الحب لا يعرف القيود

البارت الرابع والعشرون

ساره. كتبتلي الدكتوره علاج جديد بس قوي لان الوضع سيء كلش واني اعرف السبب هو غياب أركان عن حياتي بعد الأمل وغياب من دون أي تبرير مر على غيابه شهرين وجان اخر حديث صريح كلش
من طلعت من الدكتوره قررت هاي هي خلص أني انسانه ما مكتوبلي الفرح لازم استسلم وخلص
ام ساره. اهلاََ ست ايمان شرفتي تفضلو حبايب ذوله بناتج
ايمان. اي
ام ساره. صلوات يخبلون تعالو يبنات
سهى وسرى. يله كومي نقدم شي ونسلم عليهم جايبه بناته خلي ندخل يمهم فشله وحدهن كاعدات
سهى. يله كومي والله مالي خلك
السلام عليكم
ايمان وبناته. وعليكم السلام حبايب شلونكم
سهى وسرى. تمام الحمد لله
ايمان. لعد وين ساره
ام ساره. والله طالعه وي صديقتي محتاجه غراض راح تشتريهن
ايمان. هواي حبيته مره اجيت للمدرسه وجانت وياج
ام ساره. اي صح
ايمان. بعد مقدمات مطوله طلبت ايد ساره لابني
ابني مهندس ومتعين ووضعنه الحمد لله وما عندي غيره
ام ساره. والله النه الشرف بس اخذ رائي البنيه وابوه وميصير خاطرج اله طيب
سهى. هلو هاي منين طلعت خرب بالحظ اي والله هسه شلون هذا ارفضه وشندبر عذر لأمي
بعد ما طلعت هي وبناته امي مكيفه كلش
ام ساره. والله خوش نصيب وميرد الله راح يعوضه لساره عن غضب وتفكس عيونه
سهى. اي ان شاء الله بس خلي توافق
ام ساره. وليش ترفض خاف عباله صغيره وحتى جامعه هاي اخر سنه اله وتخلص بسرعه ويضمنه تطبيق يعني مو صعبه
سهى. لا بالعكس أصعب سنه الرابع
ام ساره. اي تعقد وبعدين تزوج
سهى. لو يجي الحمزه متقتنع وبصراحه هاي حجي من عندي حتى أقنعه الرابع أسهل مرحله اصير لان تطبيق وبحث وصور تخرج و...
بس لازم اكو حل يرفض بي ويارب ماكو غير ساره
ابو ساره. ها بابا كملتي اجي عليكم
ساره. اي بابا تعال خلصت
وبقينه ننتظر أبويه يجي لحد ما اجه علينه ووصلنه صديقة امي لبيته ورجعنه للبيت واول ما دخلت شفت الفرحه بعيون امي بس ماكدرت افسر سبب الفرحه وبس سئلتني على الدكتوره
ام ساره. ها شكالت الدكتوره
ساره. 😭😭😭😭
ام ساره. يا شبيج ماما
ساره. شبيه يعني تدرين 😭😭أني راجعه لنقطة الصفر وكل التحاليل موزينه
ام سارة. نغير الدكتوره نشوف غيره
ساره. شغير وهي افضل دكتوره ب المحافظه حتى يجوه من غير محافظات
ام ساره. اي لعد اصبري والله يسهل
ابو ساره. سهله ان شاءالله بابا لتفكرين
ام ساره. محمد بله تعال اريدك
ساره. وعقدت امي اجتماع مغلق بغرفته
سهى. وج تعالي مصيبه
ساره. شكو شبيج
سهى. غير خطوبه الج ومتتفوت
ساره. عااا😫منو
سهى. ابن ست ايمان
ساره. وين شايفيني ابن ست صخمان خرب بالحظ
سهى. اوكفي شلون ارفضه هسه
ساره. ما ادري اني راسي ديموتني من الوجع والله شبعت بجي حتى ما اكدر افكر
سهى. لا تفكرين غصب
ساره. بداخلي اوف يا سهى انتي متدرين أركان ترى تراجع وبعد ميريد
شفكر سهى ربج شلون يريد يجيبه خلي يجيبه

سهى. اتعذري كولي ما اريد لضغطون عليه وابجي
ساره. شكد امج فقيره وتعبر عليه هل السوالف
سهى. اي لازم تتعذرين
ساره. اي خو طبعاً مو مطيته وعد أنتظره
ام ساره. اكلك محمد اكو ناس جاين على ساره وخوش ناس ترى البيت هادئ مابي احد واني اعرف امه مشرفه وتخاف الله وابنه مخلص ومهندس ومتوظف وزوجه هم خوش انسان
ابو ساره. نسئل عنهم وان شاء الله خير بس كون هي هم تقتنع
ام ساره. وليش متقنع تلكه مثله ولد مرتب وأهله خوش ناس
ساره. طبعاً اني مو ذاك الجمال شكلي عادي وكأي بنيه بس بعد كأنما اختبار من رب العالمين كل هل العراقيل
ام ساره. ساره تعالي اكلج
ساره. وج سهى شكله دصيحلي
سهى. كليله ما مفكره هسه ازوج
ساره. يله يارب سهله عليه راح أكله واشوف رده
ام ساره. تعالي دخلي وسدي الباب وراج شوفي ساره ماما انتي كبرتي واحنه نعتبر غضب مرحله وعدت ومريده تأثر عليج بالعكس أريده تجربه انطتج القوه والشجاعه تحققين احلامج وتنطلقين لحياة كله سعاده وأمل ونجاح حبيبتي
اليوم ست ايمان اجتي خطبتج لابنه وابنه مهندس ومتوظف وعائلتهم مرتبه وهادئه وانتي الوحيده بالبيت لان بس هو لأهله فكري منا لباجر وانطيني خبر
بس اني وابوج مقتنعين بي وراح نسئل عنهم والي الله يقدمه هو الخير ان شاء الله
ساره. يمه كملتي أني ما اريد ازوج هسه ابد
ولا مفكره بالموضوع
ام ساره. لا فكري لان هيج قسمه مو كل يوم تنعاد
ساره. ما اريد
ام ساره. ترى اخذنه رائيج مو معناته ترفضين بكيفج
ساره. كتلج ما اريد ليش اضغطين عليه يمه أني علاج بعده ما خلص وعلاجي قوي شلون تريدين ازوج وبراسي عائله كامله اصير وكون اقوم بكل واجباتي ومحد يرحم
وأمه اداوم من الصبح للعصر تقريباََ يعني البيت كله براسي واني اي ضغط اتعرضله هنا افقد الوعي ف من المستحيل أوافق ابد لان تريدني خدامه واني مراح اكدر اكون ناجحه فعيفيني
واني متفقه وياكم بعد موضوع الزواج محد يضغط عليه ولا يجبرني مثل غضب من جبتي الامه الاسلاميه حتى أوافق بعد خلص أني كبرت وعندي عقل افكر واحدد مصيري
ام ساره. راح اسوي نفسي ما سمعت منج شي وروحي فكري اسبوع وراه نسولف
ساره. مجرد قتل وقت ترى
عفته وصعدت فوك
سهى. ها شصار
ساره. امج قافله اله أوافق
سهى. لتوافقين ابد ارفضي وحاولي لحد اخر يوم ترفضي
ساره. والله امي بطرانه عباله أني ساره الي تعرفه قبل متدري تغيررررت
وراه نمت من التعب والبجي والعلاج كلش قوي صار بحيث من أخذه انسطر
نمت نومه كله قلق وحزن وتعب وفراق وفقدان وووو من كل شي ما مرتاحه
كعدت من الصبح راسي يموتني ورائساََ بديت بالتفكير وراه خابرت صبا
صبا. صباح الورد شلونج عيني
ساره. صباح الانوار عمري صبا أني 😭😭😭
صبا. ها شكو ولج احجي
ساره. 😭😭😭🤧🤧السمايل موضح الفكره ههه
صبا. يعمري بس هدئي وكليلي شبيج وج قلبي صار نار عليج
ساره. محتاره واحس ضايعه
صبا. سوده عليه وج هواي تعذبتي انتي
ساره. صبا اكو واحد خاطبني وامي تلح اله أوافق عليه
صبا. ابد سابقاََ وافقتي ب اختياره وجان تعيس بعد خلص قرري انتي
ساره. ما اكدر شكله متقنع
صبا. صري على رفضج هسه تمل منج
ساره. ما اتوقع وشي ثاني تدرين أركان ابد ميسئل عني من آخر مره الي كتلج بيه
صبا. عساه ما سئل سامعه احد مات من الفراك
ساره. لا بس وج القلب شيصير وشيتحمل مدكليلي تعبت والله تعبت
صبا. اوووف الله يعوض صبرج خير ان شاء الله
ساره. أمين يارب العالمين
خلصت الاتصال كمت نزلت جوه وبده يومنه ك اي يوم عادي مابي اي اختلاف مجرد امي عده موضوع جديد الي هو أنه البنيه لازم تزوج وبالذات من ولد زين ووووو
محمد. بديت اجري اتصالاتي واسئل عن الولد وأهله والكل يمدح بيهم يا الله الحمد لله
ام ساره. ها بشر
محمد. والله الكل يمدح بيهم وب اخلاقهم وان شاء الله خير بس بتج شنو رائيه
ام ساره. انت صيحه واسئله
محمد. ساره بابا تعالي
ساره. نعم
محمد. بابا هذا الولد سئلت عنه والكل يمدحون ب أخلاقه انتي شنو رائيج
ساره. ما موافقه وكتله لأمي من اول يوم
محمد. ليش بابا
ساره. بابا أني عندي علاج وعلاجي ووووو
محمد. على راحتج الي يريحج شنو هو الي يصير
ام ساره. لا فكري زين ميرفض الولد
ساره. ما افكر وخلص
ام ساره. كعدت العصر خابرت اخويه الصغير جاي من لندن جان عايش هناك ودائماً يكعد وي البنات ف هواي يتأثرون بي راح اخلي هو يحجي ويا ويقنعه بصوره مباشره
عماد. الووو هلو حبيبتي شلونج
ام ساره. شلونك انت حبيبي اكلك عماد
عماد. كولي
ام ساره. ساره جايه ناس وووو......
عماد. خوش نصيب ليش ترفض
ام ساره. يمكن تخاف من موضوع ابن عمه
عماد. بالليل اجي واكعد وياه وافتهمي منه تدللين
ام ساره. اشكرك
عماد. ماشي خو ما محتاجه شي بعد
ام ساره. لا حبيبي
ساره. حسيت انه لازم أوافق لان امي حيل دتضغط عليه وعذري ما مقنع بس لازم احاول وبعده اقرر
عماد. شلونكم حبيباتي
البنات. هلو خالو شلونك وكلنه رحنه بسناه
عماد. اريد عشاء منو يسويلي
البنات. احنه
عماد. ههه لا اريد من ايد ساره
ساره. تدلل خالو من عيوني
رحت سويتله نواشف كبه وبورك وفنكر وطماطه وزلاطه وخضروات وهل السوالف وخليتهم بصينيه ورحت وديته اله
عماد. حبيبتي ودي للأستقبال وهسه راح اجي اريد اسولف وياج بس انتي وحدج
ساره. اها ماشي ورحت وديته بس عرفت امي مدخلته ب السالفه شكد اكره هذا اسلوبه الي كله ضغط
عماد. بسته لساره شلونج حبيبتي خالو
ساره. تمام
عماد. شكو ماكو احجي
ساره. قررت اني ابدي واطلب منه يساعدني 😂😂اتغده ب امي قبل متتعشه هي بيه
اكلك خالو اكو شي اريد اخذ رائيك بي
عماد. سويت روحي ما ادري وبديت أكل اي احجي اسمعج
ساره. اول شي انت شمدريك بيه شي
عماد. من وجهج امبينه بيج شي
ساره. اي خالو اكو واحد متقدملي وخاطبني واني ابد ما مقتنعه بي
عماد. ليش على شنو اعتراضج
ساره. خالو ما اعرف ما مرتاحه وعلاجي وأمه موظفه يعني كل الشغله راح يكون عليه وكون اوفق بين الجامعه والبيت والشغل أني هنا وما أللحك شلون هناك
عماد. امه تساعدج خو من ترجع او قسمي الشغل بينكم
ساره. خالو ما مقتنعه ما اعرف ليش
عماد. على راحتج واني هم مثل رائيج
ساره. اي خالو واحجي وي امي وانت فهمه رائي
عماد. هاي هي اتفقنه
خلصت العشاء وطلعت بره سويت الوضع طبيعي وكعدته سوالف وضحك وراه صعدو البنات بديت احجي وي اختي
ام ساره. ها كول شنو كلتلك شفتهمت منه ليش رافضه
عماد. شوفي تدرين كل بنيه اداوم جامعه يكون طموحه انه هي تأخذ واحد وياه او على الاقل هو مختاره ومعجب بيه فيجوز هي معجبه بواحد او تتأمل اكو واحد يخطبه وعاجبه انتي ليش تلحين عليه معقوله ما طاخه عندج
ام ساره. ماعندي بنيه تختار
عماد. خرجي نفسج من هل الفكر الرجعي الإنسان عباره عن مشاعر واحساس منكدر نتحكم بمشاعرنه واحاسيسنه ولا نكدر نسيطر اذا الحب دك باب القلب وهي بمجتمع مختلط يعني تحريك المشاعر كلش بسيط يتحرك وبسرعه تنعجب وحتى تحب ف اخر مره راح اكلج لجبريه ابد على شي حتى لتخسرين بتج وصديقتج وتكرهج بتج واظل تعتبر فشله انتي فطلعي من حياته ومن هذا الموضوع بالذات هذا اخر شي اكدر اكوله الج
وها هذا كلامي مو معناته انه ساره كلتلي احب ابد بس كالت ما مقتنعه وعلاج وهل الأعذار بس اني دا أوضح الج الصوره حتى تكونين أكثر قرب لأفكاره وتركيه على راحته