليكم
احمد. هله ابو النسب شلونك
أركان. تمام انت شلونك
احمد. أني من الله زين بس من عبد الله لا
أركان. عساك دوم بخير
احمد ولد طايش اله درجه يحب السيارات والسباق منه بالخصوص ويقتني أحدث موديل ينزل منه مدلل بشكل مو طبيعي واصل مرحلة التمرد بدون ميشعر مقابل كل هذا يمتلك قلب طيب وابيض وصاحب نخوه بس انخاه وشوف المهم كدرت من خلال لقائي الأول افهم شخصيته بصوره مو طبيعيه بعدني عرفت منه انه هو يحب جان وابو رفض الزواج منه وحالياََ عايش بصدمه انقهرت عليه حيل لان مجرب لوعت الحب واعرف من ينتهي بفشل شلون يدمر صاحبه فعذرته على كل تصرفاته كل إنسان يفقد اعز شي يبدي يخرب اغلى شي يملكه الي خرب حياته ف احمد ديخرب بدون ميشعر بدافع الانتقام بس يا ترى اهله حاسين لو لا 😔😔

احمد. هسه عرفت قصتي الحزينه خلي ننزل لهذا المحل
أركان. يله نزلنه واختارينه قاط للزفه وبناطير وقمصان وحذاء واحزام وملابس بيت وداخليات ومكينة حلاقه ودشداشه للحنه وراه طلعنه رحنه لسوك الذهب اخذنه حلقه بلاتين أغلى من الذهب سعره بس هواي الفكره حلوه وفخمه
هذا كله جان نيشاني او هدية العقد سموه حسب عاداتكم
وراه طلعنه تعشينه بمكان هادئ وجان مسلسل بالكلام عن حبيبته وشلون انحرم منه وابو شلون جان ضده ومحد وكف لجانبه
كملنه اخذني لكازينو هو دخن نركيله واني نزلت عصير بس اشوفه شلون يحرك بروحه مثل ما الجمر يحترك وي كل نفحه منه
اويلي الله يساعدك الحب شي صعب وبالذات اذا جان من الطرفين ويجي الي يهدم كل الأحلام
يحجي وهو مقهور واضح عليه بعده كملنه ورجعت للبيت وهو راح ضجت حيل عليه وبنفس الوقت حسيته فطير شلون من اول لقاء سولف كل شي عن نفسه حبيته بس عرفت ميحب احد يدخل ويا بالعلاقه عمق ولا يحب يتعمق بعلاقة احد لان سبب هل الشي عنده صديق مقرب عليه ميت بدراجته فمتعقد وميحب يتعلق بشخص من الاخير شخصيه غامضه متعبه

ساره. رجع احمد وجايب ويا كومة غراض كلهن لأركان
رتبناهن بجنطه واتفقوا امي وخالتي وبت خالتهم يروحون يودون النيشان لبيت أركان وهنا راح يصير لقاء غير مسبق ولا مخطط له امي وأمه الي تتهرب من امي

ام ساره. يله ساره همي روحج خلي نطلع نختار فستان واروح نحجز صالون ونرجع لان اريد اروح لبيت الولد ان دي النيشان مالته

ساره. نزلت ركض ومتحمسه وطلعنه رحنه هواي أماكن فساتين اخر شي استقر رائي على فستان ابيض وعلى الخصر نقش ذهبي فاتح والصدر مكشوف وعليه تور ساده ابيض وتنزل على الجسم وهي كله شيفون امبطن

اشتريته وجانت هديه من خالو علاء بسيطه حيل بس اجنن بعدين عرفت انه هاي هي زي الزفاف الروماني جانت كلش حلوه عليه..