الحب لا يعرف القيود

البارت الخامس عشر

بارت سريع 💕🌹

واذا مررتم على ذوات القلوب القاسيه فسلاماََ مني لهم لقد طال بي البعد ولا طاقة لي تحمل هذا الجفاء فقلبي متعطش لكم كعطش عابر سبيل في صحراء قاحله أتعبته حرارة الشمس وقلة المياه

أركان. بدت العطله وبديت البحث عن عمل وتعين وبالي كله يمه شلون اكدر ب اسرع وقت ممكن انه أرتب وضعي انه أشتغل او اتعين وبالعطله كله اني بديت اتفق وي ولد انه يكونون عليه عيون مراقبه بدل مني لان اني تخرجت ومراح اكدر هلكد اتواجد بالجامعه وجندت شبكة استخباراتيه كامله يتبعون كل حركاته وتصرفاته ومنو يتعرضله حتى توصلني اخباره كامله واول ب اول
أخ يا ساره ما اجيتي اله بالوقت الي أنتهى وقت دوامي بالجامعه والله ابتلاني بحبج بس شلون بلوه تخبل صرت كل يوم ما انام اذا ما اذكر شكله وتصرفاته وبرائته وعفويته خجوله كلش بس بداخله عاطفه واضحه على عيونه ورومانسيه إلى درجه واني عشقي المره الرومانسيه الي تفيض منه ألأنوثه والرقه وجان كل طلبي متوفر بساره

ساره. بلشت العطله وطبعاََ احنه البيت مالتنه ميخله من الخطابه لست سهى كل يوم جاين ناس ونكعد ارتب وأنظف ونحضر الضيافه وعلى هل المنوال وتالي يجون وادكول ما اريد لو هم ميقتنعون عادي اصير بكل بنيه مو شي جديد
وبديت اسمع من بعيد انه أركان ديسئل عني ولد قاعتنه وتعرفون بكل قسم اكو بنات يصيرون صديقات الولد والبنات وماكو سالفه تنضم كل الحجي يوصل فجان يوصلني كلامه عنه وانه هو مصر على طلبه واني هم احاول اوصله خبر خلي يترك لان ما اقبل بس الي لفت نظري طالبه ويانه بالقاعه ما عندي علاقه بيه تواصلت ويايه وكلتلي اكو ولد خاطبج من الرابع كتله اي بس رفضت كالت زين سويتي ترى ميفيدج ابد وهذا مريض كتله شمدريج كالت أني اعرف ولد وهو سولفلي عليه كتله هو اني هم نهيت الموضوع ويا كالت اي تركي حتى لو رجع كرر الطلب منج لتقبلين بوقته تفاجئت ليش دسوي هيج هي شدخله بقراري شكد حشريات ومتطفلات

بيت غضب
اليوم زواج هديل ست الحسن ولازم نعزم الأقارب نسوان عمه وخواله وووو
الأخ الأكبر لغضب. الووو السلام عليكم شلونج مرت عمي
ام ساره. ياهله وكل الهله
... إن شاء الله راح يكون زواج هديل الخميس
ام ساره. بالتمام ان شاء الله
... حضورج مهم مرت عمي
ام ساره. إن شاء الله احضر