الحب لا يعرف القيود

البارت الخامس

ساره. عطله بس محاسه بيه بس أقره وما اللحك اكعد وي اهلي كله دراسه وغضب ما اشوفه بس سمعت من اهلي محتاج فلوس يكمل بناء وابويه منطي فلوس بس هو شاطر بسرعه يشتغل ويرجع الفلوس

امي اكلك محمد ترى ابنك مابقى شي لزواجه والبيت ميكفي يرادله غرفه جبيره باجر عكبه يصير عنده جهال ويحتاج غرفه جبيره
محمد. خلي افكر يجوز ابنيله فوك غرفه وبعد نقاش محتدم اتفق الاثنين😠😠 انه يفلشون البيت ويبنو من جديد وهنا جان الخبر الصادم
يعني لازم نشيل ونلم غراضنه ونتهيء للبناء
وبلشنه وانتقلنه لغير بيت بالجهه الثانيه على ميكمل بناء البيت بس جانت فتره مزعجه
ساره. صار ضغط عليه نقله ودراسه وهل السنه مصيريه اريد أشد حيلي وادرس لازم أنجح واطلع معدل و ورايه زواج
غضب. تقريباََ كملت البناء وعمي محمد ما عافني ساعدني هواي وجنت افكر شلون راح استقر ومنو مرتي بت عمي محمد ساره ست البنات وتاج راسهن

ساره. بدت المدارس واني جني واحد ضايع احس الوقت يسرقني وكمت ادرس وما انزل يم اهلي محد يشوفني وابتعدت عن الكل واسمع غضب يجي ما انزل اريد اكمل دراسه واخلص متت وتلفوني غلقته حتى ما التهي افتحه وقت فراغي وبسرعه ارجع اغلقه تجي ايام مغلق ما اهتم ابد

غضب. بديت اذمر من بعد ساره عني واروح متطلع اسئل يكولون تدرس واني هم شاب اريد احس خاطب اسئل يكلون تقره
فد يوم اني بالمحل اجتني بنيه حلوه ونزاكه وتتمايل اشترت وراحت هي وأمه وبدت تتردد عليه وأخذت رقمي بحجة من اجيب بضاعه تتصل حتى تجي ومرت الايام وكامت ازيد أتصاله بيه واني حالي حال اي شاب اجاوب وياه بس بداخلي محد اصير ام بيتي غير ساره وضلت تخابرني وتسئل واني اضحك عليه وابينله اضحك عليه وميفيد
ساره. قربت نص السنه والخوف عندي فول بحيث ابجي بدون سبب لوحدي من القلق

غضب. بديت احس ابعد ساره عني وابد ما عندي اي منفذ اتقربله وبديت اتذمر بداخلي وبدون ما أحس على نفسي بديت ابتعد من بيت عمي وما اروح بس اتصل اطمن وبديت اتعود اتصل كل يوم ب نغم وبدينه نتعرف على بعض

نغم. عمري ١٥ سنه ناعمه كلش وقصيره وبيضه وعيوني سود وصوتي ناعم حيل عايشه وي امي وزوجه وعندي اخت وحده وأثنين اخوه أبويه توفه وامي ازوجت بعد وفاته وربانه زوج امي بس أني جان طموحي كله الزواج واستقر وابد مالي واهس بالدراسه بطلت من الابتدائيه وكعدت ب البيت وبديت اهتم بشكلي وترتيب نفسي وجمالي وفرغت روحي بس لنفسي ومن نوع احب اطلع وي امي وفد يوم طلعنه نشتري ملابس لجهال أختي وشفت غضب اويلي متت بعد ما اعرف شسوي اشترينه منه وحاولة ألفت أنتباه بس حيل مغرور وشايف نفسه ولا باوع عليه أمبين ثكيل اوف ياربي شلون ألفت أنتباه مفاد
ظل أبالي وكمت كل ما اطلع اروحله بحجت ملابس واني بس اريد اشوفه تالي اخذت رقمه بحجة اتصل عليه من يجيب بضاعه جديده صح ثكيل ومغرور بس حيل عجبني وكلت هاي فرصه لازم احاول استغله لصالحي
وبديت اتصل بي واحاول اتجرء بالكلام ويا وهو ابد ويسده ويتعذر ابد ما مليت كلني امل راح اخلي يحبني وبقيت ويا كل اخابره وهو يصدني ويتهرب مني وكمت ابينله أني معجبه بيك بس الي كدرت بهاي الفتره اتوصله انه غضب محتاج هذا الاهتمام ويريد احد يهتم بي ما قصرت كمت هواي اهتم بي حسيته بده يجاوب ويايه وبده يسئلني عن نفسي وكام يفتقدني ويخابرني بده يتقبلني وكمت احس عنده مشاعر اتجاهي وبدت ازيد وكام يحجيلي عن نفسه وشنو عنده أني جنت من عائله كلش فقيره وحسب ما فهمت منه هو الله مفضل عليه وكلي عندي بيت كلش فرحت وتمنيت نزوج واخلص من وضعي واطلع وارتاح وراه حجيتله عن نفسي واني عايشه وي زوج امي كام يخاف عليه ويكلي ديري بالج وره فتره خابرني
غضب. قررت احجي لنغم عن ساره على الرغم اي وجه تشابه ماكو بين ساره ونغم ساره من عائله وتختلف جذرياََ عن نغم لان نغم وضع اهله المادي حيل ضعيف وهي عد زوج امه عايشه بس عده لسان ينكط عسل وغزل جننتني عقل ما ظل عندي
وبديت أحجي انه أني منطي كلمه لعمي واريده تساعدني شسوي لان تعلقت بنغم بشكل مو طبيعي وأنصدمت نغم كالت شنو يعني انت خاطب كتله بس حجز ماكو اي شي بينه وظلت تسئلني انت تحبه كتله لا والله بس معجب بيه وكتله على طبيعة علاقتنه حسيته ارتاحت وبدت تفكر ويايه بس كالت انت ليش تريد تعيف بت عمك كتله بعد ما أريده اريد وحده تحبني واحبه ما اريد وحده جامده ساره جامده وكلش مشاعره بارده تجاهي مدري متحبني ومجبوره عليه
حسيت نغم كيفت وكالت المن تريد تزوج كتله وحده

نغم. ما جنت متوقعه راح يفكر بيه لان من بداية علاقتنه جنه متفقين مجرد صداقه زواج ماكو واني قبلت لان وضعي بالبيت جان ممل امي ملتهيه بزوجه وب أطفاله واختي مزوجه وملتهيه مجان عندي حل غير الزواج ودراسه ماكو حتى أنشغل بيه

غضب. قررت اعترف لنغم بحبي اله

إلى أن اجه اليوم الي اعترفت لنغم أنه أني أحبه وهي هم اعترفتلي وصار بينه علاقه يربطه وعد الحب وبديت افكر شلون اترك ساره لان ما شفت منه اي لهفه ولا اي حب اتجاهي ولا اي مبادره تبينلي هي تحبني المهم قررت اترك ساره واترك الوعد وكل شي بينه لازم يخلص

ساره. جنت كاعده يوم الخميس اشوف التلفزيون جان محرم وينقلون المواكب الي تدخل وتلطم ب الحسين (ع) بداخلي انتظر اشوف غضب بلكي الكاميره اطلعه لان ينزل وي الموكب مالتهم واخويه ويا والله وجان تجي الكاميره عليه شفته بس من شفته كأنما زلزال هز كياني وظلت الكاميره تروح وترجع عليه شفته انتبه للكاميره بس الي ثارني انه لزم جهازه وكام يخابر بس شكله يخابر احد يحبه ويريده يشوفه ظليت افكر وبالذات هو ابتعد حيل هل الفتره ما كمت اشوفه ظليت افكر الليل كله وأخذت قرار انه أني اريد اترك غضب خلص بعد ما أريده ما اعرف ليش حسيت كل شي بداخلي تجاه مات بلحظه وحده وانكلبت المشاعر بداخلي من مشروع زواج إلى مشروع الخلاص من هل الزواج لان الخيانه حيل جانت واضحه عليه ياربي ليش هيج حسيت

ساره. كعدت الصبح تريكت وكتله لأمي قراري وتخبلت وما قبلت بجيت كتله ما أريده أحسه ديخوني كالت نفسيتج تعبانه وين تلكين مثل غضب ولد شهم وشاريج المهم عافتني وطلعت العصر معزومه عزه نزلت لكيت أبويه كاعده رجعت كتله قراري كلي نفسيتج تعبانه ماكو شي من الي ابالج واني راح اخابره يجي ونتفق اطلعون تشترون حلق حتى تطمنين انتي وهو هم
كتله ما اريد وبجيت كال بابا لتفكرين والله ماكو شي ابن اخويه واعرفه كل همه عمله وينه وين هل السوالف التعبانه وهو يخاف الله كلش علمهم عمج على خوف الله (عمي ناصر الي ازوج امهم بعد وفاة ابوهم هو الي رباهم وجان كلش متشدد وياهم بموضوع الصلاه والصوم والحلال والحرام) وهم حيل مطيعين اله بمثابة ابوهم

محمد. كلت هيج لساره حتى تطمن وبعطلة نص السنه اخلي يجيب حلقه ويلبسه حتى ترتاح هاي تعبانه من الدراسه ومخربطه مشاعره

غضب. أستجمعت كل قوتي ووعدت نغم أخطبه وحجيتله على بت عمي وساعدتني وشجعتني اروح لعمي وانهي كل شي

غضب. كعدت من الصبح ومقرر اروح لعمي وأكله خلص بعد ما أريد ساره بس يا ترى شلون راح يكون رده وخايف منه كلش لان واثق بيه وطلعت متوجه لبيت عمي بس الي بي بناء لان عمي هناك يتواجد

يتبع...

الكاتبه تماره الغراوي
شتتوقعون غضب راح يكله لعمه لو يرجع لصوابه 😇😇يله كتبو توقعاتكم
ماكو تفاعل ماكو نشر 😂😂